Bunyod 365 | Blog

Bu test sherikchilikka kirishda ham qo'l keladi. Bu testni topshirib.
Keyin 2-3 yil oldin Murod aka Nazarov "Командос" degan kitobni maslahat bergandi.
Shuni o'qib chiqsangiz, sherik sifatida bir-biringizni to'ldirasizmi yo'qmi bilib olasiz.
____

1 yilda o'zim 100tacha shogird/xodimlikka intervyu qilgan bo'lsam, 5% odam ham O'Z kamchiligini bilmaydi.
Bu degani umuman analiz qobiliyati yo'q degani.

Sizga ishga kirishda layfhak - o'zingizni SWOT analiz qilib, rezyumega qo'shib jo'nating, natijani ko'rasiz )
SWOT'ning bir qismi shu test.

Bir birodarimiz bilan menejment haqida suhbatdan:

«Boshqaruvchini boshqaruvchi qiladigan 2 asosiy odat bor.
Ularsiz menejer bo'la olmaysan.»

Qaysilar?

1. O'zingning nafsingni boshqara olmasang, birovnikini boshqara olmaysan.
Erta turish, sport, uchrashuvga vaqtida kelish, diqqatni saqlash, shaxsiy intizomni saqlash...
Avval o'zingni qattiq qo'lga olasan, keyin boshqani boshqara olasan.

2. Qattiqqo'llik. Yaxshi gap bilan ish hal bo'lmaydi.
Nafs yaxshi gap bilan yo'lga yurmaydi.
🫱 @bunyod365 🫲

Biznes joyida turishi uchun 2ta ishni bajarasan, pul ishlash, pul saqlash.

Bizdagi aksar tadbirkorlar pul ishlashni bilishadi, ammo afsuski saqlashni bilishmaydi.
Pul ishlash uchun «дух» yetarli bo'lishi mumkin, saqlash uchun ilm kerak.

Sotuv, SMM, CRM'larga pul tikib yotishibdi, sababi pul keladi-da.

Ammo pulni saqlaydigan joyga tikishmayapti.

Pulni saqlab beruvchilar - IT(ayti), moliyani boshqarish...

___


Tepadan «vorillatib» suv quyishyapti, chelak bo'lsa teshik.

Hozir suv ko'p kirayaptiku-ya, bilinmayapti-da, ammo suv kamayganda...

🕳 Teshik borligi yaxshigina bilinib qoladi.

Moliyachi akamiz bilan suhbatdan kollaboratsiya bo 'yicha suhbatdan.


🫱 @bunyod365 🫲

«Korxonaning IT yo‘nalishi korxona rivojlanishida eng tor bo'g'izi (bottle neck)!»

Alisher Isaev blogidan.

Bu yerda IT(aytilashish) uchun nimalar qilish kerakligi haqida obdon yozib chiqqanman.


🫱 @bunyod365 🫲

#startap
Hozir milliy men faxrlanadigan startapimiz asoschisi bilan intervyuni ko'rib tugatdim.

🔗 Intervyuga havola

Shu ichki drayv baribir, startaplarga tortaveradi-da )
O'zi 2ta startapni uxlatganman.

Mehmonlar Tahrirchi loyihasi asoschisi va o'zbek venchur fondi investori.

Tahrirchi - o'zbek tilidagi sun'iy intellektli tahrir loyihasi.
Undan tashqari - o'zbek-rus-ingliz tillari aro eng yaxshi tarjimon.
Telegram boti ham bor.

Davlatdan mGovAward'da $100 ming yutib olishgan.
___

Suhbatdan olganlarim:

O'zbekistonda eng qimmat aktiv talantlar.

Sun’iy intellekt tarjima bõyicha hali ham 23 yoshli uncha kõp kitob õqimagan talabaga yetib olmadi.

Inson ruhiyatiga boğliq narsalar eskirmaydi.

Inson kõngilochar narsalarga berilgani sari, aqli õtmaslashadi.

Sun’iy intellekt yo seni õtmas qiladi, yo seni kuchaytiradi.

Bizda yoshi kattalar biron narsani ishonishda, yoshlarga skeptik qarashadi.

Innovatsiya muvaffaqiyatsizlik ustida quriladi.

Risk yuqoriligi bõyicha kazino ham venchurlardan keyingi o'rinda.

Nvidia 76% ishchilari millioner bo'ldi.

40% imlo xatolari «x» va «h» harfini ajrata olmaslikda.

Kremniy vodiysini sotsiologiya rivojlantirgan, ya’ni ochiqlik.

___

Hayqiraman tog'lar bag'ridan...
Shart o'tvorsammi startaplarga )?

🫱 @bunyod365 🫲

#kodsiz_dasturlash

Qachon noldan dastur yozish haqida yaqinda gaplashdik.

Endi kodsiz dasturlash orqali noldan yozishga 6ta sabab aytaman:

1. Tizim sizning biznes jarayonga moslashadi. Siz tizimga emas.
Dasturda keraksiz funksiyalar umuman bo’lmaydi, faqatgina keraklisi.

2. Dastur biznesingiz bilan birga o’sadi.
Orqada ham qolib ketmaydi, oldingi o’tib ham ketmaydi.
Dasturlash jarayoni ortiqcha qiyinchiliksiz, biznesingiz bilan bir xil tezlikda ketadi.

3. Korxonangiz samaradorligi oshadi.
Chunki dastur haqiqiy jangga, ya’ni jarayonga tez kirib boradi.
Xodimlaringiz takrorlanuvchi vazifalardan, bir nechta tizim orasida sakrab yurishdan qo’li bo’shagani sababli, muhimroq ishlarga vaqti ajraydi.

4. Raqobatchilardan oldinga o’tasiz.
Sababi sizda endi, yuzlab asabbuzar jarayonlar yo’q.
Hisobotlar kunlar, haftalarda emas, sekundlarda chiqqani sababli, qadamlaringiz tezlashadi, dadillashasiz. Bu tezlik bilan aniq raqobatchilardan oldingi o’ta olasiz.

5. Korxonadagi bo’limlar bir organizmdek ishlaydi.
Ko’p bizneslar boshqaruv uchun bir nechta tizim ishlatadi.
Odatda bu tizimlar bir-bir bilan ma’lumot almashmaydi.
Shunga tadbirkor to’liq kartinani ko’rolmaydi.
Kodsiz dasturlash orqali yasalgan tizimda esa, barcha jarayon bir tizimda bo’ladi. Ma’lumot kiritilishi xatoliklar oldi Sun’iy intellekt orqali olinadi.

6. Biznesingiz zamonga tez moslasha oladi.
Hozirgi o’zgaruvchan zamonda tez adaptatsiya qilish juda muhim, bo’lmasa yanchib tashlashyapti. Bir nechta ayti tizim ishlatayotgan bo’lsangiz, tez o’zgara olishingiz ularga bog’liq.
Kodsiz dasturlash orqali qilingan dastur esa boshqalarni kutib o’tirmasdan zamonga moslasha olasiz.

Hali Jahon savdo tashkilotiga a'zo bo'lmasimizdan IT(ayti)lashvoling, biznesni dux bilan emas, ilm bilan boshqaradiganlar kirsa... ehhe 🥊🩸

Kodsiz dasturlash nimaligini tushunmayotgan bo’lsangiz, mana bu yerda bir nechta maqola yozgandim.

🫱 @bunyod365 🫲

#kodsiz_dasturlash

Biznesga IT(Ayti) nega kerakligi [1, 2], biznesni avtomatlashtirmoqchi bo‘lsangiz nima yo‘llar borligi, nimadan boshlashni ham gaplashdik.

Sekin-sekin chuqurlashib boramiz.

Nega va qaysi holatda, «noldan dastur yasash»ga shoshilmasdan, avval tayyor obuna asosidagi servislarni ishlatish kerakligini aytmoqchiman.

Qarang-da misol siz kiyim magaziningiz bor deylik.

100ta xuddi sizdek biznesga ega odamlar muammosini o’rganib, hal qilgan odam yoningizga kelsa, oyiga 200ming ber «biznesingni boshqarib beraman» desa topshirarmidingiz?
O’ylab ham o’tirmasangiz kerak )

O’tgan safar mijoz ehtiyojlari haqida gapirgandik.
Agar siz 0-2 bosqichda bo’lsangiz, to’g’risini aytsam hali nima xohlayotganingizni, nega xohlayotganingizni, aniq-tiniq raqamlarda bilmaysiz.

Shunaqa bo’lsa, avval nima kerakligini tushunib olish uchun, tayyor sizga o’xshagan bizneslarga qilingan obuna servislarini ishlatganingiz ma’qul.

Misol do’konlarni avtomatlashtiradigan milliy Billz servisi, 3 mingta do‘konga tizim qo‘yishgan.
Bu degani siz oyiga ana borsin 1mln. to’lasangiz, butun biznesingizni 3mingta do’kon tajribasidan tuzilgan dasturga ishonib topshirasiz.

Ishlatib boshlang, ma’lum bir muddat yuring, ishingiz tartiblansin, biznesingiz kattalashsin. Ana endi, sizga nima yetmayotganini tushunib boshlaysiz.
Obuna servisi berolmayotgan narsalar, ya’ni kamchiliklar, ko’zga ko’rinib boshlaydi, boshida ko’z yumasiz. Yana biroz vaqt o'tib, bo’lmay qoladi.

Siz agar obuna servisini eplab ishlata olmasangiz, ishonavering noldan qildiraman deb yaxshigina kuyasiz. Kuyish mavzusiga hali keyingi postlarda kiramiz...

Ana endi o’zingizga noldan dastur yasasangiz bo’ladi. Endi sizda, biznesingizga aynan nima va nega kerakligi haqida tiniq kartina bor.
Endi professional biznes dastur quradigan jamoalar bilan gaplashsangiz, umringizga va pulingizga kuymaysiz, asablar ham ketmaydi.

Oldinroq kelib qo’yganingizda, ya’ni hali o’zingiz nima xohlayotganingizni tushunmayotgan paytda deyman-da.
Dasturchi jamoa 🫰💸 tirikchilik deb sizda ehtiyoj bo’lmasa ham «qilib beramiz akajon » deb shartlashib qo’yardi-yu, siz ham ular ham kuyardingizlar.

Xo‘p endi noldan yozaman desam nima yo‘llar bor desangiz, bu haqida oldin maqola yozgandim.

Keyingi postlarda yana kirishamiz bu mavzuga hali.

Tajribadan gapiramiz. Kuyishdan qaytaramiz )
Tadbirkor rahbaringizga, tanishlaringizga yuboring 🌊🚤

🫱 @bunyod365 🫲