Postlar filtri


Davlat idoralarining korrupsiyaga qarshi kurashishdagi faoliyati samaradorligi reyting baholandi

Korrupsiyaga qarshi kurashish ishlarining samaradorligini reyting baholash tizimi bo‘yicha davlat organlari va tashkilotlari, shu jumladan, mahalliy ijro etuvchi hokimiyat organlarining 2023-yil davomidagi faoliyatida korrupsiyaga qarshi kurashish mexanizmlar qay darajada samarali amalga oshirilgani baholandi.

Bu yil 95 ta davlat tashkiloti, jumladan, 36 ta davlat tashkiloti ilk marotaba, qolgan 59 tasi esa takroran baholashdan o‘tkazilgan bo‘lib, korrupsiyaga qarshi kurashish ishlarining samaradorligi 0 balldan 100 ballgacha reytingda baholandi.


Baholash natijalariga ko‘ra, mazkur tashkilotlarning faoliyat samaradorligi quyidagi toifalarga ajratildi:

➖42 tasi “yaxshi” (81-100 ball)
➖38 tasi “qoniqarli” (55-80 ball)
➖15 tasi “qoniqarsiz” (55 balldan past)

➡️ Batafsil

Facebook|Telegram |YouTube|Instagram|Twitter|Veb-sayt


#brifing
Ertaga, 28-mart kuni AOKAda Korrupsiyaga qarshi kurashish agentligi axborot xizmati rahbari Sherzod Saparov ishtirokida brifing bo‘lib o‘tadi.

Mavzu: Davlat organlari va tashkilotlari faoliyatida 2023-yildagi korrupsiyaga qarshi kurashish ishlari samaradorligining reyting baholash natijalari

Boshlanish vaqti: 16:00

Facebook|Telegram |YouTube|Instagram|Twitter|Veb-sayt


Agentlik direktori boshchiligidagi ishchi guruh Namangan viloyatida o‘rganishlar o‘tkazmoqda

Agentlik direktori Akmal Burxanov boshchiligidagi ishchi guruh Namangan viloyatida korrupsiya holatini tizimli tahlil qilish, shuningdek, korrupsiya xavfi yuqori bo‘lgan sohalar hamda korrupsiyaga oid huquqbuzarliklar sodir etilishining sabab va shart-sharoitlarini aniqlash yuzasidan o‘rganishlar o‘tkazmoqda.

O‘rganishlar davomida viloyatda bank sohasida "Korrupsiyasiz soha" loyihasining ijrosi bo‘yicha olib borilgan ishlar holati bilan tanishilmoqda, shuningdek, aholiga bank xizmatlarini ko’rsatishda korrupsiya va byurokratiyaning oldini olish, shaffoflikni ta’minlash va samarali tizim yaratish yuzasidan tavsiyalar ishlab chiqilmoqda.

Facebook|Telegram |YouTube|Instagram|Twitter|Veb-sayt


Korrupsiyaga qarshi kurashish agentligi jamoasi dilbar faslning qutlug‘ ayyomi — Navro‘zi olam bilan barcha yurtdoshlarimizni samimiy muborakbod etadi.

Sharqona yangi yil har bir inson, har bir oila, jonajon O‘zbekistonimizga tinchlik-xotirjamlik, yaxshilik va fayzu-baraka olib kelsin!


Facebook|Telegram |YouTube|Instagram|Twitter|Veb-sayt


▫️Bir milliard so‘mdan ortiq bo‘lgan to'rtta davlat xaridi bekor qilindi

Korrupsiyaga qarshi kurashish agentligining masofaviy monitoring tartibidagi o‘rganishlarida umumiy qiymati 1 mlrd so‘mdan ortiq bo‘lgan quyidagi davlat xaridlarida qonunbuzilishi holatlari aniqlandi:

➖Angren shahar Obodonlashtirish boshqarmasi buyurtmachiligidagi 200,0 mln so‘mlik;

➖Jarqo‘rg‘on tuman hokimligi buyurtmachiligidagi 309,0 mln so‘mlik;

➖Oqoltin tuman Tibbiyot birlashmasi buyurtmachiligidagi 300,0 mln so‘mlik;

➖Urganch ixtisoslashtirilgan maqom sanʼati maktab-internati buyurtmachiligidagi 371,1 mln so‘mlik davlat xaridlari.

Agentlikning taqdimnomalariga binoan yuqoridagi davlat xaridlari bo‘yicha xarid komissiyasining bayonnomalari bekor qilindi, shuningdek, to‘plangan hujjatlar huquqni muhofaza qiluvchi organlarga yuborildi.


➡️Batafsil

Facebook|Telegram |YouTube|Instagram|Twitter|Veb-sayt


#jamoatchilik_muhokamasi
⚡️Jamoatchilik muhokamasida faol ishtirok eting!

Xabar berganimizdek, shu kunlarda Korrupsiyaga qarshi kurashish bo‘yicha 2030-yilgacha mo‘ljallangan Milliy strategiyani tasdiqlash bo'yicha Prezident qarori loyihasining jamoatchilik muhokamasi bo‘lib o‘tmoqda.


📌Mazkur infografikalarda:

🔹Milliy strategiya va uni oshirishdagi maqsadli ko'rsatkichlar;

🔹Milliy strategiyani 2024-2025-yillarda amalga oshirishga oid “Yo‘l xaritasi”da belgilangan 7 ta ustuvor yo‘nalish bo‘yicha muhim chora-tadbirlar aks etgan.

Jamoatchilik muhokamasi
joriy yilning 27-mart sanasiga qadar
davom etadi.


Facebook|Telegram |YouTube|Instagram|Twitter|Veb-sayt


#hafta_dayjesti
▫️Korrupsiyaga qarshi kurashish agentligining haftalik dayjesti
(🗓11-15-mart kunlari)

✅Jamoatchilik muhokamasi:

📑“Korrupsiyaga qarshi kurashish tizimini yanada takomillashtirish va korrupsiyaning oldini olishda taʼsirchan mexanizmlarni kengaytirish chora-tadbirlari to‘g‘risida”gi Prezident qarori loyihasi
jamoatchilik muhokamasiga qo‘yildi.

✅O‘rganishlar:

️14-15-mart

🔹Agentlik dire
ktori boshchiligidagi ishchi guruh Farg‘ona viloyatida o‘rganishlar o‘tkazdi.

🔎Davlat xaridlari va boshqa sohalarda o‘tkazilgan o‘rganishlar natijasi bo‘yicha vazirlik-idoralarga taqdimnomalar hamda huquqni muhofaza qiluvchi organlarga so‘rovnomalar yuborildi.

🔹Kompyuter sotib olishda mablag‘lar o‘zlashtirilgani aniqlandi.

🔹Namangan va Sirdaryo viloyatlarida korrupsiyaga qarshi kurashishda yo‘l qo‘yilgan kamchiliklarni bartaraf etish to‘g‘risida taqdimnomalar kiritildi.

✅Komplayens-nazorat:

▫️11-15-mart

📌
Toshkent moliya instituti huzuridagi moliya-bank xodimlarining malakasini oshirish va ularni qayta tayyorlash tarmoqlararo instituti va Turonbank ATBda “Tijorat banklarda korrupsiyaga qarshi ichki nazorat (komplayens) tuzilmalari faoliyatini samarali tashkil etishga doir milliy qonunchilik talablari va xalqaro standartlar” mavzusida seminarlar o'tkazildi.

✅Ochiq tanlov:

▫️15-mart

📌
“Uzbekistan Airports” Ajning Komplayens-nazorat bo‘limi boshlig‘i vakant lavozimiga ochiq tanlov o‘tkazildi.

✅Agentlik mas'ul xodimlari ishtirokida o‘tkazilgan seminar-trening, davra suhbati va boshqa tadbirlar:

▫️12-mart

📌
Toshkent amaliy fanlar universitetida 2023-yilning 27-noyabr kuni qabul qilingan PF-200-son Prezident Farmonining mazmun-mohiyati bo‘yicha seminar;

▫️14-mart

📌
“O‘zagrolizing” AJda ochiqlikka oid davlat siyosati va vazirlik va idoralarga qo‘yilgan talablar mavzusida davra suhbati;

▫️14-mart

📌
Huquqni muhofaza qilish akademiyasida “Ilm-fan va ilmiy faoliyatda korrupsiya va byurokratiya: muammo va uning yechimlari” mavzusidagi ilmiy-amaliy davra suhbati.

Yoshlar bilan muloqot:

▫️15-mart

📌
Farg‘ona viloyatida o‘tkazilgan o‘rganishlar doirasida Agentlik direktori А.Burxanov viloyat yoshlari bilan uchrashdi.

✅Xalqaro hamkorlik doirasida quyidagi xalqaro tashkilotlar vakillari va xorijiy ekspertlar bilan (onlayn) uchrashuvlar tashkil etildi:

▫️14-mart

📌
Agentlik, Yevropa Ittifoqining O‘zbekistondagi delegatsiyasi, BMT Taraqqiyot dasturi va Germaniya xalqaro hamkorlik jamiyatining O‘zbekistondagi vakolatxonasi;

▫️15-mart

📌
Agentlik hamda Iqtisodiy hamkorlik va taraqqiyot tashkiloti Sharqiy Yevropa va Markaziy Osiyo mamlakatlari uchun Aksilkorrupsiya tarmog‘ining (IHTT AKT) Istanbul harakatlar dasturi 5-bosqich monitoringining Boshqaruv guruhi eksperlari;

▫️15-mart

📌Agentlik va
BMT GJB Markaziy Osiyodagi vakolatxonasi.

✅Murojaatlar bilan ishlash yo‘nalishida:

📥Agentlikka jismoniy va yuridik shaxslar tomonidan 87 ta (shundan 78 tasi jismoniy shaxslardan, 9 tasi yuridik shaxslardan) murojaat kelib tushdi.

📞Agentlikning “Call-markazi” – 1253 ga jismoniy va yuridik shaxslar tomonidan yo‘llangan 31 ta murojaatga huquqiy yo‘nalish va tushuntirishlar berildi.

Facebook|Telegram |YouTube|Instagram|Twitter|Veb-sayt


▫️Agentlik direktori farg‘onalik faol yoshlar bilan uchrashdi

Farg‘ona viloyatida o‘tkazilgan o‘rganishlar doirasida Agentlik direktori Аkmal Burxanov viloyat yoshlari bilan uchrashdi. 

Uchrashuvda yoshlar o‘rtasida “halollik vaksinasi”ni targ‘ib qilish,  korrupsiyaga qarshi kurashish  jarayonlariga ularni faol jalb etish masalalarida muloqot qilindi.

Prezidentimiz tomonidan ilgari surilgan tashabbus asosida BMTning Korrupsiyaga qarshi ta’lim va yoshlarning imkoniyatlarini kengaytirish global resursi (GRACE) dasturi O‘zbekistonda keng joriy etilayotgani qayd etildi.

Muloqotda Аkmal Burxanov korrupsiyaga qarshi murosasiz kurashish bo‘yicha yoshlarga o‘z tavsiyalarini berdi.

Bu borada yoshlarning takliflari, fikr-mulohazalari bilan ham qiziqdi.

Facebook|Telegram |YouTube|Instagram|Twitter|Veb-sayt


Agentlik direktori boshchiligidagi ishchi guruh Farg‘ona viloyatida o‘rganishlar o‘tkazdi

Agentlik direktori A.Burxanov boshchiligidagi ishchi guruh Farg‘ona viloyatida korrupsiya holatini tizimli tahlil qilish, shuningdek, korrupsiya xavfi yuqori bo‘lgan sohalar hamda korrupsiyaga oid huquqbuzarliklar sodir etilishining sabab va shart-sharoitlarini aniqlash yuzasidan o‘rganishlar o‘tkazdi.

O‘rganishlar davomida Prezident Sh.Mirziyoyev tomonidan xorijiy tashriflar, xalqaro doiradagi tadbirlarda erishilgan muhim kelishuvlar asosida viloyatda amalga oshirilayotgan loyihalar, shuningdek, xalqaro moliya institutlari tomonidan moliyalashtirilgan infratuzilma loyihalari doirasida ajratilgan mablag‘larning samarali sarflanishi ochiqlik va shaffoflikning ta’minlanishi, sog‘liqni saqlash sohasida "Korrupsiyasiz soha" loyihasining ijrosi bo‘yicha olib borilgan ishlar holati bilan tanishildi.

O'rganishlar natijasida korrupsiyaning oldini olish mexanizmlarini joriy etish bilan bog‘liq ayrim kamchiliklar aniqlandi hamda ularni bartaraf etish yuzasidan ma’sullarga tegishli tavsiya va ko‘rsatmalar berildi.

Facebook|Telegram |YouTube|Instagram|Twitter|Veb-sayt


#oʼrganish
▫️Namangan va Sirdaryo viloyatlarida korrupsiyaga qarshi kurashishda yo‘l qo‘yilgan kamchiliklarni bartaraf etish to‘g‘risida taqdimnomalar kiritildi

2023-yilda Namanganda mansabdorlik va korrupsiyaga oid holatlar yuzasidan 213 ta, Sirdaryoda 324 ta jinoyat sodir etilgan.

Namanganda davlat organlari va tashkilotlari tomonidan byudjet mablag‘laridan foydalanish bilan bog‘liq 371 ta holatda 85,5 mlrd so‘mlik, Sirdaryoda esa 201 ta holatda 44,8 mlrd so‘mlik moliyaviy xato va kamchiliklarga yo‘l qo‘yilgan.

Namanganda hokimliklarning 9 nafar, qurilish sohasining 3 nafar, sog‘liqni saqlash sohasining 15 nafar mansabdor shaxsi, Sirdaryoda esa tuman hokimligining 1 nafar, qurilish sohasining 5 nafar, sog‘liqni saqlash sohasining 4 nafar mansabdor shaxsi tadbirkorlik faoliyati bilan shug‘ullanib kelayotganligi maʼlum bo‘ldi.

Hududlardagi tibbiyot muassasalarida bo‘sh ish o‘rinlari mavjud bo‘lsa-da, xodimlar (Namanganda 49,6 foizi, Sirdaryoda 66,0 foizi) to‘liqsiz stavkada faoliyat olib bormoqda.

O‘tgan yilda To‘raqo‘rg‘on tuman tibbiyot birlashmasida 33 nafar o‘rta tibbiyot xodimlari ishga qabul qilingan bo‘lib, shundan 9 nafarining tanlov asosida ishga qabul qilinganligini tasdiqlovchi bayonnoma mavjud emas. Sirdaryo viloyatida esa 52 nafar shifokor, 158 nafar o‘rta tibbiyot xodimlari tanlovsiz ishga qabul qilingan.

O‘rganishlar yakuni bo‘yicha Namangan va Sirdaryo viloyati korrupsiyaga qarshi kurashish hududiy kengashi (viloyat hokimlari)ga yuqorida keltirilgan kamchiliklar hamda korrupsiyani keltirib chiqaruvchi sabab va shart-sharoitlarni bartaraf etish choralarini ko‘rish to‘g‘risida taqdimnomalar kiritildi.

Facebook|Telegram |YouTube|Instagram|Twitter|Veb-sayt


#jamoatchilik_muhokamasi
▫️ Milliy strategiyani 2024-2025-yillarda amalga oshirishga oid “Yo‘l xaritasi” loyihasida 7 ta ustuvor yo‘nalish bo‘yicha quyidagi muhim chora-tadbirlar belgilanmoqda:

🔹Korrupsiyaning oldini olishga doir chora-tadbirlarni ko‘rmagan mansabdor shaxslarga nisbatan javobgarlik belgilash

🔹Har yili kamida 2 ta sohada korrupsiya xavf-xatarlarini aniqlash, korrupsiyaga imkon berayotgan shart-sharoitlarni bartaraf etishga qaratilgan tadqiqot o‘tkazish

🔹Davlat organlari va tashkilotlarida korrupsiya xavflarini ichki va tashqi tahlil qilish tizimini joriy etish

🔹Normativ-huquqiy hujjatlar va ular loyihalarini korrupsiyaga qarshi ekspertizadan o‘tkazish tizimini takomillashtirish

🔹Davlat organlari va tashkilotlari hamda xususiy sektorda milliy halollik standarti (“public integrity”) institutini joriy qilish

🔹Davlat xizmatchilarining xorijda hisobraqamlar ochish va egalik qilish, naqd pul mablag‘larini saqlash, ko‘chmas va boshqa mol-mulkka ega bo‘lishiga oid cheklov o‘rnatishning aniq tartibini ishlab chiqish

🔹Davlat xaridlari sohasida insofsiz ijrochilar reyestrini yuritish tizimini yanada takomillashtirish, budjet tashkilotlari va davlat korxonalari ishtirokidagi nizolarni ko‘rib chiqish jarayonini huquqiy tartibga solishni sifat jihatidan yaxshilash

🔹Davlat xaridlari bo‘yicha  shartnomalarini g‘aznachilik organlarida ro‘yxatdan o‘tkazishda ochiqlik va shaffoflikni taʼminlash

🔹Falsafa doktori (PhD) va fan doktori (DSc) ilmiy darajasini olish bilan bog‘liq jarayonlardagi korrupsiya xavf-xatarlarini minimallashtirish

🔹Sog‘liqni saqlash vazirligi tizimida korrupsiya xavfi yuqori bo‘lgan tartib va  xizmat turlarini davlat xizmatlari markazlariga o‘tkazish

🔹OAV vakillari uchun surishtiruv jurnalistikasi, tahliliy tadqiqotlar o‘tkazish borasidagi bilim va ko‘nikmalarini oshirishga qaratilgan o‘quv kurslarini ishlab chiqish va tizimli yo'lga qo'yish.

Facebook|Telegram |YouTube|Instagram|Twitter|Veb-sayt


#jamoatchilik_muhokamasi
“Korrupsiyaga qarshi kurashish tizimini yanada takomillashtirish va korrupsiyaning oldini olishda taʼsirchan mexanizmlarni kengaytirish chora-tadbirlari to‘g‘risida” gi Prezident qarori loyihasi jamoatchilik muhokamasiga qo‘yildi.

Qaror bilan quyidagi ustuvor yo‘nalishlarni qamrab olgan O‘zbekiston Respublikasining korrupsiyaga qarshi kurashish bo‘yicha 2030-yilgacha mo‘ljallangan Milliy strategiyasini tasdiqlash ko‘zda tutilmoqda:

davlat boshqaruvi, davlat xizmati va davlat xaridlarini amalga oshirish sohasida korrupsiyaning oldini olish;

➖ijtimoiy-iqtisodiy rivojlanish va tadbirkorlik sohasida korrupsiyaning oldini olish;

➖korrupsiyaga qarshi kurashishning institutsional asoslarini takomillashtirish;

sud-huquq tizimida korrupsiyaning oldini olish;

➖aholining huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish;

➖korrupsiyaga qarshi kurash sohasida xalqaro hamkorlikni kuchaytirish.

Milliy strategiyani 2024-2025-yillarda amalga oshirish bo‘yicha ishlab chiqilgan “YO‘L XARITASI” loyihasida har bir ustuvor yo‘nalish bo‘yicha amalga oshiriladigan aniq chora-tadbirlar belgilanmoqda.

Milliy strategiyani amalga oshirishdagi maqsadli ko‘rsatkichlar:

🔹Korrupsiyani qabul qilish (Transparency International) indeksida kamida 50 pog‘onaga, Huquq ustuvorligi (Rule of Law) indeksining "Korrupsiyaning mavjud emasligi" indikatorida kamida 15 pog‘onaga, Jahon bankining "Korrupsiyani tiyib turish" indeksida kamida 10 pog‘onaga ko‘tarilish;

🔹Mamlakatda "korrupsiya darajasi yuqori” deb hisoblovchi respondentlar ulushini 30 foizdan ortmasligiga erishish;  

🔹Korrupsiyaga qarshi kurashish ishlarining samaradorligi reytingida davlat organlari va tashkilotlarining barchasi “yaxshi” yoki “qoniqarli” natija qayd etishini taʼminlash;

🔹Davlat tashkilotlari faoliyatida korrupsiyaviy xavf-xatarlar darajasi yuqori bo‘lgan funksiyalar ulushini 5 foizdan oshmasligini taʼminlash;

🔹Ochiqlik indeksida ochiqlik darajasi “yashil” bo‘lgan vazirlik va davlat idoralar ulishini  80 foizdan yuqori bo‘lishiga erishish;

🗓Jamoatchilik muhokamasi joriy yilning 27-mart sanasiga qadar davom etadi.

Facebook|Telegram |YouTube|Instagram|Twitter|Veb-sayt


▫️Kompyuter sotib olishda mablag‘lar o‘zlashtirilgani aniqlandi

Agentlik sobiq Xalq ta'limi vazirligi huzuridagi “O‘quv ta’lim-ta’minot” davlat muassasasi tomonidan 2021-2022-yillar mobaynida “Bir million dasturchi” loyihasi doirasida respublika budjeti hisobidan kompyuter va boshqa vositalar xarid qilinganligining maqsadliligi va qonuniyligini Farg‘ona, Namangan, Toshkent, Sirdaryo va Jizzax viloyatlarida joyiga chiqqan holda o‘rgandi.

O‘rganishlar davomida xaridlarni amalga oshirishda shartnomada ko‘rsatilgan talablar to‘liq bajarilmaganligi aniqlandi.

➡️Batafsil

Facebook|Telegram |YouTube|Instagram|Twitter|Veb-sayt


#diqqat_tanlov
"Uzbekistan Airports" AJ Korrupsiyaga qarshi kurashish va komplayens bo'limi boshlig'i lavozimi uchun ochiq tanlov e’lon qildi.

Tanlovda ishtirok etish shartlari, malakaviy talablar va boshqa ma'lumotlar bilan ushbu havola orqali batafsil tanishish mumkin.

Facebook|Telegram |YouTube|Instagram|Twitter|Veb-sayt


Video oldindan ko‘rish uchun mavjud emas
Telegram'da ko‘rish
Mo'tabar onalarimiz, qadrli opa-singillarimiz, dilbar qizlarimizni bugungi bahor va nafosat bayrami bilan samimiy muborakbod etamiz.

Bahoriy tabassum, mustahkam sog‘lik, oilaviy xotirjamlik, hayotingiz doimo quvonchga to‘lishini tilaymiz, jonajon yurtimizda rivoj va hamjihatlikka beqiyos hissa qo‘shib kelayotganingiz uchun barchangizga chuqur hurmat-ehtirom hamda eng ezgu tilaklarni bildiramiz!

Facebook|Telegram |YouTube|Instagram|Twitter|Veb-sayt


#hafta_dayjesti
Korrupsiyaga qarshi kurashish agentligining haftalik dayjesti
(🗓26-fevral—1-mart kunlari)


✅O‘rganishlar:

🔎D
avlat xaridlari va boshqa sohalarda o‘tkazilgan o‘rganishlar natijasi bo‘yicha vazirlik-idoralarga taqdimnomalar hamda huquqni muhofaza qiluvchi organlarga so‘rovnomalar yuborildi.

🔹1 mlrd so‘mdan ortiq bo‘lgan uchta davlat xaridida qonunbuzilishi holatlari aniqlandi.

✅Komplayens-nazorat:

▫️ 29-fevral

📌
Qurolli kuchlari Akademiyasida “Mudofaa vazirligi tizimida manfaatlar to‘qnashuvining oldini olish va korrupsiyaga qarshi kurashish samaradorligini oshirish” mavzusida tashkil etilgan o‘quv seminarida Agentlik xodimi maʼruza bilan ishtirok etdi.

▫️1-mart

📌 “El-yurt umidi” jamg‘armasining korrupsiyaga qarshi ichki nazorat bo‘yicha yetakchi mutaxassisi lavozimiga ochiq tanlov o‘tkazildi.

✅Jamoatchilik bilan aloqalar yo‘nalishida:

▫️26-28-fevral

📌Yevropa Kengashi tomonidan Agentlik hamkorligida “Markaziy Osiyo – qonun ustuvorligi: shaffoflikka ko‘maklashish va iqtisodiy jinoyatlarga qarshi kurashish (CA TAEC)” mintaqaviy loyihasi doirasida xabar beruvchilarni himoya qilish bo‘yicha davra suhbati va davlat xizmatchilari uchun seminar-trening o'tkazildi.

✅Xalqaro hamkorlik doirasida:

▫️22-27-fevral

📌Agentlik direktori boshchiligidagi O‘zbekiston delegatsiyasining AQSHga xizmat safari tashkil etildi.

✅Murojaatlar bilan ishlash yo‘nalishida:

📥Agentlikka jismoniy va yuridik shaxslar tomonidan 72 ta (shundan 65 tasi jismoniy shaxslardan, 7 tasi yuridik shaxslardan) murojaat kelib tushdi.

📞Agentlikning “Call-markazi” – 1253 ga jismoniy va yuridik shaxslar tomonidan yo‘llangan 59 ta murojaatga huquqiy yo‘nalish va tushuntirishlar berildi.

Facebook|Telegram |YouTube|Instagram|Twitter|Veb-sayt


Prezident Shavkat Mirziyoyev huzurida qayta tiklanuvchi energetika sohasidagi ustuvor vazifalar yuzasidan o‘tkazilgan kengaytirilgan yig‘ilishda mutasaddilarga joylarda quyosh panellarini o‘rnatishda ko‘zbo‘yamachilik va “qo‘shib yozish” holatlarining oldini olish yuzasidan topshiriq berildi.

Facebook|Telegram |YouTube|Instagram|Twitter|Veb-sayt


#davlat_xaridlari
▫️1 mlrd so‘mdan ortiq bo‘lgan uchta davlat xaridida qonunbuzilishi holatlari aniqlandi

Korrupsiyaga qarshi kurashish agentligining masofaviy monitoring tartibidagi o‘rganishlarida quyidagi davlat buyurtmachilarining umumiy qiymati 1 mlrd so‘mdan ortiq davlat xaridlarida qonunbuzilishi holatlari aniqlandi:

Toshkent shahar 5-sonli yuqumli kasalliklar klinik shifoxonasining 432,0 mln so‘mlik;

➖ Chapqirg‘oq-Amudaryo irrigatsiya tizimlari havza boshqarmasi huzuridagi Nasos stansiyalari va energetika boshqarmasining 79,9 mln so‘mlik;

➖ Amu-Buxoro mashina kanali Olot tuman boshqarmasining 533,2 mln so‘mlik.


Ushbu davlat xaridlari bo‘yicha buyurtmachilarga Agentlikning taqdimnomalari kiritilib, Xarid komissiyasining g‘olibni aniqlash bo‘yicha bayonnomalari bekor qilindi.

Shuningdek, davlat xaridlari to‘g‘risidagi qonunchilik talablari buzilishiga yo‘l qo‘ygan shaxslarni tegishli javobgarlikka tortish maqsadida to‘plangan hujjatlar huquqni muhofaza qiluvchi organlarga yuborildi.

➡️Batafsil

Facebook|Telegram |YouTube|Instagram|Twitter|Veb-sayt



19 ta oxirgi post ko‘rsatilgan.