PEDIATR MASLAHATI

🤰Homilador ayol emizishi mumkinmi?

♻️Agar qoʻlingizdagi farzandingiz bir yoshga toʻlmagan boʻlsa va siz ҳomilador boʻlib qolgan boʻlsangiz, faqatgina bir nеchta  shart bilan emizishni davom ettirishingiz mumkin!

🔹Sizning sutingiz bolaga nojoʻya taʼsir qilmasligi lozim.
🔹Emizayotgan farzandingizda koʻngil aynish, qayd qilish, qorin ogʻrishi, vazn kamayishi ҳolatlari kuzatilmaganda emizishni davom ettirish mumkin!

❗️Yuqoridagi holatlar kuzatilmasligi uchun onalarga qoʻlidagi chaqaloqni qoʻshimcha ovqatga oʻrgatib, emizishni toʻxtatish mumkin!

👉 @anvar_pediatr

✅Emizikli bolalarda kalsiy yetishmovchiligining ilk belgilari quyidagilar bo‘lishi mumkin:

📌Juda ko‘p terlash, ayniqsa boshning tepa qismida
📌Boshning yostiq bilan ko‘p kontakda bo‘ladigan sohalarida soch to‘kilishi;
📌Tremor (tirishish) holati – yig‘laganda iyak sohasi;
📌Baland shovqinlar eshitganda bezovtalanish va yig‘lash.

Agar kalsiy yetishmovchiligi bolaning o‘tirish va yurishni boshlagan davriga to‘g‘ri kelsa, unda umurtqalarda patologik qiyshiqliklar va egriliklar kelib chiqadi. Bolalikning keyingi davrlarida gipokalsiyemiyada suyaklar sinuvchanligi oshishi, tirnoqlarning ko‘chib tushishi, og‘iz burchagida yorilishlar, talvasalar, anemiyalar, bo‘g‘imlarning deformatsiyalari ko‘zga tashlanadi.

👉 @anvar_pediatr

🤒Bolalarda o‘tkir respirator virusli kasalliklarni chaqirishi mumkin bo‘lgan viruslar

🦠Gripp virusi
🦠Rinovirus
🦠Koronavirus
🦠Adenovirus
🦠Paragripp virusi
🦠RC - virus
🦠Metapnevmovirus
🦠Enterovirus
🦠Reovirus        

Farzandingizni virusli kasalliklardan himoya qiling.

👉 @anvar_pediatr

📝Autizm qanday kasallik va biz u haqida nimalarni bilishimiz kerak boʻladi.

Autizm – bu asosan rivojlanishning erta bosqichlarida yuzaga keladigan va ijtimoiy muloqot, xulq-atvor hamda qiziqishlar doirasida cheklovlar bilan namoyon bo‘ladigan neyrorivojlanish buzilishi. Bu holat tibbiyotda autizm spektri buzilishi (ASB) deb ataladi va har bir bolada turlicha darajada namoyon bo‘lishi mumkin.

⭐️Belgilari

Autizm belgilarini odatda bola hayotining dastlabki 2-3 yilida kuzatish mumkin. Asosiy belgilar quyidagilarni o‘z ichiga oladi:

1. Ijtimoiy muloqot va o‘zaro aloqada qiyinchiliklar:
-Ko‘z bilan aloqa qilishdan qochish.
-Ismlari aytilganda javob bermaslik.
-Tashqi dunyo bilan kam qiziqish, do‘stlashishda qiyinchilik.

2. Til va muloqot muammolari:
-Gapirishning kechikishi yoki yo‘qligi.
-So‘zlarni takrorlash (echolaliya).

3. Stereotipik yoki cheklangan xatti-harakatlar:
-Bir xil harakatlarni qayta-qayta bajarish (masalan, qo‘lni silkitish).
-Muayyan predmetlarga haddan tashqari bog‘lanish.
-Kundalik odatlarning o‘zgarishiga nisbatan kuchli norozilik.

4. Sensor sezgirlik:
-Yorqin nur, baland tovush yoki ma’lum to‘qimalarga sezgirlikning oshishi yoki pasayishi.

⭐️Sabablari

Autizmning aniq sabablari hanuzgacha to‘liq aniqlanmagan, lekin quyidagi omillar uning rivojlanishiga ta’sir qilishi mumkin:

-Genetik moyillik (irsiyat).
-Miya rivojlanishidagi o‘zgarishlar.
-Homiladorlik davrida infektsiyalar yoki toksik moddalarga ta’sirlanish.
-Ekologik omillar.

⭐️Davolash va reabilitatsiya

Hozircha autizmni to‘liq davolovchi vosita mavjud emas. Ammo quyidagi usullar yordamida bolalarning rivojlanishini yaxshilash mumkin:

1. Erta aralashuv terapiyalari:
-Nutq terapiyasi.
-Xulq-atvor terapiyasi (masalan, ABA – Applied Behavior Analysis).

2. Ta’lim dasturlari:
-Maxsus pedagogik yondashuvlar.

3. Tibbiy yordam (agar zarur bo‘lsa):
-Hissiy o‘zgarishlarni boshqarish uchun dori-darmonlar.

4. Oilaviy qo‘llab-quvvatlash:
-Ota-onalarni maxsus dasturlar bilan tanishtirish va ularga yordam berish.

⭐️Profilaktika

Autizmni oldini olishning aniq choralari yo‘q, lekin homiladorlik davrida sog‘lom turmush tarzini saqlash, toksik moddalar ta’siridan saqlanish va o‘z vaqtida tibbiy tekshiruvlardan o‘tish muhimdir.

Agar bolada autizmga xos belgilar kuzatilsa, iloji boricha erta mutaxassis (psixolog, nevrolog yoki pediatr) bilan maslahatlashish zarur. Erta tashxis va yordam bolaning rivojlanish imkoniyatlarini sezilarli darajada yaxshilashi mumkin.

👉 @anvar_pediatr