Bayyina.uz

Ибодатга шунчалар ошуфта бўлган Абдуллоҳ ибн Амр розияллоҳу анҳунинг ахлоқ борасида қандай мақомда бўлганларини бир тасаввур қилиб кўринг. Абдуллоҳ ибн Амр Пайғамбаримиз алайҳиссалом билан тўрт йил бирга бўлиб, у зотдан эшитган барча ҳадисларини ёзиб юрдилар. Баъзи саҳобалар Абдуллоҳ розияллоҳу анҳунинг бу ишига эътироз билдириб, «Абдуллоҳ, сен Набий соллаллоҳу алайҳи васалламдан эшитган барча нарсангни ёзяпсан. Аммо у зот ҳам инсон, хурсанд ёки маҳзун пайтларида турли сўзларни айтишлари мумкин. Ҳамма гапларни ҳам ёзиб олаверсанг, биздан кейингилар баъзи гапларнинг мақсадини тушунмай, муаммога дуч келиши мумкин. Шунинг учун ёзишни тўхтатгин»,– дейишди. Шунда у киши: «Расулуллоҳ соллаллоҳу алайҳи васалламнинг ҳузурларига бориб, бу ҳақда сўрайман:" Ёз,– десалар, ёзишда давом этаман,– ёзма",– десалар, тўхтатаман», дедилар. Сўнг Пайғамбаримиз алайҳиссаломнинг ҳузурларига келиб, бўлиб ўтган гапларни айтдилар. Расули Акрам алайҳиссолату вассалом муборак қўллари билан оғизларини кўрсатиб, шундай дедилар: «Ёзиб боравер. Жоним қўлида бўлган Зотга қасамки, бу ердан ҳақдан бошқа нарса чиқмайди».
Абдуллоҳ ибн Амр розияллоҳу анҳу бир ривоятга кўра мингта, бошқа ривоятга кўра олти юзта ҳадис ёзиб олдилар. У киши ривоят қилган ҳадислар сони эса етти юзтадир.
Абу Ҳурайра розияллоҳу анҳу ҳазрати Абдуллоҳнинг ўзидан кўра кўпроқ ҳадис билишини айтиб, шундай деганлар: «Расулуллоҳнинг бирор саҳобаси мендан кўп ҳадис билмайди, фақат Абдуллоҳ ибн Амрдан мустасно, чунки у ҳадисларни ёзиб юрар эди, мен эса ёзмас эдим",– дедилар

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

Тажаллий ва баракотлар фурсати

Абдуллоҳ ибн Амр розияллоҳу анҳу бутун умр бомдод намозидан кейин ухламаганлар, аҳли аёли ва фарзандларини ҳам ухлатмаганлар. У зот шундай дер эдилар: «Уйғонинглар, бу вақт ётиш вақти эмас, илоҳий тажаллий ва баракотларни қабул қилиб олиш фурсатидир. Аллоҳга қасамки, инсон мана шу вақтнинг баракаси билан жаннатга эришади».
Мусулмон одам қуёш чиққанидан кейин уйғонмайди, аксинча, кун тартибини куёш чикмасидан олдин бошлайди. Қуёш кўтарилганидан кейин уйғонган одам қандай қилиб бу кундан насибадор бўлади? Бугунги кунда ҳаммамиз вақт етишмаслигидан шикоят қиламиз, лекин вақтдан унумли фойдалана олмаётганимизни инобатга олмаймиз.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

ҲАМДАРДЛИК

"Bayyinauz" жамоаси тарихчи олим, моҳир педагог, профессор Сулаймон Иноятович Иноятов вафоти муносабати билан чуқур таъзия изҳор этади.

Сулаймон Иноятов Президент фармонига мувофиқ «Буюк хизматлари учун» ордени билан тақдирланган эди.

Аллоҳ таоло устозни Ўз мағфиратига олсин, солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!

Ҳақ таоло Сулаймон Иноятовнинг оила аъзолари, яқинлари ва шогирдларига чиройли сабр берсин.

Инна лиллаҳи ва инна илайҳи рожиъун!
«Албатта, биз Аллоҳникимиз ва албатта, биз У Зотга қайтувчимиз».

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

ДУО

Дуонинг арабча матни:
اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَن زَكَّاهَا

Дуонинг маъноси:
«Аллоҳим! Нафсимга тақвосини бер ва уни поклагин. Уни энг яхши поклайдиган Сенсан».

Имом Муслим ва Насоий ривоят қилишган ҳадисда Расулуллоҳ соллаллоҳу алайҳи васаллам: «Аллоҳумма аати нафсий тақвааҳаа, ва заккиҳаа анта хойру ман заккааҳаа», деганлар.


Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube

Мадина хотиралари
Расулуллоҳ соллаллоҳу алайҳи васалламнинг шундай одатлари бор эдики, бомдод намозидан кейин саҳобаларга юзланиб, «Бугун ким туш кўрди?» ,–деб сўрардилар. Туш кўрган саҳобалар тушларини айтиб беришарди. Уларнинг кундузлари мазмунли ўтгани учун тушлари ҳам маъноли бўлар эди.
Минораларимизни безаб турган, тавҳиднинг шиори бўлмиш азон – Абдуллоҳ ибн Зайд розияллоҳу анҳунинг туши эди. Бошқа сўзга ҳожат бўлмаса керак. Улуғлар ана шундай туш кўрар эдилар.
Бир куни Расули Акрам алайҳи васаллам:" Яна туш кўрганлар борми?"– деб сўрадилар. Абдуллоҳ ибн Амр розияллоҳу анҳу: «Эй Аллоҳнинг Расули! Тушимда бир қўлимда сариёғ, бир қўлимда асал кўрдим. Мен уларни иштаҳа билан еяётган эканман»,– дедилар. Пайғамбаримиз алайҳиссалом: «Сен туш эмас, ҳақиқат кўрибсан, Абдуллоҳ. Ҳам Қуръон, ҳам Таврот ўқиганинг, уларнинг ҳақиқатини англаганинг учун Аллоҳ улардаги хабарларни сенга сариёғ ва асал каби едиряпти»,– дедилар. Кейин Расулуллоҳ соллаллоҳу алайҳи васаллам у кишига Қуръондан бошқа, таҳриф қилинган (ўзгартирилган) матнларни қандай ўқиш кераклигини ўргатдилар.

Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube