АОКА | Namangan | Rasmiy kanal

Мамлакатимиз ҳукумати делегацияси 31 январь куни Олмаота шаҳрида бўлиб ўтган Евроосиё ҳукуматлараро кенгашининг навбатдаги йиғилишида кузатувчи мақомида иштирок этди.

Беларусь Республикаси раислигида ўтган йиғилишда Қозоғистон Бош вазири О.Бектенов, Беларусь Бош вазири Р.Головченко, Қирғизистон Вазирлар Маҳкамаси раиси А.Касималиев, Россия Ҳукумати раиси М.Мишустин, Арманистон Бош вазири ўринбосари М.Григорян, Евроосиё иқтисодий комиссияси ҳайъати раиси Б.Сагинтаев ҳамда ЕОИИда кузатувчи-давлат сифатида Эрон Биринчи вице-президенти М.Ареф ва Куба Бош вазири М.Крус (видео мурожаат орқали) ҳамда Озарбайжон Бош вазири А.Асадов меҳмон мақомида қатнашди.

Йиғилишда Ўзбекистон Бош вазири Президентимиз Шавкат Мирзиёевнинг 2024 йил декабрь ойида бўлиб ўтган Олий Евроосиё саммитида илгари сурган ташаббусларини қўллаб-қувватлашга ҳамда амалга оширишга чақирди.

Facebook | Instagram

Олмаота шаҳрида 31 январь куни “Digital Almaty 2025” халқаро рақамли форумининг ялпи мажлиси бўлиб ўтди.

Қозоғистон, Қирғизистон, Озарбайжон, Россия, Беларусь, Эрон Бош вазирлари, Арманистон Бош вазирининг ўринбосари ва бошқалар қатнашган мажлисда Ўзбекистон Бош вазири Президентимиз Шавкат Мирзиёев бошчиликларида мамлакатимизда рақамлаштиришни жадаллаштириш ва ижтимоий-иқтисодий соҳаларга замонавий технологияларни жорий қилиш, юртимизни сунъий идрок технологияларидан фойдаланувчи дунёнинг етакчи давлатлари қаторига киришига эришиш борасида олиб борилаётган кенг кўламли ислоҳотлар ҳақида тақдимот қилди.

Шунингдек, рақамлаштириш ва сунъий интеллектнинг долзарб масалалари, шу жумладан, мазкур йўналишда ўзаро манфаатли ҳамкорликни янада кенгайтириш истиқболлари тўғрисида атрофлича фикр алмашилди.

Facebook | Instagram

Мамлакатимиз ҳукумати делегациясининг Олмаотага ташрифи доирасида бугун, 31 январь куни Ўзбекистон Республикаси Бош вазири Абдулла Арипов Қирғиз Республикаси Вазирлар Маҳкамаси Раиси –
Президент Администрацияси Раҳбари Адилбек Касималиев билан икки томонлама учрашув ўтказди.

Мамлакатларимиз ўртасидаги дўстлик ришталари ва яхши қўшничиликка асосланган кенг қамровли стратегик шериклик муносабатлари жадал ривожланиб бораётгани, муҳим қўшма лойиҳалар амалга оширилаётгани таъкидланди.

Учрашувда мазкур вазифаларни амалга оширишда яқин ҳамкорлик қилишга алоҳида эътибор қаратилди.

Facebook | Instagram

⚠️ Дезинформация ёхуд танлаб ўқиш зарурати

"Янги Ўзбекистон" газетасининг жорий йил 31 январдаги 22-сонида мухбир Нодир Маҳмудов қаламига мансуб юқоридаги сарлавҳали мақолада ахборот маконида ёлғон хабарларнинг ортиб бораётгани, сохта маълумотларни тарқатиб, “суюнчи” оладиганлар кўпайиб кетаётгани надомат билан тилга олинган.

Келиб чиқиш илдизи хорижда бўлган манбалар мамлакатимиз обрўси, нуфузига путур етказишга, одамлар тафаккурини издан чиқаришга қаратилган ахборот хуружини авж олдириш билан овора.

Бугун урушнинг ана шу шакли энг катта таҳдидлардан бирига айланган. Глобаллашув бутун дунёга шиддат билан ҳукмини ўтказишда давом этаётган бир пайтда фуқароларни, айниқса, ёш авлодни бузғунчи ғоялар таъсиридан асраб-авайлаш кун тартибига чиқди.

Бундай шароитда тарбия борасида миллий қадриятлар, урф-одатлар, анъаналар руҳи ўз сўзини айтиши, ахборот майдонида миллий контент яратиш вазифаси муҳимлиги етакчи позицияга чиқиши лозим, дейилади мақолада.

Миллий ахборот маконимиз четдан кириб келган ахборот билан тўлиб-тошар экан, бу ҳолат миллий контент ривожи тўхтаб қолишига олиб келади. Натижада миллий контентни бой бериб қўйишимиз ҳам мумкин.

⚡️ Мақолада муаллиф медиа соҳаси мутасаддилари, шунингдек, экспертларни жиддий ўйлантириши лозим бўлган саволларни кўндаланг қўйган. Жумладан:

❓ Медиамаконда миллий контент яратиш, дунёдаги воқеаларга миллий манфаатларимиз нуқтаи назаридан баҳо бериш нечоғлик уддаланиши мумкин бўлган вазифа?

❓ Бўлар-бўлмас ахборотни, видеолавҳаларни кимлар билан ва нима мақсадда бўлишяпти?

❓ Бетайин, нохолис ахборот ва хабарлар манбаси билан қизиқяптими?

❓ Нега аксарият медиамаҳсулотнинг сифати, долзарблиги, мазмун-моҳияти ва холислиги абгор?

👉 Мақола билан батафсил танишиш

Telegram |WhatsApp| Youtube | Facebook | Instagram | Медиабанк | Сайт

🔈 Давлат идораларида маънавий-маърифий ишларнинг ҳолати бўйича рейтинг тизимини жорий қилиш таклиф қилиняпти

⏺Бу ҳақда тизимдаги масъул ходимлар учун ташкил қилинган ўқув-амалий семинарида сўз борди. Жорий йилдан вазирлик, идора ва ташкилотларда амалга оширилган маънавий-маърифий ишлар баҳоланиб, рейтинг шаклида эълон қилиш таклифи илгари сурилди.

⏺ 2025 йилда “Календар режа”га асосан фаолиятдаги креатив усул ва замонавий ёндашувлар эътиборга олинади.

Telegram |WhatsApp| Youtube | Facebook | Instagram | Медиабанк | Сайт

📊 Назорат қилувчи органларнинг тадбиркорлик субъектларида давлат назоратига оид фаолияти рейтинги

Telegram |WhatsApp| Youtube | Facebook | Instagram | Медиабанк | Сайт