Bahriddin Mo'minov 💡 Blog

Davomi

3. Engineerga vazifa emas, muammo bering. Tayyor yechimni implement qilish oson, yechimni va ayniqsa yaxshi yechimni topish qiyin. Agar manager yoki team lead sifatida engineerlarga "A tildagi B frameworkda C arxitekturada web server yoz, databaseda X, Y, Z tablelar bo'lsin" shaklidagi vazifa berayotgan bo'lsangiz unda birinchidan siz engineerlardan to'liq foydalanmayapsiz, ikkinchidan siz o'ylagan yechim optimal bo'lmasligi mumkin. Yaxshisi, "bizda A muammo bor, shuni hal qilish uchun bizga B imkoniyatga ega yangi servis kerak" deb muammoni o'rtaga tashlang. Shunda bir qancha alternativ yechimlarni ko'rib, hamma tomondan analiz qilib, eng yaxshi yaxshi yechimni tanlash imkoni bo'ladi. Lekin odatda call davomida yaxshi yechim o'ylab topish ko'p vaqt va ma'lum bir sohada chuqur bilim talab qilishi mumkin. Bunday holatda bir kishiga muammoni chuqur o'rganish va potensial yechimlar ustida ishlash vazifa qilib beriladi (yechimni implement qilish emas) va keyin berilgan yechimlarni butun jamoa bilan analiz qilib, qaror qabul qilishingiz mumkin. Implement qilish shundan keyingina boshlanadi.

4. Djangochi emas, engineer bo'ling. Bugun application serverda, ertaga databaseda, indinga networkingdagi muammoni hal qilishingizga to'g'ri kelishi mumkin. Albatta ishga kirishdan oldin bularning hammasini chuqur o'rgana olmaysiz, shuning uchun "T shaped" engineer bo'lishga harakat qiling. Ya'ni bilimingiz T harfidagiga o'xshab biror tor sohada chuqur bo'lishi bilan birga boshqa ko'plab sohalardan ham ma'lum darajada xabardor bo'lishingiz siz uchun ancha foydali, shunda zarur bo'lganida boshqa bir sohani chuqurroq o'rganishingiz oson bo'ladi (ya'ni T ni π ga aylantirish oson bo'ladi). Menimcha lokal bozordagi eng katta muammolardan biri ko'p sohalarni yuzaki biladigan lekin birortasini chuqur tushunmaydigan (– shaped) yoki bir tor sohani chuqur biladigan lekin boshqa sohalarni umuman tushunmaydigan (I shaped) engineerlar. Bundan tashqari bir narsani chuqurroq o'rganib olib, keyin hamma joyga shuni tiqishtiradigan (L shaped) engineerlar ham odatda jamoaga foydadan ko'proq zarar keltiradi, ToDo app qilish uchun ham microservice quradiganlar bunga misol.

5. Qilgan har bir ishingizni va o'ylagan har bir yechimingizni yozib boring. Projectda to'g'ridan-to'g'ri sizga bog'liq narsalar minimal bo'lishi kerak, yechimlar va g'oyalar ham shular qatorida. Ertaga siz ishdan ketsangiz ham yozgan narsalaringiz turadi. Bu kelajakda boshqalarning vaqtini isrof qilmaslik uchun qilishingiz mumkin bo'lgan eng yaxshi narsalardan biri. Bundan tashqari menga o'xshab xotirangiz yomonroq bo'lsa 1 hafta oldin tugata olmagan ishingizga qaytganingizda oldingi safar nima qilganingiz/qilmoqchi bo'lganingizni yozib qo'yganingiz uchun o'zingizga o'zingiz rahmat aytasiz.

@boboshersnotes

Hozirgi ish joyimga kirganimga 2 oy bo'ldi. Yangi jamoada texnik bilimlardan tashqari "work culture" tomondan ham ko'p narsa o'rganayapman. Quyida shaxsiy fikrimcha bizda ham kengroq adaptatsiya qilishga arziydigan ba'zi qoidalar. E'tibor qilsangiz bularning hammasi oddiy narsalar, lekin negadir ba'zilar shularga ham amal qilmaydi.

1. Sizning vaqtingiz qimmat, boshqalarniki undan ham qimmat. Hamkasbingizning ishi sizga bog'liq bo'lsa iloji boricha tezroq bajarib bering yoki eng kamida qachon qilib bera olishingzni ayting. Schedule qilingan call/meetinglarga vaqtida qatnashing, biror sabab bilan kech qolsangiz yoki qatnasha olmasangiz qolganlarni bu haqida iloji boricha ertaroq ogohlantiring. Managerlar va team leadlar uchun: callga faqat kerakli odamlarni chaqiring va iloji boricha tezroq tugating. Daily standupda jamoadagi faqat 1 kishiga aloqador task ustida gaplashish uchun butun jamoani 1 soat ushlab turmang.

2. Vaqt qimmat, fokus undan ham qimmat. Fokusning 2 ta asosiy dushmani bor, shulardan iloji boricha qochishga harakat qiling:
a) Context switch, ya'ni bir vazifadan boshqasiga o'tish. Masalan, fokus bilan ishlayotgan jamoadoshingizga "hey, tezda mana bu narsani qilib bera olasanmi, 5 minut vaqt ketadi" desangiz u ishning o'zini qilishga 5 minut vaqt ketishi mumkin, lekin jamoadoshingiz yana o'zining ishiga qaytib avvalgidek fokus qilishiga yana kamida 10-15 minut ketadi.
b) Unpredictibility, ya'ni oldindan rejalashtirilmagan ishlar. Masalan, jamoadoshingiz yoki qo'l ostingizdagi ishchini oldindan ogohlantirmasdan "hey, hozir 10 minutlik qisqa callga qatnasha olasanmi" desangiz u callga kirib nima bo'layotganini tushunib olgunicha va calldan keyin oldingi qilayotgan ishiga qaytgunicha ancha vaqt o'tadi. Lekin call oldindan belgilangan bo'lsa u ma'lum darajada tayyor bo'ladi va context switch ancha oson kechadi.

Davomi keyingi postda

@boboshersnotes

Google: Rust tiliga o‘tganidan keyin besh yil o‘tib, Android xotira xavfsizligi zaifliklarini 24% gacha kamaytirdi, bu esa sanoat standartidan ancha yaxshi natija.

2019-yildan beri Google Android tizimidagi xotira xavfsizligi muammolarini kamaytirish maqsadida Rust dasturlash tiliga o‘tishni boshlagan edi.

2021-yilning aprelida Google Android tizimida Rust dasturlash tilini qo‘llab-quvvatlash rejalarini rasman e’lon qilgan.

@botirziyatov

Assalomu Alaykum qadrli kuzatuvchilar, keling ma’lumot almashinuv uchun hozirda ko’plab xizmatlar orasida ishlatilayotgan eng mashhurlaridan bo’lgan ikki turini solishtirib ko’ramiz.

🌐 Polling va Webhooklar

🔄 Polling

Bu tashqi xizmat yoki endpointni muntazam ravishda so'rab, yangilangan ma'lumotlarni olish jarayonidir. Bu, xuddi: "Sizda men uchun yangi biror narsa bormi?" deb doimiy ravishda so'rashga o'xshaydi, hatto yangilanishlar bo'lmaganda ham. Bunday yondashuv ko'p resurslarni talab qiladi va ko'pincha samarasiz bo'ladi. Ma'lumotlar faqat siz ularni so'raganingizda yangilanadi, bu esa real vaqtdagi dolzarb ma'lumotlarni o'tkazib yuborishingizga olib kelishi mumkin. Biroq, dasturchilar ma'lumotlarni qachon va qanday olishni nazorat qilish imkoniyatiga ega bo'lishadi.

📩 Webhooklar

Webhooklar o'rnatilgan bildirishnoma tizimi kabi ishlaydi. Doimiy ravishda ma'lumotlarni so'rash o'rniga, siz o'zingizning serveringizda endpoint yaratib, uni tashqi xizmatingizga (masalan, to'lov tizimi yoki yetkazib berish xizmati) taqdim etasiz. Muhim bir narsa sodir bo'lganda, tashqi xizmat o'zingizning endpointingizga murojaat qilib, ma'lumotlarni yuboradi. Bu webhooklarni real vaqtdagi yangilanishlar bilan ishlash uchun ideal echimga aylantiradi, chunki ma'lumotlar mavjud bo'lganda darhol dasturga yuboriladi.

🎯 Qachon foydalanish kerak:

▪️ Polling, agar webhooklardan foydalanishga to'sqinlik qiluvchi infrastruktur cheklovlari mavjud bo'lsa, maqsadga muvofiqdir. Shuningdek, webhooklar tarmoq muammolari tufayli bildirishnomalarni o'tkazib yuborishi mumkin, shuning uchun qayta urinish mexanizmlari kerak bo'ladi.
▪️ Webhooklar ma'lumotlarni darhol yetkazib berish muhim bo'lgan dasturlar uchun tavsiya etiladi va ular resurslardan foydalanish jihatidan samaraliroqdir, ayniqsa, katta yuklama sharoitlarida.