Marketingcha matritsa

⚠️ Dunyoni o‘zgartirgan “Matritsa” filmidagi qizil va ko‘k tabletka sahnasi hammamizga tanish. Neo tanlov qilish oldida turganida, Morfey unga shunday degandi:

🚨 Qizil tabletka: haqiqatni bilasiz, dunyo qanday ishlashini o‘rganasiz va undan oqilona foydalanasiz.

🚨 Ko‘k tabletka: illyuziyada yashashni davom ettirasiz, haqiqatni bilmay, yolg‘on xotiralar bilan ovunasiz.

⭕️⭕️⭕️

Marketing ham xuddi shunday tanlovlar bilan toʻla. Siz haqiqatni tanlab, analitikaga asoslangan samarali strategiyalarni ishlab chiqasizmi yoki hissiyotlarga qurilgan samarasiz strategiya va zapusk ilinjida yashaysizmi?

Qizil tabletka: Haqiqat va strategiya dunyosi

⚙️ Bugungi kunda *chesniylikni tanlagan marketologlar, SMMchik, strateg va boshqa hamkasblarimiz qizil tabletkani qabul qilishmoqda. Nega? Chunki samaradorlik bor!

Statistik ma’lumotlar asosida qaror qabul qilish:

💸 Data-driven marketing strategiyalari 20-30% yuqori ROI (investitsiya qaytimi) keltiradi. Bu shuni anglatadiki, har bir marketing uchun sarflangan so‘m o‘zini ikki hissa va undan ortiq oqlaydi. Faqat qizil tabletkani tanlasangiz!

Analiz boʻyicha ish:

🚨 A/B testni to‘g‘ri qo‘llaydigan agentliklar, kompaniyalar daromadni o‘rtacha 49% ga oshirishga erishadi. Masalan, e’tiborni jalb qiladigan reklama sarlavhasini tanlashda oddiy test butun reklom samaradorligini vashshe uchirishi mumkin.

Shaxsiy marketing:

📢 2024-yilgi tadqiqotlarga ko‘ra, mijozlar o‘z ehtiyojlarini inobatga olgan brendlarga 80% hollarda qayta murojaat qilishadi. Ya'ni qayta aloqa, har bir mijozga joyida qilingan hurmat lyuboy temani reshat qiladi.

Ko‘k tabletka: Illuziya va masheniklik

🚫 Ko‘k tabletkani tanlaganlar marketingni soyada yuritadi: “Qani bir urinib ko‘raylik, balki ishlar!”. Bu usul bir qarashda qulay ko‘rinsa-da, uzoq muddat uchun oʻta zararli. Sabablari:

Noto‘g‘ri ma’lumotlar:

🚫 Soxta yoki noto‘liq statistikaga asoslangan reklamalar tufayli brendlarning 60% i zarar ko‘rgan. Misol uchun, ma’lumotlarni noto‘g‘ri tahlil qilgan holda noto‘g‘ri auditoriyani nishonga olish reklama budjetining katta qismini havoga uchiradi.

Samarasiz reklama:

🫥 Analitikadan foydalanmagan holda amalga oshirilgan strategiyalarning 45% i foyda keltirmaydi. Bu shuni anglatadiki, resurslaringizning yarmi samarasiz ketadi.

Mijozlarning ishonchini yo‘qotish:

🫥 Bir xil reklama va ma’nosiz takliflar mijozlarning 33% ni brendga bo‘lgan ishonchini k*ga tiqadi.

Marketingda tanlov

🫥 Xo'o'o'o'sh savol: siz qaysi tabletkani tanlaysiz? Haqiqatni tanlab, keysga asoslangan qarorlar qabul qilasizmi yoki illyuziyada qolib, “Balki omadim kelar” degan ishni davom etasizmi? Yaxshisi yana fikrimni davom etaman!

Real marketingni tanlashning ustunliklari:

1. Xarajatlaringizni samarali boshqarasiz va har bir so‘m o‘z natijasini beradi.

2. Mijozlarning ehtiyojlarini chuqurroq tushunib, ularga kerakli taklifni bera olasiz.

3. Raqobat ustidan g‘alaba qozonish imkoniyatlaringiz sezilarli darajada oshadi.

Ko‘k tabletka xavfi:

1. Resurslaringiz bekorga isrof bo‘ladi.

2. Raqiblar changida qolasiz ( B. Asaddan keyingi navbat sizniki )

3. Brend imidjini rebrending ham qutqara olmaydi.

Ps: Morfey aytganidek: "Haqiqat og‘riqli, lekin zarur". Siz nima qilishingizdan qatʼiy nazar u xoh zapusk boʻlsin, xoh yirik korxona yo soqqasi zoʻr brend boʻlsin real tajriba, sizni ulugʻlaydi.

📱 @ashinaqa_gaplar