Lecteur de livres

Yaqinlarimiz go'yoki abadiy yonimizda bo'ladigandek tuyulaverarkan. Ammo ba'zida bir kun kelib, Allohning dargohiga borishimizni unutib qo'yarkanmiz. Iltimos, yaqinlaringizni borida qadrlang!

Bugun onajonimni shukrona kunlari)

Har bir inson hayotida muhim ahamiyatga ega bo'lgan insonlar talaygina, biroq ular orasida sizga butun umrini baxshida etadigani faqat ota-onadir. Onajonim meni, ukalarimni hech kimdan kam qilmay voyaga yetkazaman deb, dadajonim bilan birgalikda qancha mashaqqatlar ko'rganlariga yolg'iz Alloh guvoh. Yodimda, hattoki, farzandim ilm olsin deb, uyda ish tiqilib yotgan bo'lsa-da, barchasini o'z bo'yinlariga olib, menga indamagan paytlari juda ko'p bo'lgan. Ular tufayli men bugun maqsadlarimni emin-erkin amalga oshirmoqdaman. Ilohim, Alloh onalarimizni o'z panohida asrab, biz - farzandlarni Jannatda ularga toj kiydirishga qodir qilsin!🤲

Mana, alhamdulillah, bugun univerda oxirgi imtihonlar tugadi. Ba'zi fanlar haqiqatan qiyin, ba'zilari ancha oson bo'ldi. Ba'zi fanlardan pastroq baho olganim uchun boshida ustozlarni aybladim, go'yoki men haq, ular nohaqdek. Ammo keyin angladimki, mendan o'tgan joylari ham bor ekan. Eng muhimi, o'zimdagi kamchiliklarni topa boshlashim bilan kimgadir ayb ag'darib, negativ energiya olish pozitiv energiyaga almashib, kayfiyatim yaxshilana boshladi.
Demakki, nimadan qiynalayotgan bo'lsam, menda o'sha narsa nafrat uyg'otayotgan bo'lsa, darhol o'zimni taftish qilishga, o'z-o'zimga savollar berib, oxirida yengil tortishimga amin bo'ldim. Sizlarga ham maslahat beraman)
Axir, hayot bir marta beriladi, uni negativlarga to'ldirmasligimiz kerak-ku, to'g'rimi?)

​​Эски кундалигимни топиб олдим...

Ўқисам... ўзимча кимдандир хафа бўлган эканман...  Энди эса кўряпманки,  ўша одамни ҳам ҳаётнинг ўзи бир чиғириғига солиб ўйнади.

Қалб оғриғидан қийналган эканман,  кўряпманки қалбнинг яраси ҳам битди.  Агар шу кундалигим бўлмаса хотирам эски ишларни мутлақо эслатмас экан...

Унутибман,  демакки инсоннинг унутувчанлиги рост!

Бу кундаликка жуда кўп изтиробларни битган эканман,  ҳозир у воқеаларнинг ярмидан кўпини қайта кўз олдимга келтиролмадим.

Яна...

Мен сатрларга кўз югуртириб ўша пайтларда барибир кимгадир қаттиқ ишонган аёлнинг номаларини ўқигандек бўлдим.

Ишонган эканман...

Демакки,  номардларни-да азиз санайдиган феъл-атворим бўлган ўшанда!

Вақт нега ҳамиша бизга унутиш шаробини ичиради?

Ҳеч ўйлаб кўрганмисиз?

Чунки бу ягона дори! 

Оғриқларни унутасиз ва айнан унутиб юборганингиз учунгина уларни кечирасиз...

Азизахон Исмоилова

РУҲИЙ БАРКАМОЛЛИК

Rosa olgim kelyapti lekin studentchilik😢

Tolstoy asarida aytyapti:
"Men uni oliyjanobligi uchun yomon ko'raman"
Hayotda ba'zi insonlar bo'ladi. U inson mumkin yaqiningiz yokida tanishingiz. Xulq atvori yaxshi, gap so'zlari joyida, sizga zarari tegmagan lekin nimagadir o'sha inson bilan o'zingizni noqulay his qilasiz. Bu holat nima sababdan ro'y berishi ko'p o'ylantiradi. Menimcha, xarakterlarni o'xshash bo'lmasligi sabab, yana bilmadim.

#haqiqat
Hammamiz materialist (moddiyatparast) bo'lib ketdik. Nuqul chiroyli kiyinish, odamlarga yoqish, nafsimizni qondirish bilan ovoramiz. Yashashdan asl maqsadimizni unutib qo'ydik.

#Дуо
ЎҚИШНИ ОСОНЛАШТИРИШГА
ЁРДАМ БЕРАДИГАН ДУОЛАР

اللَّهُمَّ لَا سَهْلَ إِلَّا مَا جَعَلْتَهُ سَهْلًا وَأَنْتَ تَجْعَلُ الْحُزْنَ إِذَا شِئْتَ سَهْلًا.
Ўқилиши: “Аллоҳумма лаа саҳла илла маа жаъалтаҳу саҳлан ва анта тажъалул-ҳузна изаа шиъта саҳлан”.
Маъноси: “Ё Аллоҳим! Фақат Сен енгил этган нарса енгилдир. Агар Сен енгил қилишни хоҳласанг оғир-қаттиқ нарсалар ҳам енгил бўлади”.

رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِنْ لِسَانِي يَفْقَهُوا قَوْلِي
Ўқилиши: “Роббишроҳлий содрий ва йассирлий амрий ваҳлул ъуқдатам-мин лисааний йафқоҳуқ қовлий”.
Маъноси: “Эй Раббим! (Бу қийин вазифага) бағримни кенг қилгин ва ишимни осон қилгин ҳамда тилимдан тугунни (дудуқликни) ечиб юборгин (токи) улар (қавмим) гапимни (яхши) англасинлар”.

رَبِّ زِدْنِي عِلْمًا
Ўқилиши: “Робби зидний ъилмаа”.
Маъноси: “Эй, Раббим! Менга илмни зиёда эт!”
Жаброил алайҳиссалом келиб, нозил бўлган оятларнинг ҳаммасини ўқиб бўлмасидан бурун Расул алайҳиссалом қироат қилишга бошлаганларида шу оят нозил бўлган. Яъни ўқиб турмасам ёд бўлмай қолади, деб қўрқманг, деганлар. Шунда Мендан мустаҳкам ва баракали илм сўранг, деб Аллоҳ таоло дилларига таскин бермоқда.

اللَّهُمَّ انْفَعَنَا بِمَا عَلِّمْتَنَا وَعَلِّمْنَا مَا يَنْفَعُنَا وَزِدْنَا عِلْمًا
Ўқилиши: “Аллоҳумманфаъанаа бимаа ъаллимтанаа ва ъаллимнаа маа йанфаъунаа ва зиднаа ъилмаа”.
Маъноси: “Ё Аллоҳим! Билганларимизни фойдали қил. Бизга фойдали нарсаларни билдир. Илмимизни зиёда қил”.

اللَّهُمَّ إِنِّي أَسْأَلُكَ عِلْمًا نَافِعًا، وَرِزْقًا طَيِّبًا، وَعَمَلًا مُتَقَبَّلًا
Ўқилиши: “Аллоҳумма инний ас‘ъалука ъилман наафиъан ва ризқон тоййибан ва ъамалан мутақоббалан”.
Маъноси: “Ё Аллоҳим! Мен Сендан манфаатли илм, пок ризқ ва қабул бўладиган амални сўрайман”.

"Фазилатли дуолар" китобидан.

Manba

Erix Mariya Remark "G'arbiy frontda o'zgarish yo'q "

Judayam ta'sirli asar ekan. Birinchi jahon urushi davrida aynan boshqa davlatlar emas, balki Germaniyaning o'zidan endigina 19ga to'lgan yigitlarning urushga safarbar etilishi, birgina Paul misolida butun frontdagi askarlar hayoti tasvirlangan chinakam o'qishli asar.

Roman Paul tilidan hikoya qilinadi. U kabi yigitlarning ayni yetilib, kamolotga erishadigan davrlari urush davriga to'g'ri keladi. Bunday vaziyatda epchil, qalovini topmagan odam asarda aytilganidek, darrov "ilma-teshik" bo'ladi. Ammo asar davomida Paulning anglashlari ham ortib boradi. Masalan, urush aslida hukumat tepasidagilar o'ylab topgan, va faqat ulargina manfaat ko'radigan dahmaza ekanligini, aslida, raqiblar ham ularga o'xshash oddiy odam ekanligini, ularning ham oila, bola-chaqasi bor ekanligini, urush oddiy xalqqa yolg'iz kulfat keltirajagini tushunib yetadi.

O'zi ko'p marta o'limdan qoladi, ko'z o'ngida qanchadan qancha yaqin do'stlari olamdan o'tadi (sinfdoshlari orasidan faqat o'zi tirik qoladi), odamlarning qanchadan qancha qiynoqlarini ko'radi...

Urush u tengi o'spirin yigitlarning hayotini barbod qiladi: "Biz tashlandiq bolalarday notavonmiz, ayni paytda mo'ysafidlarday donishmandmiz, biz bag'ritosh, ojiz va yengiltakmiz - nazarimda, endi odam bo'lmaymiz".

Universitetda chet el adabiyoti darsida "yo'qotilgan avlod" tushunchasi va vakillari haqida gaplashgandik. Remark aynan shu yozuvchilar toifasiga mansub. Ya'ni bu romandagi Paul va uning do'stlari o'z yoshliklari, kuch-quvvatlarini urushga sarflab, hayotlarining katta qismini urushda o'tkazganliklari va tinch hayotga erisha olmaganliklari uchun ham ular yo'qotilgan.

Achinarlisi, Paul ham "butun front bo'ylab sokinlik hukm surayotgan paytda halok bo'ladi ". Harbiy axborotlar bittagina jumladan iborat edi: "G'arbiy frontda o'zgarish yo'q ".

Ha, asardan urushga va uning kirdikorlariga bo'lgan nafrat ufurib turadi.

Tilaymanki, butun dunyoda ro'y berayotgan dahshatli urushlar o'z nihoyasiga yetib, o'zligini yo'qotayotgan avlodlar barham topib, dunyo ahli tinch-totuvlikda yashasin!

"To live is the rarest thing in the world. Most people exist, that is all".

©Oscar Wilde

Insoniy tuyg'ularsiz bilim bir tiyinga qimmat! Zehn- insoniyatga ato qilingan eng bebaho ne'mat. Lekin ko'pincha, muhabbat izlash o'rniga bilim izlash bilan bandmiz. Va, menimcha, sevish va sevilish imkoniyatiga ega bo'lmagan aql-idrok sohibi aqliy va ma'naviy tanazzulga mahkum qilingan, ehtimol, og'ir psixologik kasalliklarga ham chalingandir.

Charlining nutqidan

Inson o'zidan nega nafratlana boshlashining sababini topdim. Noto'g'ri yo'ldan yurayotganini bila turib, yo'lida davom etaversa, bu turgan-bitgani dahmaza.

Charlining kundaligidan

"Eljernonga atalgan gullar"

Asarni o'qish davomida har xil hissiyotlarni boshdan kechirdim. Goh Charli bilan birga butun olam sirlarini o'rgangim keladi, goh unga hamdard bo'lgim keladi.

"Eljernon o'zi kim?" dersiz. Bu - tajriba sichqoni, laqabi shunaqa. Bu jonzotda olimlar idrokni oshirish bo'yicha bir qancha sinov hamda operatsiyalar o'tkazishgan. Natijada, sichqoncha labirintga qo'yib yuborilsa, chiqish yo'lagini hech qanday qiyinchiliklarsiz topadi. Uning IQ si oddiy odamlarnikidan balandroq darajaga erishadi.

Charli - asar asosiy qahramoni. U avvali aqli zaif, faqat o'qish-yozishni o'rgansam, aqlli bo'laman, do'stlarim ko'p bo'ladi deb o'ylaydi. Ammo voqealar rivoji davomida qanchalik ko'p narsani bilgani sari shunchalik yolg'izlanib qolishiga guvoh bo'lishimiz mumkin.

"Aqliy rivojlanish sun'iy ravishda qanchalik tezlashtirilsa, aqliy salohiyat inqirozi ham xuddi shu sur'atda ro'y beradi". Xuddi shunday, Eljernonda ham, Charlida ham regressiya (aqliy salohiyat inqirozi) kuzatiladi. Ammo eng achinarlisi, ular oldingi aqli zaiflik holatlaridan-da battarroq, yomonroq holatga tushishga mahkum.

Ma'nan cheklangan insonlarga yordam berishga Charli qancha harakat qilmasin, baribir chora topolmaydi. O'ziga o'xshaganlar uchun hech bo'lmaganda porloq kelajak qoldirishni maqsad qilgan Charli axiyri bu urinishlar samarasiz ekanligini anglab yetadi.

Charlining progressiyasi fasllarga bog'liq. Ya'ni bahorda Charli operatsiya bo'lib, yangi ilmlarni o'rganishni boshlaydi, yozda o'z salohiyatining cho'qqisiga chiqadi, kuzda esa xuddi xazonbarglar singari uning xotiralari-yu bilimlari uni birma-bir tark etishni boshlaydi va noyabr oyida u qobiliyatidan to'laqonli mahrum bo'ladi.

Inson har qanday holatda ham o'zligini yo'qotmasligi kerak. Yo'qsa, Charliga o'xshab, hattoki butun dunyo bilimdoni bo'lsa ham, qiynalib yashaydi. Shuning uchun dono xalqimiz "Olim bo'lish oson, odam bo'lish qiyin " deydi.
Yana Charlining onasi - Rozadan jahlim chiqdi. Negaki u o'z farzandidan osongina kecha oladi. O'zi perfeksionist bo'lgani sababli atrofidagilarni ham shunaqa deb o'ylaydi va hayotini odamlarning gaplariga bog'lab quradi. Bilganingizdek, bu yaxshi odat emas, balki insonni tanazzulga olib boradigan xislat ekanligini Roza oxiriga kelib, esipast bo'lib qolgani orqali ko'rishingiz mumkin.

P. S. : Voqealar rivoji "Ityurak" ka o'xshab ketarkan-a, nima dedingiz?

"Anyone who has common sense will remember that the bewilderments of the eye are of two kinds, and arise from two causes, either from coming out of the light or from going into the light, which is true of the mind's eye, quite as much as of the bodily eye."

©Epigraph of "Flowers for Algernon"