Comfort Crowd

Bu hayotda yashar ekansiz qiyinchiliklarga duch kelaverasiz

"Kachok" bo‘lmoqchimisiz, yillab umringizni sport zalida mashq qilgan holda o‘tkazishga majbursiz.

Mutaxassis bo‘lmoqchimisiz, sohangizni ipidan ignasigacha yillab vaqt sarflab, o‘rganishga majbursiz.

Fikrlashingizni o‘stirmoqchimisiz, turli xil insonlarning nuqtai nazarini tahlil qilib, o‘rganib chiqishga majbursiz.

Til o‘rganmoqchimisiz, minglab so‘zlarni yod olishga, grammatikadagi strukturalarni bilishga majbursiz.

Bu hayot shunday, harakat qilgan qiynalaveradi.

Mana shu qiyinchiliklarni, aniqroq aytadigan bo‘lsam, o‘zining qiyinchiliklarini yenggan insongina shaxsga aylana oladi. O‘z shaxsiyatiga ega bo‘la oladi.

Aksincha o‘z dardlaringizni, qiyinchiliklaringizni yenga olmasangiz, jamiyat ichiga singib, yo‘qolib ketasiz.

@doston_chustiy

Ranglar.

Demak, bugun sinab ko'rish uchun mashg'ulotlarning bir nechtasini sanab o'taman.

Aytgancha, aynan nimanidir qilib ko'rish uchun toqqa yoki g'orga borish shart emas. Atrofimizdagi oddiy narsalardan boshlasak ham bo'laveradi.

• Siz umuman oldin eshitmagan yoki yeb ko'rmagan taomni qilib ko'ring. Balki, italyancha, balki nemischa ovqat.

• Kutilmagan mashg'ulotlarga qatnashib ko'ring. Eng yorqin misol bu - volontyorlik. Agar siz yashaydigan hududda shunday jamoalar bo'lsa, ularga murojaat qilsangiz bo'ladi 🙃.
Agar buni ham iloji bo'lmasa, o'zingiz tashkillashtiring. Do'stlaringizni taklif qiling, birga chiqindilarni tersangiz bo'ladi yoki daraxt ekish.

• Bir hafta davomida ertalab yugurib ko'ring. Qancha vaqt davom etishi o'zingizga bog'liq. 20 minut, 40 minut - lekin baribir boshlanishiga kamroq vaqt yugurgan ma'qul, keyinchalik ko'paytirilsa, yana yaxshi.

• Rasm chizish - stressni kamaytirish uchun eng yaxshi usullardan biri. Nimadir chizish uchun rassom bo'lish shart emas. Oddiy narsalardan boshlang yoki shunchaki shakllar, hayolingizdagi narsalarni ham
chizsangiz bo'laveradi.

• Oldin siz umuman o'qimagan janrdagi kitoblardan o'qib ko'ring.

• Onlayn kurslar. 21-asrda bunday darslarni topish umuman qiyin emas. Shunchaki YouTubeni oching va o'zingizga yoqqan sohada nimadir o'rganing, masalan fotograflik, marketing yoki tikuvchilik.

• Maktabga/ishga boramiz. Yo'lingizni o'zgartirib ko'ring, sizga notanish bo'lgan, oldin yurib ko'rmagan yo'ldan yurib ko'ring.

• Bir kunni gadjetlardan umuman foydalanmasdan o'tkazib ko'ring.

Hayot faqat oq va kulrangdan iborat bo'lmasligi kerak.
Hayot bitta yoki bir nechta fanlarni ushlab olib, qattiq o'qishdan iborat bo'lmasligi kerak.

Yangiliklar kiritibgina uni ranglarga bo'yay olamiz. Va bu O'ZIMIZNI qo'limizda. Mana nega men postni ranglar, deya nomladim.

Shuni unutmasligimiz kerakki, har doim ham natija biz kutgandek bo'lmasligi mumkin. Ruhni cho'ktirmaslik, pozitiv fikrlash — eng muhimi. Yuqorida sanab o'tilgan mashg'ulotlarni qilishga harakat qilib ko'ring. Qani, natijasi qanday bo'larkan?

@Khojamovas