Baxodirov | blog

Kelajakda o’tmishni xotirlar ekanmiz, “2025-yil menga ham juda omadli kelgan edi” deb eslashlik nasib qilsin, kirib kelayotgan yangi yil barchangizga muborak bo’lsin!

Samimiyat ila sizning
@baxodirov_b1og

Jaloliddin Rumiy. "Ichindagi ichindadur"
Asarni ustozim Karim Raximov (Alloh ulardan rozi bo'lsin) tavsiya qilgan edilar, o'ylaymanki, ustozimda ham, menda ham ko'zlagan maqsadimiz hosil bo'ldi.
Kitob uchun Mubinaga alohida rahmat! (Kitobga bunchalik chizib o’qishimni kutmaganmidi, sovg’a qilib yubordi))
Dastlab, kitobning yozilish uslubiga ko’nikishim oson bo'lmadi, ammo yakuni kutganimdanda a'lo bo'ldi.
Yangi yo'nalish, yangi shaxsiyat ushbu yil yakuni uchun ajoyib kashfiyot bo'ldi va yangi, kirib kelayotgan yil uchun foydali bo'ladi deb o'ylayman.
Quyida asardan parchalarni sharhsiz keltiraman:

Chuchuk suv ichib yurgan odamgina suvning sho'r-tuzli ekanligini payqaydi. Ya'ni har qanday ashyoning sifati ziddi orqali ma'lum bo'ladi. Ulug’ Tangri sizning qalbingizni imon nuri bilan bezagani uchun ham, qalbingizga bu narsalar chirkin bo'lib tuyulmoqda. Agar qalbingiz shunday bo'lmaganda narsalarga bunday qaramasdingiz. Boshqalar esa sizdagi darddan mahrum bo'lganlari uchun ham, o'z muhitlaridan mamnundirlar va "Asosiy narsa budir" deydilar. Ulug' Tangri sizga istaganingizni beradi, nimaga erishish yo'lida himmat ko'rsatsangiz, o'shanga sizni muyassar aylaydi. Chunki "qush qanotlari bilan yuksaladi, mo'min himmati bilan".

Do'zaxiylar jahannamda ekan, dunyodagidan ko'ra ko'proq mamnun bo'ladilar. Chunki do'zaxda ular Allohdan xabardordir. Dunyoda esa g'ofil edilar. Allohdan xabardor bo'lishdan totliroq narsa yo'q. U holda, bir ish vositasida Alloh lutfiga muyassar va
Undan boxabar bo'lish uchun dunyo istaladi. Yo'qsa, dunyo jahannamdan go'zalroq bo'lgani uchun emas. Munofiqlar do'zax tubiga otilajaklar. Ular imonli bo'lish imkoniga ega bo'la turib, kufrga yengilganlari uchun Allohdan boxabar bo'lgunga qadar azob chekadilar. Xolbuki, kofirning xuzuriga imon kelmagan va uning kufri xam zaif. Shunga ko'ra, yengil bir azob ila xam Allohni taniydi.

"Axir, sen nordonga ko'nikkansan, endi shirinni ham tatib ko'r.(rus klassikasidan keyin...)

Ps. Avvali jannat xabari, keyin jahannam xabari kelgan ekan, biz ham avvali yaxshisini, ezgusini yod etishimiz kerak.

@baxodirov_b1og

-Remeber me as I was.
Baldvin IV

Paulo Koelo. “Alkimyogar”
• Odamning qayerda va qanday yashayotganini bilmay turib, unga ishonish mumkin emas.
• O'zingga tegishli bo'Imagan narsani va'da bermaslik kerak.
• Agar sen biror narsani chin dildan xohlasang, niyating amalga oshishi uchun butun olam madadkor bo'ladi.
• "Men boshqalar qanday bo'lsa shundayman: orzularimni haqiqat o'rnida qabul qilaman va dunyoni ham o'zi qanday bo'lsa shundayligicha emas, men qanday ko'rishni xohlasam shunday ko'raman."
• Dunyoga firibgarning baxtsiz qurboni va yovuz odamning ko'zi bilan ham, xazinalar va sarguzashtlarning jasur izlovchisi ko'zi bilan ham qaray olish mumkin ekan.
• Odamzod ruhining quvvati nigohida bo'ladi.
• O'zganing taqdiriga aralashganlar o'z taqdiridan mosuvo bo'ladi.
• Xazina qayerda bo'lsa, qalbing ham o'sha yerda.
• " Har kimning urzusi boshqa, ko'radigan tushi boshqa."
• Xaridorlarga billur piyolalarda choy tutadigan boshqa do'konlar ham paydo bo'ldi, lekin ular bo'm-bo'sh edi, chunki ularga mashaqqat bilan chiqib borilmasdi.
• Santyagoni Andalusiya vodiylaridan bor-yo'g'i 2 soatlik yo'l ajratib turardi, ehromlar bilan uning o'rtasida esa bepoyon sahro yastanib yotardi. Ammo u buni boshqacha talqin qildi- garchi 1 yilni havoga sovurgan bo'lsa-da, xazina tomon yo'l 2 soatga qisqarganligini- tushundi.
• "Tanlagan yo'lingda qanchalik olg'a yursang, u sening hayotingni shunchalik kuchli boshqaradi."
• Qachonlardir ushbu tong ham xotiraga aylanadi.
• Shamol qum barxanlarini shaklu shamoyilini ming ko'yga soladi, ammo sahro sahroligicha qolaveradi.
• "Zulmatlarning zulmati- tong oldi zulmati".
• " Bir marta yuz bergan narsa ikkinchi marta bo'lmasligi mumkin. Ammo ikki bor yuz bergan narsa uchinchi marta, albatta, bo'ladi" Arab maqoli

Ps. Kitobxonlik ko’chasiga kirganimdan keyin o’qigan 2-kitobim. U paytlari menga yoqqan fikrlarni Notes*ga shunday qilib yozib chiqardim.

“To’siqlarga qarshiman, mutloq. Lekin erkin odamning intellekti shunga loyiq bo’lishi kerak”

Ozodbek Nazarbekov.


Ps. Internetda tarqalgan videodan hali xabarim yo’q, lekin madaniyat vazirining ushbu fikri juda o’rinli.

Assalomu aleykum, xalqim.
Hozirda Jaloliddin Rumiyning "Ichindagi ichindadur" asarlarini o'qiyapman va uni yakunlaganimdan keyin taqriz yozishimni inobatga olgan holda, boshqacharoq yo'l tutmoqchiman. Gap shundaki, asar hajmi juda kichik bo'lishiga qaramay har sahifasida yangi bir kitob o'qigandek bo'lyapman. Chunki asarda mayda hikoyalar berib ketilgan va uning xulosasi, bayoni kitobxonga qoldirilgan(menga bu tomoni juda manzur bo'ldi). Shu o'rinda, mana shu hikoyalardan meni ko'proq o'ylantirganlarini alohida post qilib, xulosamni yozaman; albatta, bu mening tushuncham bo'yicha bo'ladi, shuning uchun siz azizlardan ham fikringiz meniki bilan o'xshash bo'lmasa, boshqa tomondan qaragan bo'lsangiz, fikringizni o'rtoqlashishingizni so'rayman, bu men uchun qiziq va kitobni yaxshiroq tahlil qilishim uchun asos bo'lardi.

#talqin_1

Insonni tanimoqchi bo'lsang, uni gapga sol so'zidan kim ekanligini bilib olsan. Chunonchi birov kissavur bo'lsa-yu, unga "Insonni so'zidan bilishadi" deyishsa, u mirshab tanib qolmasligi uchun hech gapirmaydi. Quyidagi hikoya ham shunga o'xshaydi: Kichkina bir bola cho'lda onasiga "Ona, tunda menga shaytondek qo'rqinchli sharpa ko'rinyapti, qo'rqyapman", dedi. Ona bolasiga: "Qo'rqma, sharpa ko'zinga ko'rinishi bilan unga qarab jasorat bilan otilki, buning hayol ekanini bilasan", dedi. Shunda bola:"Oh onajonim, agar u sharpaga ham onasi shunday nasihat qilgan bo'lsa , men nima qilaman? Agar unga "Gapirma, ko'rinmaysan!" degan bo'lsa, men uni qanday taniyman?", dedi. Ona: "Uning oldida gapirma, o'zingni unga ot va kut, balki og'zidan biror so'z chiqar. Agar uning og'zidan biror so'z chiqmasa, istar-istamas sening og'zingdan bir so'z chiqadi. Yoki sening qalbingda bir tushuncha yoxud so'z paydo bo'ladi. Xuddi ana shu so'z yoki tushuncha orqali uning ahvolidan xabardor bo'lasan. Chunki u senda bir fikr tug'ilishida sabab bo'lgandir. Sening ichingda vujudga kelgan o'sha so'z va fikr uning tushuncha va ahvolining aksidir" deb javob berdi.

Shu joyida fikrimni aniqroq tushuntirish uchun ba'zi argumentlarni keltiraman:
•"Odamlar o'zlarini yomon his qilishadi, ammo u o'zlari yoqtirmagan narsa to'g'risida o'ylaganlarida yoki gapirganlarida shunday bo'lishiga ahamiyat berishmaydi" (Ronda Bern. "Kuch")
•"...bir fikr boshqasini boshlab keladi" (Dostoyevskiy. "Jinoyat va jazo")
•"Ezgu fikr, ezgu so'z, ezgu amal" ("Avesto")


Gap shundaki, hikoyadan biz nafaqat qo'rqadigan narsalarimizni balki yon-atrofimizda bo'layotgan voqealarning ta'sirini ham o'zimiz ongimizda hosil qilishimizni, ularning barchasi ular emas bizning g'oyamiz(subyektiv qarashimiz) degan fikrni olishimiz mumkindir. Shuningdek, bolaning berayotgan savollaridan uning qo'rquvi sababi sharpaning qilishi mumkin bo'lgan xavf emas balki uning mavjudligidir. Onaning gapiga ko'ra, bolada paydo bo'ladigan fikr ushbu mavjudlikning holini so'zlaydi, umuman mavjudlik ham bolaning fikridir, ya'ni bola o'z fikridan qo'rqyapti. Bu fikrining orqasidan qo'rquvi hosil bo'lyapti, kuchayyapti, mavjudlik boshqa mavjudliklarni boshlayapti…
Umuman, har narsaning boshi fikr ekanligi jihatidan, bu hikoyada urg'u fikr bilan bir qatorda zikrga qaratilganligini ham aytish kerak. Chunki hikoyada qo’rquvning ichki fikrlardan kelib chiqishi ko‘rsatiladi. Bu esa o‘z ongimizni tozalash va ezgu fikrlarni hayotimizga jalb qilish uchun zikr qilishning ahamiyatini anglatadi.

@baxodirov_b1og

'https://t.me/addlist/3F4Ius-_PUA5ODNi' rel='nofollow'>Qish uchun maxsus foydali kanallar roʻyxati!

Qara, anavi tog’ boshiga qo’nib uchgan qush tog’ning nimasini orttirdi va nimasini kamaytirdi?

“Ichindagi ichindadur”