Biznesreport.uz - bank, biznes, iqtisod

O‘zbekistonda muammoli kreditlar hajmi 23,7 trln so‘mdan oshdi

2025-yil 1-fevral holatiga O‘zbekiston banklarida muammoli kreditlarning (NPL) umumiy hajmi 23,7 trln so‘mni tashkil etib, kredit portfeli umumiy hajmining 4,5% ini tashkil etdi.

📊 Davlat banklarida bunday kreditlar ulushi 3,9% dan 4,6% gacha, xususiy banklarda esa 4,1% dan 4,2% gacha oshgan.

Davlat banklarida muammoli kreditlar miqdori 16,8 trln so‘mni tashkil etdi. Ularda NPLning eng yuqori darajasi “Biznesni rivojlantirish banki”da qayd etilgan — 9,2%, undan keyingi o‘rinlarni “Agrobank” 4,8% va “Mikrokreditbank” 6,9% bilan egallagan.

🏦 Xususiy banklarda muammoli kreditlarning eng yuqori foizi “Madad Invest Bank”da — 19,5%, undan keyin “Garant Bank” 18,6%, uchinchi o‘rinda esa “AVO Bank” 12,2% bilan kelmoqda.

Kredit portfelining umumiy hajmi yanvar oyidagi 533,1 trln so‘mdan 1-fevralda 533, 989 trln so‘mga (+ 868 mlrd so‘m) oshdi.

🏦 Ushbu mablag‘larning 366,8 trln so‘mi davlat banklari kreditlari, 167,1 trln so‘mi esa xususiy banklar kreditlari hissasiga to‘g‘ri keladi.

Telegram I Instagram I Veb-sayt

Dollar kursi ikki kunda ichida deyarli 20 so‘mga oshdi

O‘zbekiston Markaziy banki tomonidan 4-mart kuni O‘zbekiston so‘miga nisbatan xorijiy valyutalarning yangi kurslari e’lon qilindi.

Dollar kursi 12 897,20 (+7,13) so‘mni tashkil etdi, yevro ham 48,68 so‘mga ko‘tarilib 13 449,20 so‘mni tashkil etdi.

Boshqa xorijiy valyutalar bo‘yicha belgilangan kurslar ham ma’lum bo‘ldi:

🟢funt sterling — 16 287,87 so‘m (+51,54);
🟢rubl — 144,65 so‘m (-1,81);
🟢Xitoy yuani — 1 769,41 so‘m (-1,03);
🟢Yaponiya iyenasi — 85,78 so‘m (-0,01);
🟢Qozog’iston tengesi — 25,82 so‘m (-0,01).

Telegram I Instagram I Veb-sayt

📲 O‘zbekistonda mobil aloqa abonentlari soni 36,3 mlnga yetdi

2025-yil 1-yanvar holatiga ko'ra abonentlar soni 36,3 millionga yetdi. bu haqda Milliy statistika agentligi xabar berdi.

So‘nggi yillarda abonentlar soni quyidagicha o‘sgan:

🔵 2021-yilda – 26 mln;
🔵 2022-yilda – 29 mln;
🔵 2023-yilda – 32mln;
🔵 2024-yilda – 34,3mln.

Bu o‘sish mobil aloqaga bo‘lgan talab ortayotganini ko‘rsatadi.

Telegram I Instagram I Veb-sayt

“Pepsi” kompaniyasi “Baraka market” tarmog‘ini sotib oldi

“International Beverages Tashkent” kompaniyasi “Pepsi”, “7UP”, “Mirinda”, “Mountain Dew”, “Adrenaline Rush” va “Lipton” savdo belgilari ostida salqin ichimliklar ishlab chiqarish faoliyati bilan shug‘ullanadi.

“Urban Retail” MCHJ XK “Baraka market” savdo belgisi ostida supermarketlar tarmog‘ini yuritib keladi.

Raqobat qo‘mitasi tomonidan “International Beverages Tashkent” MCHJ XKning “Urban Retail” MCHJ XKning 100% ulushlarini olish bo‘yicha arizasi qanoatlantirildi.

Qo‘mita ma'lum qilishicha, bitim raqobat muhitiga ta’sir ko‘rsatmaydi.

Telegram I Instagram I Veb-sayt

👩‍🏫 Pedagoglarga ustama berish tartibi tasdiqlandi

O‘zbekistonda o‘qituvchilarga 70% gacha ustama to‘lash tartibi tasdiqlandi.

Endi barcha fan o‘qituvchilari va bog‘cha tarbiyachilari sinovdan o‘tib, qo‘shimcha haq olishlari mumkin.

❌ Xususan, vazir jamg‘armasidan har oylik ustama olish uchun nomzodlar ro‘yxatini hududiy kengashlar tavsiyasi asosida shakllantirish tartibi bekor qilindi.

Agar pedagog test sinovlarida 86 va undan yuqori ball olsa yoki oliy/birinchi malaka toifasiga ega bo‘lsa, unga asosiy maoshining 70% miqdorida qo‘shimcha to‘lov beriladi.

📝 Bundan tashqari, Bilim va malakalarni baholash agentligidan sertifikat olgan o‘qituvchilar attestatsiyaning birinchi bosqichidan ozod qilinadi.

Telegram I Instagram I Veb-sayt

Tabiiy gaz narxi 1-aprelga qadar oshirilmaydi

Tabiiy gaz uchun isitish mavsumida belgilangan 500 kubometrlik bazaviy me’yor 1-aprelga qadar uzaytirildi.

Qonunchilikka ko‘ra, 1-martdan boshlab isitish mavsumida tabiiy gaz uchun joriy qilingan 500 kubometrlik bazaviy me’yor 100 kubometrga tushirilishi belgilangan edi.

“Biroq, mart oyida havo haroratining pasayishi, ayrim kunlari tunda va kunduzi 0°C darajadan tushishi va odatdagidan sovuqroq bo‘lishi kutilmoqda. ... ..Vazirlar Mahkamasining tegishli qarori bilan isitish mavsumi uchun belgilangan 500 kubometrlik bazaviy me’yor 2025-yil 1-apreliga qadar uzaytirildi”, deyiladi xabarda.

Eslatib o‘tamiz, imtiyozli davrda (noyabr-fevral oylari) aholi tabiiy gaz uchun quyidagi shkala bo‘yicha to‘lov qilishi belgilangan:

🟢oyiga 500 kub metrgacha — 650 so‘m;
🟢oyiga 501 kub metrdan 2 500 kub metrgacha — 1500 so‘m;
🟢oyiga 2 501 kub metrdan 5 000 kub metrgacha — 1950 so‘m;
🟢oyiga 5 001 kub metrdan 10 000 kub metrgacha — 2275 so‘m;
🟢oyiga 10 001 kub metr va undan yuqori — 2600 so‘m.

Qoraqalpog‘iston Respublikasi va Xorazm viloyatida imtiyozli davr oktabr – fevral oylari hisoblanadi.

Haftaning eng muhim xabarlari:

❗️Buzilayotgan turar va noturar joylarning bozor qiymati to‘liq qoplab beriladi

📉 Avtomobil importi keskin pasaydi

🇰🇬 Qirg'iziston raqamli somga o'tmoqda

💳 “Paynet” ustav kapitalini 50 baravarga oshirmoqda

💳 Endi korporativ bank kartasi yordamida davlat xaridini amalga oshirish mumkin

🛫 Kichik bizneslarga sug‘urta va sertifikat xarajatlari qoplanadi

🎤 Temu marketpleysi bloklanishi mumkin

💵 2024-yilda davlat tashqi qarzi qancha yetdi?

🪪 Endilikda biomektrik hujjatlaringizga chiroyli raqam sotib olishingiz mumkin

Maxsus sonlar:

📆 O'zbekistonda 1-martdan nimalar o'zgaradi?

🇺🇸 Tramp AQSH fuqaroligi sotilishi haqida ma'lum qildi

❓ Open banking nima va undan foydalanishning ijobiy va salbiy tomonlari qanday?

Telegram I Instagram I Veb-sayt

Fevral oyida hukumat organi va banklarda qanday o‘zgarishlar bo‘ldi?

🏦 1-fevral kuni Qurbonov Alisher Samadovich “Aloqabank” boshqaruv raisi o‘rinbosari lavozimidan bo‘shatildi.

Shundan so‘ng, Xolmuradov Akmal Tolmasovich “Aloqabank” boshqaruvi raisi o‘rinbosari etib tayinlandi.

🏦 6-fevral kuni Filippovich Aleksandr Aleksandrovich “UZUM BANK” boshqaruv raisi lavozimidan bo‘shatildi.

Uning o‘rniga Xe Svetlana Zexenovna tayinlandi.

🏦 11-fevralda Axmedov Xasanjon Muxamadovich “Xalq banki” boshqaruv raisi o‘rinbosari etib tayinlandi.

🏦 18-fevralga kelib esa Obidov Zohidjon Sidiqovich va Xaydarov Rustam Baxtiyorovich “Turonbank” boshqaruv raisiga o‘rinbosar etib tayinlandi.

🚆 Bundan tashqari, “Temiryo‘linfratuzilma” AJda ham o‘zgarishlar bo‘ldi.

Prezident administratsiyasi topshirig‘iga muvofiq kompaniya raisi S.Norqabilov ishdan olinib, birinchi o‘rinbosar qilindi. “O‘zbekiston temir yo‘llari” AJ boshqaruv raisining o‘rinbosari A.Kamildjanov esa o‘rindoshlik asosida rais bo‘ldi.

Keyinchalik “Temiryo‘linfratuzilma” matbuot xizmati mazkur holatga raddiya bilan chiqdi.

👀 Matbuot xizmatining tayinlovlardan xabari yo‘q, shekilli..

Telegram I Instagram I Veb-sayt

O'zbekistonda 1-martdan nimalar o'zgaradi?

🔥🔥🔥🔥 1-mart, ya'ni bugundan boshlab qonunchilikda qanday o'zgarishlar amalga oshirilishi haqida ma'lumot beradi.

🏠 'https://t.me/minecofinuz/11279?utm_source=in_materials' rel='nofollow'>Ipoteka subsidiyalari uchun arizalar qabul qilinadi;

💻 Bog‘cha xodimlari uchun 'https://t.me/huquqiyaxborot/16634?utm_source=in_materials' rel='nofollow'>onlayn malaka oshirish xizmati yo‘lga qo‘yiladi;

💳 Uzcard SMS-xabarnoma xizmati narxi oshadi;

👵 'https://t.me/PensionFundRUz/6725?utm_source=in_materials' rel='nofollow'>Pensiyalar avtomatik tayinlanadi;

🤔 Litsenziya va ruxsat etish hujjatlarining 12 turi bekor qilinadi;

🦽 Nogironligi bo‘lgan bolalar uchun 'https://t.me/huquqiyaxborot/17386?utm_source=in_materials' rel='nofollow'>kunduzgi parvarish xizmati yo‘lga qo‘yiladi;

🛴 Skuter, moped va elektro-skuterlar uchun haydovchilik guvohnomasi talab etiladi;

🏗 Ko‘chmas mulk ijarasi va oldi-sotdisida yangi tartib'https://t.me/huquqiyaxborot/17049?utm_source=in_materials' rel='nofollow'> joriy etiladi;

❌ Ayrim tovarlar uchun bojxona bojlari bekor qilinadi;

🧑‍🌾 Fermerlar yer ijara huquqini sotishi mumkin;

🌱 Avtomobillar uchun eko-stikerlar berish boshlanadi;

🏛 Hokimliklar davlat ko‘chmas mulkini tadbirkorlarga berishi mumkin.

Telegram I Instagram I Veb-sayt

O‘tgan yilda qancha qimmatbaho metallar sotilgan?

2024-yilda O‘zbekiston respublika tovar-xom ashyo birjasida qimmatbaho metallar savdosi 60% dan oshdi.

📊 Birja savdolari orqali 2 912,1 kg qimmatbaho metallar sotildi, bu 2023-yilga nisbatan 61,78% ga ko‘p.

Shundan 2535,1 kg oltin bo‘lib, uning birja narxi 1 grammi uchun 977,5 ming so‘mni tashkil etdi.

Kumushning sotilgan miqdori 377 kg ga, o‘rtacha tortilgan narxi esa 1 grammi uchun 11 325,2 so‘mga yetdi.

🪙 Joriy yilning yanvar oyida tadbirkorlar birja orqali 195,7 kg oltin xarid qilishdi.

O‘tgan oyda oltinning o‘rtacha tortilgan narxi bir gramm uchun 1,12 million so‘mni tashkil etdi, sotuvlar esa 219 milliard so‘mdan oshgan bo‘lishi ehtimoli bor.

Telegram I Instagram I Veb-sayt

Endilikda haydovchilar o‘zini o‘zi band qilishlari mumkin

✍️ Prezident Mirziyoyev 27-fevral kuni bu haqdagi qarorga imzo chekdi.

Unga ko‘ra, o‘zini o‘zi band qilgan shaxslar shug‘ullanishi mumkin bo‘lgan faoliyat turlari kengaytirildi.

🚕 Yengil avtotransport vositalarida yo‘lovchi tashuvchi o‘zini o‘zi band qilgan shaxslarga litsenziya beriladi.

Ikki yil oldin bunday tartibda faoliyat olib borishga vaqtinchalik ruxsat berilgan edi. Buning natijasida taksichilar soni 6 barobar oshib, 457 mingga yetgan.

💡 Avvalroq, Biznesreport.uz nashri “Qanday qilib? ” ruknida o’zini o’zi band qilgan shaxs sifatida ro‘yxatdan o‘tish tartibi haqida qo’llanma tayyorlagandi.

Telegram I Instagram I Veb-sayt

💲 Tramp rasmi tushirilgan $250lik kupyura chiqarilishi mumkinmi?

AQShda kongressmen Jo Uilson Donald Tramp tasvirlangan $250lik banknot chiqarishni taklif qildi.

Uning fikricha, inflyatsiya sabab odamlar ko‘proq naqd pul ishlatishga majbur, shuning uchun katta nominaldagi banknotlar kerak.

❌ Lekin bu taklif bir nechta muammolarga duch kelishi mumkin. AQSh qonunlariga ko‘ra, tirik insonning rasmi pullarda aks etishi taqiqlangan.

Shu kabi takliflar oldin ham bo‘lgan. Masalan, Arizona shtati kongressmeni Pol Gosar Tramp tasvirlangan $500lik kupyura yaratish g‘oyasini ilgari surgan edi. Biroq, bu kabi loyihalar qabul qilinishi ehtimoli juda past.

🤔 Sizningcha, Tramp rasmi tushirilgan kupyura haqiqatan ham muomalaga kiritilishi mumkinmi?

Telegram I Instagram I Veb-sayt

Dollarning rasmiy kursi 3–martdan yana ko‘tariladi

O‘zbekiston Markaziy banki tomonidan 3-mart kuni O‘zbekiston so‘miga nisbatan xorijiy valyutalarning yangi kurslari e’lon qilindi.

Dollar kursi 12 890,07 (+12,70) so‘mni tashkil etdi, yevro ham 101,40 so‘mga tushib, 13 400,52 so‘mni tashkil etdi.

Boshqa xorijiy valyutalar bo‘yicha belgilangan kurslar ham ma’lum bo‘ldi:

🔵funt sterling — 16 236,33 so‘m (-90,89);
🔵rubl — 146,46 so‘m (-1,71);
🔵Xitoy yuani — 1 770,44 so‘m (-1,30);
🔵Yaponiya iyenasi — 85,79 so‘m (-0,14);
🔵Qozog’iston tengesi — 25,83 so‘m (+0,07).

Telegram I Instagram I Veb-sayt

🧮 Inflyatsiya kalkulyatori ishga tushdi

Markaziy bank "Inflyatsiya kalkulyatori"ni ishga tushirganini ma'lum qildi.

Endi fuqarolar pulning yillar davomida qanday qadrsizlanishini osongina hisoblab ko‘rishlari mumkin.

🧮 Bu kalkulyator orqali istalgan yilni tanlab, ma’lum bir miqdordagi pulning bugungi kunda necha so‘mga teng bo‘lishini bilish mumkin.

Hisob-kitoblar Statistika agentligi ma’lumotlariga asoslangan.

Masalan, 2000-yilda 500 ming so‘mga nimalar sotib olish mumkin bo‘lsa, bugungi kunda aynan o‘sha mahsulotlar 5 mln 931 ming so‘m turadi.

Shuningdek, kalkulyator inflyatsiya foizlari va o‘rtacha yillik o‘sishni ham ko‘rsatadi.

❓ Qanday aniqlash mumkin?

Markaziy Bankning bosh sahifasidan “Pul-kredit siyosati” bo‘limiga o'tib, u yerdan "Inflyatsiya kalkulyatori"ga o'tasiz. Bu yerda yillar va pul miqdorini istaganingizdek kiritib, pulning qadrsizlanish darajasini aniqlashingiz mumkin.

Telegram I Instagram I Veb-sayt

🪪 Endilikda biomektrik hujjatlaringizga chiroyli raqam sotib olishingiz mumkin

Ichki ishlar vazirligi biometrik pasport, ID-karta, haydovchilik guvohnomasi va avtomobil ro‘yxatga olish hujjatlarining narxlarini oshirish bo‘yicha hukumat loyihasini muhokamaga qo‘ydi.

Vazirlikning quyidagi takliflari ma’qullanishi mumkin:

✍️ Xaridorgir raqamlar kombinatsiyasiga ega bo‘lgan ID-karta, xorijga chiqish biometrik pasporti, haydovchilik guvohnomasi va avtomototransport vositasini ro‘yxatdan o‘tkazish guvohnomasini oshirilgan to‘lov stavkalari bo‘yicha berish tizimini joriy etish.

✍️ Xaridorgir raqamlar kombinatsiyasiga ega bo‘lgan ID-karta, biometrik pasport, haydovchilik guvohnomasi va avtomobil ro‘yxatga olish hujjatlarini qo‘shimcha to‘lov asosida texnik qurilmalar va dasturiy ta’minotlar orqali berish.

Chiroyli raqamlarga ega biometrik hujjatlarni qanday olish mumkin?

🔵Talabgor YaIDXP yoki elektron platformadan ro‘yxatdan o‘tadi.

🔵Elektron platformaga joylangan raqamni tanlaydi;

🔵Tanlangan raqam uchun to‘lov amalga oshirilishi haqida invoys raqami taqdim etadi;

🔵Taqdim etilgan invoys raqamiga belgilangan mablag‘larni to‘liq miqdorda o‘tkazadi;

🔵To‘lov amalga oshirilgandan so‘ng sotib olingan ID-karta raqami talabgorning JShShIR raqamiga bog‘lanadi va bu haqida shaxsiy kabinetiga xabar yuboriladi;

🔵Xabar kelgandan so‘ng talabgor 90 kun ichida o‘ziga qulay bo‘lgan ma’lumotlarni yig‘ish punktlariga borib, ID-karta olish bo‘yicha murojaat qiladi va o‘rnatilgan tartibda ID-karta rasmiylashtirib beriladi.

Telegram I Instagram I Veb-sayt

📣 Ilon Mask supermillionerlar reytingida 1-o'rinda!

Tesla va SpaceX asoschisi Ilon Mask yana dunyoning eng boy insoni deb topildi. Uning boyligi 419,4 milliard dollarni tashkil etadi.

👀 Bu ro'yxatda yana kimlar bor?

2. Amazon asoschisi Jeff Bezos $263,8 mlrd;

3. LVHM kompaniyasi rahbari Bernar Arno esa $238,9 mlrd;

4. Oracle Corporation dasturiy ta’minot ishlab chiqaruvchisi asoschilaridan biri Larri Ellison ($237 mlrd);

5. Meta korporatsiyasi rahbari Mark Sukerberg ($220,8 mlrd) bilan yuqori o'nlikka kirdi.

🌐 Wall street Journal ma'lumotiga ko'ra, dunyodagi eng boy 24 nafar kishining umumiy boyligi 3,3 trillion dollarni tashkil qiladi.

Telegram I Instagram I Veb-sayt

💵 2024-yilda davlat tashqi qarzi qancha yetdi?

2024-yil IV choragi yakunida davlat qarzi $40,2 mlrdga yetgan. Bu respublika yalpi ichki mahsulotining 35% qismiga teng.

🪙 Davlat kafolati ostida olingan kreditlarning $33,7 mlrd ( yoki 84% qismi) tashqi qarz bo‘lib, shundan $17,9 mlrd qatʼiy belgilangan foiz stavkada jalb qilingan.

Qolgan $15,64 mlrd o‘zgaruvchan foiz stavkalarda olingan. Biroq qarz tarkibi sharhlanmagan, kreditlar necha foizdan jalb qilingani ochiqlanmagan.

💰 Ichki qarz miqdori $6,5 mlrdga yaqinlashgan (yil boshida $5,9 mlrd bo‘lgan). Shundan $5,1 mlrd qatʼiy belgilangan foiz stavkada olingan. Shu bilan birga, $1,2 mlrd foizsiz jalb qilingan.

Oxirgi besh yilda davlat qarzi miqdorlari quyidagicha o‘zgardi:

🟢2019-yilda — $17,8 mlrd;
🟢2020-yilda — $23,4 mlrd;
🟢2021-yilda — $26,3 mlrd;
🟢2022-yilda — $29,2 mlrd;
🟢2023-yilda — $34,9 mlrd.

Vazirlik ekspertlari so‘zlariga ko‘ra, oxirgi paytlarda yapon iyenasining sezilarli qadrsizlanishi O‘zbekiston tashqi qarzini $250 mlnga kamaytirgan.

Telegram I Instagram I Veb-sayt

Dollar kursi o‘n kunda 126 so‘mga pastladi

O‘zbekiston Markaziy banki tomonidan 28-fevral kuni O‘zbekiston so‘miga nisbatan xorijiy valyutalarning yangi kurslari e’lon qilindi.

Dollar kursi 12 877,37 (-2,58) so‘mni tashkil etdi, yevro ham 18,16 so‘mga tushib, 13 501,92 so‘mni tashkil etdi.

Boshqa xorijiy valyutalar bo‘yicha belgilangan kurslar ham ma’lum bo‘ldi:

🔵funt sterling — 16 327,22 so‘m (+28,93);
🔵rubl — 148,17 so‘m (-2,52);
🔵Xitoy yuani — 1 771,74 so‘m (-2,87);
🔵Yaponiya iyenasi — 85,93 so‘m (-0,30);
🔵Qozog’iston tengesi — 25,76 so‘m (+0,08).

Telegram I Instagram I Veb-sayt

🎤 Temu marketpleysi bloklanishi mumkin

O‘zbekiston hukumati Xitoyning Temu marketpleysiga kirishni cheklash masalasini ko‘rib chiqmoqda.

©️ Bu haqda Istiqbolli loyihalar milliy agentligi (ILMA) elektron tijorat boshqarmasi boshlig‘i Kamronbek Muhammadiyev ma’lum qildi.

Bunga sabab sifatida qonunchilikdagi xorijiy onlayn platformalar O‘zbekistonda yuridik shaxs sifatida ro‘yxatdan o‘tishlari shart etib belgilangani keltirilgan.

✍️ Muhammadiyevning aytishicha, Temu vakillari hozircha litsenziya olish va rasmiy ro‘yxatdan o‘tish uchun ILMAga murojaat qilmagan.

Agar kompaniya belgilangan qoidalarga rioya qilmasdan faoliyatini davom ettirsa, platformaga kirish cheklanishi mumkin.

Shuningdek, u Turkiyani misol qilib keltirdi, u yerda Temuning kelishi mahalliy Trendyol o‘yinchisining pozitsiyasiga sezilarli ta’sir ko‘rsatdi. Natijada, Turkiya regulyatori Xitoy marketpleysini to‘liq bloklashga qaror qilgan.

💡 Temu agressiv marketing va narx dempingi orqali o‘zini ilgari surish orqali yangi bozorlarni faol egallamoqda. 2024-yilda kompaniya reklama va narxlarni pasaytirish uchun $4 mlrd ajratdi, 2025-yilda esa bu miqdor $10 mlrdgacha oshishi mumkin.

Telegram I Instagram I Veb-sayt

💸 Bitkoin narxi $90 mingdan pastladi

Toshkent vaqti bilan bugun, 27-fevral soat 16:00 holatiga ko‘ra, bitkoin narxi $86,8 mingni tashkil etmoqda.

Bunga sabab sifatida AQSh prezidenti Donald Trampning import bojlarini joriy etishi va xakerlarning Bybit kripto birjasiga hujumi keltirilgan.

🇺🇸AQShning so‘nggi iqtisodiy siyosati, jumladan, yangi import tariflarini joriy etish inflyatsiya va Federal zaxira foiz stavkasining ehtimoliy ko‘tarilishi qo‘rquvini keltirib chiqardi. Bu kriptovalyutalar kabi nostabil aktivlarga bo‘lgan talabni kamaytirdi.

🪙 Shuningdek, 2025-yil 26-fevralda Bybit kriptovalyuta birjasidagi yirik xakerlik hujumi natijasida $1,48 mlrdlik aktivlar o‘g‘irlandi. Bu voqea raqamli aktivlarga bo‘lgan ishonchni yanada pasaytirdi.

Telegram I Instagram I Veb-sayt