Lecteur de livres

Yo'lda (xoh avtobus, xoh poyezd, xoh samolyot bo'lsin) kitob o'qib ketishni yoqtiraman. Ayniqsa, o'nqir-cho'nqir yo'llardan o'tayotganimizda rosa zavqli-da😁

Allohdan boshqa borliqlarning asosiy xususiyati yo'qlikdir.

Bu yerda boshqa borliqlar deganda Allohning yaratiqlari nazarda tutilyapti. Darhaqiqat, bizga berilgan hayot, undagi har bir ne'matlar, ko'zimiz bilan ko'ra oladigan va ko'ra olmaydigan barcha narsalar va, nihoyat, o'zimiz ham oxir-oqibat, yo'qlikka qarab ketamiz.

Kibrlanmaylik!

#insight

Gohida bolasining kelajakda chiroyli hayotda yashashi uchun tinmay yelib-yuguradigan ota-onalarga duch kelamiz. "Ha, bolasi bo'lgandan keyin qiladi-da", - deymiz-u qo'yaveramiz. Ammo ikki narsa haqida o'ylamas ekanmiz: biri - qilinayotgan barcha urinishlar mavhum kelajak uchun qaratilgan, ertaga nima bo'lishini hech kim bilmaydi; ikkinchisi- garchi atalgan boylik keyingi avlodga qolgan taqdirda ham ham ota-onaga, ham farzandga zararli bo'lishi mumkin.
Shuni unutmaslik kerakki, Yaratguvchi barchani o'z rizqi bilan yaratgan va bundan hech kim mustasno emas. Shu bilan birga, inson dunyoga kelishiga sababchi bo'lgan farzandining rizqini o'zi yarata olmaydi. Shunday ekan, har kim o'zi rizqi kelishiga shubha qilmagan holda, farzandiga ham shu narsani uqtirmog'i kerak. Zero, taqvo egalari uchun Allohning o'zi kifoya. Biroq farzand noxos yo'lidan adashsa, unga qoldirilgan boylik bilan yomon yo'llarga kirib ketsa, gunohiga nafaqat o'zi, balki ota-onasi ham sherik bo'ladi.
Shu sababdan jamiyatda mabodo shunday odamlarga duch kelsangiz, ularga yuqoridagi gaplarni eslatib qo'ying. Mo'minlarga eslatma - savob va manfaatli:)

"Agar inson o'z nafsini idora eta olmasa, boshqalarni qanday boshqara oladi!"

Hikmat sohiblaridan biri shunday degan: "Men, umuman, o'zimga lozim bo'lgan narsalarning bir qismini tark etish bilan ehtiyojlarimni hal etaman. Bu ko'nglimni rohatlantiradi".
Boshqa bir zot shunday deganlar: "Istagan narsamni olish uchun boshqa xohishlarimni tark etaman ". Ibrohim Adham do'stlaridan yeguliklarining bahosini so'radilar, ular qimmatligini aytishdi. Shundan so'ng Ibrohim Adham aytdi: "Ularni tark etib, olmaslik yo'li bilan baholarni arzonlashtiringiz!"
Sahl ibn Abdulloh shunday deganlar: "Ko'p ovqatlanadigan kishi uch hol tufayli yomonlashadi: Agar boylik qo'lga kiritgan kishi bo'lsa, balolardan qutulmaydi. Agar boshiga bir kulfat tushgan bo‘lsa, Alloh unga rahm qilmaydi".

©"Imom G'azzoliydan saralangan o'gitlar"

P. S.: "Och qornim - tinch qulog'im")

Alhamdulillah, bugun 1 oydan beri mutolaasiga sho'ng'ib ketgan "Tarixi Muhammadiy "ni yakunladim. Payg'ambarimiz (s.a.v) haqlarida yanayam to'liqroq ma'lumotga ega bo'ldim desam yanglishmayman. Kitobning har sahifasi-yu gaplarida o'zim uchun olam-olam ma'no kashf qildim, chunki har bir voqea yoxud har bir o'git muallif tomonidan mukammal izohlab berilgan.

Siyrat to'g'risida ilk marotaba o'qib ko'rdim va hislarim cheksiz. Siyratni o'rganishda davom etmoqchiman, bilsangiz yana qanday kitoblarni maslahat berasiz?

Eshitib ko'ring

Hurmatli kanalimning ayol-qiz auditoriyasi! Har kuningiz shu bayramdek go'zal o'tishiga tilakdoshman! Yilning faqat shu kunida emas, Alloh bergan har kuni ardoqlanishingizga, kunlaringiz shukronalik ila o'tishiga tilakdoshman!

"Fikr qil! Qachon seni hikmat bilan bo'lgan amaling Alloh taoloning qudratiga, amallaringdagi ixlosing Alloh taoloning eshigiga yaqin olib boradi? Qachon senga ma'rifat quyoshi avomlar-u xoslarning qalbini ko'rsatadi? Alloh taolodan balolari sababli qochmasanggina shunday hol yuz beradi. Chunki u zot seni tark qilib, sabablarga qaytmasliging, o'z e'tiqodingda sobit ekaningni sinash uchun balolarga giriftor qiladi. Zohirga qaytasanmi, botingami? Yetadigan narsagami, yetmaydigan narsaga? Ko'rinadiganmi yoki ko'rinmaydigangami - o'zing hal qilib o'ylab ko'r!"

©"Olim bo'lish oson ammo..." turkumidan

"Mol Alloh taolo tomonidan bandalariga berilgan ne'matdir. Agar banda buning shukrini qilar ekan, kundan kunga u ne'mat ko'payadi. Agar shukrini qilmas ekan, undan, albatta, bir kuni ajraladi. Endi ne'natga shukr qilishning ma'nosi, shu narsani Allohning buyrug'icha ishlatish va uning ustiga qo'yilgan shariat haqlarini to'liq bajarib turish demakdir. Insonning o'zi to'g'ri yo'ldan toymaguncha, unga bergan ne'matini Alloh qaytarib olmaydi".
Buning isboti esa yuqoridagi oyatda keltirilgan.
©"Tarixi Muhammadiy " Alixonto'ra Sog'uniy
#kun_hikmati

Darhaqiqat, bu dunyo nuqsonlar-u kamchiliklar ustiga qurilganining o'zi Allohdan rahmat demakdir. Agarda hayotimiz bir tekis, ravon ketganda edi, Yaratguvchidan uzoqlashib qolar edik, nafsimiz chegara bilmas edi. Har dam sinovlarga duch kelyapsizmi, bilingki, siz Alloh suygan bandasiz. Bizni shunday qilib yaratgan Rohman zotga hamd!

РАМАЗОНИЙ ТАВСИЯЛАР

- Рамазон ойида ҳар кеча икки ракаат таҳажжуд намози ўқиб қўйинг! Шунда Қадр кечасини топсангиз минг ой таҳажжуд ўқиганликдан кўра ҳам афзал савобга эришасиз.

- Рамазон ойида ҳар кеча алоҳида уч бора «Ихлос» сурасини ўқиб қўйинг! Шунда Қадр кечасини топсангиз минг ой Қуръон хатм қилганликдан кўра ҳам афзал савобга эришасиз.

- Рамазон ойида ҳар кеча имкон топиб, маълум маблағни садақа қилиб қўйинг! Шунда Қадр кечасини топсангиз минг ой садақа қилганликдан кўра ҳам афзал савобга эришасиз.

- Қадр кечаси минг ойдан кўра яхшидир! Қадр сураси 3-оят.

- Бу тавсияни имкон қадар тарқатинг-ки, унга ким амал қилса савобига сиз ҳам шерик бўласиз! Зотан Расулуллоҳ соллаллоҳу алайҳи ва салламдан ривоят қилинган саҳиҳ ҳадисда: «Ким яхшиликка далолат қилса унга ҳам амал қилганнинг ажридек бўлади», деганлар. Ибн Ҳиббон ва Термизийлар ривоят қилишган.

- Рамазон кирганидан бошлаб фитна-фасод билан машғул бўлаётган ғийбатчи ҳолини тарк қилинг! Нажот Аллоҳ таолога қочишдадир: «Бас, Аллоҳга қочинглар...» Зориёт сураси, 50-оят.

@konspektor

Qanaqadir challenge qilmaymizmi)
Kommentlarda kutib qolaman

Barchaga Ramazon muborak azizlar!

Bugun tushlikka kursdoshlarim bilan xonim yeyishga bordik (yonginamizda edi). O'sha yerda bir xola bor: xonimlar-u shirinliklarni erinmay shirin qilib pishirib qo'yadilar. Har qachon yonlariga borsam, samimiy kulib qarshi oladilar. Bugun ozgina kayfiyatim yo'qroq edi, xolani tabassumlarini ko'riboq kayfim chog' bo'ldi, hamma narsani unutdim, go'yo kunimni qaytadan boshlagandek bo'ldim.

Shunday insonlar borki, birgina tabassumi ila hayotingizga nur bag'ishlaydi. Shunday insonlar ko'paysin!

Aytgancha, kulib, tabassum qilib yurish - sunnat)

Ba'zida o'ylab qolaman, nega birovlarni hayoti, kundalik ishlari, ba'zan arzimagan gaplar ko'plab layklar yig'adi-yu, yuqoridagi kabi kontentlar deyarli layk yig'maydi ekan?! Bizni odamlarga doim birovlarni hayoti qiziqmi? Yoki barcha odamlar shunaqamikin?

"...Bir kuni Iso alayhissalom bir necha ahmoq odamlarni ko'rib, ulardin yuz o'girib qochdilar. Anda shogirdlari:
- Yo Ruhulloh, sizning muborak nafasingizdan qancha ko'p tug'ma gunglar, karlar shifo topdilar. Sizning qo'lingizda Xudo izni bilan bir necha o'liklar ham tirildi. Shunday bo'lgach, bu ahmoqlarga bir dam ursangiz, bular ham shu ahmoqlik balosidan qutulib qolsalar yaxshi bo'lur erdi, - dedilar. Anda Ruhulloh:
- Mening nafasim Alloh izni bilan o'liklarni tirgiza olur. Har qandoq dardmandlarga shifo bag'ishlar. Ammo ahmoq odamlarga ta'sir qilmas. Chunki ahmoqlik- Allohning qahridur,- dedilar".
Oxirat yaxshiligiga yetish va do'zax azobidan qutulish uchun dinni ushlashga amr qildi. Ilm o'rganib, tabiat asrorini ochishga sabab qilib aql-idrokni berdi. Dinni o'rgatib, iymon-insof yo'llarini bildirish uchun payg'ambarlarni yubordi. Har ilm va har fanning mohir ustozlari har shaharda yuzlab, minglab topiladi. Ammo ular ichida xalq uchun qayg'urgan oqil va dono odamlar kam topilur. Ilm taraqqiy qilganlikdan, agar ahmoq qo'liga tushar ekan, butun olamni xarob qilgudek eng dahshatli qurollarni shu olimlar o'ylab chiqardilar. Nodonlar qo'liga qurol topshirmoq mast-majnunlar qo'liga o't bermoq kabidur. Bular esa bir kuni butun olamga o't qo'yib yuborishdan ham toymaydilar.

© Alixonto'ra Sog'uniy, "Tarixi Muhammadiy"

Kabutarlar sochilgan rizqlarini bitta qo'ymay terib olishlarini don sochib o'tirgan odam aytib qoldi. Qarang, Ar-Razzoq sifatli yaratguvchi har bir jonzotni o'z rizqi bilan yaratgan. Xossatan, odamlar ham. Alloh doimo barchamizga ga'mxo'r ekanligini shundan bilsak bo'ladi.
Hamd!