Botir Zaripov

#hokim_hududlarda
#Shofirkon_tumani

2006-yilda Osiyo massivida “Afzal polimer zamini” fermer xo‘jaligiga asos solgan Afzal Qo‘shshayevning asli mutaxassisligi kimyogar-biolog emasmi, o‘simliklarning parvarishi borasida ham yastanib yotgan cho‘l bag‘rida shinam ko‘kalamzor maskan bunyod etishga kirishgan. Ish hududda har yili 10 ming tupga yaqin manzarali va mevali daraxt ko‘chatlari o‘tqazishdan boshlangan.

— 2019-yilda agro-ekoturizm yo‘nalishida kompleks yaratishga jiddiy bel bog‘lab, bugunga kelib 50 gektar yerdan 10 gektarida suv havzasi, 10 gektarida 200 ming tup daraxt turlaridan iborat o‘ziga xos o‘rmon tashkil etishga erishdik, – deydi Afzal Qo‘shshayev. — Daraxtlar orasida ministadion, basketbol, voleybol, tennis maydonchalari, yana sportsevarlar uchun trenajyor zali qurib, foydalanishga topshirdik.

Botir Zaripov boshchiligidagi sektorlar rahbarlari mazkur xo‘jalikda yaratilgan shart-sharoitlar bilan tanishib, A.Qo‘shshayev bilan suhbatda bo‘ldilar. A.Qo‘shshayev kelgusida daraxt turlari va sonini ko‘paytirmoqchi ekanligi ma’lum qildi. Hozirda mavjud manzarali daraxt va gul ko‘chatlarini arzon narxlarda aholiga va korxonalarga yetkazib berishga tayyorligini bildirdi.

Viloyat rahbari Afzal aka boshlagan xayrli ishlarga yuqori baho berdi. Shu yerda daraxtzor va butazorlarni kengaytirish yuzasidan fikr almashildi.

Buxoro.uz | Facebook | Instagram | YouTube

#hokim_hududlarda
#Buxoro_tumani

Ta’kidlash lozimki, 2024-yilda 309 ming 405 nafar aholi bandligini ta’minlash rejalashtirilgan bo‘lib, amalda 384 ming 949 nafar aholi bandligi ta’minlandi. Kambag‘al oilalarning yashash sharoitlarini yaxshilash va daromadlarini oshirish maqsadida 7 ming 585 ta oilalarga 1 ming 368 ta rahbar va rahbar o‘rinbosarlari biriktirildi. Jumladan, 12,9 ming nafar fuqarolarga imtiyozli kredit, 2,5 ming nafariga subsidiya ajratildi, 17,5 ming nafari doimiy va mavsumiy ish o‘rinlariga ishga joylashtirildi, 4,2 ming nafari kasb-hunar va tadbirkorlikka o‘qitish orqali bandligi ta’minlandi, 282 nafarining tomorqalardan samarali foydalanishini yo‘lga qo‘yish orqali daromad manbai ta’minlandi.

Joriy yilda ham viloyatda aholi bandligini ta’minlash, qo‘shimcha daromad manbalarini topish, yangi imkoniyatlarni ishga solib, doimiy ish o‘rinlarini ko‘paytirish maqsadida zarur choralar ko‘rilmoqda.

Xususan, fuqarolarga ixcham va yengil konstruksiyali issiqxonalar qurib berish tajribasi kengaymoqda.

Botir Zaripov Buxoro tumanida tashkil etilgan omborda ayni shu yo‘nalishda belgilangan vazifalar ijrosini o‘rgandi.

Tumanlarda ijtimoiy reyestrda turgan, ijtimoiy himoyaga muhtoj oilalar daromadni oshirishga qaratilgan bu loyihani jadallashtirish yuzasidan muhim vazifalar belgilandi.

Buxoro.uz | Facebook | Instagram | YouTube

#hokim_hududlarda
#Buxoro_shahri

Ma’lumki, Buxoro tarixiy markazida yog‘in (qor, yomg‘ir) suvlarini qochirish tizimini qurish, ichki ko‘chalarda muhandislik-kommunikatsiya (elektr, suv va aloqa) tarmoqlarini yer ostidan o‘tkazish hamda aholi xonadonlari fasad qismini tarixiy ko‘rinishga keltirish bo‘yicha ishlar jadal davom etmoqda.

Xususan, Xo‘ja Nurobod, Chorminor, Sallaxona ko‘chalarida mavjud yer osti gaz quvurlarida, elektr va aloqa tarmoqlarida demontaj, tarmoqlarni yer ostidan o‘tkazish ishlari olib borilmoqda.

Bundan tashqari, Chor minor, Zindon, Samarqand darvoza, Isteza madrasasi Minorai kalon hududlari bo‘ylab keng miqyosda restavratsiya, konservatsiya tiklash ishlari bajarilmoqda. Kanalizatsiya tarmoqlari tortilmoqda. Mazkur ishlarning asosiy qismi “Buxorogazsanoatqurilish” aksiyadorlik jamiyati zimmasida.

Amalga oshirilayotgan ishlar esa viloyat hokimi Botir Zaripovning kundalik nazorati ostida kechmoqda. Bugun ham viloyat rahbari kun tartibini ayni shu manzildagi ish jarayonlarini ko‘zdan kechirishdan boshladi.

Botir Zaripov har bir ko‘cha eski shahar ruhiga mos bo‘lishini ta’minlash, ishlarni jadallashtirish, qadimiy inshootlar va yo‘l bo‘ylarida manzarali daraxt ko‘chatlarni o‘tqazish yuzasidan vazifalarni belgilab berdi. Jarayonda yuzaga kelayotgan muammllar bilan ham qiziqdi. Ularni hal etish bo‘yicha muddat belgilanib, ijrosini nazoratga olindi.

Buxoro.uz | Facebook | Instagram | YouTube