Korrupsiyaga qarshi kurashish agentligi

Ўзбекистон ва Хитой ўртасида коррупцияга қарши курашиш соҳасида икки томонлама ҳамкорлик йўлга қўйилмоқда

Жорий йилнинг 25 февраль куни Ўзбекистон Республикаси Коррупцияга қарши курашиш агентлиги директори Акмал Бурханов ҳамда Хитой Халқ Республикаси Миллий назорат комиссияси раиси Ян Сяоду, ХХР Ташқи ишлар вазири ўринбосари Лэ Юйчэн ва бошқа масъуллар ўртасида онлайн учрашув бўлиб ўтди.

Маълумот учун: Хитой Халқ Республикасининг Миллий назорат комиссияси мамлакатдаги коррупцияга қарши курашиш бўйича энг олий орган бўлиб, маъмурий жиҳатдан Олий Халқ суди ва Олий Халқ прокуратурасига тенглаштирилган.

Муҳокамалар жараёнида коррупцияга қарши курашишда икки томонлама ҳамкорликни янада ривожлантириш, Хитой ва Ўзбекистон ваколатли органлари ўртасида ўзаро тажриба алмашиш ва қонун ижодкорлиги масалаларига асосий эътибор қаратилди.

Батафсил: https://bit.ly/2MvTxze

Facebook | Telegram | Twitter |YouTube| anticorruption.uz

Хоразм вилояти ички ишлар органларида коррупцион хавф хатарлар ўрганилмоқда

Жорий йилнинг 23 февраль куни Коррупцияга қарши курашиш агентлиги вакиллари томонидан Хоразм вилоятида ички ишлар органларидаги коррупцион ҳуқуқбузарликларни келтириб чиқараётган омилларни аниқлаш ва коррупцияга қарши курашиш тўғрисидаги қонун ҳужжатларига риоя этилиш ҳолати бўйича ўрганишлар ўтказилди.

Хусусан, Урганч шаҳри ва туманидаги маҳалла фуқаролар йиғинига, вилоят ИИБ Йўл ҳаракати хавфсизлиги бошқармаси ва Шовот туманидаги 2-сон туманлараро рўйхатдан ўтказиш ва имтиҳон олиш бўлимига ташриф буюрилди.

Йўл ҳаракати хавфсизлиги соҳасида амалга оширилган ишлар билан танишиш жараёнида Урганч шаҳри ва туманлар марказидаги чорраҳаларга йўл ҳаракати қоидаларини қайд этувчи камераларни ўрнатиш орқали ЙПХ инспекторларининг ҳайдовчилар билан мулоқотда бўлишларини имкон қадар қисқартириш тавсия қилинди.

Батафсил: https://bit.ly/2OYdEa0

Facebook | Telegram | Twitter |YouTube| anticorruption.uz

Ижтимоий тармоқларда тарқалган бир гуруҳ шифокорлар мурожаати тўғрисида

Онкология ва радиология илмий-амалий маркази Тошкент шаҳар филиали бир гуруҳ ходимларининг мурожаати Коррупцияга қарши курашиш агентлиги томонидан Соғлиқни сақлаш вазирлиги вакиллари билан ҳамкорликда январь ойи давомида ўрганиб чиқилган.

Ўрганиш натижасида тўпланган ҳужжатлар Бош прокуратурага тақдим этилган ва ҳолат юзасидан Чилонзор туман прокуратураси томонидан Жиноят кодексининг 167-моддаси 2-қисми “г” банди билан жиноят иши қўзғатилган. Ҳозирда ҳолат юзасидан дастлабки тергов ҳаракатлари амалга оширилмоқда.

Facebook | Telegram | Twitter |YouTube| anticorruption.uz

Ҳудудларда ички ишлар органлари фаолиятидаги коррупцияга сабаб бўлувчи омиллар ўрганилмоқда

Мазкур вазифа жорий йилнинг 12 февраль куни Ички ишлар вазирлиги Ҳайъати йиғилишида Президент томонидан Коррупцияга қарши курашиш агентлигига юклатилган.

Топшириқ ижросини ўз вақтида ва самарали таъминлаш мақсадида
19 февраль куни Агентлик вакиллари Андижон вилоятидаги жиноятчилик энг кўп содир этилаётган Андижон шаҳри, Асака ва Андижон туманларида ички ишлар органлари фаолиятини ўрганди, профилактика инспекторлари ҳамда аҳоли билан учрашди.

Ўрганишлар жараёнида жойларда ички миграция ва фуқароликни расмийлаштириш бўлими фаолиятида инсон омили даражаси юқори экани, соҳада ҳамон маълум тўсиқлар мавжудлиги аниқланди.

Батафсил: https://bit.ly/2NNLDRO

Facebook | Telegram | Twitter |YouTube| anticorruption.uz

Жорий йилнинг 18-19 февраль кунлари Президент Шавкат Мирзиёев Наманган вилоятига қилган ташрифи давомида мамлакатимизда ислоҳотларга тўсқинлик қилаётган асосий масалалар ҳақида гапирди:

“Бизга энг катта тўсиқ, оёғимизга кишан бу — коррупция. Коррупция оёғимиз тагида юрибди. Биринчи марта коррупцияга қарши курашадиган Агентлик туздик, қурилиш, тиббиёт каби бир қанча соҳаларда «коррупциясиз соҳа» тизимини жорий қилишга киришдик. Бу ҳаракатларимиз ҳам маълум вақт ўтиб, ижобий самара кўрсатишига ишонаман.”

Facebook | Telegram | Twitter |YouTube| anticorruption.uz

Коррупция — тараққиётга қарши жиноят!

Коррупцияни тўхтатиш учун нималар қилиш зарур? Бунинг 10 та усули:

1.Бюрократия ва сансалорикларни бартараф этиш;

2.Давлат идораларининг жамоатчилик олдидаги ҳисобдорлигини ошириш;

3. Мансабдор шахсларнинг фаолияти самарадорлигини баҳолаш;

4.Давлат хизматларида инсон омилини камайтириш;

5.Бюджет харажатларининг шаффофлигини таъминлаш;

6.Давлат хизматчиларини молиявий рағбатлантириш;

7.Қонун устуворлиги ва жазо муқаррарлигини таъминлаш;

8.Манфаатлар тўқнашуви, таниш-билишчилик ҳолатларини аниқлаш ва жавобгарликка тортиш;

9.Қонунчиликни такомиллаштириш ва мавжуд бўшлиқларни бартараф этиш;

10. Аҳолининг ҳуқуқий маданиятини ошириш, жамиятда коррупцияга нисбатан тоқатсиз муносабатни шакллантириш.

Унутманг, коррупция — тараққиёт кушандаси!

Мазкур видеоролик Конрад Аденауэр фондининг Марказий Осиёдаги ваколатхонаси кўмагида тайёрланди.

Facebook | Telegram | Twitter |YouTube

Тиббиёт муассасаларида коррупция ҳолатларини келтириб чиқарувчи омиллар ўрганилмоқда

Жорий йилнинг 17-18 февраль кунлари Коррупцияга қарши курашиш агентлиги директори Акмал Бурханов Андижон вилоятидаги тиббиёт муассасалари фаолиятини ўрганди.

Ҳудуддаги тиббиёт муассасаларида фаолият юритаётган шифокор ва ҳамширалар билан учрашувлар ўтказилди.

Барча муассасаларда ходимларга коррупция ҳолатлари, уни келтириб чиқарувчи омиллар, таниш-билишчилик ва порахўрликка йўл қўймаслик тўғрисида маълумот берилди.

Ўрганишлар давомида беморлар билан мулоқотлар ўтказилиб, уларнинг соғлиқни сақлаш тизими юзасидан фикрлари ўрганилди.

Яратилган шарт-шароитлар, бепул хизматдан фойдаланиш даражаси, дори-дармонлар билан таъминланганлиги, шифокорлар томонидан ортиқча нарсалар талаб қилиш ҳолати, ишга қабул қилиш тартиби каби масалаларга эътибор қаратилди.

Ўрганишлар давом этмоқда.

Батафсил: https://bit.ly/3beBQwh

Facebook | Telegram | Twitter |YouTube| anticorruption.uz

ДЙҲХ хизматида коррупция омилларини бартараф этиш масалалари муҳокама этилди

Йўл ҳаракати хавфсизлиги бош бошқармасида ташкил этилган Давлат йўл ҳаракати хавфсизлиги хизматининг раҳбар ходимларининг ҳуқуқий ва касбий билимларини ошириш бўйича ўқув курсларининг навбатдагисига Коррупцияга қарши курашиш агентлиги масъул ходимлари таклиф этилди.

Учрашув аввалида Агентлик ходимлари ИИВ ЙҲХББда амалга оширилаётган ўзгаришлар билан танишишди. Бунда асосий эътибор соҳага рақамли технологияларни кенг жорий этиш, очиқлик, ошкораликни таъминлаш, замонавий усуллар орқали тизимдаги кадрлар малакасини ошириш каби йўналишларга қаратилгани таъкидланди.

Амалий машғулот давомида ДЙҲХ тизимида коррупцияга сабаб бўлувчи айрим ҳолатлар ҳамон сақланиб қолинаётгани, уларни бартараф этиш учун ўзаро ҳамкорликнинг ўрни муҳимлиги қайд этилди.

Батафсил: https://bit.ly/3ucBvmL

Facebook | Telegram | Twitter |YouTube| anticorruption.uz

Коррупцияга қарши курашиш агентлиги ва Тошкент давлат юридик университети ўртасида ҳамкорлик меморандуми имзоланди

Жорий йилнинг 16 февраль куни Коррупцияга қарши курашиш агентлиги ва Тошкент давлат юридик университети ўртасида ҳамкорлик меморандуми имзоланди.

Меморандум доирасида университетда коррупция муаммоларини ўрганиш бўйича алоҳида магистратура мутахассислигини очиш бўйича ҳамкорликни амалга ошириш, коррупциянинг ҳолати, тенденциялари ва сабаблари юзасидан социологик, илмий ҳамда бошқа тадқиқотларни ташкил этиш каби вазифалар ўрин олган.

Шу билан биргаликда ушбу соҳадаги етакчи хорижий ОТМ, халқаро ташкилотлар билан ҳамкорлик ўрнатиш, хорижий мутахассис ва профессор-ўқитувчиларни университет ўқув жараёнига жалб этиш, республика, халқаро ҳамда хорижий грант лойиҳаларида иштирок этиш, университет тизимида коррупциянинг олдини олиш ва унга қарши курашиш соҳасидаги фаолиятини мувофиқлаштириш белгиланган.

Батафсил: https://bit.ly/2NehbjX

Facebook | Telegram | Twitter |YouTube| anticorruption.uz

«Ўзбекнефтгаз» АЖда коррупцияга қарши “комплаенс-назорат” тизимини такомиллаштириш масалалари муҳокама этилди

Давра суҳбатида Ўзбекистон Республикаси Коррупцияга қарши курашиш агентлиги, Ҳисоб палатаси, БМТ Тараққиёт дастурининг мамлакатимиздаги ваколатхонаси, «KPMG» халқаро аудиторлик консалтинг компанияси ва жамият масъуллари иштирок этишди.

Ўзбекистон Республикаси Ҳисоб палатаси ҳамда Коррупцияга қарши курашиш агентлиги вакиллари бугунги кунда давлат бошқарув органлари ҳамда хўжалик юритувчи субъектларда коррупцияга қарши курашиш йўлида олиб борилаётган ислоҳотларга, уларда комплаенс-назорат тизимини жорий этишнинг ўзига хос жиҳатларига алоҳида тўхталиб ўтдилар.

Батафсил: https://bit.ly/3pmuegu

Facebook | Telegram | Twitter |YouTube| anticorruption.uz

Агентлик Жамоатчилик Кенгаши фаолиятидан лавҳа

“Адолат” СДП, партиянинг Олий Мажлис Қонунчилик палатаси фракцияси ҳамда Коррупцияга қарши курашиш агентлиги ҳамкорлигида “Коррупция – тараққиёт кушандаси” мавзусида тадбир ташкил этилди.

Тадбирда Коррупцияга қарши курашиш агентлиги ҳузуридаги Жамоатчилик кенгаши аъзоси, БМТ ҳузуридаги Халқаро Коррупцияга қарши курашиш академиясининг Ўзбекистондаги вакили, Вебстер университети халқаро тадқиқотлар ва фалсафа профессори Қодир Кулиевнинг “Коррупция ва миллий тараққиёт: муаммо ҳамда ечим” мавзусидаги маърузаси тингланди.

Унда коррупциянинг ижтимоий хавфи ҳақида тушунча берилди.
Таъкидланганидек, коррупция ижтимоий-иқтисодий муаммоларнинг чуқурлашишига сабаб бўлади. Коррупция тизгинланмаса, тараққиёт йўлида қилинаётган ислоҳотлар, ўзгаришлар ўз самарасини бермайди.

Батафсил: https://bit.ly/37gdktC

Facebook | Telegram | Twitter |YouTube| anticorruption.uz

Коррупцияга қарши курашиш агентлиги ҳудудларда ички ишлар органлари фаолиятидаги мавжуд коррупцион омилларни ўрганади

Жорий йилнинг 12 февраль куни Ўзбекистон Республикаси Президенти Шавкат Мирзиёев раислигида Ички ишлар вазирлиги ҳайъатининг кенгайтирилган йиғилиши бўлиб ўтди.

Йиғилишда ички ишлар органларининг жиноятчиликка қарши курашиш, жамоат хавфсизлигини таъминлаш ва ҳуқуқбузарликлар профилактикаси йўналишидаги ишлари танқидий муҳокама қилинди.

Давлат раҳбари ўтган вақт давомида соҳада амалга оширилган ишлар ҳақида тўхталиб ўтди. Хусусан, кўрилган дастлабки чоралар натижасида ўтган йили 4 минг 500 дан зиёд маҳаллада биронта ҳам жиноят содир этилмаган.

Шу билан бирга, кўп раҳбарлар маҳаллага тушиб ишламагани, муаммоларни ўз вақтида аниқлаб, ҳал қилмагани оқибатида айрим маҳаллаларда содир этилган жиноятлар сони ошганлиги ҳам кўрсатиб ўтилди. Тартиб-интизом, қонунларга ҳурмат, аҳолининг осойишталиги, энг аввало, маҳаллада тўғри йўлга қўйилиши зарурлиги таъкидланди.

Таъкидлаш жоизки, 2020 йил 12 ойи мобайнида ички ишлар органларининг 46 нафар ходими (2019 йилда 28 нафар) коррупцион жиноятлар содир этганлиги учун жиноий жавобгарликка тортилган.

Шу муносабат билан, йиғилишда Давлат раҳбари томонидан Коррупцияга қарши курашиш агентлигига ички ишлар органлари фаолиятида кузатилаётган коррупцион омил ва хавф-хатарларни аниқлаш ҳамда таҳлил қилиш мақсадида барча ҳудудларда комплекс ўрганишлар ўтказиш вазифаси юклатилди.

Ўрганиш натижаларига кўра, Агентлик томонидан соҳада коррупцияга қарши курашиш ва унинг олдини олиш, жумладан жиноятчиликка қарши курашиш, жамоат хавфсизлигини таъминлаш ва ҳуқуқбузарликлар профилактикаси йўналишларида ходимлар томонидан коррупцион жиноятлар содир этиш имкониятларини бартараф этишга қаратилган таклифлар ишлаб чиқилиши белгиланди.

Facebook | Telegram | Twitter |YouTube| anticorruption.uz