Davlat xizmatini rivojlantirish agentligi | АРГОС

#Халқаро_ҳамкорлик

⚡️Давлат органлари ва ташкилотларида инсон ресурсларини режалаштириш лойиҳаси бўйича Германия халқаро ҳамкорлик жамияти (GIZ) билан амалга оширилган ишлар таҳлил қилинди

Лойиҳа доирасидаги семинарлар Рақамли технологиялар ва Тоғ-кон саноати ва геология вазирлигида, Фарғона ҳамда Бухоро вилоятларида ташкил этилди. Бугун, ушбу семинар-тренинглар натижалари юзасидан мулоқот ташкил этилди.

Учрашув аввалида Агентлик вакиллари Германия халқаро ҳамкорлик жамияти (GIZ) билан ҳамкорликда хорижий ва маҳаллий экспертларни жалб этган ҳолда давлат фуқаролик хизматида инсон ресурсларини стратегик режалаштириш тизимини амалиётга жорий этиш бўйича манзилли ишлар олиб борилаётганини таъкидлашди ва дастлабки натижаларга эришилганини ҳам билдиришди.

"Good Governance" дастури менежери Виктор Кейслер, халқаро эксперт Дамир Ахметович инсон ресурсларини режалаштиришнинг аҳамияти, ишчи кучини режалаштириш самарадорлигини баҳолаш, бошқармалар, департаментлар ва вазирликлар даражасида эҳтиёжларни ўрганиш масалалари юзасидан фикр билдиришди. Ишчи кучига бўлган эҳтиёжларни институционал мақсадлар билан мувофиқлаштириш бўйича амалий мисоллар келтиришди.

Семинар давомида вазирлик ва идоралар инсон ресурсларини бошқариш ва ривожлантириш бўлими бошлиқларининг янги механизмлар асосида инсон ресурсларини режалаштириш бўйича Лойиҳа тақдимотлари тингланди.

Шунингдек, ҳамкорлар келгусидаги устувор вазифаларини ҳам муҳокама қилишди.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

⚡️Иқтидорли, билимга чанқоқ, лекин оғир оилавий шароити сабабли ўқиш имкониятига эга бўлмаган ёшларни хорижда ўқитиш бўйича янги тизим – “Ёрқин истеъдод” лойиҳаси жорий этилади

Бунда ҳар бир маҳалладан ижтимоий ҳимояга муҳтож, билимга чанқоқ ёшлар саралаб олиниб, иқтидори аниқланади. Уларнинг салоҳиятига мос хорижий олийгоҳ танланиб, тайёргарлик курсларида ўқитилади.

Хорижда таълим олиб қайтган ёшлар Миллий кадрлар захирасига тўғридан-тўғри киритилади, улар давлат органларига танловсиз ишга олинади.

Ҳар йили саралашдан ўтган 1 минг нафар ёшлар дунёнинг “топ-100” олийгоҳларига юборилиб, ўқиш ва яшаш харажатлари қоплаб берилади.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

⚡️Президент: Ҳар йили меҳнат бозорига 600 мингдан ортиқ ёшлар кириб келмоқда, бу - давлат ва жамият зиммасига катта масъулият юклайди

▫️2030 йилга бориб бу кўрсаткич 1 миллион нафарга етиши таъкидланди.

Бу борада ёшларни қўллаб-қувватлаш тизими яратилди. Биргина “Ёшлар дафтари” орқали ўтган йили 180 минг нафар ёшларга 345 миллиард сўмлик ёрдам кўрсатилди.

Ўтган 8 йилда ёш тадбиркорлар сони 3 карра кўпайиб, бугун бизнес вакилларининг салкам 40 фоизини ёшлар ташкил этмоқда.

Ишсиз ёшлар 2 карра камайди. Ишсизликдан холи маҳаллалар сони 1 минг 889 тага етди.

Шу билан бирга, Шўрчи, Бувайда, Фурқат, Касби, Фориш туманларида ишсиз ёшлар кўплиги у ердаги раҳбарларнинг масъулиятсизлигидан далолатлиги кўрсатиб ўтилди.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

Кўксарой қароргоҳида Президент Шавкат Мирзиёевнинг мамлакатимиз ёшлари билан мулоқоти бошланмоқда

Учрашувда ёшлар билан ишлаш натижадорлигини янада ошириш, уларга янада кенг имкониятлар яратиш чора-тадбирлари муҳокама қилинади, фаол ёшларнинг таклифлари эшитилади.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

⚡️"Раҳбар аёллар мактаби" тингловчилари стажировкада

⚡️Хабарингиз бор, Ўзбекистон Республикаси Президентининг 2022 йил 7 мартдаги ПФ-87-сонли Фармони билан тасдиқланган Комплекс чора-тадбирлар дастурига асосан “Раҳбар аёллар мактаби” дастури доирасида энг салоҳиятли хотин-қизлар раҳбарлик лавозимлари учун мақсадли тайёрланмоқда.

Айни дамда “Раҳбар аёллар мактаби” махсус ўқув курси тингловчилари маҳаллий стажировка (дублёрлик) амалиётини ўтамоқда.

Ўқув курси тингловчилари давлат бошқаруви органларининг раҳбарларига “дублёр” сифатида бириктирилиб, бошқарув соҳасида амалий билим ва кўникмаларини ривожлантиришмоқда.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

⚡️Фарғонада "Давлат органлари ва ташкилотларида инсон ресурсларини режалаштиришнинг янгича ёндашуви" мавзусида семинар-тренинг ташкил этилди

Унда Президент ҳузуридаги Давлат хизматини ривожлантириш агентлиги масъуллари, халқаро экспертлар, вилоятдаги бошқарма ва ташкилотларнинг инсон ресурсларини ривожлантириш бўйича вакиллари иштирок этди.

Аввал маълум қилганимиздек, Президент ҳузуридаги Давлат хизматини ривожлантириш агентлиги томонидан давлат фуқаролик хизматида инсон ресурсларини стратегик режалаштириш тизимини амалиётга босқичма-босқич жорий этиш мақсадида амалий ишлар олиб борилмоқда. Жумладан, Агентлик  томонидан “Давлат органларида инсон ресурсларини таҳлил қилиш ва режалаштириш бўйича намунавий йўриқнома” ишлаб чиқилди.

Шунингдек, Германия халқаро ҳамкорлик жамияти (GIZ) билан ҳамкорликда хорижий ва маҳаллий экспертларни жалб этган ҳолда давлат фуқаролик хизматида инсон ресурсларини стратегик режалаштириш тизимини амалиётга жорий этиш бўйича манзилли ишлар олиб борилмоқда.

Маълумот учун, бугун Фарғонада 250 нафардан зиёд инсон ресурсларини ривожлантиришга масъул бўлган кадрлар фаолият юритади.

Семинар-тренингда маҳаллий ва халқаро экспертлар инсон ресурсларини режалаштириш тушунчаси ва унинг мақсади, Ўзбекистон давлат органларида инсон ресурслари бошқаруви соҳасидаги муаммолар, инсон ресурсларини режалаштиришда стратегик ёндашувни жорий этишнинг афзалликлари ҳақида маълумот беришди.

Давлат фуқаролик хизматида инсон ресурсларини стратегик режалаштириш ва профессиографик таҳлил мавзусида фикр-мулоҳазалар алмашилди. Иштирокчилар ўзларини қизиқтирган саволларга жавоб олишди.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat