Bolalar yozuvchisi

@bolalar_yozuvchisi

Kanal geosi va tili: O‘zbekiston, O‘zbekcha

Toifa: Bloglar

Yozuvchi, adabiyotshunos (PhD) Sa’dullo Quronovning fantastik qarashlari 😊
Bog’lanish: @yozuvchigaXat_bot
squronov@gmail.com
https://quronov.uz
https://www.facebook.com/squronov/

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Bloglar

Statistika

Saralanganlar

Postlar filtri

O‘chirilganlarni yashirish

Repostlarni yashirish

Bolalar yozuvchisi

11 Feb, 06:51

3-kitobda qahramonlarnimning biriga Satoshi deb ot qo‘ydim.

228 0 2 17 21

Bolalar yozuvchisi

9 Feb, 18:35

Maktablarga ijodiy uchrashuvga borsam savollardan biri, albatta:
- Ronaldo yoki Messi? 😁

334 0 2 19 30

Bolalar yozuvchisi

9 Feb, 15:37

Bitkoin haqida yaxshi hujjatli film koʻrdim.

333 0 0 11

Vaqtida ingliz tilini o‘rganib olmaganimdan afsuslanaman. Ayniqsa, so‘ngi 4-5 yilda ingliz tili shaxsiy rivojlanishda naqadar muhim ekanini tanamda his qildim. Afsuski, endi til o‘rganishga na vaqt, na qunt topa olyapman...

Kuni kecha “Ibrat Academy” ilovasida yangi “Super Start” moduli e’lon qilingandan so‘ng ichimga yorug‘lik kirdi. Ingliz tilini noldan, qulay va o‘yinlashtirilgan tizimda o‘rgansa bo‘larkan. Kuniga 10-15 daqiqa “telefon o‘ynasangiz” kifoya. Hech bo‘lmasa, boshlang‘ich darajani o‘rganib olay deb ilovaning premium versiyasini sotib oldim. Puli ketsa odamning ko‘zi qiymaydi, o‘qishga majbur bo‘ladi-da. Sizlarga ham tavsiya qilaman. Ayniqsa, bolalar va yoshlar uchun juda foydali bo‘ladi.

Loyihaga mehnati singgan doʻstlarga esa alohida tashakkurlar!

519 0 3 11 23

Bolalar yozuvchisi

3 Feb, 13:22

641 0 1 7 48

Bolalar yozuvchisi

2 Feb, 12:28

Asar yozishda gʻoya birlamchi emas. Negaki millionlab gʻoyalar mavjud va ular odatda oʻzgarmas, sayyor!

Qiyini, shu gʻoyaga oʻquvchini ishontirishda, gʻoyagacha bosib oʻtiladigan adabiy yoʻlda.

739 1 1 21 27

Bolalar yozuvchisi

2 Feb, 09:34

Koʻpchilik Eynshteyn nisbiylik nazariyasini yaratgani uchun Nobel olgan deb oʻylaydi. Aslida u hayotining soʻngi kunlariga qadar tan olmagan kvant mexanikasi sohasida qilgan kashfiyoti uchun taqdirlangan.

Taqdir oʻyini :))

740 0 1 2 23

Bolalar yozuvchisi

31 Jan, 11:43

Kitobdan yaxshiroq do'st yo'q jahonda!

Farg'ona shahridagi 2-ayrim fanlar chuqur oʻrganiladigan davlat ixtisoslashtirilgan maktabida "Kitobdan yaxshiroq do‘st yo‘q jahonda" mavzusida kitobxonlik haftaligi boshlandi.

Bugungi tadbir bolalar yozuvchisi Sa'dullo Quronovning "Galaktikada bir kun" ilmiy-fantastik qissasi asosida tashkillanib, 8-sinf o'quvchilari ishtirok etdilar. O'quvchilar yozuvchi va asar haqidagi videoroliklar orqali qo'shimcha ma'lumotlarga ega bo'ldilar.

Viktorina asosida tashkil etilgan o'yinda eng faol kitobxon o'quvchilar aniqlandi, shuningdek asar mavzusiga oid chizilgan rasmlar namoyish etildi va o'quvchilar o'zlarining xulosalarini aytib o'tdilar. Faol o'quvchilarga tashkilotchilar tomonidan eng sara kitoblar topshirildi.

Kitobxonlik bayrami oʻquvchi yoshlar qalbi va ongida kitobga boʻlgan qiziqishni oshirish, ularning isteʼdodlarini namoyon qilishda dasturilamal boʻlib xizmat qiladi.

1.7k 0 8 1 37

Bolalar yozuvchisi

31 Jan, 10:22

547 0 2 11 20

Bolalar yozuvchisi

30 Jan, 11:03

Mubaşşir Ahmad dan repost

Туркияда болалар учун одоб-ахлоқ, динимизни ўргатувчи китоблар жуда кўп. Бу ерда исталган ёшдаги бола учун китоб топиш имкони бор. Алҳамдулиллаҳ, бизда ҳам шундай китоблар кўпаяётгани қувонарли ҳолат.

Ёш ижодкорлардан Ғиёсиддин Юсуф болалар учун тарбиявий аҳамиятга эга китоблари билан танилиб қолган. У кишининг яқинда нашр қилинган «Гўзал хулқлар» номли китоби болалар учун муҳим бўлган хулқлар: илм ўрганиш, ростгўйлик, омонатдорлик, меҳнатсеварлик каби фазилатларни содда ва қизиқарли тарзда тушунтиради. Ҳар бир мавзу ҳикоялар ва расмлар билан бойитилган, сўнггида эса болалар билимларини мустаҳкамлаши учун саволлар берилган.

Бу китоб болалар қалбига эзгулик уруғларини экади ва улар учун муҳим қўлланма бўлади. Муаллифга ташаккур! Аллоҳ бу хайрли ишингизга барака берсин!

@MubashshirAhmad

498 0 0 3 19

Bolalar yozuvchisi

30 Jan, 09:07

Xaos nazariyasi – fanning olamni tushunish va tushuntirish yoʻlidagi eng muhim nazariyalaridan biri hisoblanadi. Unga koʻra olam xaos – tartibsiz, ayni damda, bu tartibsizlik juda murakkab, aniq qonuniyatlarga boʻysunuvchi tizimdir. Yaʼni bir qarashda, olam tartibsiz – xaos. Biroq yillar va asrlarga teng oraliqdan qaralsa, yashirin qonuniyat, Ulugʻvor muvozanat alomatlari koʻzga tashlanadi. Uni isbotlovchi omillar tabiatda ham, jamiyatda ham bisyor.

Ulkan portlashdan soʻng yuzaga kelgan xaosda eng kichik zarralarning “tasodifiy” toʻqnashuvi avvaliga atomni, milliard yillar oʻtib esa yulduz va sayyoralarning vujudga kelishiga sabab boʻldi.

Kunlik ob-havo ham tartibsiz. Kapalakning bir qanot qoqishi barini algʻov-dalgʻov qilib yuborishi mumkin. Shu bilan birga, mana shu “tartibsizlik” million yillar davomida Yer tabiati moʻtadilligini taʼminlab kelmoqda.
Hayvonot va nabotot olamining populyatsiyasi ham xuddi shunday – xaos.

Insoniyat chinakam tartibot va adolatni anglashga, hatto, kuzatishga ojizlik qiladi. Biroq bunga imon keltirish yo inkor qilish uning oʻz qoʻlida.

@bolalar_yozuvchisi

552 0 3 3 11

Bolalar yozuvchisi

29 Jan, 07:56

Olamning yaralishi – Ulkan portlash vaqtidagi fotonlar hali ham bizning tevaragimizda aylanib yuribdi.

Tasavvur qilayapsizmi, 13,7 milliard yil oldin, olam qanday yaralganini "ko‘rgan" zarralar hozir ham mavjud. Balki u hozirgina, soniyaning milliondan bir ulushicha vaqtda, tanangizni teshib kirib, boshqa tarafdan chiqib ketib ulgurgandir!

Sizlarni bilmadim-ku, lekin shunaqa ma’lumotlar meni kuchli hayratga soladi!

668 0 3 9 23

Bolalar yozuvchisi

27 Jan, 18:50

G'iyosiddin Yusuf | blog dan repost

"Galaktikada bir kun" — birinchi va ikkinchi kitoblar

Mendan bolalar uchun qanday kitoblar tavsiya qilishimni so‘rashadi. Endi qo‘rqmay ushbu kitoblarni tavsiya qila olaman! Chunki Sa’dullo Quronovning ushbu asari bolalar dunyoqarashini kengaytish, ilmga bo‘lgan intilishini oshirish, insonning aziz va mukarram ekani, vaqtning qadriga yetish, hayotdagi turli mashaqqatlarga mardonavor qarshi tura olish, irodali bo‘lish kabi xislatlarni rivojlantirishga xizmat qiladi.

Asar qahramoni Ahmad kichik yoshda bo‘lishiga qaramay, fizika, matematika, astronomiya kabi fanlarni a’lo darajada biladi. Natijada u ixtirolar tanlovida ishtirok etish uchun koinotda harakatlanadigan kema yasash loyihasini tuzadi. Ahmadning loyihasi hali mukammal bo‘lmagani sababli tanlovda o‘rin ola olmasa-da, Salmir sayyorasidan kelgan Margol ismli kishining e’tiborini tortadi va u Ahmaddan chizmalarini berishini, ular asosida kema yasab, Salmir sayyorasi uchun zarur bo‘lgan kristallni izlab topishni iltimos qiladi. Ahmad o‘zga sayyoralikka yordam qo‘lini cho‘zadi, ikkisi birga "Ko‘kkezar" kemasini yasashadi va bu safarda Ahmad ham hamroh bo‘ladi...

Sarguzashtlar mana shu yerdan boshlanadi. Voqealar bir-biri bilan juda ham ustalik bilan bog‘langan, o‘quvchini nihoyatda qiziqtirib qo‘yadi. Orada xayoliy holatlarni izohlab beruvchi ilmiy qarashlar ham berib o‘tiladi. Shuning uchun bu asar "ilmiy-fantastik qissa" deyiladi.

Kitobning ikkinchi qismi ham birinchi qismdagi voqealar bilan bevosita bog‘liq. Unda ham Ahmad koinotga safar qiladi va vaqt tuynugidan million yillar ortga qaytib, Meriya sayyorasidan koinot javohirini topadi. Ayni shu joy bolalar uchun juda muhim deb o‘ylayman.

Asardagi har bir voqea juda ta’sirli, kutilmagan voqealar, kulminasion nuqtalarga boy. "Obbo! Endi qahramonlar nima qilar ekan, boshi berk ko‘chaga tiqib qo‘ydi-ku!" deb siqilib turganingizda o‘ylamagan joyingizdan yechim chiqib kayfiyatingiz ko‘tariladi.

Qisqasi, o‘qish kerak. Asar tili juda ravon ekan. Bolalar tushunishga qiynalmaydi, kattalar zerikib qolmaydi. Sa’dullohning bunday mahoratli yozuvchi ekanini bilmagan edim. Alloh ijodlariga baraka bersin. Ayni kunlarda "Galaktikada bir kun"ning uchinchi qismini yozayotgan ekanlar, Alloh oson qilsin!

#mutolaa2025

@GiyosiddinYusuf

425 0 7 4 22

Bolalar yozuvchisi

27 Jan, 08:09

Somon yoʻlidan boshqa galaktikalar borligini aytgan birinchi olim Immanuel Kant ekan!

Ustimdan sovuq suv quyilgandek boʻldi. Negaki, Kant na astronom, na fizik boʻlgan. U faylasuf boʻlgan. Toʻgʻri, u bu sohalarga qiziqqan, risolalarida yozgan. Lekin uning qiziqishlari empirik tadqiqotlarga asoslanmagan.

Xullas, Kant hali optik qurilmagan rivojlanmagan bir vaqtda, matematik hisob-kitoblarsiz, farazan Andromeda tumanligi Somon yoʻli galaktikasi kabi boshqa bir galaktika boʻlishi mumkinligini aytadi…

U yana Quyosh va boshqa osmon jismlari fazoviy changdan hosil boʻlgan degan farazni ham ilgari suradi!

Gʻalati-a, bir faylasuf faraz qilib, aql va mantiq kuchi bilan milliard-milliard km uzoqlikdagi hodisalarni savvur qilib oʻtirgan…

Eh, hozirgina odam bolasining fikr kengliklari haqidagi tasavvurlarim yana 100 yorugʻlik yilicha kengaydi )

@bolalar_yozuvchisi

570 0 2 2 27

Bolalar yozuvchisi

26 Jan, 20:19

Agar "Galaktikada bir kun"ning 3-qismda qahramonlarimizning biri xoin bo‘lib chiqsa, u kim bo‘lishi mumkin? 🥶

525 0 1 42 26

Bolalar yozuvchisi

26 Jan, 15:58

Instagram’da andijonlik havaskor astronom Rustamning sahifasini topib oldim.

Teleskop va astrokamera yordamida osmon jismlarini suratga olarkan. Yozuvchilikdan keyin eng yaxshi mashgʻulot shu boʻlsa kerak :))

Men ham katta boʻsam shunaqa qurilmalar olib, astronomiya bilan jiddiyroq shugʻillanaman, inshaalloh!

Rustam astroning sahifasi 👇

https://www.instagram.com/rustam_astro_uz?igsh=bHplaWI4azhiZ2c3

571 0 0 12

Bolalar yozuvchisi

24 Jan, 10:10

Olimov's note dan repost

Bilasizmi, yoshlar odatda menda sovet soʻrashadi. Mana zoʻri!

Life is short, lekin orzular katta bo‘lishi kerak!

Yoʻlingda qiyinchiliklar bo‘lsa, don’t worry, bu ham hayotning bir qismi. Har bir muammo - bu yangi imkoniyat! Ты можешь всё, если хочешь!

Unutmang: “Erisholmaydigan narsa yo‘q, faqat harakat qilish kerak.”
Stay motivated, stay positive!

Bunga follow qilishdan oldin, bir tilda mukammal gapirishni oʻrganing. Imkon boʻlsa oʻz ona tilingizda sof va ravon gapiring. Ruscha va inglizcha gapirishingiz sizni aqlliroq va более продвинутый qilib koʻrsatmaydi. Katta ehtimol bilan odamlarni jigʻiga tegadi. 😄

571 0 1 3 24

Bolalar yozuvchisi

17 Jan, 18:34

Shu kitobni oʻqiyapman.

874 0 0 10 27

Bolalar yozuvchisi

15 Jan, 19:24

Orif Tolib dan repost

Hisbelgi nima?

2020-yili emoji soʻziga oʻzbekcha muqobil topish uchun soʻrovnoma bergandim. Unda kulgich, kuldirgich, kulinchoq, imochi, hisbelgi kabi soʻzlarni variant sifatida taklif qilgandim. Eng koʻp ovozni hisbelgi soʻzi olgandi.

Keyin bu maʼlumot 2022-yili nashr qilingan 6-sinf “Ona tili” darsligiga ham kiritildi.

Darslik bu soʻzga shunday izoh bergan:

Hisbelgi – his-tuygʻu, narsa va hodisalarni ifodalovchi belgi. Odatda bitta soʻz yoki gap maʼnosiga teng keladi. Hisbelgi odam, hayvon va turli predmetlar shaklida boʻlishi mumkin.

Hisbelgi rasmiy boʻlmagan matnlarda, shaxsiy yozishmalarda qoʻllanadi. Uning qoʻllanishi tinish belgilarining vazifasiga taʼsir etmaydi.

Oradan toʻrt yildan koʻproq vaqt oʻtdi. Hisbelgi soʻzi ommalashdi. Bugun faqat oʻqituvchilar emas, boshqa soha vakillari ham emoji yoki smaylik oʻrnida hisbelgi atamasini ishlatayotganiga guvoh boʻlyapman. Neologizmlarni oʻzbekchalashtirish yoʻlidagi kichik gʻalaba bu.

Aytgancha, emoji soʻzining inglizcha emotion – hissiyot soʻziga aloqasi yoʻq. Shaklan oʻxshash xolos. Asli yaponcha, rasmli belgi yoki rasm-belgi maʼnosiga ega. Emoʻzi deb oʻqiladi.

Emoji deganda kishining koʻz oldiga birinchi galda turli yuz ifodalariga ega belgilar keladi. Narsa-buyum, hodisaning biror yorqin xususiyatiga qarab ot qoʻyish amaliyoti tilda bor. Shunga koʻra, emojini hisbelgi deb atash asoslidir.

🌐 Sayt 🛜 Telegram ▶️ YouTube