Asrorbek Sa'dullayev

Shaxsiy fikr!?

"Fikrlaringiz siznikimi?" - Aziz Rahimov maqola qilgan ekan. To'g'risi, ko'plab fikrlarim o'zimniki emas ekanini bilib oldim.

Maqolada ham shaxsiy fikrlaringiz bo'lsin, deyilibdi. Shaxsiy fikrni qayerdan olaman? - degan savol tug'ilishi tabiiy.

Qarama qarshi fikrlarni tahlil qilish orqali o'z fikringizni yaratsangiz bo'ladi, deb ham yozilibdi. Ammo, o'sha qarama qarshi fikrlarni o'zi bo'lmasachi?

Ha, "Shaxsiy" fikr - degani chinakam emas ekan. Aslida shaxsiy fikrlar yo'q, bo'lsa ham juda kam. Barchasi eshtgan yoki o'qigan ma'lumotlarimiz qaysiki biz ishongan insonlardan.

Fikrlarni shaxsiy qilish uchun, avval boshdan yetarlicha fikrlar kerak bo'larkan. Buni qayerdan olamiz? - Albatta, odamlardan. Suhbatlar qurish orqali yoki cherez kitoblardan.

Avval fikrlarni ko'paytiraylik, shundan keyin o'zimizni fikrimizni keltirib chiqaramiz. Buni qanday qilishni tepadaki maqolada Aziz Rahimov juda sodda qilib tushuntirib bergan.

@asrorbeksadullayev_blog

Taqdir

Haqiqatdan ham taqdir bu taqdirmi?

- Yo'q, menimcha faqat shuni o'zi emas. Men buni 3ta sabab bilan birlashtirishni istayman.

1) Qismat. Qismatingizda ota-onangizni, oilangizni va yaqinlaringizni tanlash imkoniyati yo'q. Va bu sizni qismatingiz.

2) Omad. Ha omadsiz ham biror narsaga erishish qiyin. Omadingiz kelib qayerdadir kim bilandir uchrashib qolasiz va hk.

3) Harakat. Tepadagilar bu sizga bog'liq narsalar emas. Faqatgina harakat sizni ta'sir doirangiz markazida xolos.

Boshidagi 2ta kombinatsiya to'g'ri kelib turgani bilan harakat qilmasangiz, buni shunchaki taqdir ekan yoki taqdir emas ekan deyish xato bo'ladi. Yoki buni aksi bo'lishi ham mumkin, shunchaki vaqt sarflaganingiz qoladi.

Taqdir shu uchala sababni yig'indisi, siz faqat qo'lingizdagi narsagagina javob berolasiz.

@asrorbeksadullayev_blog

Erkin qullarmiz

Ha biz shunaqa, hammamiz nimagadir tobemiz.

Tobeligimiz bo'lishi mumkin, ijtimoiy tarmoqlar: vinerlar nimani chiqarsa o'shani ko'ramiz.

TV seriyallar: televideniya nimani namoyish qilsa o'shalarni ko'rishga majburmiz.

Balki kitoblar ham: tarjimonlar, nashriyotlar nimani taqdim qilsa o'shani o'qishga tobemiz aslida.

Biz erkinmiz, lekin qullarmiz chunki baribir nimagadir tobe bo'lib yashashga majburmiz.

@asrorbeksadullayev_blog

Ko’zingizga aytib beradi

Eng ko’p vaqt o’tkazadigan 5ta odamimizga o’xshab ketamiz. (J. Rohn)

Farzandingizga qiladigan eng katta yaxshiligingiz uni to’g’ri muhitga qo’yishingiz. (Yagodkin)

10-12 yoshida aqlli bolalar bilan do’st bo’lganlar 18 yoshida IQ darajalari katta o’sgani kuzatilgan. (J.Clear)

O'zgarishimiz uchun, muhitimiz o'zgarishi kerak. Tabiiy, yaxshiroq, kuchliroq muhit xohlaymiz. U muhitdagilar esa o’ziga o’xshaganlarni yaqinlashtiradi.

Shu tufayli u muhitga kira olmaymiz. Nima qilish kerak? Yechim nima?

Kitob. Biografiyalar. Buyuk insonlarning hayot yo'llari.

Navoiy, Rumiy, Avreliy, Aflotun, Seneka, Dostoevskiy… (Jobslar-u, Masklar ham bo'laveradi)

O’rtog’ingiz bilan gaplashsangiz baribir hayotini aytib beradi. Kitoblar ham shu. Qulog’ingizga emas, ko’zingizga aytib beradi xolos.

Bu ham yaxshigina muhit beradi.

-Keyinchi? Keyingi qadam nima? Yaxshi odamlar muhitga qanday o’taman?

Buyuklardan ilhomlanib yashashni boshlang. Muhitni o’zi sizni qidirib keladi.

@azizrakhimov_blog

G’alati elat, bu g’alati el bu,
Niyyati bo’lakcha, amali mavxum,
Bu eldan Buxoriy chiqishi mumkin,
Lekin g’ariblikda yashashga maxkum,

G’alati elat bu, g’alati el bu,
Tushunib bo’lmaydi asrorlarini,
Mashrabni osadi va orqasidan,
Yig’lab o’qib yurar ash’orlarini,

G’alati elat bu g’alati el bu,
Botini chirkinlik, zohiri sodda-
O’tgan kunlarini yozgan o’g’lini,
Bilmay otib qo’yar Yunusobodda,

G’alati elat bu, g’alati el bu,
Timsox ko’z yoshidan bitmish lug’ati,
Ibn Sinoni-yu Ulug’begini,
O’zi tug’adi va o’zi bo’g’adi,

G’alati elat bu, g’alati el bu,
Tushunib bo’lmaydi sira ham, aytsam.
Bir jarlik ko’raman yo’l oxirida,
Oldinga yur, deydi orqaga qaytsam.

G’alati elat bu, g’alati el bu,
Buyuklik sharafdir, biroq o’y surmang.
Tag’in, dardlarini eshitayin deb
Boburni sira ham uyg’ota ko’rmang!!!

©Xayrulla Hamidov

Hakuna matata

Kim nima desa desin, bilganingni qilaver.

Hayot shundog'am qisqa, ko'p yashayman desang adashasan.

Bugun bor, ertaga yo'q.

Ertangi kun uchun bugungi kuningni zoye qilma.

Oxirini o'ylagan qahramon bo'lolmaydi.

Hammadan maslahatini ol, lekin yakunida bilganingni qil.

Hakuna matata...
Shunchaki yashashda davom et.

@asrorbeksadullayev_blog

Vaqtdan unumli foydalanish

Har kuni kundalik vazifalar tuzasiz, har xil usullardan foydalanib ko'rdingiz (blaknot, notion, to-do-list), ammo baribir rejalashtirgan vazifalaringizni 40-50% bajarasiz va natijada o'zingizni yomon his qilasiz. Siz yolg'iz emassiz, o'rtacha kundalik topshiriqlarning 59% qismigina bajarilar ekan. Menda bundan ham yomon.

Hozir oddiy va samarali usul haqida gaplashamiz. Bu "Eisenhower Matrisi" (Eisenhower Matrix) - Muhim-Shoshilinch Matrisi deyiladi. Vaqtni boshqarish va vazifalarni to'g'ri taqsimashda samarali vosita. Buning yordamida vazifalaringizni 100% bajarasiz demayman, lekin sizni ortiqcha stressdan va prokratsinatsiyadan qutqaradi, chunki biz vazifalarni to'liq bajarmasdan keyinga qoldirib o'zimizga katta yuk yuklab olamiz va natijada kunimiz yaxshi o'tmaydi, bu esa Prokrastinatsiya deyiladi, bu yerda bu haqida va uning asoratlari haqida to'liq ko'rishingiz mumkin.

Eisenhower Matrisidan qanday foydalanamiz? Bitta list olib uni 4ta kvadratga bo'lib chizib olamiz:
1. Muhim va Shoshilinch (Darhol Bajaring)
So’nggi muddati bugun tugaydigan ishlar, zudlik bilan hal qilishni talab qiladigan muammolar.
Bu ishlarni tezda bajaring, ular kechiktirilishi mumkin emas.
2. Muhim, ammo Shoshilinch emas (Rejalashtiring)
Uzoq muddatli vazifalar, sog’liq va shaxsiy rivojlanish bilan bog’liq ishlar.
Bu vazifalar uchun vaqt ajrating va rejangizga qo’shing.
3. Shoshilinch, ammo Muhim emas (Boshqalarga yo'naltiring)
Boshqalardan kelgan tezkor so’rovlar, kichik topshiriqlar.
Iloji boricha bu ishlarni boshqalarga topshiring yoki ularga kam vaqt sarflang.
4. Shoshilinch emas va Muhim emas (E’tiborsiz qoldiring)
Ijtimoiy tarmoqlarda bekorchilik, keraksiz mashg’ulotlar.
Bu vazifalarni ro’yxatingizdan olib tashlang yoki vaqtni kamaytiring.

Endi esa kundalik vazifalaringizni tartiblab olishingiz kerak.
• Vazifalar ro’yxatini tuzing: Ertangi kun uchun bajarilishi kerak bo’lgan ishlarni yozib chiqing.
• Matrisga joylashtiring: Har bir vazifani qaysi kvadrantga tegishli ekanini aniqlang.
• Muhimlilikni belgilang: Avvalo muhim va shoshilinch ishlarni bajaring.

Prokrastinatsiyadan qutulish uchun maslahatlar:
• Kichik qadamlar: Katta vazifalarni kichik va boshqarsa bo'ladigan qismlarga bo’ling.
• Vaqt cheklovlari: Har bir ish uchun aniq vaqt belgilab qo’ying.
• Chalg’ituvchi omillardan qutuling: Ish vaqtida telefonni o’chiring yoki ijtimoiy tarmoqlardan uzoqlashing.

Xulosa: Eisenhower Matrisi — bu vaqtni boshqarish va prokrastinatsiyadan qutulishning oddiy, ammo samarali usuli. Vazifalaringizni muhimlik va shoshilinchlik asosida tartiblash orqali kuningizni samarali rejalashtirishingiz mumkin, asosiysi o'zingizni yamon his qilmaysiz chunki "Hechkim mukammal emas". Bugundan boshlab shu usulni sinab ko’ring, farqini sezsangiz aytarsiz.

@asrorbeksadullayev_blog

Yashash uchun yashayapmiz

Kitob o'qiymiz, lekin tushunmaymiz.

Ustozlar bilan gaplashamiz, maslahatini olamiz, lekin amal qilmaymiz.

Podcast eshtamiz-u, lekin undagi aytilayotgan so'zlarga ahamiyat qilmaymiz.

Do'stlar bilan gaplashamiz, lekin e'tibor qilmaymiz.

Oilamiz uchun vaqt ajratamiz deymiz, lekin mamnun qilmaymiz.

Va'da beramiz, lekin bajarmaymiz.

Yaxshi yashashni hohlaymiz deymiz, lekin yashash o'rniga ko'rsatish bilan ovvoramiz.

Biz shunchaki yashamayapmiz, yashash uchun yashayapmiz holos!

#mulohaza

@asrorbeksadullayev_blog

Hech kim sizga ishonmaganda, u ishongan edi.

Pul olib o’qitsa bo’ladigan faniga, bepulga o’qitgan edi.

Nafaqat fanini o’rgatgandi, hayotda ham ustozlik qilgan edi.

Ustoz bo’laman deyishingizga uni yaxshi ko’rganingiz sabab edi.

Maqtagandi, urushgandi, qo’rqitgandi, kuldirgandi, nima qilib bo’lsa ham o’qitgandi.

Hammamizda tepadagi ta’riflarning bittasiga bo’lsa ham tushadigan ustoz albatta topiladi.

Bayramingiz muborak bo’lsin ustozlar! Hamma ishlarning boshida sizni ishlaringiz turadi!

@azizrakhimov_blog

Oson va Tekin narsa yo'q

Tekinini qidirsang - sifatsiziga tushasan
Osonini qidirsang - qimmatiga

Balki tekin ko'rinib turgandir, hatto osondir ham lekin vaqtingiz ketyapti

Eng yaxshisiga hardoim - vaqtingiz, mehnatingiz va sabringiz ketadi (pulingiz ham)

#xulosalar

@asrorbeksadullayev_blog

Tasavvurda gap katta

Biri yoshligida (televizorda kino ko'rib qolib) katta inson bo'laman deb orzu qildi. Buni ota-onasiga aytganida, tasavvur qilib kulishdi va tasdiqlashdi: "albatta, katta inson bo'lasan" deb unga shunday muomila qilishni boshlashdi.

Boshqa biri ham televizorda seriallar ko'rib orzu qildi, orzusi katta inson bo'lish edi (xuddi ekran ortida ko'rgan aktyorlar kabi). Yaqinlariga aytganida esa: "Tuzukroq orzu qilsang bo'lmaydimi? Hom-hayollarga berilib nima qilasan" degan javob oldi.

Ulg'aygani sari ko'plab insonlarni ko'rdi, ko'plab tanishlar orttirdi, natijada orzu-maqsadlari yo'lida yangi bilimlar o'rgandi. Orzusidagi insonlar go'yoki yon atrofida edi.

Yashashda davom etarkan, orzu qilishdan to'xtamadi. Orzu qilaverdi , lekin orzularida marhumlik bor edi. Shunchaki orzu qilardi, tasavvur qila olmasdi.

Orzu qilarkan, har uxlaganida orzulari bilan uxlab orzulari bilan uyg'ondi. O'zini xuddi hohlaganidek ko'rib, tasavvur qilardi. Yoshi o'sgani sari orzulari ham o'sib, o'zgarib boraverdi.

Orzular o'zgardi. Yillar o'tdi. Yosh ulg'aydi. Lekin orzu qilishda tasavvur yetmasdi. O'zini o'sha sur'atda ko'ra olmasdi.

Natijalar ko'rinishni boshladi. Orzu qilgan hamma narsasi ko'z oldida ro'yobga chiqa boshladi. Farzandlariga ham katta orzular qilishni o'rgatdi. Muhimi tasavvur qila olishni o'rgatdi.

Yoshi bir joyga borib qolgan bo'lsa ham qilgan ishlari ko'zga ko'rinmasdi. Farzandlari orzu qilganida, yoshligida unga aytilgan gapni takrorladi: "Tuzukroq orzu qilsang bo'lmaydimi? Hom-hayollarga berilib nima qilasan".


Inson biror narsani hohlarkan, erishishdan oldin xatto orzu ham qilib ko'rmagan bo'lsa, o'zini o'sha qaysidir darajada tasavvur qila olmasa, u narsa unga begonadir.

Shunday ekan tasavvurda gap katta akalar, tasavvurni kengaytirish kerak!

@asrorbeksadullayev_blog

Davomiylik muhim

Odat shakillantirar ekanmiz, har birimizga davomiy bo’lish, intizom bilan harakatlanish zarur bo’ladi.

Qachonki yangi biror bir ish boshlashda o’ylaymizki, boshlab olsam bo’ldi. Qolgani oson deb, yo’q unday emas, boshlashga qanchalik qiynalayotgan bo’lsak, davom ettirishga undan o’n barobar ko'proq qiynalamiz.

Boshlagan ishlaringizni tugatmasdan boshqa ishga o’tmang! Bo’lmasa hamma ishingiz chala qolib, ko’zingizga yoqimli ko'ringan ishga o’tib ketib yuraverasiz. Boshladingizmi oxirigacha yetkazib qo’ying. Shunda o’zingizga bo’lgan ishonchingiz ham ortadi.

Davomiylikni unutmang! Davom etavering, qiymatingiz oshishni boshlaydi. Davomiylik qadrlanadi. Davomiy qilishlik sizni har ishda expert darajasiga chiqaradi.

@asrorbeksadullayev_blog

Mazmun topishdagi mazmunsizlik!

Umrimiz qanday yakunlanishini oldindan bilish, hayotimizni mazmunsiz qilib qo’yadi.

Boshlagan biznesimiz qanday ketishini oldindan bilish, biznesni mazmunsiz qilib qo’yadi.

Farzandingiz kelajakda qanday inson bo’lishi oldindan bilish, farzandli bo’lishni mazmunsiz qilib qo’yadi.

Ertaga nima bo’lishi bilish, bugunni mazmunsiz qilib qo’yadi.

Kinoni qanday yakunlashini bilish, kinoni mazmunsiz qilib qo’yadi.

Hamma mazmun noaniqlikda…

@shahadolimov

Hammasi vaqtinchalik

Qiyinchiliklar bo'lyaptimi? O'zingga hammasi vaqtinchalik ekanini eslatib tursang, oson o'tib ketasan.

Ishlaring yurishib ko'proq pul topishni boshladingmi? Hammasi vaqtinchalik ekanini eslat, ko'tarilib kibrga berilib ketmaysan.

Hechnima ko'ngildagidek o'xshamayotgan bo'lsa ham hammasi vaqtinchalik ekanini esingdan chiqarma.

Hammasi vaqtinchalik, bir kun o'tib ketadi, yoki biz o'tib ketamiz.

@asrorbeksadullayev_blog

Imkoniyatlar doimiy emas

Oldimizdan zo'r imkoniyatlar chiqib qoladi yoki ajoyib g'oyalarni o'ylab qolamiz.

Lekin kutamiz. O'sha qulay vaqtni kutaveramiz. Natijada kutib-kutib o'tib ketamiz.

Imkoniyatlar hech qachon yoqimli bo'lib ko'rinmaydi. Yoqimli ko'ringan paytda esa, u ko'ringanidek bo'lmaydi.

Hayot qisqa biz o'ylagandek emas. Tezroq harakat qilib qolmasak, bor imkoniyatlar ham ketib, o'zimiz ham o'tib ketamiz.

Xavfli ko'ringanida sakrash kerak. Risk olishga qo'rqsangiz o'zingizni discomfort ga solib ko'rishdan boshlang. Discomfort o'lishgacha obormasa o'stirishga aniq oboradi.

#xulosalar

@asrorbeksadullayev_blog

Gapirishiga qo'yib bering

Bugun bir narsaga amin bo'ldim: Odamlar gapirishni yaxshi ko'risharkan. Bitta tarixchi aka bilan suhbatlashib qoldik. Juda kerakli, manfaatli gaplarni aytib berdilar.

Bundan maktabdagi uztozlarim esimga tushib qoldi. Eslasangiz faqat bir ikkita bola bilan dars o'tib ham mazza qilib ketishardi. Chunki ular qiziqib tinglashardi.

Va yana bir narsani tushundim: Odamlar qiziquvchan va tinglashni biladigan insonlarni ko'proq yoqtirishar ekan.

Har bir inson uni tushunib tinglovchi boshqa biriga muhtoj. Yoqimli suhbatlar yaxshi eshita oladiganlar bilan bo'ladi.

Ko'proq ma'lumot olmoqchi bo'lsangiz unda to'g'ri insonlardan to'g'ri savollarni berish orqali qiziqib tinglasangiz kifoya. Barcha bilganlarini ulashib ketadi.

Insonlar gapirishni yoqtirishadi. Ularni gapirishiga qo'yib bering.

Toshkent vil. Sergili t

@asrorbeksadullayev_blog

Hechkim mukammal emas

Qulay vaqt yo'q. Kutsang kutib o'tib ketasan.

Mukammal bo'lish insonga emas. Hech kimam mukammal bo'lolmaydi.

O'zingga ideallarni yaratma, ular ham xato qiladi. Senda bor tarakanlar ularda ham bor. (Ustozimni maslahati)

Shunchaki qil (Just do it) natija shunda keladi.

Hammasi yaxshi bo'ladi Ilon Maskda sen esa ishlashing kerak.

Ishtimoiy tarmoqda kimlarnidir hayotini orzu qilib vaqtingni ketkazma. O'z hayotingni o'zing uchun qur.

@asrorbeksadullayev_blog