Bektosh Khatamov

Экрем Имамоғлу ҳибсга олинди.

Кечаги дипломнинг бекор қилиниши қарори ортидан Истанбул шаҳар ҳокимиятига коррупцияга қарши операция ўтказилди. Машҳур журналист Фатих Алтайлининг айтишича, Экрем Имамоғлунинг адвокатлари унинг билан боғланган ва Экрем Имамоғлу ҳибсга олинганини маълум қилишган. “Sabah” газетаси эса коррупцияга қарши операция ўтказилгани ҳақида хабар берди.

Истанбул Республика Бош прокуратураси Истанбул шаҳар ҳокими Экрем Имамоғлуни ҳам ўз ичига олган 105 нафар шахсга нисбатан кенг кўламли операцияни бошлади. Туркия Буюк Миллат Мажлисидаги ЖХП депутати Гўхан Гўнайдиннинг маълум қилишича, Экрем Имамоғлунинг уйига 20 та хизмат машинасида ҳуқуқ-тартибот идоралари ходимлари келган.

Ҳибсга олинган Экрем Имамоғлу тиббий кўрикка олиб кетилмоқда. Истанбул Республика Бош прокуратураси терговга оид расмий баёнот берди.

@bektoshkhatamov

Ўқитувчи дам олиши керак.

Ота-онам ўқитувчи бўлишганликлари учун ва ўзим ҳам таълим соҳасида анча йиллардан бери фаолият юритаётганим учун ўқитувчиликнинг меҳнатини жуда яхши англаб етганман.

Тинимсиз меҳнат, асосий ишдан ташқари ишларни бажариш, ота-оналар билан ишдан кейин ҳам мулоқот қилиш, ҳар бир боланинг кўнглига йўл топа олиш, яна ҳаммасидан орттириб ўз фарзандингга таълим тарбия бериш жуда машаққатли иш.

Мен буни ўз танамда ҳис қилганман, болалигимда биз учун бирор чет элга бориб дам олиш ушалмас орзудай туюлар эди. Бугун эса исталган пайтда саёҳат қилишга имкониятим бор ва бунинг устига хабарингиз бор яқинда тур компания ҳам очдик, борган сари мижозлар оқими ортиб бормоқда ва бу бизни жуда хурсанд қилади ва янада каттароқ масъулият юклайди.

Шундай имкониятдан фойдаланиб ҳар ойда бир марта бир ўқитувчига қайсидир давлатга тур совға қилишга қарор қилдик. Мен ўзи бирор тур компанияни қандайдир фойда қилишдан ҳам олдин кўпроқ инсонларни саёҳат қилиш “касаллигига” мубтало қилиш учун очганман. Яна ҳам аниқроғи агар ўқитувчилар дам олса, яна ҳам мазза қилиб юбораман.

Чунки ўқитувчининг дам олиши жамият фарзандларининг янада яхшироқ билим олиши учун энг яхши сабаб деб ҳисоблайман.

Ҳар ойда бир марта бўладиган танловда қатнашиш учун сиздан икки нарса талаб этилади:

1. Ўзбекистон таълим муассасаларида ўқитувчи бўлишингиз.

2. Unitur компаниясининг қуйида кўрсатилган ижтимоий тармоқ саҳиқаларига обуна бўлишингиз ва тармоқда актив бўлишингиз етарли.

👉 Телеграмм 👈
👉 Инстаграмм 👈

P.S. Ушбу постни кўпроқ ўқитувчиларга етказиш учун ўқитувчи танишларингизга юборинг, ўқитувчиларни биргаликда қўллаб-қувватлайлик.

@bektoshkhatamov

Озодлик радиоси ўзи нимадан молиялаштирилган?

“Озодлик радиоси” (Radio Free Europe/Radio Liberty, RFE/RL) асосан АҚШ Конгресси томонидан молиялаштирилади. Унинг бюджети АҚШ ҳукумати томонидан молияланадиган АҚШ Глобал Медиа Агентлиги (USAGM) орқали таъминланади. Бу агентлик Америка манфаатларини ҳимоя қилиш ва демократик қадриятларни тарғиб қилиш мақсадида хорижий аудитория учун ахборот тарқатиш билан шуғулланади.

Энди мана шу USAGM молиялаштирилиши тўхтатилмоқда деган хабарлар тарқалди.

@bektoshkhatamov

Fullbright ва Flex дастурларига ҳам молиялаштириш тўхтатилганлиги айтилмоқда.

@bektoshkhatamov

Америка Озодлик радиоси ва Америка овозини молиялаштиришни тўхтатибди.

@bektoshkhatamov

Хатолар ҳақидаги тўқималар.

Авлиё Августиннинг “Хато инсонларга, хатода қила туриб унда туриб олиш эса шайтонга хосдир” деган гапи бор. Инсонларнинг адашиши мумкинлиги ва хатоларини тузатиш эҳтиёжи барча мифларнинг асосида ётади. Христиан мифологиясига кўра инсониятнинг бутун ҳаракатлари Одам ва Ҳавонинг илк қилган хатосини тузатишга қаратилган.

Марксист-Ленинист тушунчасига кўра эса ишчилар синфи ҳатто ўзи танлаган одамлар томонидан ҳам алданиши мумкин, шунинг учун якка партия ва ягона доҳийга муҳтожлик сезади дея инсонларни бошқарган.

Бу дин бўладими ёки қандайдир тузумми барчаси инсонлар хато қилади ва ўша хатони тузатишлари учун имкон бериш асосига тузилади. Менинг баъзи дўстларим бор, 11 ой барча гуноҳларни қилишади, ароқни булоқ сувидек ичишади, рўзадан бир кун олдин балиқ еб халқумни тозалашади ва бир ой хатолар қилдик, шайтон йўлдан урди дея тозаланишади.

Бу ҳам аслида счетчикни ноллаштириб олиш учун ҳаракат ҳисобланади. Мен буни кўп ҳолларда инсон фитратидаги ўша хато қилиш ва уни тузатишга ҳаракат дея тушунаман.

Яҳудийлик, Христианлик, Ислом ва Ҳиндуизм каби динлар қонунларнинг ва кўришларнинг инсондан юқори бўлган бир авторитет томонидан шаклланганлигини ва мутлақ тўғри эканлигини, шунинг учун ҳам хато қила оладиган ожиз инсонлар томонидан ҳеч қандай сўроқ-саволсиз бўйсуниш кераклигини олд планга олиб чиқади.

@bektoshkhatamov

-1 kg = +1 gr oltin.

Бирлашган Араб Амирлигида ажойиб бир акцияга қўл урибди. Кўпчиликка маълумки, инсон касалликларининг 90 фоизи семизликдан келиб чиқади ва касал инсонлар нафақат ўзлари учун зарарли, балки ҳукумат учун зарар, чунки ҳукумат ўша инсонни даволаш учун харажат қилади, ундан ташқари касал инсонлар иқтисодиётга фойда келтирмай қўяди, солиқлар камаяди…

Шунинг учун БАА ҳукумати озиш акциясини бошлабди, агар сиз БААда яшаш ҳуқуқига эга бўлсангиз, ҳатто фуқароси бўлишингиз ҳам шарт эмас, резиденциянгиз бўлса етарли ва ортиқча вазнга эга инсонлар қаторида бўлсангиз, акцияда иштирок этишингиз мумкин экан.

Йўқотилган ҳар бир килограмм ортиқча вазн учун 1 граммдан олтин олишингиз мумкин. 10 килограм ташласангиз, 10 грамм, 20 килограмм 20 грамм.. хуллас кетаверади. 1 грамм олтин эса тахминан 100 доллар атрофида бўлмоқда.

Аслида жуда зўр ғоя экан, бизда ҳам қилиб кўрса, қандай бўлар экан-а? Ҳамма соғайиб кетса керак-а? Кўчаларда озғин-озғин инсонлар… ҳеч ким ош, сомса емаган, ҳамма диетада, ўт, броколли, кивининг савдоси учиб кетган…

@bektoshkhatamov

Сертификат балоси.

Ўзи биласизми, Ўзбекистонда биров ишлаб чиқариш қилмасин, қилса, ҳаммаси қимматлаша бошлайди, лекин бир нарса, рақобат юқори бўлган бозорда ўзимизнинг монополлар ҳам инасини кўриб секин бизнесдан чиқиб кетиб қутулади.

Лекин озгина монопол қилиш имкониятини кўриб қолишса, дарҳол ўша тешикка бир тиқиб кўришади. Масалан, ўзимизнинг монополлар шоколад бизнесига бир тиқилиб кўришди, бутун Ўзбекистон бўйлаб бренд яратишмоқчи бўлишди, ҳатто четдан кирадиган шоколадларга божлар оширилди.

Лекин одамлар барибир украинский рошен шоколадларини қиммат бўлса ҳам олаверди, бизнинг ўзувузани қоракўз монопол секин бу бизнесдан чиқиб қўя қолди, худди шунингдек телефон бозорида ҳам шунақа ҳолат рўй берди, ҳатто миллий бренд остида телефон ишлаб чиқаришди, лекин одамлар барибир айфон билан самсунг олаверишди, у бизнесдан ҳам секин чиқиб қўя қолишди.

Шунақа ҳақиқий рақобатли бозорда монополлар барибир эплай олишмайди, ҳозир таглик қироллари ҳақида гаплар пайдо бўлди, сертификатлашдан ўтмаётган Huggies, Pampers тагликларининг асосий сабаби талабга жавоб бермас эмиш.

Шу пайтгача талабга жавоб бериб келган нарса бирдан талабга жавоб бермай қолганмиш, мен бунақа ҳолатни лифт завод билан боғлиқ ҳолатда ҳам кўрганман, бирдан четдан келадиган лифтлар сертификатциядан ўтмай қолди, тадбиркорларнинг олиб келган лифтлари божхона омборларида занг босиб чириб кетди. Кейин билсам, ўзувузани қоракўзлар лифт заводи очишган экан.

Шунинг учун ҳеч ўйлаб ўтирманглар, ким таглик заводи очганини тез орада билиб оламиз.

@bektoshkhatamov

Абу-Даби келишга арзийдими?

Саёҳат бизнесига кирганимдан бери турли давлатларни таҳлил қила бошладим, аслида бунақа таҳлилларни олдин ҳам қилар эдим, аммо олдинлари кўпроқ ўз шароитимдан келиб чиқиб қилар эдим.

Бугун Абу-Дабига келдим, четга чиқмаганимга икки ойча бўлиб қолибди, жуда сиқилиб ғоялар чиқмай қолди, дарҳол Абу-Дабига келишга қарор қилдим.

Бирлашган Араб Амирлигининг пойтахтига олдин келмаганман, лекин у ҳақида жуда кўп маълумот биламан ва ҳатто Абу-Даби бўйича эсперт деган сертификатим ҳам бор.

Лекин келиб кўриб кейин фикр бериш умуман бошқа нарса, шунинг учун тўрт-беш кун давомида Абу-Дабида бўламан ва у ҳақида тўлиқ маълумотларни бериб бораман.

Яна бир нарса: мен Emirates Palace Mandarin Oriental Abu-Dhabi меҳмонхонасида тўраман, бу меҳмонхона Манчестер Ситининг ёз ойида дам оладиган ва машғулотлар ўтказадиган меҳмонхонаси ҳисобланади. Бу ҳақида алоҳида видео материал тайёрлайман.

@bektoshkhatamov

Қийинчиликни чақириққа айлантиринг. 💪

Колумбия университетининг клиник психиатрия профессори Дэвид Хеллерстайн (David J. Hellerstein) тушунтиришича, агар сиз вазиятни таҳдид сифатида қабул қилсангиз, қўрқувга жавоб реакциялари фаоллашади.

— Бу шуни англатадики, тана қон босими ва қондаги глюкоза миқдорини оширадиган гормонлар ишлаб чиқаради, бу эса хавотирни кучайтиради.

— Аксинча, агар вазият чақириқ сифатида қабул қилинса, танангиз ҳужайраларни тиклашга ёрдам берувчи гормонларни ишлаб чиқаради, релаксация реакциясини юзага келтиради ва энергиядан самарали фойдаланишни рағбатлантиради.

@bektoshkhatamov

Перфексионизм балоси.

Перфекционизм - бу ҳар нарсани идеал бўлишини хоҳлайдиган, ҳар соҳада мукаммал бўлмаса бўлмайдиган одамларнинг касаллиги. Ҳа, бу айнан касаллик, яъни мукаммал бўлиш касаллиги.

Ҳар бирингизнинг мактабда аъло баҳоларга ўқиган, кундалигида битта дона тўрт тушиб қолса, уввос солиб йиғлаган, олийгоҳни ҳам аъло баҳоларга битириб қизил дипломлар олган синфдошингиз, дўстингиз ёки танишингиз бор.

Ҳозир улар қаерда? Бир ўйлаб кўринг… Лекин доимий баҳоси уч бўлган, палончиев сенга тўрт сенга хайф дейдиган синфдошингиз-чи? Жуда кўпчиликнинг ўша уч олиб юрган синфдоши ҳозир катта-катта корхоналарни бошқармоқда, катта эҳтимол билан ўша бешга ўқиганлар унинг қўлида ишлашмоқда.

Ҳар ҳолда юртмизнинг энг таниқли тадбиркорларидан бири Жаҳонгир Ортиқхўжаев ўз интервьюсида шундай деган эди. Хўш, бунинг сабаби нима ўзи? Бу қанақа парадокс бўлди?

Сабаб шундаки, ота-оналар фарзандларига бешга ўқиш синдромини ёшлигидар сингдиришади, уч олиш ёмон, икки олиш эса умуман кечириб бўлмас гуноҳдек кўринади, бу болаликдан шаклланади ва катта ҳаётда доимо ўз ишини кўрсатаверади.

Перфексионистлар бир нарса мукаммал бўлмагунча ёки унинг хаёлида мукаммал бўлмагунча бошламай туришади. Бизнес қилайлик? Йўқ, ҳозир мукаммал пайт эмас, олдин уни ўрганишим ўқиб олишим керак.

Натижада вақт қўлдан чиқиб кетади, ҳалиги уччилар эса ҳар нарсани синаб кўраверади, ҳао у нарсани, ҳали бу нарсани синашдан тўхтамайди, чунки уларга мукаммаллик эмас, кўпроқ натижа муҳим.

Ота-она эса боласини бешга ўқишга мажбурлаб болани борган сари перфексионист бўлиб қолганини пайқамай ҳам қолади.

@bektoshkhatamov

Бир амалдор ўз карьераси давомида ўртача 27 621 дона блокнот ишлатар экан.

Блокнот ишлаб чиқарувчилар мақсадли аудиториясини аниқлаб олиш учун кичик статистика.

@bektoshkhatamov

Қизиқ аёллар бўлмаса, нима бўлар эди?

Биласизми, дунёни аслида аёллар бошқаради. Ҳа, шундай. Тасаввур қилинг, шунчаки бир тасаввур қилинг, дунё фақат эркаклардан иборат бўлса, дунёмиз қандай бўлар эди?

Ҳа, тушунаман, туғилиш бўлмас эди, эркаклар ҳам бўлмас эди демоқчисиз, лекин келинг ҳатто туғилишни ҳам эркакларнинг ўзи эплашса-ю, умуман аёллар бўлмаса, нима бўлар эди? Шуни бир тасаввур қилиб кўринг.

Аслида инсониятнинг қабила бўлиб овчиликдан деҳқончиликка ўтиши ва маданий ривожланишига аёллар сабабчи бўлишган экан, ҳатто ибтидоий одамлар аёлларга ёқиш учунгина каттароқ ҳайвонни овлаш, каттароқ ўлжа билан қайтиш мақсадида овга чиқишган экан.

Ҳар бир ҳаракатлар ё аёлларнинг қистови, ундови билан содир бўлган. Секин-секин ибтидоий жамоаларда оила институти шакллана бошлаган, энди эркаклар ўзи танлаган жуфти билан алоҳида яшаш, унга комфорт яратиш, унинг хоҳиш истаклари учун курашишга ўтган.

Бориб-бориб аёлларга ёқиш истаги билан ёнган эркаклар лидер бўлишга, қабилабоши, гуруҳ лидери бўлишга интилишган, чунки аёлларга лидер, олдига мақсад қўя оладиган эркаклар ёқишини тушуниб етишган.

Аслида аёллардаги бу хоҳиш-истакларни фақатгина ўзини эмас, балки фарзандларини ҳимоя қилиш ва нисбатан хавфсиз ҳаёт қуриш учун пайдо бўлаверган. Айни мана шу нарсалар шаҳарлар, давлатлар қуришга ва умуман инсониятнинг ривожланишига туртки бўлган.

Ҳатто урушлар ҳам ё аёллар туфайли, ё аёлларнинг хоҳиш-истаклари билан бўлган, ҳатто ҳозирги урушларда ҳам худди шу нарса бор экан, урушаётган ҳукмдорлар ғалаба нашидасидан ҳам кўра ўз аёлининг уни мақташидан кўпроқ кайф олишар экан. Бу билан эркак ўзини нималарга қодир эканлигини кўрсатиб қўйиш истагини қондирар экан.

Энди аёллар бўлмаса, нима бўлар эди? Аниқ билмайман, аммо катта эҳтимол билан инсоният ҳали ҳам жунгли ўрмонларида барг билан белдан пастини боғлаб, найза кўтариб, у-у-у-у-у деб бақириб юрган бўлар эди, менимча.

P.S. Яхши ҳам борсизлар, азиз аёллар! Бахтимизга доимо соғ бўлинг, бизнинг барча ҳаракатларимиз сизлар учун аслида. Яна бир бор байрамингиз билан табриклайман.

@bektoshkhatamov

Совғани нима қиламиз?

Эркаклар учун саккизинчи март учун доимо совға танлаш жуда қийин, аммо ширин ташвиш ҳисобланади. Лекин бугун оддий гулдан тортиб барча нарсанинг нархи осмон бўлиб кетади.

Аслида совғалар нима учун берилади? Совғанинг функцияси нима ўзи? Шу палон миллионлик гулни совға қилмаса нима бўлади?
Совғанинг асл вазифаси эмоция бериш, яъни эркакнинг аёлга нисбатан эътиборини кўрсатиш учун ажойиб бир имконият.

Кеча тур операторларимизга бир ака телефон қилди, овозидан ёшлари катта, шу олтмишлардан ошган, суҳбатн ёзиб олинган экан, қизиқиш учун бир эшитиб кўрдим. Суҳбатнинг қисқача мазмуни.

- Алло, укам, менга икки кишига асал ойига битта тур қилиб бер деб мурожаат қилган. Оператор унга бир нечта турларни таклиф қилган, кейин сўраган, бу кимга ёшларни паспортларини ташлаб беринг деса, амаки ўзини ва аёлининг паспортини ташлабди беридилар.

Ўзлари 1959-йил экан, аёллари 1971-йил эканлар, эр аёлига 40 ёшидан бери ҳар йили саккизинчи мартда саёҳат совға қилиб келар эканлар. Жуда ажойиб ғоя экан, ёшлар учун бугун Малдив оролларига ажойиб “Асал ойи” турини қилиб бердик.

Ростан ҳам бу жуда зўр ўйлашибди, бунақа ҳиссиётлар инсонларнинг, айниқса аёлларнинг эсларида узоқ вақт сақланиб қолади, бундан ташқари совғадан совға берган одамнинг ўзи ҳам фойдаланиши икки карра маззами? Агар сизга ҳам шунақа асал ойи саёҳати керак бўлса, бутун дунё ташвишларини йиғиштириб қўйиб ёшликни эслаб аёлингиз билан хордиқ чиқармоқчи бўлсангиз, ва бунинг устига даволаниб ҳам келмоқчи бўлсангиз, мана 👉 бу ерда 👈жуда ҳам ажойиб турлар бор. Танлаб олинг, ўзингизга ва жуфтингизга ёшликни совға қилинг.

@bektoshkhatamov