BankTrend | Расмий канал

Павел Дуров ҳаттоки Ўзбекистон крипвалютани тақиқламаганини бирдирди

Телеграм асосчисининг фикрича, Россия банкининг таклифи мамлакатдан ИТ соҳадаги кадрларнинг кетишига ва иқтисодиётнинг бир қатор юқори технологик соҳаларини йўқ қилишга олиб келади.

Дуровнинг фикрича, бирорта ривожланган давлат криптовалютани тақиқламаган (Хитойда тақиқланган - BankTrend). Бундай тақиқ ўз-ўзидан блокчейн-технологиянинг умумий ривожланишини тўхтатиб қўяди. Бу технологиялар эса инсон фаолиятининг бир қатор турлари – молиядан тортиб санъатгача – самарадорлиги ва хавфсизлигини оширади.

Криптовалютани ҳисоб-китоб кўрсатгичи сифатида ишлатадиган тақсимланган реестрлар асосидаги ечимлар ўз даврини яшаб бўлган 20 аср иккинчи ярмидаги марказлашган молиявий тизимлар ўрнини босмоқда, деб ёзади Дуров.

Россия қўшни мамлакатлари – Украинадан тортиб Ўзбекистонгача – ривожланган мамлакатлар кетидан блокчейн соҳасидаги прогрессив қонунларни қабул қилганлигини таъкидлаган. Бу давлатлар, Дуров фикрича, технология ва иқтисодий ривожланишдан қолиб кетмаслик илинжида.

Дуров Россия ҳозирда блокчейн индустрияси соҳасидаги мутахассислар сони бўйича етакчи эканлигини ва бу етакчиликни сақлаб қолиш лозимлигини, шунингдек, Марказий банк таклиф қилаётган тақиқ асл мақсади – крипвалюта орқали ноқонуний операциялар билан ҳисоб-китоб қилишнинг буткул йўқота олмаслигини билдирди.

Банк ва молия янгиликларини биз билан кузатиб боринг!
👉 https://t.me/banktrendofficial

Credit Suisse молиявий холдинги Бошқаруви раиси карантин қоидалари бузганлиги учун лавозимидан кетди

Швейцарияда энг йирик иккинчи молиявий холдинг Credit Suisse Бошқарув раиси Орта-Осорио 2021 йил апрелда лавозимга тайинланган эди.

2021 йил июль ойида Буюк Британияга ташриф буюриб, мамлакатда ўрнатилган карантин қоидаларига амал қилмасдан, Уимблдон турнири финалини томоша қилишга борган.

Иккинчи сафар 2021 йилнинг 28 ноябрида Швейцарияга қайтгач, мамлакатда ўрнатилган 10-кунлик карантинга амал қилмасдан, 1 декабрда мамлакатдан учиб кетган.

Бу ҳолатлар Credit Suisse директор кенгаши ташаббуси билан амалга оширилган ички текширув натижалари бўйича аниқланган, дея хабар беради BBC News.

Орта-Осорио истеъфога чиқишга қарор қилган. Банкка янги раҳбар этиб Аксель Леман тайинланганлиги маълум қилинган.

Банк ва молия янгиликларини биз билан кузатиб боринг!
👉 https://t.me/banktrendofficial

Нурсултон Назарбоевнинг куёви Тимур Кулибаев ««Атамекен» Қозоғистон тадбиркорлари Миллий Палатаси» нодавлат нотижорат ташкилоти Президиуми раҳбари лавозимидан кетди

Унинг Палата сайтига жойлаштирилган тегишли мурожаатида ушбу ташкилотнинг ўтган давр мобайнида қонун ижодкорлигидан тортиб тадбиркорларни ҳимоя қилиш ва тарғибот масалаларида амалга оширган бир қатор ишлари ва ютуқлари санаб ўтилган.

Тимур Кулибаев рафиқаси Динара Кулибаева (Н.Назарбаевнинг ўртанча қизи) билан бирга ««АЛМЭКС» Холдинг гуруҳи» АЖ орқали «Қозоғистон Халқ банки» АЖнинг (Halyk Bank) мажоритар улуши (56,39%) эгаси – йирик акциядори ҳисобланади.

Банк Қозоғистоннинг бозор капитализацияси бўйича энг катта учлигига кирувчи оммавий компания ҳисобланади.

Банкнинг Ўзбекистонда 2019 йилдан бери 100 фоизлик улушли шўъба банки «Tengebank» АЖ фаолият юритиб келади.

Банк ва молия янгиликларини биз билан кузатиб боринг!
👉 https://t.me/banktrendofficial

#Xavfsizlik

🔹Картадаги пулни фирибгарлардан қандай ҳимоя қилиш мумкин? Фирибгарнинг тузоғига тушмаслик учун ҳар доим бешта муҳим хавфсизлик қоидаларига риоя қилиш керак.

📌Биринчи қоида. Парол ва кодларингизни ҳеч кимга айтманг. Картанинг ПИН-коди, CVC-/ CVV-коди (Visa ва Mastercard учун картанинг олд тарафидаги махфий коди), амал қилиш муддати ва бошқа маълумотларини ҳеч кимга айтманг.

Мисол учун, агар Сизга банкнинг техник қўллаб-қувватлаш хизматидан ёки "Банк менежери" қўнғироқ қилиб картангиз блокланганлигини айтиб картангиз маълумотларини сўраса эҳтиёт бўлишингиз керак. Банк ходими ҳеч қачон картага боғлиқ маълумотларни сўрамайди.

📌 Иккинчи қоида. Банк картангизга СМС-хабарномасини уланг. Ҳар доим ҳисоб операцияларингизни кузатиб боринг. Барча фаол карталарингиз бўйича СМС-хабарнома хизматини улаб қўйинг. Шунда ҳар бир карта бўйича амалга оширилган операциялар ҳақида хабарнома оласиз. Бунинг учун Сизга хизмат кўрсатувчи банкоматларда "СМС-хабарнома"ни танлаб, мобил телефон рақамингизни киритишингиз керак.

📌 Учинчи қоида. Антивируслардан фойдаланинг. Антивирус дастурини Сиз фойдаланадиган барча мосламаларга - компютерингиз, планшетингиз ва мобил телефонингизга ўрнатиш жуда муҳимдир. Антивирус дастури фирибгарлар пул ўғирлаш учун фойдаланадиган дастурлар ва веб-сайтлардан Сизни ҳимоя қилади. Интернетда функсиялари чекланган антивирус дастурларининг бепул версияларини топишингиз мумкин.

📌 Тўртинчи қоида. Маълумотни қайта текширинг.
Картангизга боғлиқ бўлган муаммоларни (блокировка, тўловлар рад этилиши) қайта текширинг. Бунинг учун банкнинг ишонч телефонига мурожаат қилинг. Телефон рақами ҳар доим хизмат кўрсатувчи банкнинг расмий веб-сайтида кўрсатилган.

📌 Бешинчи қоида. Хавфсиз веб-сайтларни танланг. Фақат тасдиқланган веб-сайтларга киринг. Сизга СМС-хабарлар орқали ёки электрон почтангизга номаълум “хайрихоҳ”лардан келган интернет ҳаволаларга кирманг.

- веб-сайт манзилига эътибор беринг. Хавфсиз сайт https:// билан бошланади. Ҳимояланган веб-сайт манзили сатрнинг охирида ёпиқ қулф белгиси бўлади.

- агар веб-сайт хавфсиз бўлмаса, унга шахсий ёки кредит карта маълумотларини киритмаслик керак.
Ҳар қандай веб-сайтга банк картаси ёки паспорт ҳамда шахсни тасдиқловчи бошқа ҳужжатларнинг маълумотларини киритишдан олдин, уни яхшилаб ўрганиб ва интернетда фойдаланувчилар қолдирган фикрларни кўриб чиқиш керак.

📌 Олтинчи қоида. Харидлар ва хизматлар тўлови учун фақат мобил қурилмангизни ишлатинг.
Харидлар қилиш, банк веб-сайтларига ёки банк иловаларига кириш учун фақат ўзингизни шахсий компютерингиз, планшет ва телефонингиздан фойдаланинг. Барча мобил мосламаларингизга пароллар қўйинг.

Банклар янгиликларини биз билан кузатиб боринг!
👉https://t.me/banktrendofficial

#moliyaviy_savodxonlik

Пул тежашнинг бир неча усуллари

🔹 Агар сиз келаётган маблағдан кўра кўпроқ пул сарфлаётган бўлсангиз, харажатларни камайтиришингиз кераклиги ҳақида ўйлаб кўришингиз керак.

🔸 Уйда тушлик қилиш ёки сиз фойдаланмаётган спорт залига аъзоликни бекор қилиш бўлиши мумкин.

🔹 Бундан ташқари, сиз сарф-харажатлар журналини юритишингиз ва бир ой ичида сотиб олган нарсаларингизни нархлари билан ёзиб боришингиз керак.

🔸 Ёки, агар сиз кўп харажатларингизни кредит ёки қарзга тўлаётган бўлсангиз, ўтган ойдаги харажатларингизга қаранг ва пулингиз қаерга кетаётганини аниқланг.

🔹 Оилангиздаги барчани пул йиғишга жалб қилинг.

🔸 Бирга ўтиринг ва барчангиз режа тузинг, ҳаммангиз бунга амал қилинг.

🔹 Йиғилган маблағларни тўғри назорат қилинг, фойда келтирадиган, юқори фоизли банк омонатларига пулларингизни ишониб топширинг ва фойда олинг.

Банклар янгиликларини биз билан кузатиб боринг!
👉https://t.me/banktrendofficial

“Бир миллион дастурчи” лойиҳаси доирасида сертификат олганларга компьютер хариди учун истеъмол кредити ажратиш ва уни компенсация қилиб бериш тартиби

⚠️ Хизмат: “Бир миллион дастурчи” лойиҳаси доирасида ўқув курсларини муваффақиятли тугатган ва сертификат олган ёшларга компьютер харидлари учун БҲМнинг 25 бараваригача (6 млн 750 минг сўмгача) истеъмол кредити ажратиш ва унинг фоиз тўловларини компенсация қилиб бериш.

🙎‍♂️ Хизматдан фойдаланувчилар: Жисмоний шахслар (31 ёшга тўлмаган Ўзбекистон фуқароси, Ўзбекистонда доимий яшовчи фуқаролиги бўлмаган шахс, 16 ёшга тўлмаган шахс номидан мурожаат қилган унинг қонуний вакили).

📂 Хизматни кўрсатиш учун керак бўладиган ҳужжатлар

➖ компьютер сотиб олиш бўйича икки томонлама тузилган олди-сотди шартномаси (pdf форматда);
➖ “Бир миллион дастурчи” лойиҳаси доирасида ўқув курсларини муваффақиятли тугатганлиги тўғрисида сертификат (pdf форматда).

🔄 Хизматни кўрсатиш тартиби:

1️⃣ Ариза берувчи тегишли сертификат берилган санадан бошлаб 60 календарь кун мобайнида исталган туман (шаҳар) давлат хизматлари марказларига сертификатни илова қилган холда мурожаат қилади ёки Ягона интерактив давлат хизматлари портали (my.gov.uz)да рўйхатдан ўтади.

2️⃣ Ёшлар ишлари агентлиги (ваколатли орган) ариза берувчининг мурожаати ЯИДХП орқали тушган пайтдан бошлаб 3 иш куни мобайнида сертификатни верификациядан ўтказади.

3️⃣ Ваколатли орган томонидан ариза берувчининг маълумотлари тўғри деб топилганда 2 иш кунида кредит фоизлари тўловларини компенсация қилиб бериш тўғрисида маълумотнома берилади.

4️⃣ Маълумотнома олингандан сўнг тегишли банк (АТ “Халқ банки”, АТ “Алоқабанк”, “Микрокредитбанк” АТБ ) филиаллари ўзларининг ички ҳужжатларида белгиланган муддатда кредит ажратиш масаласини кўриб чиқади.

5️⃣ Кредит бўйича фоиз тўловларини тўлаш учун зарурий суммалар ҳар ойнинг 25-санасигача Ёшлар ишлари агентлиги ва унинг ҳудудий бўлинмалари томонидан ўтказиб борилади.

🗓 Хизматни кўрсатиш муддати: 3 иш кунида (қўшимча ўрганиш талаб этилганда 5 иш кунида)

♻️ Хизмат нархи: Бепул

📋 Ҳуқуқий асос: Ҳукумат қарори (617-сон, 04.10.2021 й.)

—————————————

Банклар янгиликларини биз билан кузатиб боринг!
👉 https://t.me/banktrendofficial

💰 Тадбиркорлик ёки ўзини ўзи банд қилиш фаолиятини бошламоқчи бўлган “Ёшлар дафтари”га киритилган ёшларга асбоб-ускуна ёки меҳнат қуроллари (мотокультиваторлар, ўт ўриш ўроқ машиналари, перфораторлар, пайвандлаш аппаратлари, ўсимликларга ишлов бериш қурилмалари, дурадгорлик, чилангарлик, қурилиш ускуналари, компьютер жамланмаси ва бошқалар)ни харид қилиш учун БҲМнинг 40 бараваригача миқдорда субсидия ажратилади.

🔘 Бунда қуйидаги ҳужжатлар тақдим этилади:

➖ Васийлик кенгаши раиси номига ариза;
➖ тадбиркорлик субъекти гувоҳномаси ёки ўзини ўзи банд қилган сифатида рўйхатдан ўтганликни тасдиқловчи матрицали штрих код (QR-код);
➖ асбоб-ускуна, меҳнат қуролларининг тури, миқдори, товарнинг маркаси, тахминий харид нархи.

—————————————

Банклар янгиликларини биз билан кузатиб боринг!
👉 https://t.me/banktrendofficial

Uzcard банкоматларнинг сентябрдан бери ишламаётган доллар айирбошлаш (50 ва 100 долларлик банкнотларни қабул қилиш) функциясини 2022 йил январ ойи охиригача тиклашни режалаштирмоқда.

—————————————

Банклар янгиликларини биз билан кузатиб боринг!
👉 https://t.me/banktrendofficial