BUXORO.UZ | Rasmiy kanal

⚡️Kunlik Ramazon oyi taqvimi (Buxoro viloyati uchun)

Ro‘za tutish (saharlik, og‘iz yopish) duosi:
Navaytu an asuma sovma shahri ramazona minal fajri ilal mag‘ribi, xolisan lillahi ta’ala. Allohu akbar.

Ma’nosi: Ramazon oyining ro‘zasini subhdan to kun botguncha tutmoqni niyat qildim. Xolis Alloh uchun. Alloh buyukdir.
—
Iftorlik (og‘iz ochish) duosi:
Allohumma laka sumtu va bika amantu va a’layka tavakkaltu va a’la rizqika aftartu, fag‘firli ya g‘offaruma qoddamtu va ma axxortu birohmatika ya arhamar rohimiyn, Allohu akbar.

Ma’nosi: Ey Alloh, ushbu ro‘zamni Sen uchun tutdim va Senga iymon keltirdim. Senga tavakkal qildim va bergan rizqing bilan iftor qildim. Ey mehribonlarning eng mehriboni, mening avvalgi va keyingi gunohlarimni mag‘firat qilgin.

Buxoro.uz | Facebook | Instagram | YouTube

🏅 Shahram Ahadov – "Tashkent Grand Slam 2025"turniri bronza medali sohibi

🇺🇿 Dzyudo bo‘yicha poytaxtimizdagi “Yunusobod” sport majmuasida bo'lib o'tgan “Katta Dubulg‘a" turkumiga kiruvchi “OTP Group Tashkent Grand Slam” turniri dunyo dzyudo ishqibozlari va mutaxassislari e’tiborini yana O‘zbekistonga qaratdi.

"Los-Anjeles-2028" Olimpiya o‘yinlari yo‘lida muhim reyting ochkolarini taqdim etadigan turnir buxorolik Shahram Ahadov uchun muvaffaqiyatli yakunlandi.

Nufuzli turnirning 2-kungi bahslarida -73 kg vazn toifasida ishtirok etgan vakilimiz bronza medalini qo‘lga kiritdi! 🥉

❗️ Bu yutuq sportchimizning yuqori saviyadagi mahoratini yana bir bor namoyish etdi. Uni ushbu g‘alaba bilan muborakbod etamiz va kelgusi musobaqalarda yanada ulkan zafarlar tilaymiz!

Buxoro.uz | Facebook | Instagram | YouTube

⚡️⚡️ Qorovulbozor: “Tinchlik” mahallasida tomorqadan samarali foydalanish borasida tizimli ishlar olib borilmoqda

So‘nggi yillarda respublikamizda dehqon xo‘jaliklari va tomorqa yer egalariga ajratilgan maydonlardan samarali foydalanish, ularning huquqlari va qonuniy manfaatlarini himoya qilish, qishloq aholisining bandligi va turmush darajasini oshirish bo‘yicha tizimli ishlar amalga oshirilmoqda.

Bu borada Qorovulbozor tumani “Tinchlik” mahallasida ham samarali ishlar olib borilmoqda.

Tomorqa yerlari ag‘darilib, ekin ekishga tayyorlanmoqda. Plyonka ostida ekilgan to‘qsonbosti ekinlar esa, allaqachon bozor rastalarini to‘ldirgan.

Bundan tashqari aholi xonadonlarida manzalari va mevali daraxt ko‘chatlari o‘tqazilmoqda.

Shuningdek, mevali daraxtlar hosildor navlarga payvand qilinmoqda.

Buxoro.uz | Facebook | Instagram | YouTube

Bosh prokurorning birinchi o‘rinbosari B.Valiyev rahbarligidagi ishchi guruh tomonidan Prezidentning “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi qarori ijrosi Buxoro viloyatida o‘rganildi.

Xususan, ishchi guruh tomonidan Kogon tumanida tashkil etilgan idoralararo shtab faoliyati tanqidiy muhokama qilinib, shtab a’zolariga o‘z sohalari bo‘yicha mahallalarda ushbu Qaror ijrosi yuzasidan amalga oshirilayotgan ishlar haqqoniyligini o‘rganish va kunlik nazoratni qat’iy ta’minlab borish yuzasidan topshiriqlar berildi.

Shuningdek, mazkur Qaror ijrosi yuzasidan prokuratura, ichki ishlar, milliy gvardiya, mahalla, nuroniy, xotin-qizlar, bandlik, yoshlar va boshqa mutasaddi idoralar mas’ullarining hisobotlari va takliflari eshitilib, qarorda belgilangan huquqbuzarliklar profilaktikasi, jinoyatchilikni oldini olishga qaratilgan vazifalar yana bir bor ta’kidlanib, faoliyatni yanada jadallashtirish bo‘yicha topshiriqlar berildi va ijrosi nazoratga olindi. 

Shu bilan birga, ishchi guruh tomonidan tuman (shahar) prokuraturalarining ish yurituvidagi jinoyat haqidagi ariza va xabarlar bo‘yicha tergovga qadar tekshiruv ahvoli, jinoyat ishlari yuzasidan dastlabki tergov harakatlari o‘tkazilishida jinoyat-prosessual qonunchilik normalari talablariga rioya etilishi holati ham o‘rganib chiqildi.

O‘rganishlarda, xodimlarning ish yurituvidagi jinoyat haqidagi ariza va xabarlar, tergovga qadar tekshiruv hujjatlarining ko‘rib chiqilishi hamda dastlabki tergov harakatlarini o‘tkazilishida jinoyat-prosessual qonunchiligi normalariga qat’iy amal qilinishi, ijro intizomiga rioya qilinishi, ish faoliyatida korrupsiya holatlarini oldini olish borasida hamda tergov sifatini yanada oshirish, ayniqsa yosh mutaxassislarning bu boradagi bilim va ko‘nikmalarini oshirib borish bo‘yicha topshiriqlar berildi.

Bu boradagi tadbirlar davom ettirilmoqda.

Buxoro.uz | Facebook | Instagram | YouTube