CHILONZOR TUMAN 2-SON POLITEXNIKUMI

1 mart - xalqimizning atoqli shoirasi Zulfiya tavallud topgan kun

Zulfiya - taniqli va iqtidorli o‘zbek shoirasi. U 1915 yilda Toshkent shahrida hunarmand-degrezchi oilasida tug‘ilgan.

Zulfiya o‘rta maktabni va ayollar pedagogika bilim yurtini tamomlab, respublika gazeta va jurnallarida ish faoliyatini boshlagan. Uning ilk she’rlari “Yangi yo‘l” jurnali, “Qizil O‘zbekiston” hamda “Yosh leninchi” gazetalarida chop etilgan.

1932-yilda “Hayot sahifalari” ilk she’riy to‘plami omma yuzini ko‘rdi.

1938-yildan u turli yirik nashriyotlarda ishlaydi, respublika va respublikalararo har xil tashkilotlar a’zosiga aylanadi. Uzoq yillar “Saodat” jurnali bosh muharriri bo‘lib ishlagan.

Iqtidorli shoira va yozuvchi, inson qalb tug‘yonlarini o‘tkir bilimdoni bo‘lib, turli janrlarda asarlar yaratgan: dostonlar, balladalar, elegiyalar, nasriy she’rlar, hikoyalar, ocherklar, publissistik maqolalar va gazeta xabarlari.

Shoiraning eng mashhur she’rlari: “Hulkar”, “Men tongni kuylayman”, “Yuragimga yaqin kishilar”, “Yurak yo‘lda”, “Mening bahorim”, “Sharshara” kabilardir.

2004 yil O‘zbekistonda Zulfiya nomidagi Davlat mukofoti ta’sis etilib, adabiyot, san’at, ilm-fan, madaniyat va ta’lim sohalaridagi muvaffaqiyatga erishgan, yoshi 14 dan 22 yoshgacha bo‘lgan qizlarga har yili 8 mart - Xalqaro xotin-qizlar kuni taqdim etiladi.

✅Toshkent shahar Oliy ta’lim, fan va innovatsiyalar boshqarmasi axborot xizmati

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter

Oʻzbekiston va Pokiston oʻrtasida taʼlim, fan, texnika va boshqa bir qator yoʻnalishlarda bitimlar imzolandi

Oʻzbekiston va Pokiston oʻrtasida ikki tomonlama bitimlarning salmoqli toʻplami imzolandi. Bu haqda Oʻzbekiston Respublikasi Prezidenti matbuot xizmati xabar berdi.

Muzokaralar yakunida Oʻzbekiston Respublikasi Prezidenti Shavkat Mirziyoyev va Pokiston Islom Respublikasi Bosh vaziri Shahboz Sharif koʻp qirrali Oʻzbekiston-Pokiston hamkorligini yanada rivojlantirish va mustahkamlashga qaratilgan Qoʻshma deklaratsiya imzolangan.

Ikki mamlakat yetakchilari huzurida imzolangan quyidagi hujjatlar orasida

- Fan, texnika va innovatsiyalar sohasidagi hamkorlik toʻgʻrisida bitim;
- Professional taʼlim sohasidagi hamkorlik toʻgʻrisida bitim;
- Yoshlarga oid siyosat sohasidagi hamkorlik toʻgʻrisida bitim;
- Diplomatik akademiyalar, Toshkent va Lahor shaharlari oʻrtasidagi hamkorlik toʻgʻrisidagi bitimlar va ahdlashuvlar hamda boshqa hujjatlar.

✅Toshkent shahar Oliy ta’lim, fan va innovatsiyalar boshqarmasi axborot xizmati

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter

2025-йил 21-февраль куни Чилонзор туман 2-сон политехникумига Мирзо Улуғбек туманида жойлашган рақамли технологияларга асосланган School-21 IT мактабидан ходимлар келишди. Исамидинова Барно ва Жалилов Темурлар IT мактабининг имкониятлари ва қулайликларини тақдимот куринишида курсатиб беришди. Президентимиз Ш.М.Мирзиёев томонидан ташкил этилган мактабда уқиш жараёнлари бепул амалга оширилади. ИТ-Мактаб битирувчилари давлат намунасидаги диплом олади. IT мактаб битирувчилари уқишни битиргандан кейин йирик иш берувчи IT компанияларида юқори маош олиб ишлашади. Уқувчилар томонидан қизиқтирган саволларга мутахасис томонидан етарлича жавоблар олишди. Уқувчилар ва Устозлар хамда қатнашганларда IT мактаб хақида яхши тасуротларга эга булишди, уқувчиларни IT сохасига булган қизиқишлари ортди.
ИЧТБДУ:З.А.СУЯРОВ