Sirojiddin Sotvoldiyev sahifasi

@arabic_burhan

Kanal geosi va tili: O‘zbekiston, Arabcha

Toifa: Tilshunoslik

jurnalist, muharrir, arab tili xodimining blogi:
- eng sara manbalar
- qimmatli maslahatlar
- doʻstona tavsiyalar
- va boshqalar...
*Blogdan iqtibos olinganda kanalimiz havolasi koʻrsatilishi shart! ©️

Связанные каналы | Похожие каналы

Kanal geosi va tili

O‘zbekiston, Arabcha

Toifa

Tilshunoslik

Statistika

Saralanganlar

Postlar filtri

O‘chirilganlarni yashirish

Repostlarni yashirish

Sirojiddin Sotvoldiyev sahifasi

11 Feb, 21:49

#مهلبية

كن واقعيا، ولا خياليا...
Xayolparast emas, realist boʻl...

Kecha va bugun biroz tushkunlik sezdim oʻzimda. Qalb Vatan va oila sogʻinchiga, oshqozon esa oʻzbekona ovqatlarga mushtoq boʻlib qolgani bunga sababdir...😢

Ilmiy ish yozish mahoratiga bagʻishlangan seminar davom etmoqda. Ertaga soʻnggi kuni. Oʻzimni ilmiy ish yozishga noloyiq sezdim. Koʻp oʻqib-oʻrganish kerakligini angladim. Qirol Abdulaziz universiteti doktoranturasiga topshirib, nega oxirgi bosqichda rad javobi olganimni tushungandayman...

"Xayolparast eding, yetar, endi realist boʻl", dedim oʻzimga. Hamma narsani boricha qabul qil, oʻzingdan kimdir yasab olishni qoʻy... Sen hech kimsan...

Bizning manzil:
https://t.me/arabic_burhan

96 0 0 19

Sirojiddin Sotvoldiyev sahifasi

9 Feb, 22:04

#دورة_تدريبية

Tilshunoslik sohasida dissertasiya

Ilmiy ish yozish oson emas, albatta. Qancha mehnat, qancha bilim, qancha fidoyilik kerak. Har qadamda oʻqib oʻrganish, izlanish kerak...

Bugun Podshoh Salmon xalqaro arab tili akademiyasining "Tilshunoslik sohasida ilmiy ish yozish"ga bagʻishlangan toʻrt kunlik (9-12-fevral) seminar-treningida oʻqishni boshladim.

Doktor Yahyo Al-Fifiy darslarni olib bormoqda. Ishtirokchilar Saudiya universitetlari doktorantlari.

Bugun birinchi kun edi. Metroda yetib bordim. Darslar kechki paytga qoʻyilgani menga juda qulay boʻldi. Axir kunning birinchi qismida ikki oylik boshqa dasturim ham bor-ku.😉

Ilmiy ishga mavzu tanlash, maqsad va vazifalarni belgilab olish kabi muhim qismlar ustida suhbatlashdik.

Doktor Yahyoning bakalavr, magistratura, doktoranturada nechtadan ham diplomi bor ekan. "Oʻxshash ekanmiz", deb qoʻydim ichimda.😄 Nima yolgʻonmi, mendayam diplomlar kam emas...😂

Xullas, qalamni charxlash vaqti keldi...

Bizning manzil:
https://t.me/arabic_burhan

286 0 1 36

Sirojiddin Sotvoldiyev sahifasi

9 Feb, 21:49

#قطار_الرياض

Haydovchisiz poyezdlar

Riyozning bugungi kundagi eng katta, eng qimmat loyihalaridan biri, shubhasiz, metrosi. Ishga tushganiga bir oydan oshibdi. Haydovchisiz poyezdlar harakatlanmoqda.

Liniyalar (masor) ranglar bilan ajratilgan: sariq, pushti, koʻk, qizil, yashil, olovrang. Vagonlar ham toifalangan: birinchi klass, ayollar uchun, oilalar uchun, yakka shaxslar uchun.

Bugun peshindan keyin metroda aylandim. Hatto saudiyaliklarning oʻzi ham hali toʻliq moslashishmabdi. Adashib qolishyapti. Liniyalar tutashgan bekatlarda metro xodimlari "Koʻk tepaga, qizil pastga, sariq toʻgʻriga", deb jar solib turishibdi.

Uch kunlik yoʻl kartasini 30 riyolga sotib oldim. Chorshanbagacha yetadi inshaalloh. Keyin metroga xayr-ma'zur qilaman-da. Menga uch kunga kerak, xolos. Nimaga, deysizmi? Bu haqda keyinroq...

Bizning manzil:
https://t.me/arabic_burhan

285 0 2 19

Sirojiddin Sotvoldiyev sahifasi

8 Feb, 21:38

#حديقة_الحيوانات_بالرياض

Grippga qarshi tekin emlash

Shanba ham oʻtdi. Bugun Riyoz hayvonot bogʻida boʻldim. Yovvoyi hayvonlar, qushlar, odamlar... Esda qolarli hech nima boʻlmadi men uchun. Hayvonlar Toshkentdagidek bu yerda ham zerikkan, xomush.

Yodda qolgani mavsumiy grippga qarshi emlash oldim. Tekinga! Saudiya Sogʻliqni saqlash vazirligi jamoat joylarida shunaqa aksiyalar uyushtirib turar ekan. Bulvard sityda ham tekinga qand miqdorini aniqlash maqsadida analiz topshirish aksiyasini koʻrgandim. Lekin qatnashmagandim.

Bugun esa infulvanzaga qarshi liqoh oldim. Odam ajratishmadi: saudiyalik yoki chet ellik deb. Faqat pasport raqami, ism kifoya ekan. Zoʻr!

Menga bu tajriba yoqdi. Bizni SSV ham oʻrgansa arziydigan holat. Mavsumiy grippga qarshi bepul privka topa olmaymiz odatda.

Menga hamshir Solih ukol qildi. Universitetni yaqinda bitirib, Malik Fahd tibbiyot majmuasida ish boshlagan ekan.

Hech kim ogʻrimasin dunyoda, ayniqsa, Oʻzbekistonda...

Bizning manzil:
https://t.me/arabic_burhan

334 0 0 28

Sirojiddin Sotvoldiyev sahifasi

7 Feb, 19:30

#صحافة_سعودية

Bozor, mozor, masjid va matbuot...

Xalqimizda yaxshi gap bor: "Begona joyga borsang, avval bozorini, keyin mozorini koʻr" degan. Men bilagʻonlik qilib bu qatorga masjid va matbuotni ham qoʻshganman oʻzim uchun. Qayerga bormay, shu toʻrt joyga borishga intilaman.

Saudiyada ham shunday boʻldi. Bozor-mozor, masjid oʻz yoʻliga, bugun "Ash-sharqu-l-Avsat" gazetasi ofisida boʻldim.

Ha, bugun juma – dam olish kuni. Lekin jurnalist doʻstim Abdulhadi Habtoor bilan koʻrishgach, ofisiga taklif qildi.

Abdulhadi bilan Toshkentda prezidentlik saylovlarini yoritish uchun kelganida tanishganmiz. Tarjimon sifatida hamrohlik qilganman.

Shundan beri salom-aligimiz bardavom. Yaxshi inson, mahoratli jurnalist, mohir fotograf.

Jumadan soʻng koʻrishib tushlik qildik. Suhbat maishiy hayotdan tortib siyosatgacha yetib bordi, vallohi. Ikkita jurnalist uchrashganda siyosat jim turarmidi.

Ofis juda shinam, ajoyib. Ketging kelmaydi. Lekin kelmoq va ketmoq yonma-yon...

Bizning manzil:
https://t.me/arabic_burhan

420 0 8 44

Sirojiddin Sotvoldiyev sahifasi

7 Feb, 19:11

#استضافة

"Qoʻlda yeydiganlar bormi?"

Kecha Riyoz shahrida mahalliy oila mehmoni boʻldik. Ustoz Ibrohim va ustoza Asmo xonadoni.

Mangal atrofida qahva va shirinliklardan totib suhbat qurdik. Havo aynib qolgani sabab oʻrtada yogʻoch oʻtin chirsillab yonib turibdi. Ajib manzara!

Ronalduning muxlisi kichik Xolid (oʻgʻillari, 11 yosh) bizga sovgʻa tayyorlab qoʻygan ekan: shimagʻ, iqol, tasbeh, xurmo. Bizga sovgʻa ulashib bir mazza qiladiyee, tushmagur.

Keyin kechki ovqat dasturxoniga oʻtirdik. Xontaxtaga Saudiya milliy taomlari: jarish, marquq, masobiyb, muhallabiya (mahlabiyya), karima, kabsa, salatlar tortilgan.

Ustoz Ibrohim "Qani, kim qoʻlda yeydi?" deb qoldi. "Yalla" dedim-u, qoshiqni chetga surib oʻzbekchasiga taomlanaverdim. Kimdir ayb qilsa, ogʻziga osh🤣...

Ha, saudiyaliklar ham bizga oʻxshab mehmonnning izzat-ikromini joyiga qoʻyishar ekan. Tasanno!

Osh boʻlsin, ofiyat boʻlsin!!!

Bizning manzil:
https://t.me/arabic_burhan

380 0 2 39

Sirojiddin Sotvoldiyev sahifasi

6 Feb, 23:20

#تبادل

الخميس الونيس
Al-xomiys al-vaniys

Ayni damda payshanbaning soʻnggi daqiqalari oʻtib bormoqda Saudiyada. Siz esa, Vatandagi hamyurtim, allaqachon jumaning sakinatida hordiq chiqaryapsiz. 😉

Saudiyaliklar payshanba kunini yaxshi koʻrib, "al-xomiys al-vaniys" – "ulfat payshanba" deb atashar ekan. Ogʻir ish haftasining soʻnggi kuni boʻlgani, dam olish (juma va shanba) kunlariga eshik ochgani uchun...

Biz oʻzbeklar ham payshanbani saudiyaliklardan oz yaxshi koʻrmaymiz-a. 😉

Ha, har madaniyatda turfa ranglar jilolanadi...

Bugun bir saudiyalik oila uyida mehmon boʻldim. Bu haqda batafsilroq ertaga aytib beraman.

Juma muborak boʻlsin!

Bizning manzil:
https://t.me/arabic_burhan

394 0 0 23

Sirojiddin Sotvoldiyev sahifasi

6 Feb, 17:06

#مهرجان_سباق_الهجن

Tuyalar musobaqasi

Arab davlatlari orasida tuyalar bilan bogʻliq turli festival va tadbirlar koʻp oʻtkaziladigan Saudiyadek birorta mamlakat boʻlmasa kerak. Tuya Saudiya madaniyatining bir qismiga aylangan, chindan ham.

Arab tuyasi, Oʻrta Osiyo tuyasi. Biri bir oʻrkachli, boshqasi ikki oʻrkachli. Oʻrkach arab tilida "sanom" "سنام" deyilishini ham bilasiz.

Kecha Janodiriyya mintaqasida boʻlib oʻtayotgan tuyalar festivalining soʻnggi kunida ishtirok etdim.

Tuyalar oʻzaro kimoʻzarga bellashishdi...😄

Tuya 🐫 mindim-eee😀...

Musobaqadan keyin kichik qishloq-pavilionda arab qahvasini tatib, lochin (shunqor)ni ushlab, yamanlik attor bilan suhbatlashib, saudiyalik masʼuldan Riyozda kvartira va hovli narxlari haqida soʻrab vaqt oʻtganini sezmabman.

Uylar qimmat ekan lekin...😭

Bizning manzil:
https://t.me/arabic_burhan

386 0 3 29

Sirojiddin Sotvoldiyev sahifasi

5 Feb, 05:11

#تعبييرات_تحية
#السعودية
#عادات_و_سلوم

Kecha Riyoz shahrining "Magic city"si desak boʻladi, Bulvard sity majmuasida boʻldim. Yaxshi sayilgoh ekan. Esimda qolgani, qayerdan paydo boʻlishdi, sezmadim, uch nafar saudiyalik yoshlar yaqinroq kelib gap olgan boʻlishdi. Suhbat aylanib fus'ha va sheva oʻrtasidagi farqlarga keldi. Masalan, birgina mehmon kutib olish, olqishlash borasida Saudiyada keng tarqalgan iboralardan aytib berishdi:

”مرحباً ألف”//“مرحبا مليون”//"ارحبوا"
”حللتم هلا ووطئتم سهلا”
“بالسنة عيدين وهذا الثالث"
"يا هلا ويا غلا عداد ما بين الأرض والسما"
"مرحباً هيل، عداد السيل"
”أرحبوا عداد خطاكم”
“يا مرحبا فيكم عداد ما سرتم”
“الله يحيّيك ويبقيك”//”سلمت”
”شرّفت وأنورت”//“النور نورك”//“بوجودك”
“زارتنا البركة”
“بارك الله وجوه الخير”//“يا هلا بالطَّش والرَّش”
“يالله حَيّهم”//“اللهم حيَّ”//“يالله حيهم”
“حيّ الله أبو فلان”//“حيّ الله الجميع”
"البيت بيتك"//"اعتبرنا مثل أهلك"

Chindan ham, bu yerda Sizni har yuzlashganda turlicha olqishlab turishadi. Yoqimli!

Bizning manzil:
https://t.me/arabic_burhan

506 0 4 25

Sirojiddin Sotvoldiyev sahifasi

3 Feb, 14:44

لغة المسلم.pdf

5.9Mb

#yangi_manba
#arab_tili
#muhadasa

Sizga yangi kitob topib keldim. Bir koʻrasizmi?!😀

"Lugʻat-u-l-muslim" deb nomlangan ushbu kitob muallifi Shayx Muso Iroqiy boʻlib, kundalik hayotda duch kelinadigan turli vaziyatlar uchun suhbat-dialoglarni qamrab olgan.

Qiziqarli iboralarga duch kelasiz-ov...

Bizning manzil:
https://t.me/arabic_burhan

863 0 96 41

Sirojiddin Sotvoldiyev sahifasi

3 Feb, 14:33

#مجمع_الملك_سلمان

Til oʻqitish metodikasida anchayin tortishuvli jihatlar koʻp. Grammatika qaysi darajada zarur? Vosita tilga ehtiyoj bormi? Tilni bilish koʻnikmasini kundalik muloqot darajasida belgilash kerakmi yoki akademik bilim miqyosidmi? Va hkz.

Bugun arab davlatlaridagi eng "yulduz" markaz va akademiyalar til egasi boʻlmaganlarga arab tilini madaniyat orqali singdirish yoʻlidan bormoqda. Xoh Sulton Qobusni oling, xoh Podshoh Salmonni – saqofa (madaniyat) tilni, til esa saqofani tashishiga fokusni qaratishmoqda. Bu borada raqobat ham qilishmoqda...

Imkon qadar Siz bilan bu boradagi xulosalarimni boʻlishib borishga harakat qilaman...😉

Bizning manzil:
https://t.me/arabic_burhan

593 0 0 24

Sirojiddin Sotvoldiyev sahifasi

1 Feb, 12:36

#رحلة

Qalbda tugʻyon...

Uyingdan, oilangdan, Vataningdan uzoqlashish har doim ogʻriqli...😔

Yangi marralar, kutilmagan sarguzashtlar, yangi chehralar sari yuzlanish hamisha farahli...☺️

Xayr, Toshkent!❤️
Salom, Riyoz!❤️

Bizning manzil:
https://t.me/arabic_burhan

680 0 13 55

Sirojiddin Sotvoldiyev sahifasi

29 Jan, 21:56

#عن_عقب_التعبير
#bir_ibora_izidan

Aqllilik qilma!

Kundalik hayotimizda eng koʻp ishlatadigan iboralarimiz orasida "Aqllilik qilma!" iborasi shubhasiz yetakchilik qiladi. Chunki har doim kimdir bizga nisbatan aqllilik qilmoqchi, quloqqa lagʻmon ilib, "lox" qilib ketmoqchi boʻladi... afsuski 😄

Arab tilida bu iborani qanday ifodalash mumkin?
"بلا فلسفة"
("bila falsafa" yoki lahjada "bala falsafa") iborasi shu mazmunda qoʻllanadi.

Yoki "behuda gaplarni qoʻysang-chi" maʼnosida "دعنا إلى الهراء" iborasini ham ishlatish mumkin.

Xullas, endi hech kim sizga na oʻzbek tilida, na arab tilida "aqllilik" qilolmaydi. 😉

Bizning manzil:
https://t.me/arabic_burhan

755 0 5 27

Sirojiddin Sotvoldiyev sahifasi

24 Jan, 08:10

Rankings TOP-1000_2025.pdf

1.3Mb

#rankings_top_1000
#reyting_universitetlar

Mamlakatimizda diplomlari nostrifikatsiyasiz tan olinadigan Top-1000 universitetlarning yangilangan roʻyxati e'lon qilindi.

Reytingda ARWU, THE, QS xalqaro reyting tuzuvchi tashkilotlar varianti ketma-ket berilgan (shunda jami 3004 ta nom bor faylda).

Arab davlatlari universitetlari ham ushbu roʻyxatda salmoqli oʻrin egallaydi. Podshoh Abdulaziz universiteti arab mintaqasi yetakchisi. Qohira universiteti Top-500 ga koʻtarilib oldi. Al-Azhar universiteti ham nihoyat Top-1000ga qaytmoqda.

Afsuski, Madina Islom universiteti minglik roʻyxatga kiritilmagan. Biroq Ummul Quro oʻz oʻrnini saqlab qolgan.

Batafsil yuqoridagi faylda tanishish mumkin 👆👆👆

Bizning manzil:
https://t.me/arabic_burhan

1k 0 15 13

Sirojiddin Sotvoldiyev sahifasi

21 Jan, 18:03

Siz qanday kitobxonsiz?

Asalari kitobxon 🐝🐝
القارئ النحلة
Intizomli kitobxon. Mutolaa vaqtini belgilab oladi. Oʻqiganlari yuzasidan tartibli va tushunarli xulosalar qaydlaydi. Doim keyingi oʻqiydigan kitobi nomini biladi.

Pingvin kitobxon 🐧🐧
القارئ البطريق
Mavsumiy kitobxon. Asosan qish faslida mutolaani koʻpaytiradi. Oʻqish uchun unga alohida muhit zarur: issiq ichimlik bilan koʻrpa-adyolga oʻranib, karavotida soatlab oʻqishi mumkin.

Yalqov kitobxon 🦥🦥
القارئ الكسلان
Kitobni bir oʻtirishda oʻqib tugatishi amri mahol. Bitta kitobga oylab vaqt sarflaydi va yana bir necha oy keyingi kitobni tanlaydi.

Boyoʻgʻli kitobxon 🦉🦉
القارئ البومة
Dono kitobxon. Kuchli tahlil qobiliyatiga ega, kitobni diqqat bilan oʻqiydi. Tanqidiy fikrlarga ega. Kitob tanlashda talabchan.

Qurt kitobxon 🐛🐛
القارئ الدودة
Ochkoʻz kitobxon. Qoʻliga tushgan kitobniki, oʻqiyveradi. Kitob sotib olishdan toʻxtamaydi. Kitoblari bilan vaqt oʻtkazish uchun hamma narsadan voz kecha oladi.

Bizning manzil:
https://t.me/arabic_burhan

1k 1 19 14

Sirojiddin Sotvoldiyev sahifasi

20 Jan, 22:23

#mutoyiba #hayot_haqiqati

Har bir ayol qiziga oʻzi topganidan ham afzalroq kuyov topishini tilaydi. Shu bilan birga ishonadiki, oʻgʻli otasi topgan ayolga oʻxshash barkamol ayol topolmaydi. 😂😂😂

Ana shu toʻgʻri gap lekin)))

Yaxshi dam oling! ❤️

Bizning manzil:
https://t.me/arabic_burhan

980 0 13 35

Sirojiddin Sotvoldiyev sahifasi

20 Jan, 18:55

00:55

Video oldindan ko‘rish uchun mavjud emas

Telegram'da ko‘rish

#مقايسة

الفرق بين مصر والبحرين😱

Bizning manzil:
https://t.me/arabic_burhan

924 0 5 13

Sirojiddin Sotvoldiyev sahifasi

20 Jan, 18:35

01:22

Video oldindan ko‘rish uchun mavjud emas

Telegram'da ko‘rish

#فصحى

Muʼtasim nima deyapti? Shevada gapirmayman, fus'hani afzal koʻraman deydimi?!😀

Ana xolos, bu shirintoyni Siz ham bir eshitib koʻring-a...

Bizning manzil:
https://t.me/arabic_burhan

1.1k 0 15 28

Sirojiddin Sotvoldiyev sahifasi

15 Jan, 10:14

00:33

Video oldindan ko‘rish uchun mavjud emas

Telegram'da ko‘rish

#diplomatiya
#xalqaro_aloqalar

Qachon issiq rangli kostyum kiyish kerak? Qachon sovuq rangli kostyum?

Chimirilgan qosh, bogʻlangan qoʻl, "olib qochilgan" nigoh... Bularning barchasida muayyan maʼno bor.

Hammasini diplomatik protokol va etiket oʻrgatadi... Hammasini Hasanayn Shayx eslatadi...

Qachondir elchi yoki diplomatik shaxs boʻlib ketsangiz, bu bilimlar asqotadi 😀

Bizning manzil:
https://t.me/arabic_burhan