Qidiruv uchun matnni kiriting
Ilg‘or kanal qidiruvi

Энергетические итоги 2024 Uz

Изучили отчет и собрали самые важные показатели
img
reklama

Чистая Энергия ӏ Sof Energiya UZ

Для тех, кто заботится о зеленом будущем Узбекистана.
img
reklama

Система "Зеленый транспорт"

uz Когда будут выдавать экостикеры на авто?
img
reklama

23.5° бурчак остида

@burchakostida
Kanal geosi va tili: O‘zbekiston, O‘zbekcha

@burchakostida — дунё майдонида рўй бераётган энг сўнгги янгиликлар, сиёсий таҳлиллар, шарҳлар, статистик ва тарихий маълумотларни биз билан кузатиб боринг!
Алоқа (реклама): @temurmalikuz

Связанные каналы  |  Похожие каналы
Kanal geosi va tili
O‘zbekiston, O‘zbekcha
Toifa
Yangiliklar va OAV
Statistika
Kanal siznikimi? Tasdiqlash Канал в реестре блогеров РКН? Tasdiqlash Kanal tarixi
Postlar filtri

23.5° бурчак остида

18 Jan, 13:50

Telegram'da ochish Ulashish Shikoyat qilish
🇩🇪🇺🇦 Bild: Германия Ташқи ишлар вазири Анналена Бербок канцлер Олаф Шолц билан суратга тушишдан бош тортган ҳолда ҳукумат мажлисини тарк этди

"Бу Украинага янги ёрдам пакети ажратиш тўғрисидаги қарор Шолц томонидан блокланганидан сўнг содир бўлди. Бербок Украинани Россия босқинига қарши фаол қўллаб-қувватлаш тарафдори ҳисобланади", деб ёзади нашр.

Bild томонидан эълон қилинган суратда Шолц Бербокни мажлисни тарк этмасликка кўндиришга уринаётгани акс этган.

🔥 @burchakostida
1.1k 0 2
23.5° бурчак остида

18 Jan, 13:36

Telegram'da ochish Ulashish Shikoyat qilish
🇹🇷🇺🇿 Туркияда қўлбола алкоголли ичимликдан вафот этган ўзбекистонликлар сони 17 нафарга етди

Бу ҳақда Ўзбекистон Республикасининг Истанбул шаҳридаги бош консулхонаси хабар берди.

Истанбул ҳудудидаги шифохоналарнинг жонлантириш бўлимларида қалбаки спиртли ичимликдан заҳарланиб даволанаётган фуқароларимиз сони 5 нафарга етди. Консулхона ходимлари ушбу ватандошларимизнинг ҳолидан хабар олиб, уларнинг яқинлари ва шифохона маъмурияти билан доимий алоқада бўлиб турибди.

🔥 @burchakostida
1.9k 0 3
23.5° бурчак остида

18 Jan, 13:23

Telegram'da ochish Ulashish Shikoyat qilish
🇺🇸 АҚШ Давлат котиби Энтони Блинкен Доналд Трамп маъмурияти Жо Байденнинг асосий ташқи сиёсат ташаббусларидан воз кечишидан хавотирланмоқда — Associated Press.

🔥 @burchakostida
2.3k 0 0
23.5° бурчак остида

18 Jan, 12:19

Telegram'da ochish Ulashish Shikoyat qilish
🇧🇾 Европада хавфсизлик ва ҳамкорлик ташкилоти Беларусда бўлиб ўтадиган президентлик сайловларига кузатувчиларни юбормайди

Бу ҳақда ЕХҲТ Демократик институтлар ва инсон ҳуқуқлари бўйича бюроси X ижтимоий тармоғида маълум қилди.

"Беларус томонининг таклифи жуда кеч — президентлик сайловига 10 кун қолганда келиб тушди. Беларус томонидан таклифнинг сайлов жараёнининг асосий босқичларини кузатиш имконини тақдим этмаслиги тўлиқ кузатувни имконсиз қилади. 9 январдаги баёнотимизда келтирилган маълумотлар ҳануз долзарбдир", дейилади бюро хабарида.

Бир ҳафта аввал ташкилот Беларус ЭХҲТ вакилларини 26 январ куни бўлиб ўтадиган президентлик сайловини кузатишга таклиф қилмагани тўғрисида афсус билдирган эди.

Аммо 17 январ куни Беларус Ташқи ишлар вазирлиги Фаcебоок саҳифасида ДИИҲБга сайловларни кузатиш учун таклиф йўлланишини маълум қилди. Шу куни АҚШ Давлат департаменти "ўтказилмаётган сайлов ва Беларусдаги давом этаётган репрессиялар"ни қоралаш тўғрисида баёнот эълон қилди.

"Режимнинг ЕХҲТга сайлов жараёнини кузатиш учун ўз вақтида таклиф юбора олмагани унинг шаффоф сайлов жараёнига нисбатан бепарволигини кўрсатади", дейилади АҚШ Давлат котиби Энтони Блинкен томонидан имзоланган ҳужжатда.

🔥 @burchakostida
3.6k 0 1
23.5° бурчак остида

18 Jan, 12:09

Telegram'da ochish Ulashish Shikoyat qilish
🇮🇷 Теҳрондаги Эрон Олий суди биноси олдида отишма содир бўлди

"Ҳодиса натижасида икки судя ҳалок бўлди, бир киши яраланди. Ҳукумат ҳужумни террорчилик акти сифатида баҳолаяпти", деб хабар беради IRNA агентлиги.

Эрон Олий суди матбуот хизматига кўра, отишмада ҳалок бўлган судялар терроризм ва жосусликда гумон қилинган шахсларнинг ишлари учун масъул бўлган.

🔥 @burchakostida
3.8k 0 4
23.5° бурчак остида

18 Jan, 11:34

Telegram'da ochish Ulashish Shikoyat qilish
🇶🇦🇮🇱 Ғазо секторида ўт очишни тўхтатиш режими якшанба куни маҳаллий вақт билан соат 9:30 да кучга киради

Бу ҳақда Қатар Ташқи ишлар вазирлиги вакили Мажид ал-Ансорий маълум қилди.

"Биз Ғазо аҳолисига эҳтиёткорлик чораларини кўришни, максимал даражада ҳушёрлик сақлашни ва расмий манбалардан кўрсатмаларни кутишни тавсия қиламиз", — деб ёзди Қатар ТИВ вакили Х ижтимоий тармоғида.

Исроил Адлия вазирлигининг маълумотларига кўра, келишувнинг биринчи босқичида Исроил ҳукумати 737 нагар фаластинлик маҳбусни озод қилади. Уларнинг дастлабки 95 нафари эртага қўйиб юборилиши мумкин. ҲАМАС эса, ўз навбатида, Исроилга 33 нафар гаровга олинган шахсни қайтаришга ваъда берди.

🔥 @burchakostida
4.5k 0 6
23.5° бурчак остида

18 Jan, 11:25

Telegram'da ochish Ulashish Shikoyat qilish
🇺🇦🇷🇺 Россия қўшинлари Киев ва Запорожега ҳужум қилди, қурбонлар ва ярадорлар бор

18 январ куни тонгда Россиянинг Киевга қилган ҳужуми оқибатида камида тўрт киши ҳалок бўлгани ҳақида шаҳар ҳарбий маъмурияти раҳбари Тимур Ткаченко маълум қилди.

"Россия ракеталари ва дронлари ҳужумига учраган Украина пойтахтида ёнғинлар, турар жой биноси, сув таъминоти қувури ва “Лукьяновская” метро бекатига зарар етди. Портлашлардан сўнг метро бекати ёпилди", — дея маълум қилди Киев мэри Виталий Кличко.

Бундан ташқари, бугун тонгда Россия Запорожега ҳам ракета ҳужуми уюштирди.

Вилоят ҳарбий маъмурияти раҳбари Иван Фёдоровнинг сўзларига кўра, Россия ҳужуми натижасида 10 киши яраланган, уларнинг барчаси касалхонага ётқизилган. Зарбалар оқибатида турар жой биноларига зарар етказилган.

"Ўтган бир сутка мобайнида Россия қўшинлари Запороже вилоятининг тўққизта аҳоли пунктига 241 марта турли қуроллар билан ҳужум қилди", — дея қўшимча қилди Фёдоров.

🔥 @burchakostida
4.3k 0 5
23.5° бурчак остида

18 Jan, 10:30

Telegram'da ochish Ulashish Shikoyat qilish
Гаагадаги Халқаро жиноий суд бош прокурори Карим Хон Дамашқда Сурия етакчиси Аҳмад ал-Шара билан учрашди.

🔥 @burchakostida
5.2k 0 6
23.5° бурчак остида

18 Jan, 09:35

Telegram'da ochish Ulashish Shikoyat qilish
🇺🇸🇺🇦 АҚШ Украинанинг дронлар ишлаб чиқаришига махфий равишда 1,5 миллиард доллар сармоя киритган — Тhe New York Times

"Бу ҳақда Байден маъмурияти Украинага кўрсатилган ҳарбий ёрдам ҳақидаги сўнгги ҳужжатларни ошкор қилган пайтда маълум бўлди", деб ёзади нашр.

Қўшма Штатлар маблағларни дрон ишлаб чиқарувчиларни қўллаб-қувватлаш ва улар учун эҳтиёт қисмлар сотиб олишга йўналтирган. Шунингдек, АҚШ украин ҳарбийларига дрон ишлаб чиқариш дастурини ишлаб чиқишда ёрдам бериш учун Америка разведкаси ходимларини Украинага юборган.

Қайд этилишича, Вашингтоннинг қўллаб-қувватлаши туфайли Украина ўз ҳудудида янги авлод дронларини ишлаб чиқаришни бошлашга ва уни кенгайтиришга муваффақ бўлган. АҚШ президентининг миллий хавфсизлик масалалари бўйича маслаҳатчиси Жейк Салливан бу ёрдам урушнинг боришига "ҳақиқий стратегик таъсир" кўрсатганини таъкидлади.

🔥 @burchakostida
5.8k 0 4
23.5° бурчак остида

18 Jan, 09:07

Telegram'da ochish Ulashish Shikoyat qilish
🇺🇸 Байден гиёҳванд моддалар билан боғлиқ жиноятлар учун судланган 2500 га яқин маҳкумларнинг жазоларини енгиллаштирди

Бу ҳақда Оқ уй матбуот хизмати хабар берди.

Оқ уй сайтида жойлаштирилган Байденнинг баёнотида, бу чора "бугунги кунгача ҳукм қилинган жазоларга нисбатан ноадолатли узоқ муддатли жазо олган" маҳкумларга тааллуқли экани айтилган.

Қайд этилишича, Байденнинг сўнгги қарори АҚШ президентлари томонидан чиқарилган индивидуал афв этиш ва жазони енгиллаштириш бўйича рекорд натижани ўрнатган.

🔥 @burchakostida
5.9k 0 5
23.5° бурчак остида

18 Jan, 08:27

Telegram'da ochish Ulashish Shikoyat qilish
🇸🇰🇺🇦 Словакия бош вазири Роберт Фицо Украина президенти Володимир Зеленскийни 21 январ куни Давосдаги Жаҳон иқтисодий форуми доирасида учрашишга таклиф қилганини маълум қилди.

🔥 @burchakostida
6k 0 2
23.5° бурчак остида

18 Jan, 08:01

Telegram'da ochish Ulashish Shikoyat qilish
🇷🇺🇮🇷 Россия ва Эрон ўртасида имзоланган стратегик шериклик тўғрисидаги битимнинг асосий бандлари маълум бўлди

◼️Томонлардан бирига ҳужум қилинса, иккинчи томон тажовузкор давлатга ҳеч қандай ёрдам бермайди;

◼️Россия ва Эрон глобал хавфсизликнинг муҳим иштирокчилари сифатида ҳарбий-техник ҳамкорликка содиқлигини яна бир бор тасдиқлайди;

◼️Мамлакатлар қўшма ҳарбий машғулотлар ўтказиш ва ҳамкорликни мустаҳкамлашга келишиб олдилар;

◼️Иккала давлат ҳам учинчи давлатлар томонидан бир-бирига нисбатан жорий қилинган санкцияларга қўшилмаслик ва бир томонлама мажбурлов чораларидан воз кечиш мажбуриятини олади;

◼️Россия ва Эрон учинчи давлатлардан мустақил тўлов инфратузилмасини яратиш бўйича ҳамкорлик қилади;

◼️Ҳамкорлик қуролларни назорат қилиш, қуролсизланиш ва халқаро хавфсизликни таъминлашни ўз ичига олади;

◼️Икки давлат дезинформация ва салбий тарғиботга қарши туриш учун оммавий ахборот воситалари ҳамкорлигини кучайтиради.

🔥 @burchakostida
6.2k 0 9
23.5° бурчак остида

18 Jan, 07:44

Telegram'da ochish Ulashish Shikoyat qilish
🇺🇦🇸🇰 Зеленский Словакиянинг мухолифатдаги “Прогресив Словакия” партияси раиси Михал Шимечко билан учрашди

Бу ҳақда Украина президенти ўз Telegram каналида маълум қилди.

"Жума куни Словакиянинг бир раҳбарини кутгандим, аммо бошқаси келди. Словакия парламенти вакиллари билан яхши учрашув ўтказдик. Жудаям ажойиб ва конструктив суҳбат бўлди", – деб ёзди Зеленский.

Украина президентининг сўзларига кўра, улар, жумладан, энергетика масаласини ҳам муҳокама қилишган.

Эслатиб ўтамиз, Зеленский ва Фицо ўртасида Россия газининг транзити масаласида масофавий баҳс бўлиб ўтган эди. Украина президенти Роберт Фицони Киевга таклиф қилган, аммо у рад жавобини берган эди.

🔥 @burchakostida
6.3k 0 3
23.5° бурчак остида

18 Jan, 07:10

Telegram'da ochish Ulashish Shikoyat qilish
🇮🇱 Исроил ҳукумати Ғазо секторида ўт очишни тўхтатиш ва гаровдаги исроилларни озод қилиш бўйича ҲАМАС билан келишувни тасдиқлади

Бу ҳақда бош вазир Бинямин Нетаняҳунинг идораси маълум қилди.

"Нетаняҳу коалицион ҳукуматидаги 24 вазир келишув учун овоз берган, саккиз нафари унга қарши чиқди", дея хабар берди Axios.

🔥 @burchakostida
6.5k 0 3
23.5° бурчак остида

18 Jan, 07:04

Telegram'da ochish Ulashish Shikoyat qilish
🇨🇿🇷🇺 Прагада россияликларга Чехия фуқаролигини олишни тақиқлашга қарши митинг бўлиб ўтди

Намойиш Праганинг тарихий қисмидаги майдонда бўлиб ўтди. Акцияда бир неча юз киши иштирок этди. Намойиш Jsme Lidé  ва “Весна” ҳаракатлари томонидан ташкиллаштирилди.

🔥 @burchakostida
6.5k 0 6
23.5° бурчак остида

18 Jan, 06:19

Telegram'da ochish Ulashish Shikoyat qilish
🇺🇸 Трампнинг инаугурациясидан кейин мигрантларга қарши кенг кўламли рейдлар бошланади

Бу ҳақда The Wall Street Journal бундай ҳаракатни режалаштириш билан таниш манбаларга таяниб хабар бермоқда.

"Биринчи мақсад Чикаго шаҳри бўлади. Рейд инаугурациядан кейинги куни эрталаб бошланиб, бир ҳафта давом этади. АҚШнинг Иммиграция ва божхона хизмати операцияни ўтказиш учун 100-200 нафар ходимни жалб қилади", деб ёзади WSJ.

Нашр маълумотларига кўра, операцияни Трамп маъмуриятида “чегара назорати раҳбари” бўлиши кутилаётган Том Ҳоман ўтган ойда Чикагога ташрифи чоғида режалаштирган.

"Биз айнан шу ердан, Чикагодан бошлаймиз. Агар Чикаго мэри ёрдам беришни хоҳламаса, четда турсин. Аммо агар у бизга тўсқинлик қилса ёки ноқонуний мигрантларни онгли равишда яширса, мен уни қонуний жавобгарликка тортаман", — деган эди Ҳоман Чикагога ташрифида.

WSJ хабарига кўра, Чикагодан сўнг рейдлар Нью-Йорк, Лос-Анжелес, Денвер ва Маями шаҳарларида ўтказилиши мумкин.

Доналд Трамп сайловолди кампанияси давомида бир неча бор ноқонуний мигрантларга қарши курашни ўзининг асосий вазифаларидан бири деб ҳисоблашини айтиб, оммавий депортацияларни бошлашни ваъда қилган эди.

🔥 @burchakostida
7.1k 0 20
23.5° бурчак остида

17 Jan, 21:30

Telegram'da ochish Ulashish Shikoyat qilish
🇺🇸 Трампнинг инаугурация маросими совуқ ҳаво сабабли ёпиқ бинода ўтказилиши кутилмоқда — CNN

Қўшма Штатларнинг сайланган президенти Доналд Трамп ва вице-президенти Жей Ди Вэнс қасамёд маросимини АҚШ Конгресси ротондасида ўтказиши режалаштирмоқда. Буни Трампнинг ўзи ҳам тасдиқлади.

"Инаугурация паради ва бошқа тадбирларнинг ўтказилиш жойи ҳали муҳокама қилинмоқда. Трамп жамоаси маросимларнинг айримларини Вашингтондаги Capitol One аренасида ўтказишга ҳаракат қилмоқда. Якшанба куни ушбу бинода Трамп иштирокида митинг бўлиб ўтади", дея хабар беради CNN.

Трампнинг инаугурация маросими 20 январ куни бўлиб ўтади. Унда АҚШнинг собиқ президентлари Барак Обама ва кичик Жорж Буш, Аргентина президенти Хавер Милей, Хитой Халқ Республикаси раисининг ўринбосари Хан Чжен, Илон Маск, Марк Цукерберг, Жефф Безос ва бошқалар иштирок этиши кутилмоқда.

🔥 @burchakostida
8.2k 0 5
23.5° бурчак остида

17 Jan, 20:54

Telegram'da ochish Ulashish Shikoyat qilish
🇺🇸🇨🇳 Трамп TikTok'ни тақиқлаш ҳақида қарор қабул қилиш учун “вақт кераклигини” айтди

АҚШнинг сайланган президенти Олий суднинг ижтимоий тармоқни тақиқлашни назарда тутувчи қарорини шундай изоҳлади.

"ТikTok бўйича қарорим яқин кунларда қабул қилинади, аммо ҳозирча вазиятни ўрганиб чиқиш учун менга вақт керак", — деб ёзди Трамп Truth Social ижтимоий тармоғидаги саҳифасида.

Аввалроқ Доналд Трамп бугун Хитой Халқ Республикаси раиси Си Жинпин билан телефон орқали мулоқотида ушбу масалани муҳокама қилганини хабар берган эди.

🔥 @burchakostida
8.2k 0 4
23.5° бурчак остида

17 Jan, 19:46

Telegram'da ochish Ulashish Shikoyat qilish
🇷🇺🇮🇷 Путин ва Пизишкиён матбуот анжуманида иштирок этишди

Матбуот анжуманида Россия президенти томонидан билдирилган асосий фикрлар:

◾️ Россия ва Эрон ўртасида имзоланган янги шартномадан катта мақсадлар қўйилган, бу йўналишда улкан илдам қадамлар ташлашимиз керак;

◾️ Россия ва Эрон ўртасида фаол сиёсий мулоқот давом этмоқда;

◾️ Россия Суриядаги вазиятни дипломатик йўл билан ҳал қилиш сиёсатига содиқ қолади ва сурияликларни қўллаб-қувватлашни давом эттиришга тайёр;

◾️ Суриянинг келажагини фақат сурияликларнинг ўзи белгилаши керак;

◾️ Россия Фаластин муаммосини тўлиқ ҳал қилиш йўлидаги ҳаракатларни сусайтирмасликка чақиради, бу мустақил Фаластин давлатини тузишни назарда тутади;

◾️ Россия ва Эроннинг ташқи сиёсатга оид аксарият масалалар бўйича қарашлари мос келади;

◾️ Россия ва Эрон муносабатлари тенглик, ҳурмат ва ўзаро ёрдам принциплари асосида қурилган.

🔥 @burchakostida
8.4k 0 6
23.5° бурчак остида

17 Jan, 19:30

Telegram'da ochish Ulashish Shikoyat qilish
🇺🇸🇨🇳 АҚШ Олий суди ByteDance компанияси TikTok'ни сотмаса, ижтимоий тармоқни тақиқлашга рухсат берадиган қонунни қўллаб-қувватлади

Associated Press'нинг хабар беришича, Олий суднинг барча судялари қонунни якдиллик билан қўллаб-қувватлашган. Уларнинг фикрича, илованинг Хитой билан боғлиқлиги туфайли миллий хавфсизликка бўлган хавфлар сўз эркинлигини чеклаш бўйича хавотирлардан устундир.

Қонун 19 январда кучга киради ва ундан сўнг янги фойдаланувчилар TikTok'ни илова дўконларидан юклаб олиш имкониятига эга бўлмайди. Иловани олдиндан юклаб олганлар эса уни янгилай олмайдилар.

Associated Press маълумотларига кўра, АҚШда қисқа видеолар хизмати ҳисобланувчи ТikTok аудиторияси 170 миллион кишини ташкил этади.

🔥 @burchakostida
8.3k 0 8
20 ta oxirgi post ko‘rsatilgan.