ЧИНОЗ ҲАЁТИ

Севги қорин тўйдирмайди

Бир оилада икки киз фарзанд бор экан, кизлар улгайган сари оналари доим севги корин ту́йдирмайди дер экан.Йиллар у́тган сари кизлар улгайиб, у́кишга киришибди.Катта киз у́з курсдошини севиб колибди.Она канчалик каршилик килмасин, киз бир оёкда туриб олибди.Севган йигитига турмушга чикибди.Оз вактдан кейин иккинчи кизни ота она у́злари танлаган бадавлат оилага турмушга узатишибди.
Катта кизнинг кийинчилик кунлари бощланибди,турмуш у́ртоги бир кун ишли бир кун ишсиз, оилада бир хафтада бир марта хам гу́штли овкат йу́к экан.Опа синглисини уйига борганда хашаматли уй,хашаматли машиналар,эртаклардек хаётни ку́риб синглисига хавас килар экан.
Хаёти кийин бу́лса хам турмуш у́ртогини жуда севар экан.Катта опа анча сабр килибди.Бир куни эридан гу́шт олиб келишини су́рабди,эри кечга кайтганида гу́шт олиб келолмабди.Хаётим бир оз сабр килсанг, икки уч кунда ишхонамдан пул оламан, ва гу́шт сотиб оламиз дебди. Киз синглисини эслаб роса ху́рланибди, онасининг гаплари эсига тушибди.Севги корин ту́йдирмайди.Киз эртаси куни керакли буюмларини йигиштириб ойисини уйига караб йу́л олибди.Уйга кирса, сингли хам келган экан.Синглисини ку́риб роса севинибди.Овкат килишибди опа сингиллар,овкатга у́тиришганида,сингли бирдан йиглаб юборибди Ойижон мен энди у уйга хеч хам кайтгим йу́к.Ойижон мени тушунинг: У оилада,уйимиз бору,аммо мен яшашимга хона йу́к,кийимларим бору, кийадиган ку́йлагим йу́к, еб ичишга хамма нарса бору, халоват йу́к, у уйдаги хамма ашёлар эрим учун мендан хам кийматли.
Чунки оилада севги йу́к, мехр йу́к, ишонч йу́к дебди.Бу гапларни эшитиб, опаси ойижон менга рухсат беринг, кетишим керак, куёвингиз келадиган вакт бу́лди деб рухсат олиб уйига шошилибди.
киссадан хисса шуки...!!!
Севги корин ту́йдирмайди.
Аммо севги бор уйда мехр мухаббат,ишонч бу́лади.

@chinozhayoti

МАСОФА

    Бир устоз ўз шогирдларидан сўради:
    - Одамлар ўзаро жанжаллашганида нима учун бақириб гапирадилар?
    - Чунки улар ўз тинчларини йўқотадилар, безовта бўладилар, - деди шогирдлардан бири.
    - Лекин ёнгинасида турган одамга бақириб гапириш нима учун керак?  Ахир шивирлаб гапирса ҳам эшитадику? - сўради яна устоз.
    Шогирдлар турли хилдаги жавобларни бердилар. Шунда устоз деди:
    - Одамлар ўзаро жанжаллашганида уларнинг қалблари бир-биридан узоқлашиб кетади.
    Бир қалбдан айтилаётган сўзлар шу масофани босиб ўтиб нариги қалбга етиб борсин учун одамлар бақириб гапира бошлайдилар.
   Улар қанчалик қаттиқ уришсалар, бир-биридан шунчалик қаттиқ хафа бўладилар  ва шунчалик қаттиқ гапирадилар.
   Одамлар ўзаро дўст бўлсалар-чи? Улар бақирмайдилар, балки сокин гаплашадилар. Чунки уларнинг қалблари бир-бирига яқин, орасидаги масофа қисқа бўлади.
    Одамлар бир-бирини қанчалик яхши кўриб боргани сайин улар орасидаги мулоқот овози шунчалик пасайиб боради.
    Ўзаро муносабат чин мухаббатга айланганида ҳатто шивирлаб гапиришнинг ҳам зарурати қолмайди.
    Чин муҳаббат эгалари бир-бирини сўзсиз ҳам тушунадилар. Шунинг учун, ўзаро бахслашар экансиз қалбларингизнинг бир-биридан узоқлашувига йўл қўйманг.
     Орадаги масофани узоқлаштиришга сабаб бўладиган сўзлардан тийилинг.
     Акс ҳолда, қалблар бир-биридан шунчалик узоқлашиб кетиши мумкин-ки, кейин ортга қайтишнинг имкони қолмайди...

Jaloliddinrumiyy

@chinozhayoti

14-январ — Ватан ҳимоячилари куни

Нега айнан 14-январ Ватан ҳимоячилари куни сифатида нишонлашини билармидингиз?
Билмасангиз билиб олинг.
14 январ Ўзбекистон Республикасининг суверенитети, худудий яхлитлиги, аҳолининг тинч ҳаёти ва хавфсизлигини ҳимоя қиладиган касб эгалари – Ватан ҳимоячилари куни ва Ўзбекистон Республикаси қуролли Кучлари ташкил топган кун сифатида нишонланади. Байрам санаси Ўзбекистон Республикаси қуролли Кучлари тарихидаги қуйидаги энг муҳим воқеалар билан боғлиқдир:
1991 йилнинг 31 август куни «Ўзбекистон Республикаси давлат мустақиллигининг асослари тўғрисида»ги Ўзбекистон Республикасининг қонуни қабул қилинди. Ушбу муҳим ҳужжат ёш республикамизга ўзининг ҳарбий сиёсатини юритиш ҳуқуқини берди. Шу куни эълон қилинган «Ўзбекистон Республикасининг давлат мустақиллиги тўғрисида»ги баёнот эса миллий қуролли Кучларимизни ташкил этиш учун ҳуқуқий асос бўлиб хизмат қилди. 1991 йил 6 сентябрдаги «Мудофаа ишлари вазирлигини ташкил этиш тўғрисида»ги Ўзбекистон Республикаси Президентининг Фармони соҳанинг илк пойдевори саналади. 1992 йил 3 июл куни Ўзбекистон Республикаси Президентининг Фармонига мувофиқ Ўзбекистон Республикаси Мудофаа ишлари вазирлиги Ўзбекистон Республикаси Мудофаа вазирлигига айлантирилди. 1992 йилнинг 14 январ куни Ўзбекистон Республикаси Олий Кенгашининг «Ўзбекистон Республикаси худудида жойлашган ҳарбий қисмлар ва ҳарбий ўқув муассасалари тўғрисида»ги қарори жуда муҳим тарихий аҳамиятга эгадир. Мазкур қарорга кўра давлатимиз ҳудудидаги ҳарбий тузилмалар республика тасарруфига олинди. 1993 йил 29 декабр куни Ўзбекистон Республикаси Олий Кенгашининг қарори билан «14 январ – Ватан ҳимоячилари куни» деб белгиланди. Ватан ҳимоячилари кунини нафақат ҳарбий хизматчилар, балки айни вақтда армия сафларида ўз бурчини ўтаб қайтган ватандошларимиз ва эртага хизматга борадиган минг-минглаб навқирон йигитларнинг байрами, деб қабул қилинган. Ушбу байрам муносабати билан ҳар йили тантанали тадбирлар ўтказилади, Ўзбекистон Республикаси Президенти, қуролли Кучлар Олий Бош қўмондонининг Ватан ҳимоячиларига йўллаган табриги чоп этилиб, унда қуролли Кучлар олдида турган энг долзарб вазифалар белгилаб берилади. Она юртимиз ҳар доим ўзининг мард, жасур йигитлари билан фахрланиб келган. Йигитларимиз ота-она ва оиласини, ўзи яшаётган юрт тупроғини муқаддас билиб, Ватан ҳимояси учун доимо шай туришни бурч деб ҳисоблаган. Ушбу байрамнинг нишонланиши халқимизнинг ўз миллий армиясига нисбатан чексиз ҳурматини, алп йигитларига нисбатан ифтихорини билдиради. Фурсатдан фойдаланиб, барча Ватан ҳимоячиларини ушбу муборак байрам билан табриклаймиз ҳамда уларга оилавий тинчлик-хотиржамлик, соғлиқ-саломатлик тилаб қоламиз. Ҳаётингиз доимо шараф ва зафарларга тўлиқ бўлсин. Ватанимиз осмони доимо мусаффо бўлиши учун ҳар доимгидек ўз куч-ғайратингизни аяманг! Барчани Ватан ҳимоячилари куни билан табриклаймиз! Байрамингиз муборак. азизлар!!!

@chinozhayoti

⚡Тошкент вилоятида 15 ёшли йигит ўзини осиб қўйди

Чиноз тумани ИИБ навбатчилик қисмига келиб тушган хабарга кўра, 2025 йил 12 январь куни тахминан соат 14:10 ларда Чирчиқ шаҳар "Химпоселок” МФЙдаги хонадонда доимий рўйхатда туриб, вақтинчалик Чиноз туман “Сутчилар” МФЙда яшовчи 2009 йилда туғилган А.О. яшаш хонадонининг молхонаси устунига арқондан сиртмоқ ясаб, ўз жонига қасд қилиб вафот этган.

Мазкур ҳолат юзасидан туман прокуратураси томонидан терговга қадар текширув ишлари олиб борилмоқда.

@chinozhayoti

МАСОФА

    Бир устоз ўз шогирдларидан сўради:
    - Одамлар ўзаро жанжаллашганида нима учун бақириб гапирадилар?
    - Чунки улар ўз тинчларини йўқотадилар, безовта бўладилар, - деди шогирдлардан бири.
    - Лекин ёнгинасида турган одамга бақириб гапириш нима учун керак?  Ахир шивирлаб гапирса ҳам эшитадику? - сўради яна устоз.
    Шогирдлар турли хилдаги жавобларни бердилар. Шунда устоз деди:
    - Одамлар ўзаро жанжаллашганида уларнинг қалблари бир-биридан узоқлашиб кетади.
    Бир қалбдан айтилаётган сўзлар шу масофани босиб ўтиб нариги қалбга етиб борсин учун одамлар бақириб гапира бошлайдилар.
   Улар қанчалик қаттиқ уришсалар, бир-биридан шунчалик қаттиқ хафа бўладилар  ва шунчалик қаттиқ гапирадилар.
   Одамлар ўзаро дўст бўлсалар-чи? Улар бақирмайдилар, балки сокин гаплашадилар. Чунки уларнинг қалблари бир-бирига яқин, орасидаги масофа қисқа бўлади.
    Одамлар бир-бирини қанчалик яхши кўриб боргани сайин улар орасидаги мулоқот овози шунчалик пасайиб боради.
    Ўзаро муносабат чин мухаббатга айланганида ҳатто шивирлаб гапиришнинг ҳам зарурати қолмайди.
    Чин муҳаббат эгалари бир-бирини сўзсиз ҳам тушунадилар. Шунинг учун, ўзаро бахслашар экансиз қалбларингизнинг бир-биридан узоқлашувига йўл қўйманг.
     Орадаги масофани узоқлаштиришга сабаб бўладиган сўзлардан тийилинг.
     Акс ҳолда, қалблар бир-биридан шунчалик узоқлашиб кетиши мумкин-ки, кейин ортга қайтишнинг имкони қолмайди...

Jaloliddinrumiyy

@chinozhayoti

#хушхабар

⚡️⚡️Энди тадбиркорлар электрдан қарз бўлиб қолган тақдирда ҳам электр таъминотидан узиб қўйилмайди

Тадбиркорлик субъектларининг фаолият турларидан келиб чиқиб, электр энергияси учун белгиланган молиявий ва маъмурий жарима миқдорлари қайта кўриб чиқилади. Хусусан, жаримадан қарздорлик ҳисобига тармоқдан узиш ўрнига бўлиб-бўлиб тўлаш имкониятини бериш режа қилиняпти.

@chinozhayoti

#Диққат

❗️Россия ва Қозоғистонда Хитойда аниқланган янги метапневмовирус тарқалмоқда

У атиги 24 соат ичида пневмонияга олиб келади.

Қўшни Қозоғистонда 30 киши Хитойда аниқланган янги метапневмовирус билан касалланган, мамлакат ССВ аҳолини профилактика чораларига риоя қилишга ва гавжум жойларда алоқани чеклашга чақирган эди.

Бу вирус ковиддан ҳам хавфли ва ҳалокатли бўлиб, у нафас олиш тизимига ва ўпкаларига жиддий зарар етказиб, тез ривожланади. Касаллик ўз вақтида даволанмаса, оғир оқибатларга, ҳатто ўлимга олиб келиши мумкин. Шифокорлар хавфсизлик чораларини кўришни, одамлар гавжум жойлардан узоқроқ юришни, қўлларни мунтазам ювиб туришни ва хоналарни тез-тез шамоллатишни тавсия қилишмоқда.

@chinozhayoti

Ўзбек ҳукмдорларининг бугунги авлодлари қаерда?
19 июля 2024 от Yoshlar kundaligi
Ўзбек давлатчилиги уч минг йилдан ортиқ тарихга эга. Шу давр ичида мамлакатимиз ҳудудида юзлаб турли сулолалар ҳукмронлик қилган. Уларнинг айримлари бугунги Ўзбекистондан бир неча баравар катта ҳудудларни бошқарганлар.
Мамлакатимиз ҳудудидаги сўнгги монархия тарих саҳнасини тарк этганига бир асрдан ошди. Ўзбекистон роппа-роса юз йил муқаддам Совет иттифоқи таркибидаги республика мақомини олди ва 1991 йил 1 сентябрда ўз мустақиллигига эришди.
Хўш, юртимизда ҳукм сурган тождорларнинг авлодлари бугун қаерда? Улар нима билан машғул? Келинг, улардан айримлари ҳақида фикр юритамиз.
Бобурийлар:
Маълумки, Заҳириддин Муҳаммад Бобур шайбонийлар томонидан Мовароуннаҳр тупроқларидан сиқиб чиқарилгач, 1525 йилдан эътиборан Ҳиндистонга кириб боради ва ўз давлатига асос солади. Бу сулола 1858 йилда инглизлар томонидан маҳв этилади. Салтанатнинг сўнгги вакили Баҳодиршоҳ Зафар II Бирмада, сургунда вафот этади. Айрим маълумотларга кўра, униг оила аъзоларидан аксарияти инглиз ҳукуматининг топшириғига биноан қириб юборилган.
Зайниддин ака Мавлонов ўзини мазкур сулоланинг Ўзбекистондаги сўнгги вакилларидан, деб билади. 1950 йилда Сирдарё вилоятининг Боёвут туманида туғилган, ҳозир Тошкент шаҳрида истиқомат қилувчи Зайниддин ака Заҳириддин Муҳаммад Бобурнинг эркак шажараси бўйича 15 авлоди ҳисобланади. Унинг сўзларига кўра, инглизлар Ҳиндистонга ҳужум қилганида унинг 6 ёшли бобоси шаҳзода Мирҳазор (Мирзо Муҳиддин) Бобурийлар сулоласининг аёллари томонидан Кашмирга қочириб юборилади.
Кейинчалик инглиз разведкаси шаҳзода ҳақида хабар топгач, у Кашмирдан Қобулга ўтиб, Моваруннаҳрга келади ва Бухоро амирлигида яшаб, шу ерда оила қуради.
1920 йилда Бухорони эгаллаган Фрунзе бошлиқ қизил аскарлар шаҳзода Мирҳазорни отиб ташлайди ва Зайниддин Мавлоновнинг отаси, Бобурнинг 14 авлоди Носириддин Мирзони оиласи билан Сирдарё (олдинги Мирзачўл)га сургун қилади. 
Бобурийлар сулоласининг давомчиси бўлган ушбу оила ҳақида аста-секин кўпчилик хабар топади. Зайниддин Мавлонов кўплаб ҳужжатлар, китобларни ўрганиб, ҳақиқатдан ҳам Мирзо Бобурнинг авлоди эканлигини кўпчиликка исботлайди. Бобурийларнинг сўнгги ҳукмдори Баҳодиршоҳ Зафар II нинг қизларидан туғилган авлодлари бугун Ҳиндистонда ва Покистонда истиқомат қилишади.

Муаллиф: Рустам Жабборов

"Ёшлар кундалиги" дан олинди

@chinozhayoti