Otabek Bekmirzayev

Erta uyg'onish formulasi

Menga o'xshagan dangasa, tanbal hamda ishyoqmaslar uchun mo'ljallangan usul bo'lib bizdan ko'p narsa talab etilmaydi.

1. Shubhasiz, erta uxlash. 10 dan oldin.
2. Erta tongga mas'ulyatli vazifa yuklash. Tavsiya: pullik narsa bo'lsin(kurslar), uning qiymati esa ko'zga ko'ringudek bo'lsin.
3. Ekran vaqtini kamaytirish, to'liq kunlik nazarda tutildi.
4. Yotishdan oldin suv iching, faqat iching!

Bu yerda yashirin texnika yo'q, shunchaki uxlab qolsangiz moddiy tomonlama zararga kirasiz. Boshida biroz qiynashi tabiiy holat.

Ishoning, bu usulni 1 hafta qo'llasangiz sizga budilnik shart emas.

Fikr-mulohazalar uchun | Anonim
@bekhmirzayev_blog

Faqat siz emas!

Dunyoda diqqat buzilishi bilan bog'liq muammo avj olib bormoqda. Diqqat buzilishiga esa ko'plab omillar sabab bo'lmoqda bu to'g'risida olimlarning tadqiqotlariga yuzlanib ko'ring.( Frontiers, LiveScience)

Eng yaxshi xodimlar(direktor, menajer, marketolog, hattoki prezident) diqqatini mediaga berib qo'ygan insonlar emas. Dunyo diqqatini jamlay olgan mutaxassislarga muhtoj.

Sizlarga o'z diqqatingizni chatlarni o'chirish, instagram/youtubega kirmaslik va boshqa bir nechta yo'llarini o'rgatmoqchi emasman.
Sizlarga boshqalarning diqqatini bo'lmaydigan ishlar qilishingizni o'rgatmoqchiman.

Deyarli barcha mediada faol, ayniqsa 21-asr hamda ishlarimizning asosini media tashkil qilgan davrda.
Ba'zi insonlarning kanallari mavjud, qolganlar esa ko'plab hikoyalar joylaydi, boshqalar esa shunchaki yozish bilan ovora.

Siz qilayotgan ishlaringiz, qo'yayotgan postlaringiz, hikoyalaringiz yoki rasmlaringiz bilan sizni hurmat qilib kuzatayotgan insonlarning diqqatini kichik miqdorda yemirayotgan bo'lasiz.

Inson o'laroq o'zimizni emas, boshqalarni ham o'ylashimiz kerak ekan!
Mediadagi faolligimiz boshqa tomondagi insonlarning diqqatini sarflash bilan bo'lmasin.

Bir insonning vaqtini hamda diqqatini olamizmi, demak shunga arziydigan narsa ham beraylik!
Tarmoqlarda shaxsiy hisob ochgan lekin hech narsa qilmaydigan odam bo'ling demoqchi emasman.

Fikr-mulohazalar uchun | Anonim
@bekhmirzayev_blog

Kanal mundarijasi:

2024 mart-may
Har sohaga burun SUQAVERMA !!!
Yaqinimdan kutmagan edim!
O'zbekistonda yashash o'rinli(mi)?
Meni boshimdan o'tganlarni bilmaysan(siz)!!!
Maydalashamiz yoxud muammolarni tomirdan bartaraf etish kerak.
Telegram buzildi(mi?)!
Social media effekti !!!
Insoniylik ulardan muhimroqdir
Noto’g’ri boykot!!!
Amir Temur 👑
Bilimsiz bloggerlik
Qadriga yetilmaydigan ta’lim
Qalbingizga yetib boradi
Rumiy aytgan(mi?)!
Kamtar bo'ling!
25-may shayton bazimdan farqi qolmayabdi!
Notcoin bosishga ulgurdingizmi?
Zahiriddin Muhammad Bobur👑

2024 iyun-avgust
Chetelliklar halol deyabdi-ku!!!
Singdiriluvchi mafkura!!!
Odamlar to'g'ri deydi!
Hayoda issiqning aybi yo'q!
G'alati avlodmiz!
Uzuni esda qoladi!
Ehsonning mukofoti ehsondir!!!
Utopia davlati qanday yaralishi mumkin?
Maqsadsiz bo'lishgan!
Endi nima?
No Problem! Here’s the Information About the Mercedes CLR GTR
Boshqacha bo'ling!
Yutqizganda ham yonida bo'ling!
Kulib turing :)
Cheklash kerak!
Sevishib ko'rish kerak(mi) ?!
Bu so'nggisi!
Kommunistlar majlisidan parcha!
Omon qolganlar effekti!
Insha'Alloh ajri boshqacha!
Mustaqillik muborak bo'lsin!

2024 sentabt-hozirgi davr
Erkak...
Katta muammolar kichiklaridan paydo bo'ladi
Jamoaga qo'shiling
Vakansiya e'lon qilamiz
Shunchaki boshlash yetarli emas
Ba'zi ayol/qizlar gapirishni qoyilllatadi
Do'stlarning ahamiyati
Ayol fahmi
Oyna kabidir

Muqaddima

"Mo'min mo'minning ko'zgusidir. Mo'min mo'minning birodaridir"

Alloh taolo bergan xulq hamda aql, farosat ila qadarimda yozilgan ishlardan olgan huloasalarimni o'z qarashlarimga binoan shu kanalga bitib boraman.

Kanaldagi postlardagi mazmun har bir inson uchun amal qiladi demayman, Alloh bilguvchidir.
Kanalning asosiy maqsadi, o'zimga eslatmadir, kegin sizlarga tajribadan ulashuvlar.

Ismim Otabek, 18 yoshman(haliyam :)) ), Namangan viloyatidagi norin tumanining chekka bir qishlog'idan, oddiy bo'lmagan oilada tug'ilganman. Oddiy bo'lmasligining sababi menga ota-onam imkon va ishonch berishganidir.
Qishlog'imizdagi maktabda 7 yilli ta'lim olganman, 8-9-sinflarni ixtisoslashtirilgan maktabda o'tkazganman. qolgan 2 yilda esa akademik litseyda bo'lganmiz.

Hozirda Toshkent Davlat iqtisodiyot Universiteti(narxoz)ning masofaviy yo'nalishi 2-kurs talabasiman.
Registon maktabi Farg'ona filialida esa shogirdman(ustoz-shogird an'anasi)

Kitobxon emasman, kitob o'quvchilardanman, dasturlashni dangasalik bilan o'rganganman, boshqa bir nechta sohalardan tushunchalarim mavjud, futbolning barcha turini(o'ynash, kuzatish, tvda ko'rish, qurilmalarda o'ynash) yoqtiraman.
Muhimi radikal emasman, kamchiliklarimni tan olishga harakat qilaman.

19-oktabr, 2024-yil.

Oyna kabidir!

Maktabda transport muammosini hal qilayotgan edik. Avtobus topish, ota-onalar bilan bog'lanish hamda eng maqbul liniyani shakllantirish mening vazifam edi.

Shahar ichi hamda shaharga yaqin joyda bo'lgan ota-onalar o'z manzillarini yuborishni boshladi. Ko'lamimiz kutganimdan kengayib ketdi, muammo kutilganidan kattaroq edi. Bir necha kunda barini bartaraf etdik.

Muammoni hal qilish davrida deyarli har bir ota-ona bilan eng kamida telegram audio shaklida suhbat qurdik. Shu jarayonda ularning farzandlarini ham ko'rdim, kuzatdim, e'tibor qilib, tahlil qildim.

Bolachalarning ko'pligini, muammoni hal qilish jarayonida ekanligini, hattoki yo'ldagi tirbandliklarni ham inobatga olmay, "Men tomondan nega aynan shu vaqtda o'tmadinglar?" deyuvchilar ham topildi. Ahamiyatli tomoni, ularning farzandlari ham ularga tortgan edi: bir ko'cha aylanib boramiz desak qovog'ini solib oladigan, avtobus to'xtatishi uchun biroz oldinroq yursak ichida nimadirlar deydigan sifatli edi.

Farzandini kech olib borsak-da yo'lning qiyinligini, kichik bolalarning ko'pligini, avto-ulovlar tig'izligini tushunib sabr qilib kuta olgan va olib borganimizda rahmat aytganlari ham bor edi. Ularning farzandlari esa kichiklarga joy beradigan, aytganimizni qilib kutib tura oladigan, nojo'ya ishlar qilmaydigan va umuman yaxshi xulqli o'quvchilar edi.

Biz muammoni hal qildik, lekin shunchaki hal qilmadik, bizni tushungan insonlarga biz birinchi qadam tashladik, ularga yaqinroq va qulayroq yo'lga yurdik, adolatni ham qildik.

Fikr-mulohazalar uchun | Anonim
@bekhmirzayev_blog

QODIRIY

Yuz yillar naridan izlang nishona,
Kimlardir shoʻroga sotilgan edi.
Toʻrtinchi oktyabr. Melodiy sana -
Abdulla Qodiriy otilgan edi.

Bu munglugʻ xotira singmay hayotga,
Yoʻl olmish eng qutlugʻ abadiyotga.
Oʻq otgan edilar adabiyotga -
Abdulla Qodiriy otilgan edi.

Sodir boʻlmagaydir hech narsa yoʻqdan,
Olov ham gurillar pinhoniy choʻgʻdan -
Mehrobdan chayonlar uzatgan oʻqdan
Abdulla Qodiriy otilgan edi.

Topmadik xatoda biror tengingni,
Oʻzgartirmading-a hecham oʻngingni,
Yoniga borgil, deb, Otabegingni,
Abdulla Qodiriy otilgan edi.

Toshkan osmonida uchgan unlarim...
Ha, doʻstlar, shundandir qaro tunlarim!
Jimgina pichirlar Oʻtkan kunlarim:
Abdulla Qodiriy otilgan edi.

Xayrulloh Hamidov

@bekhmirzayev_blog

7 yil, raqobat sust bo'lgan maktabda, lekin so'nggi yillarda matematikadan tanish-bilishlik qilib mening qiziqishlarimni o'ldirishgandan so'ng, yangi maktabga - DIMI(davlat ixtisoslashtirilgan maktab internati)ga ko'chdim.

Yoshgina murg'ak qalb egasi, biroz izlanuvchan, qiziqqon ammo ruhiy muammolari bo'lgan davrimda, yangi sinfdoshlar, umuman uydan chiqmagan bola uchun yangi muhitda edim.

Matematika birinchi darsi: ustoz kirdilar, dars boshlandi, menda esa yangi o'quvchi sifatida birinchi kundan yaxshi xotira qoldirish imkoni bor edi, shu vaqt to'satdan o'qituvchimiz sinfdoshimga qarab:
- veeey mol, mol paqir, dovdirroqmisiz .....

Domlamiz juda samimiy edilar, va shunchaki so'kmasdilar, so'ksalar ham og'ir botmasdi hech kimga. Ustozning qo'llarida 2 yil matematikani o'rgangan bo'lsam, hali biror kim ustozdan kuchliroq matematik ilm bermadi - 8-9-sinfda o'qiganman hamda 10-11 sinf matematikasini o'rganmaganman. Lekin DTMda o'sha bilimni takrorlamasdan kirib 15 ta yechdim, umuman domlamiz bizga 2 yilda 4 yillik ilmni umr bo'yi ishlatishga bergandilar.

Ustoz so'zdir, lekin bir vaqtning o'zida ustozlik daraja ham. Foydali ilm ulashgan inson mukarramdir. Foydali ilmni qayerda va qanday qilib to'g'ri foydalanishni ham o'rgatgan ustoz mukarramroqdir.

Ustozlik moddiy yaxshi kasb emas edi, lekin uning ajri ulug', bolalar bilan ishlash jarayonida ruhiy holatni yo'qotish ham tabiiydir.
Shuncha qiyinchiliklarga qaramay, ilm o'rgatgan inson qahramondir.

Sizlardan iltimos qilmoqchiman, ustozlarimizga sovg'a sifatida bir jamiyl duo qilib qo'yaylik.

Fikr-mulohazalar uchun | Anonim
@bekhmirzayev_blog

Kitob mutolaasi…

Kechagin yuksalishda o’tkazilgan challange - 24 soat davomida kitob mutolaasi.

Men ham kitob mutolaasiga doir challange qilmoqchiman.

1-oktabr sanasida kamida 10- soatlik kitob o’qish challange ni tashkillamoqchiman.

Ro’yxatimda:
1. Iymon
2. Dor ostidagi odam
3. Build
Kitoblari turibdi.

Menga hamrohlik qiladi @aziziy_dev

Challange telegram kanalimda jonli tarzda amalga oshiriladi, umid qilamanki qo’llab-quvvatlaysizlar!

@bekhmirzayev_blog

#nomsiz

Aeroportlar to'yxonalarga qaraganda ko'proq samimiy quchoqlashlar va tilaklarni ko'rgan..

Shifoxonalar jaynamozdan ko'ra ko'proq duolarni eshitgan..

Qabristonlar eng uzun yozilgan dardli maktublardan ko'ra koproq afsuslarni eshitgan..

Bo'sh xonalar eng yaqin do'stdan ko'ra koproq sirlarni biladi...

Chunki ko'p hollarda sevgi, pushaymonlik va umid ular yo'q bo'lgandagina eslanadi…

Yaxshi insonning fikrlari olindi!

Fikr-mulohazalar uchun | Anonim
@bekhmirzayev_blog

Boshlab beraman!

5-oktabr kuni, futbol bahonasida do'stlik uchrashuviga taklif qilaman.

Erkin suhbatlar, ochiq insonlar va umuman samimiy davra tashkillash harakatidaman.

Futboldan so'ng bir dasturxon o'rtasida davra suhbati ham qilamiz.
Hamma o'ziga to'laydi faqat 😁

Manzil: Farg'ona shahar, istiqlol stadioni.
Vaqti: 5-oktabr, tahminan 16:00 da yig'ilamiz.
Jins: faqat yigitlar

Tortinmang, keling, do'stlaringizni ham olib keling, yangi davraga qo'shiling.
Siz uchun ham, biz uchun ham networking bo'ladi, inshAlloh.

@bekhmirzayev Shaxsiydan yozib qo'ysangiz uchrashuv lokatsiyasini yuboraman.

Do'stlarning ahamiyati....

Maqsadi dunyoni o'zgartirish, ulkan rivojlanish qilish, millatga foydali narsa barpo etish.
Do'stlari bilan esa gazli ichimliklar ichib, qorong'uroq joyda sigaret chekib o'tiradi.

Katta biznesmen bo'lmoqchi, minglab odamlarga ish o'rni yaratmoqchi, ummatga iqtisodiy foyda qilmoqchi.
Do'slati bilan reels tashlashib o'tiradi, kunning asosiy qismi esa mayda dofaminlarga to'lib bo'lgan.

Kuchli doktor bo'lmoqchi, yurtimizdagi bemorlarni da'volab insonlarning duosini olmoqchi.
Qizlar bilan munosabatda bo'lib NB lar yigyabdi, darsga e'tiborsizlik qilyabdi.

Qiroati go'zal qori bo'lmoqchi, tafsir ilmini chuqur o'rganmoqchi, musilmonlar sonini ko'paytirmoqchi.
Do'stlari bilan esa Navoiyni Guliga oshiq deydi, Rumiydan nomahramiga iqtibos olishadi.

Hamma orzu qila oladi, ularni maqsadga aylantirish uchun tunggi soat 1-2da uxlolmasdan, "men maqsadimga erishaman" deyish kamlik qiladi!

Maqsadlaringiz yo'lida harakat qilar ekansiz, sizning yon atrofingizdagilar sizga ta'sir o'tkazadi. Noto'g'ri insonlarni yig'gan bo'lsangiz, harakatlaringizni cheklaydi, to'xtatib ham qo'yishadi.

Yoningizga yaxshi do'stlar yig'ing, maqsadlaringiz o'xshash bo'lsin!
Do'st topishning eng oson yo'lini uni sotib olishdir!!!

Yaxshi do'stlarni sotib oling!

Mehmonga/choyga taklif eting, hisobni o'zingiz to'lang.
Kitoblar sovg'a qilib turing, ko'proq suhbatini olishga uruning!
Hadiyalar inson munosabatlarini qalinlashtiradi, siz shunga harakat qiling, yaqin do'st bo'ling!

Ustoz aytganlaridek, Do'st bo'lib boshlab bering, kimdur kelib sizga do'stlik taklif qilishini kutmang!

Fikr-mulohazalar uchun | Anonim
@bekhmirzayev_blog

* Ba’zi ayol/ qizlar gapirishni qoyillatadi.

•Ayrimlari kiyim tanlashga mohir
•Ayrimlari makiyajga ustasi-farang.
•Turli-turli qobiliyatli ayol/qizlar bor ammo,
•Eng go‘zal ayol/ qiz haddini bilgan, hayosi ila bezangan,odobini saqlagan,vafosida o‘rnak bo‘lgan ayol/qizdir.

Ali Muzayyanning bu jumlalarini oxirgi satrlari e’tiborimni tortdi. Eng go‘zal qiz qanday bo‘lishini juda chiroyli tariflagan ekanlar.

Qizlarga shunday nozik xilqat sifatida qaraladiki, uning iffatida, hayosida nuqson bo‘lsa darrov seziladi..

Ko‘chalarda ayrim qizlardagi meni e’tiborimni tortgan holatlar haqida to‘xtalmoqchiman.. Jamoat joylarda Poyabzalini bog‘ichi yechilsa, yoki yerga biron narsasi tushib ketsa ruku qilgandek egilib olayotgani umuman har taraflama to‘g‘ri emas. Jamoat joylarida Ovozini baland ko‘tarib kulish, transportlarda avtobus/ taksi larda hayotidagi dardlarini doston qilish Yoki yigitlarga atayin ovozini mayinlashtirib, muloyimligini namoyon qilish bu qizlarning o‘zini qadrini bilmasliklarini, o‘zini iffatini oyoq ostiga tashlayotganini anglatadi..

Faqat nomahramlar bilan emas, jamoat oldida qizlarning orasidagi dugonalarning bir biriga qiladigan muomalasida ham chegara bo‘lishi kerak!

Atrofda yigitlar tursa, bir-biri bilan o‘pishib so‘rashishlik/ asalim/ shakarim so‘zlardan foydalanishlik bu hayosizlikning kichik ko‘rinishidir.

Aksar qizlarning liftga chiqayotgani, zinadan tushib chiqayotgani, umuman olganda ko‘cha ko‘ylarda harakatlanayotganda ham yigitlar bilan masofa saqlashlikka urunmasliklarini ko‘rish va bular oddiy holat tusiga kirganini qabul qilish meni qiynayapti.. Sanasam adog‘iga yeta olmayapman.

Bu holatlarning ortidagi maqsad haqida o‘ylab ko‘rdim.

Maqsad Yigitlarning e’tiborini tortish bo‘lsa, aqlli, ilmli yigitlar bunday xislatli qizlardan nafratlanishi haqida gapirdilar.

Maqsadsiz, shunchaki qilinayotgan bo‘lsa bilingki sizning bu harakatlaringiz ayrim yigitlarning nafsini qitiqlab, fitna chiqarayotganini sezmay qolasiz.. Qizlardan qilayotgan harakatlariga, so‘zlayotgan so‘zlariga e’tiborliroq bo‘lishini so‘rar edim..

Bu yoziqlarim bilganlarga eslatma, bilmaganlarga bildirgi, bilib turilib qilayotganlarga bu ishlari na axloqqa, na bir madaniyatga, va na shariatga to‘g‘ri kelmasligini, va bu chetdan juda xunuk ko‘rinayotganini bildirish hamda bunday harakatlardan qaytarishga chaqiriq o‘laroq yozildi..

Dinimiz go‘zalligini sizlarga majburiyatdek ko‘rsatib qo‘yishdan qo‘rqib Dindan gapirmadim hali, Fikr bildirishdan avval o‘ylab ko‘ring.. Aslida biz dinimiz ahkomlarini to‘g‘ri o‘rgansak, amal qilishimizga zamonni aybdor qilayotganimizni, urinib ko‘rsak Alloh bizga tavfiq berishini tushunamiz!!

O’rinli gaplar yoziligan!
Fikrlar bir yaxshi insonniki!

Fikr-mulohazalar uchun \Anonim
@bekhmirzayev_blog

Shunchaki boshlash yetarli emas!

Birinchi bor mashina minishni o'rgatishgani esimda: skorsni to'g'rila, kalitni bura, pedalni bos....
Menga hech kim kamarni taqishni aytmadi! (Kamarlar 91.9% holatda insonlarni saqlab qolgan ekan)

To'y boshlashmoqchi, to'yxonani, qarindoshlarni, xullas asosiy insondan boshqa hamma narsani tayyorlashdi.
Qiz/yigitdan biror kimnikiga boraylikmi yoki kimdadir ko'ngling bormi deb so'rashmagan?

Puli bor, ijaraga joy oldi, biznes boshladi...
O'tirib o'ylamadi, "shu biznes bilan qanchalik foyda bera olaman"

Insonlar boshlashga o'rganishmoqda, lekin ularni qanday boshlashga o'rgatadigan inson yo'q. Boshlaganlar ko'p, yaxshi yakunlaganlar oz.
Mativatorlar aytaveradi "nima bo'lsayam boshlash kerak" deb.

Ustoz shogird an'anasining ham yaxshi jihatlaridan biri shudir, sizni shunchaki boshlatib qo'ymaydi, o'zi adashgan yo'llarda ustozlik qiladi, sizning maksimalingizni topib beradi....(sanasam ezmalanib ketadigan darajada ko'p foydalari bor).

Fikr-mulohazalar uchun | Anonim
@bekhmirzayev_blog

Vakansiya e’lon qilamiz…

Bizga 1 dona xodim kerak, oylik maosh yaxshi beriladi faqat HR suhbatida 100 lab raqiblaringiz bo’ladi.
Nega aynan sizni qabul qilishimiz kerakligiga tayinli javob berishingiz kerak!

Dunyo aholisining katta qismi qirib tashlanmoqchi ekan, omon qolish uchun asosli sabab keltirib berishingiz kerak, raqobatchilaringiz (deyarli) 8milliard inson.

Jannatga insonlar qabul qilinadi, u yerdagi to’kinlik haqida hamma bilsa kerak, lekin endi raqobatchilaringiz butun insoniyat(100-1 000-1 000 000 yillar davomida umr kechirgan). Yagona farqi yo'l ko'rsatgich(roadmap) berilgan.

Talab etiladi:
Ilm uchun tirishqoqligi,
Yaxshilik uchun o'z manfaatidan voz kechishlik,
Kibrga ketmagan bo'lishligi,
Maqtanchoq bo'lmasligi,
...

Qabul quyoshning odatiy chiqmagan kuni to'xtaydi!

Shoshiling joylar soni cheklangan.

Fikr-mulohazalar uchun | Anonim
@bekhmirzayev_blog

Aytganimdek, bugun 20-sentabr va kanalda anonim savol-javob qilamiz.

Anonim tahminan 21:00(9)larda boshlanadi.

Anonim uchun havolani o'sha vaqtda ulashaman.

Bu gal ham faol bo'lasizlar degan umiddaman.

Aytgancha, anonimdan kegin yangi post tashlayman, ishoning, kanalda qolish tugul postni ulashishgayam arziydi!
Mayli boshidan kichik lavha ulashaman:

Vakansiya e’lon qilamiz…

Bizga 1 dona xodim kerak, oylik maosh yaxshi beriladi faqat HR suhbatida 100 lab raqiblaringiz bo’ladi.
Nega aynan sizni qabul qilishimiz kerakligiga tayinli javob berishingiz kerak!

Dunyo aholisining katta qismi qirib tashlanmoqchi ekan,

Kanaldan chiqib ketish yo'q 😁

Jamoaga qo‘shiling!

Oshxonaga oshpaz oldik, juda kam gap, kollektivga qo‘shilmadi.

Amakim: "Ishdan bo‘shataman, ertaga muammoli vaziyatda sheriklari bilan chiqishib tezda muammoni hal qilishi kerak, lekin bularda unday qobiliyat ko‘rmayapman" dedilar.

Ishga kirish suhbatida o‘zining barcha yaxshi tomonlarini ochib berdi, ishga kirdi.

Kollektiv bilan yaxshi chiqishib ketdi, hazil+chin qilgan holda "bu yerda chiroyli qizlar kam ekan, boshqa filialga o‘tib ishlayman" dedi bir bo‘ydoq aka.

Akaning gaplari ishiga ta’sir qilmadi.

Inson yangi ish joyiga o‘tar ekan, birinchi o‘rinda o‘z vazifalarini bajarishi hamda jamoa bilan muloqotni juda go‘zal qilishi kerak.

Sizning birinchi ish kunida qilgan katta bir xatoyingiz ishdan bo‘shatib yubora oladi.

Hamkasblar bilan til topishib olgandan so‘ng qilgan xatoyingiz ko‘z yumiladi, eng kamida birgalikda to‘g‘rilanadi!

Umuman olganda jamoaga kirishib ketish ishingizning foydalilik foiziga ta’sir o‘tkazadi!

Hamkasblar bilan yaxshi chiqishib olib ko‘plab xatolarni qilishlikka targ‘ib emas!

Fikr-mulohazalar uchun | Anonim
@bekhmirzayev_blog

Katta muammolar kichiklaridan paydo bo'ladi.

Biroz ko'p yeyotgandek tuyuladi o'zingizga, ahamiyat qilmaysiz. 1 yildan keyin vazningiz 100 da ortgan bo'ladi.

Tarmoqlarga vaqtimizni ko'proq sarflashni boshlaymiz, biroz muddatdan so'ng kunimizning asosiy qismini tarmoqlar egallaganini sezmay qolamiz.

Uyqu yoqib kuniga 1-2 daqiqa ko'proq uxlaymiz. Bomdodga tura olmay qolgan kunlarimiz paydo bo'lganini sezmay qolamiz.

Sezilmas darajada suvni ko'p ishlatib qo'yamiz, vaqti kelib suv tanqisligi bo'lganini bilmay qolamiz.

Subyektiv jamosi o'zining yangi videosini Orol dengizi hamda kelgusida kutilayotgan suv tanqisligiga yangi qarashlar bilan kirishibdi va biz uchun dars bo'ladigan video yaratishibdi.
Barcha inson suvning qiymatini sezishi kerak, suvni isrof qilmaslik to'g'risida o'ylash kerak.

Videoni sizlar ham ko'ringlar, do'stlaringga ulashinglar.


🎬Video: https://youtu.be/rBmJZhbquyA?si=SYiaESHzbQ2id-C2

Fikr-mulohazalar uchun | Anonim
@bekhmirzayev_blog