@BUGUNUZ™ - Official channel

Украинага босқин: 1068-кун | Покровск атрофида оғир жанглар

Беларусда президентлик сайловлари бўлиб ўтди. Европа парламенти уларни cохта деб ҳисоблайди.

Покровск атрофида оғир жанглар кечмоқда, украина икки қишлоғини бой бергани айтилмоқда.

Украина дронлари Рязан нефтни қайта ишлаш заводига ҳужум қилди.

Зеленский Европа ва АҚШ Украина бўйича тинчлик музокараларида иштирок этишига умид билдирди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Украинага босқин: 1067-кун | Киевда дрон ҳужумидан тўққиз қаватли турар-жой биноси вайрон бўлди

Киев яқинида дрон ҳужумидан тўққиз қаватли турар-жой биноси шикастланди, бинонинг балконлари қулаган, аммо қурбонлар йўқ.

Украина президенти Влодимир Зеленский Путинни АҚШ раҳбарининг тинчликка эришиш йўлида қилаётган саъй-ҳаракатларини манипуляция қилишга уринаётганликда айблади.

АҚШ Давлат департаменти камида 90 кунга деярли барча хорижий ёрдам харажатларини тўхтатди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Кутилган "тебраниш". Ўзбекистонда картошка нархи қарийб икки бараварга ошди

Сўнгги ҳафтада Ўзбекистонда картошка нархи кескин ошиши кузатилмоқда.

Экспертлар картошка нархининг кўтарилганини Қозоғистоннинг Ўзбекистонга картошка экспортини олти ойга тўхтатиш ҳақидаги қарори билан боғламоқда.

Қарор бу маҳсулотнинг, хусусан, Ўзбекистонга экспорт ҳажми ошиши ва нархи кескин кўтарилиши манзарасида қабул қилинди. Расмий маълумотга кўра, 11 ой ичида Ўзбекистон импорт қилган картошканинг деярли 75 фоизи Қозоғистондан олиб келинган.

Халқ орасида “камбағалнинг овқати”, “ўзбекнинг иккинчи нони” деб таъриф бериладиган бу маҳсулот турининг қимматлагани кам таъминланган оилалар аҳволини янада оғирлаштиргани айтилади.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Водий ҳаёти: 60 ёшдан кейин кечми?

60 ёшдан кейинги ҳаётингизни қандай тасаввур қиласиз? Бу ёшда янги нарсаларни ўрганиш, спорт билан шуғулланишга кеч бўладими?
Ҳеч бу ҳақда ўйлаб кўрганмисиз?

Бугун сизларга 60 ёшдан ошганига қарамай, фаол ҳаёт тарзига эга бўлган водийлик инсонлар ҳақида ҳикоя қилмоқчимиз.

Мазкур материал “Озодлик” радиосининг Фарғона водийси бюроси томонидан тайёрланди. Бюро Фарғона водийсида (Ўзбекистон, Қирғизистон, Тожикистон) яшаётган инсонлар ҳаёти, тарихи ва бугунги кун воқеаларини қизиқарли видео лавҳалар орқали ёритади.

Агар сиз ҳам ҳаётингиздаги муаммо ёки ютуқлар билан бизнинг ижтимоий тармоқлардаги ҳисобларимизда бўлишишни истасангиз @ferghana_media (+996 755 99 64 99) Телеграм каналига ёзинг.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Украинага босқин: 1066-кун | Тожикистонда “давлат тўнтаришига уриниш” иши; Трамп нефт нархини туширмоқчи

24 январ куни 120 дан ортиқ Украина дронлари Россиядаги нишонларга зарба берган. Бу 2025 йилдаги энг йирик ҳужумдир.
Москванинг учта аэропорти: Внуково, Домодедово ва Жуковский фаолияти вақтинча тўхтатилди.
Россия сўнгги 24 соат ичида Донецкдаги Соленое қишлоғини эгаллаб олганини иддао қилди.
Президент Трамп Давосда нефт нархларини туширишга чақирди.
Қўшни Тожикистонда “катта тозалаш”: Эмомали Раҳмон қудаларини лавозимлардан бўшатди.
Журналистлар Украина билан урушда ҳалок бўлган 90 мингдан зиёд Россия ҳарбийларининг исми шарифларини аниқладилар.
Сурия ҳукумати Исроил билан буфер зонада БМТ тинчликпарвар кучларини қабул қилишга тайёрлигини маълум қилди.
Венгрия бош вазири Виктор Орбан Европа Иттифоқидан Украинани Россия газининг транзитини тиклашга мажбурлашни талаб қилди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Ертўладан пул топаётганлар

Дунё иқлими ўзгармоқда! Сув камайиб, ер майдонлари қисқармоқда. Бу ҳолат қишлоқ хўжалиги маҳсулотларини етиштиришда муаммоларга сабаб бўлиши мумкин. Бутун дунё ҳамжамиятини озиқ - овқат хавфсизлиги ўйлантирмоқда.

Тупроқсиз ва ҳатто кўп сув талаб қилмайдиган сабзавот ва кўкатлар етиштириш муаммолар ечими бўлиши мумкин.

Фарғонада кўп қаватли уй ертўлаларида ана шундай усулда сабзавот ва кўкатлар етиштираётган одамлар борлиги ҳақидаги эса қуйидаги лавҳамизда томоша қилинг.

Мазкур материал “Озодлик” радиосининг Фарғона водийси бюроси томонидан тайёрланди. Бюро Фарғона водийсида (Ўзбекистон, Қирғизистон, Тожикистон) яшаётган инсонлар ҳаёти, тарихи ва бугунги кун воқеаларини қизиқарли видео лавҳалар орқали ёритади.

Агар сиз ҳам ҳаётингиздаги муаммо ёки ютуқлар билан бизнинг ижтимоий тармоқлардаги ҳисобларимизда бўлишишни истасангиз @ferghana_media (+996 755 99 64 99) Телеграм каналига ёзинг.

#ferghanastories

Ўзбекистон Россия томонида урушганларга енгил жазо бермоқда. Нега?

Ўзбекистон суди ўндан ортиқ украиналикни ўлдирганига иқрор бўлган андижонликка “озодликни чеклаш жазоси тайинлади.

Ўзбекистон ва Украинадаги фаоллар ўзбек судлари сўнгги пайтларда ўзга мамлакатга қурол кўтариб бориб, одам ўлдирган шахсларга енгил жазо бераётганига эътибор қаратишмоқда. Уруш тугамагунча Россияда юрган миллионлаб ўзбекистонлик муҳожирлар уруш домига тортилиш хавфи остида қолмоқда.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Кутилган "тебраниш". Ўзбекистонда картошка нархи қарийб икки бараварга ошди

Сўнгги ҳафтада Ўзбекистонда картошка нархи кескин ошиши кузатилмоқда.

Экспертлар картошка нархининг кўтарилганини Қозоғистоннинг Ўзбекистонга картошка экспортини олти ойга тўхтатиш ҳақидаги қарори билан боғламоқда.

Қарор бу маҳсулотнинг, хусусан, Ўзбекистонга экспорт ҳажми ошиши ва нархи кескин кўтарилиши манзарасида қабул қилинди. Расмий маълумотга кўра, 11 ой ичида Ўзбекистон импорт қилган картошканинг деярли 75 фоизи Қозоғистондан олиб келинган.

Халқ орасида “камбағалнинг овқати”, “ўзбекнинг иккинчи нони” деб таъриф бериладиган бу маҳсулот турининг қимматлагани кам таъминланган оилалар аҳволини янада оғирлаштиргани айтилади.

📌 Тўлиқ видео: https://youtu.be/NjxRVtQ4OIU

Россия ракетасидан яраланган гўдак

Пайшанбага ўтар кечаси Запорожеда Россиянинг ракета зарбалари натижасида бир киши ҳалок бўлди, 24 киши яраланди. Яраланганлар орасида икки ойлик гўдак ҳам бор, у касалхонага ётқизилган. Вилоят ҳарбий бошқармаси бошлиғи Иван Федоров маълумича, қурбонлар орасида Украина фавқулодда вазиятлар давлат хизматининг тўрт нафар ходими ҳам бор.

Унинг сўзларига кўра, шаҳарга берилган зарбалар натижасида турар-жой бинолари вайрон бўлган, портлаш тўлқини дераза ойналарини синдирган. Aввалроқ вилоят раҳбари россиялик ҳарбийлар Запорожега бешта ҳужумчи дрон билан ҳужум қилгани ҳақида хабар берган эди.

2022 йилги кенг кўламли босқиндан олдин 700 000 га яқин аҳоли истиқомат қилган Запороже рус қўшинларининг кўплаб маротаба нишонига айланади. Шаҳар фронт чизиғидан бир неча ўн километр узоқликда жойлашган.

📌 Тўлиқ видео: https://youtu.be/8gOHw4PJyas

Трамп келганидан ҳамма ҳавотирда – АҚШдаги ўзбеклар

Дональд Трамп ҳокимиятга келиши биланоқ Америкадаги мигрантларга босимни кучайтирувчи бир неча фармонларни имзолади. Америкага Мексика орқали кирган минглаб ўзбекистонликлар бундан жиддий ташвишда. “Мигрант Медиа” лойиҳаси Мекcикадан Америкага кира олмаган ёки кириб оғир аҳволда қолган Ўзбекистон фуқаролари билан суҳбатлашди.

Сўнгги йилларда АҚШга мигрантлар оқими мисли кўрилмаган даражага етди. Трамп нафақат чегараларни ёпиш, балки барча ноқонуний муҳожирларни мамлакатдан чиқариб юбориш ваъдаси билан сайланди. Бунга миллий хавфсизликни таъминлаш зарурати сабаб бўлаётгани айтилмоқда.

Видеони “Озодлик”нинг “Мигрант Медиа” лойиҳаси тайёрлади.

📌 ЧЕТ ЭЛДАГИ ВАТАНДОШ!

Ҳурматли муҳожир, муаммо ёки ютуқларингиз ҳақида бизнинг ижтимоий тармоқлардаги аккаунтларимиз орқали сўзлаб беришни истасангиз @migrantmedia_rferl Телеграм каналига ёзинг.

#MigrantMediaCentralAsia

“Ўлганнинг устига тепган”. МИБ фермернинг мулкини мусодара қилмоқда

Ўзбекистонда кластердан пулини ололмаётган фермер хўжаликлари сони кўпайиб бормоқда.

Гарчи фермерларнинг кластерлардан юз миллионлаб сўм ҳақдорлиги бўлса-да, лекин топширган пахтаси ёки буғдойи учун қўшимча қиймат солиғини топширолмаган фермерларнинг шахсий мулки суд қарорига биноан тортиб олинмоқда ва Мажбурий ижро бюролари уларни аукционларга қўйиб сотиб юбормоқда.

Самарқанд вилояти, Пайариқ туманидаги “УЗЗ Умиджон” фермер хўжалиги раҳбари Наргиза Убайдуллаевага кластер 185 миллион сўмини тўлаб бермаган. Аммо қўшимча қиймат солиғини тўламагани учун унинг Дамас автомобилини МИБ аукционда сотиб юборган.

Қашқадарё вилоят, Қамаши туманидан бўлган фермер Дилмурод Бердиевнинг ҳам кластерда 131 миллион сўм пули бор, аммо у пулини олиб солиққа тўлай олмайди. Оқибатда эса солиқ қарзни ундириб олиш учун ҳаракатни тадбиркорнинг хусусий мулкига қаратган.

Ўзбекистонда кластерлар тўғрисида Қонун йўқ. Улар фермерларни маҳаллий ҳокимлар зуғуми остида истаган кўйга солмоқда. Хоҳласа пулини беради, хоҳламаса йўқ.

Фермерлар оиласи, уларнинг минглаб ишчилари ҳам маошсиз, қозонни сувга ташлаб қўйган.

Фермерлар уюшиб ҳукуматга арз қилиб боришга эса қўрқади. Маҳаллий ҳокимларнинг уларга нисбатан бўладиган зуғумидан қўрқади. Шунинг учун ҳам, уларнинг арзу доди туманларидан нарига чиқмайди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Ўзбекистон Россия томонида урушганларга енгил жазо бермоқда. Нега?

Ўзбекистон суди ўндан ортиқ украиналикни ўлдирганига иқрор бўлган андижонликка “озодликни чеклаш жазоси тайинлади.

Ўзбекистон ва Украинадаги фаоллар ўзбек судлари сўнгги пайтларда ўзга мамлакатга қурол кўтариб бориб, одам ўлдирган шахсларга енгил жазо бераётганига эътибор қаратишмоқда. Уруш тугамагунча Россияда юрган миллионлаб ўзбекистонлик муҳожирлар уруш домига тортилиш хавфи остида қолмоқда.

📌 Тўлиқ видео: https://youtu.be/F7hzLC1S6MQ

Ўзбекистонга юборилган пул ўтказмалари рекорд даражада

2024 йилда Ўзбекистонга юборилган пул ўтказмалари 14,8 миллиард долларни ташкил қилди. Бу рекорд кўрсаткич.

Марказий банк эълон қилган жисмоний шахслар валюта операциялари бўйича шарҳга мувофиқ, мамлакатга пул ўтказмалари 2023 йилга нисбатан 30 фоизга ёки 3,4 миллиард долларга кўпайган.

Маблағларнинг 77 фоизи Россиядан (11,5 миллиард доллар) юборилган. Шу тариқа РФдан ўтказмалар 2023 йилга нисбатан 29 фоизга ортган. Йиллик трансфертларнинг қолган қисми Қозоғистон (795 миллион доллар), АҚШ (577 миллион доллар), Жанубий Корея (534 миллион доллар), Туркия (405 миллион доллар), Буюк Британия (135 миллион доллар) ва бошқа мамлакатлар ҳиссасига тўғри келади.

📌 Тўлиқ видео: https://youtu.be/FOrak7rlQj0