🏆CHOPSTTM

Chirchiqda zamonaviy sport majmualari bunyod etildi

Chirchiq olimpiya va paralimpiya sport turlariga tayyorlash markazida yangi bunyod etilgan suzish havzasi, boks, og‘ir atletika va kamondan otish zallarining ochilish marosimi hamda Navro‘z tantanalari o‘tkazildi.

Respublikada yetakchi sport-ta’lim maskanlaridan sanalgan mazkur markazda 595 nafar o‘quvchilar 27 ta sport turi bo‘yicha tahsil olmoqda.

E’tiborlisi, hozirda markaz sportchi-o‘quvchilarining 230 nafari turli sport turlaridan mamlakat terma jamoalari a’zolari hisoblanishadi. 3 ta xalqaro toifadagi sport ustasi, 220 nafar sport ustasi va nomzodlar tayyorlandi.

Badiiy chiqishlar, arqon tortish, tosh ko‘tarish, kurash, shaxmat-shashka, stol tennisi, qilichbozlik singari bellashuvlar yoshlarga zavq-shavq bag‘ishladi.

Tadbirda Sport vaziri o‘rinbosari Sh.Maxmudov, sport boshqarmasi boshlig‘i R.Boboqulov, O‘zDJTSU rektori R.Matkarimovlar ishtirok etishdi.

Web-Sayt | Telegram | Facebook | Instagram | Youtube

"Olimpiya cho`qqilari" sport musobaqalarida munosib ishtirok etish yuzasidan yig`ilish bo`lib o`tdi.

Toshkent viloyat sport boshqarmasi binosida viloyatda faoliyat yuritayotgan bir qator federatsiyalar ishtirokida kengaytirilgan yig‘ilish bo`lib o`tdi.

Unda federatsiyalar tomonidan amalga oshirilgan ishlar, natijadorlik, respublika va xalqaro musobaqalarga tayyorgarlik darajasi shuningdek, mamlakatimizda ilk bor o`tkazilayotgan "Olimpiya cho`qqilari" sport musobaqasida Toshkent viloyatini ishtiroki haqida so`z bordi.

Yigʻilishda Toshkent viloyati Sport boshqarmasi boshlig‘i R.Bobokulov soʻzga chiqib, yilda ikki marotaba uch bosqichda olimpiya sport turlari bo`yicha o`tkazilishi belgilangan "Yangi O`zbekiston Olimpiya cho`qqilari" sport musobaqalarining hududiy, tuman va shahar bosqichlarini yuqori saviyada tashkil etish va o`tkazish, ushbu musobaqalarda viloyat sportchilarini munosib ishtiroki hamda amalga oshirilishi zarur bo`lgan vazifalar belgilandi.

https://t.me/toshvil_sport

Bugun Oʻzbekiston Kasaba uyushmalari federatsiyasi Toshkent viloyati kengashi binosida kengaytirilgan tashkiliy qoʻmita yigʻilishi boʻlib oʻtdi.

Yigʻilishda viloyat Sport boshqarmasi boshligʻi R.Bobokulov, Oʻzbekiston kasaba uyushmalari federatsiyasi Toshkent viloyati kengashi raisi S.Fayziyeva hamda sport taʼlim muassasalari raxbarlari ishtirok etdi.

Tashkil qoʻmita yigʻilishida shaxar-tumanlarda va viloyatda shaxmat musobaqalarini tashkil qilish va oʻtkazish hamda sportchilarni respublika bosqichiga munosib tayyorgarlik koʻrish muhokama qilinadi.

Shuningdek, viloyatda ushbu sport turini rivojlantirish va ommalashtirish, bo‘lajak grossmeysterlarni eng yuqori darajada tayyorlash bo‘yicha kelishib oʻlindi.