Dasturchi blogi

Yuqoridagi yozgan postimga 'https://t.me/shoxaonline/4065?comment=13500' rel='nofollow'>mana bu yerda bir kishi fikr bildiribdi. Men ham fikr bildirmoqchiman.

1) Qilgan xatoyimni tan olaman. Lahja bilan shevani chalkashtirdim. Aslida lahjaga quyidagicha taʼrif beriladi: “Lahja umumxalq tilining quyi bosqichi hisoblanadi, u shevaga nisbatan keng maʼnoga ega boʻlib, shevalar yigʻindisidan tarkib topadi.“ (Oʻzbekiston milliy ensiklopediyasidan). Bu xuddi “Avtomobil” deyishning oʻrniga “Captiva” deb ketganga oʻxshaydi. Lekin kechirsa boʻladi.

2) Men alifboga yangi harf qoʻshish kerak demoqchi emasman. Zotan, alifbomiz isloh qilishga muhtoj boʻlsa-da. Men shuni aytmoqchi edimki, hozirgi oʻzbek tilining qoidalarini tartibga solish kerak. Chunki til bu jonli narsa. Uni har doim isloh qilib borish kerak. Yangi harf qoʻshishning oʻrniga, mavjud harflarning qaysi oʻrinda qanday talaffuz qilish kerakligini aniq qoidalar bilan mustahkamlab qoʻyish lozim. Masalan, hammamiz bilamizki ingliz tilida 26 ta harf mavjud. Lekin harflar soʻzning qaysi qismida kelishi, qaysi harf bilan ishlatilishiga koʻra har xil talaffuz qilinish qoidalari ishlab chiqilgan. Misol uchun birgina a harfi ʌ, ɑ:, æ, ə, ɔ:, eɪ tarzida talaffuz qilinadi. Bu qoida hattoki undoshlarda ham bor. Masalan, c harfi.
Xullas, aniq qoidalar ishlab chiqilmasa shu kabi bahslar hech qachon tugamaydi.

3) Biror kishi haqida yaxshi bilmasdan turib, uni bilimsizlikda yoki kitob oʻqimaganlikda ayblash yaxshi emas. Toʻgʻri, biz oʻqimagan kitoblar hali osmon qadar, lekin umrimiz yetganicha oʻqishga harakat qilyapmiz.

@shoxaonline kanalida oʻzbek tilidagi bahsli harflar borasidagi abadiy bahs ketmoqda. Shu bahsga men ham oʻz fikrimni bildirmoqchi edim. Lekin fikrlar longread boʻlganligi uchun telegraphda ifodaladim. Erinmaganlar oʻqib chiqishi mumkin.

https://telegra.ph/Abadiy-bahs-11-15

​​An'anaviy vs Online

Mana 16-noyabrdan yurtimizning barcha OTMlari an'anaviy tarzda faoliyatini davom ettirishadi. Shuni alohida ta'kidlab o'tmoqchiman-ki, bu qarorga kelish Oliy ta'lim uchun oson bo'lmadi. Hozirgi sharoitda bu masala juda murakkab. Har taraflama o'ylab ish qilishni taqozo qiladi. Bu ofat barcha sohalardan ham ko'proq ta'lim tizimiga katta zarba berdi. Yosh avlodning bilim olishi oltinga teng bo'lgan davrida bu balo paydo bo'ldi. Boshqa sohalar o'zini tiklab olishi mumkin, lekin yoshlarning sifatsiz ta'lim olganlarini tuzatib bo'lmaydi. Saviyasiz kadrlar jamiyat rivojiga bolta uradi.

Shu o'rinda talabalarga aytmoqchiman-ki, an'anaviy ta'limni boshlar ekansiz, bu berilgan imkoniyat juda qimmatga tushayotganini har daqiqa yodingizda saqlang. Imkon qadar bilim olishga va sanitariya qoidalariga to'liq rioya qilishga harakat qiling. Hammaning ham immun tizimi bir xil emas. Ayniqsa keksa yoshli ustozlarimizni ehtiyot qilishimiz kerak. Ular bizga hali ko'p kerak bo'ladi. Tushunamiz, talabalar bir-birlarini sog'inganlar. Ular bir-birlari bilan quchoqlashib ko'rishishi tabiiy hol. Lekin mana shunday sharoitda shu narsani istisno qilishsa yaxshi bo'lar edi. Hali yaxshi kunlar oldinda. Yana avvalgidek zamonlarga qaytamiz Inshaolloh. Hozir esa, iloji boricha hushyor bo'lishimiz kerak. Hech birimiz bu kassallikni yuqtirib olmaymiz deb aytolmaymiz. Universitet zerikkanda borib chaq-chaqlashib keladigan joy emas. O'qing, o'rganing, bilim oling. O'zingizning va boshqalarning sog'lig'ini hurmat qiling.

​​Muhammad al-Xorazmiy nomidagi TATU Samarqand filiali bakalavriaturaning barcha yo‘nalishlari talabalari uchun qulaylik yaratish maqsadida filial ATM dasturchilari tomonidan 2020-2021-o‘quv yili shartnomalarini elektron rasmiylashtirish tizimi ishlab chiqildi.

Tizimdan foydalanish uchun shartnoma.samtuit.uz manzili orqali o'ting.

​​Big brother is watching you

Sarlavhada yozilgan gapning ma'nosini deyarli hamma tushundi deb o'ylayman. Ha, bu Jorj Ourellning o'sha mashhur "1984" asaridan. Asar XX asrning 50-yillarida yozilgan bo'lsada, kelajak haqida ko'p narsalarni oshkor qiladi. Aslida asar g'oyasi sobiq Sovet Ittifoqining kirdikorlarini fosh qilish edi.

Bugungi kunda nima ish qilmang, qayerga bormang hammasini kuzatishadi. Bu albatta hech kimga yoqmasligi mumkin. Lekin siz o'zingizga to'g'ri bo'lsangiz, yomon ish qilmasangiz nimadan qo'rqish kerak. Qaytaga bu yaxshi deb o'ylayman. Jinoyatchilik kamayadi, hamma o'ziga qarab yura boshlaydi, yo'l qoidalariga amal qiladi. "Oshing halol bo'lsa ko'chada ye" degan maqol borku.

Xulosa shuki, Axborot texnologiyalari faqat odamlarning shaxsiy dahilsizliklarini toptamaydi, aksincha davlatning va fuqarolarning shaffofligini va ochiqligini ta'minlaydi. Mana birgina telegram tarmog'ining yurtimizda rivojlanishi orqali qanchadan qancha kirdikorlar fosh bo'lmoqda, toptalgan haq-huquqlar tiklanmoqda.

Pastdagi rasm biz o'zimiz kutganimizdanda ko'proq kuzatuvda ekanligimizning isboti. 😉 Oddiy ko'chada yurganingiz, qayerlarga borganingiz, kimlar bilan suhbatlashganingiz hammasi ma'lum. Ular shunchaki, ismi sharifingiz yoki pasport raqamingizni kiritsa yetarli. Kuzatayotganlar ham begona emas, o'zimizning sobiq talabalar. Do'stlarimiz. Bizga shunaqa hazillarni yuborib turishadi. 😁

Big brother is watching you

https://youtu.be/0UGl3qhapWM

Nokia kompaniyasi 2022-yilda Oy yuzasiga 4G tarmog'ini o'rnatadi

Odamlar oyga uchishni boshlagunga qadar u yerda 4G texnologiyasiga asoslangan lokal tarmoq paydo bo'ladi. Bu haqda The Guardian nashri xabar bermoqda.

Nokia rasmiylariga ko'ra kompaniya Oyda birinchi uyali aloqa tarmog'ini qurish bo'yicha kelishuvga erishgan va yangi bozorni birinchi bo'lib egallash niyatida ekanligini e'lon qildi.
Bu buyurtma NASA tomonidan berilgan bo'lib, shartnoma summasi $14,1 millionga teng. Bu shartnoma esa NASAning Artemis loyihasining bir bo'lagi hisoblanadi. O'tgan haftada NASA "Tipping Point" texnologiyasi uchun 14 ta kompaniiyaga $370 million ajratganini ma'lum qilgan edi. Texnologiya robotexnikalarni ishlab chiqish, Oyda yashash uchun kerak bo'ladigan resurslarni zahiralashning yangi usullarini o'z ichiga oladi. Nokia taqdim etayotgan loyiha ham ushbu dasturning bir bo'lagi hisoblanadi.

Kelajakda 4G tarmog'i 5G tarmog'iga yangilanishi rejalashtirilgan.

Yaqin yillarda Oydagi qarindoshingiz bilan telefonda gaplashish imkoniyatiga ega bo'lisangiz ajablanmang. 😉

So'rovnoma to'ldirishda qisqa link bilan bog'liq muammo bo'layotgan ekan. Menimcha bu muammoning sababi havolalarni qisqa shaklga o'tkazib beradigan xizmat serveri bilan bog'liq. Bu muammoni chetlab o'tish uchun uzun havola bilan kirishni maslahat beraman.

https://docs.google.com/forms/d/e/1FAIpQLSeJPuu-w4KV9qpi4dlCH-l0OmrauyPKGx-I6rNaO1yEQkG5qg/viewform?usp=sf_link

Hurmatli TATU Samarqand filiali talabalari! Quyidagi havola orqali oʻtib, soʻrovnomani toʻldirib berishingizni iltimos qilamiz. Bu sizdan 1 daqiqa vaqt talab qiladi.

https://forms.gle/n3x8Zb29i2yE56Bx9