Bintu Sodiq

Москвага сафар таассуротлари

Лев Толстой музейига саёҳат

Тантатали тадбир ва семинарларни тугатгач, тадбир ташкилотчиларининг бир гуруҳи билан Москва шаҳрининг диққатга сазовор жойларини томоша қилдик. Биз жамоа билан атоқли ёзувчи Лев Толстой музейига ташриф буюрдик.
"Ҳар қандай ақлли инсоннинг якуний тўхтами Исломдир", деган эди ёзувчи Лев Толстой. Ёзувчи Исломга шунчаки қизиқиш билдирмаган, балки у Ислом дини вакиллари билан яқиндан алоқада бўлган, ёзишмалар ёзишган. Бу ҳақда кўплаб маълумотларда учрайди. Ҳатто адиб ҳақида: "Унинг ўй-фикрларида ва сўфийларникидек ҳаёт тарзида мусулмонлар ундан ўрганса арзийдиган кўплаб мисоллар мавжуд”, деган эди машҳурлардан бири...

Лев Толстой аллома Абдуллоҳ ал-Суҳавардийнинг Ҳиндистонда нашр этилган китобларини ўқиб, ниҳоятда таъсирланиб, рус халқига ҳам айрим ҳадисларни етказиш мақсадида ўзи ҳам "Ҳазрати Муҳаммад соллаллоҳу алайҳи васаллам ўгитлари" деган китоб тасниф этгани манбаларда қайд этилади...

Лев Толстой давлат музейи ёзувчининг хотирасига бағишланган давлат адабий музейи бўлиб, 1911 йилда Толстой жамияти аъзолари томонидан ташкил этилган экан.

Музейни томоша қилар эканмиз, музей кўргазмаси ёзувчининг адабий ижодига бағишланган бўлиб, унда унинг ижоди мухлисларига тегишли буюмлар ўрин олган. Бу ерда Толстойнинг шахсий буюмлари, оилавий мероси, ёзувчи ва унинг яқин дўстларининг фотосуратлари сақланар экан.

Ўша бизга таниш "Ҳожимурод" асарига ишланган фотосуратлар... Ясная Поляна қишлоғидаги хотиралар, Пятигорсдан келтирилган эскпонатлар... ёзувчининг сўнгги кунлари ўтган Астапово станциясидаги уй хотиралари... барчаси бизда тарих билан боғлиқ гўзал таассуротларни уйғотди.

✍️Адолат Ҳусанова

@BintuSodiq

Москвага сафар таассуротлари

Москвада "Россия фуқаролик идентифитетини шакллантириш йўлида муслима аёлларни маънавий-ахлоқий тарбиялаш" мавзусида семинар бўлиб ўтди

👉2024 йил 20 декабрь куни Москвада "Евроосиё аёллар гуманитар академияси" автоном нодавлат олий таълим ташкилотининг 4 йиллиги муносабати билан тантанали тадбир бўлиб ўтди.

Тадбирга юртимиздан устозамиз Одинахон Муҳаммад Содиқ ва muslimaat.uz ходимаси Адолат Ҳусанова ҳам меҳмон сифатида таклиф этилди.

Ушбу 4 йил давомида Россиянинг турли минтақаларидан 350 нафардан ортиқ аёл-қизларимиз малака ошириш курслари ва иккинчи олий таълимга тенглаштириладиган касбий қайта тайёрлаш курсларида таълим олиб, белгиланган намунадаги дипломларни олишга муваффақ бўлишди.

Евроосиё аёллар гуманитар академиясининг ректори Сергей Зязин бу ҳақда Россия администрациясига ҳам маълумот бериб ўтди.

👉Шунингдек, тантанали тадбирлар доирасида ўша куни Москва шаҳридаги "Измайлово Альфа" меҳмонхонасида "Россия фуқаролик идентифитетини шакллантириш йўлида муслима аёлларни маънавий-ахлоқий тарбиялаш" мавзусида семинар ҳам бўлиб ўтди.

Семинар Россия Федерацияси фуқаролари бўлган, Марказий Осиё давлатларидан келган муслима аёл-қизлар учун ташкил этилди. 2021 йилнинг 20 декабридан бошлаб “Мўътадиллик ва яратувчанлик” маркази ва Евроосиё аёллар гуманитар академияси томонидан Ўзбекистон, Тожикистон ва Қирғизистондан келган муслима аёл-қизларни Россиянинг ҳуқуқий, маънавий ва маданий маконига мослаштириш ва интеграция қилиш бўйича доимий иш олиб борилмоқда.

Семинар ташкилотчилари – “Мўътадиллик ва яратувчанлик” маркази, Евроосиё аёллар гуманитар академияси ҳамда Ислом маданияти, фан ва таълимни қўллаб-қувватлаш жамғармаси кўмагида ўтказилди.

@BintuSodiq

Бугун, 18 декабрь куни "Пешқадамлар карвони" муассасамизга Россиядаги "ЕвроОсиё аёл-қизлар гуманитар академияси" олий таълим автоном нотижорат ташкилотидан Мавжуда Шамсуддинова ташриф буюрдилар. Мавжуда Шамсуддинова Москвада "Тафсири ҳилол"нинг русча нашри устида иш олиб борган юртдошимиз саналадилар. Меҳмон Одинахон Муҳаммад Содиқ билан учрашдилар. Сўнгра муассаса фаолияти билан яқиндан танишдилар.

@BintuSodiq