Anora_Sodiq_kundaligi

Кеча бугун журналистикада ўзини устоз санаган катталар журналистларни бўлинишда айблаб, бирлашиш ҳақида ёзиб қолишди.

Уларга очиқ саволим бор!!!

Журналист аёлларга троллар ва айрим блогерлар томонидан таҳдидлар, ҳақоратлар бўлганда қаерда эдингиз?

Қайсидир журналистни туҳмат видео билан ҳақорат қилишди. Айбдори топилдими?

Ким қайғураяпти бунга?!
Элчихонага борган журналистларга ва дипломатик корпус эгаларига ҳам очиқ туҳмат қилинди. Ким шунда очиқ ҳақорат қилган блогерларни тартибга чақирди?

Ўша сиз ёнини олаётган блогер “журнаж…блар” иборасини неча бора ишлатди.
Тилингизни тишлаб ўтирдингизку! Нега?!
Ўзингиз жим турасиз, курашганларга тош отасизларми?

Энди аёл киши бўлиб, катта троллар армиясига кураш очганимда “бўлиниш” дейишга уялинг.

Журналистларни ҳақорат қилаётган тролларга қарши кураш, аслида бирлашиш эмасми?!

@anora_sodiq

#qoyalar_va_soyalar

Ўзбекистонда қонун Алламжонов учун алоҳида ишлайдими ё мен ҳам қонунлардан фойдалана оламанми?

Журналистларни сўккан ва уларни хорижга агентлик қилишда айблаган блогер қонун олдида жавоб берсин

Судга бериш энг тўғри қарор деб билдим. Ҳеч бир асосли важ-карсони бўлмаганлар турли бўҳтон, туҳмат, ҳақорат, шантажлик қилишда давом этмоқда. Ожизликнинг белгиси шу. Майли худди шундай бўҳтонлар билан давом этинг. Менга эса ҳар бир сўзингиз ҳужжат бўлиб келаверсин.
Агар мен заррача ноҳақ бўлганимда, заррача давлат қонунларига итоатсизлик қилганимда, биласизми булар мени не кўйларга солмасди. Биламизку қонунлар бизга қарши чаққонроқ ишлайди.

Фуқаролик ишлари бўйича Шайхонтоҳур туманлараро судига ариза берилган. Бугун судья ким бўлиши ҳам аниқланганидан хабар топдим.

Ҳукумат вакиллари ҳақоратланса доим тез чора кўрилади.
Адлияни обрўсизлантирганлар жавобгарликка тортилди.
Милиция ходимларини “мент”, дея ҳақоратлаганлар ҳатто тиз чўктирилади. Аммо, журналист касбини ҳақорат қилганларга нега чора кўрилмаслиги керак?

Мирсаид Ҳайдаров ва троллар армиясига қарши ишда мен билан биргамисиз?!

Ҳа, яна бир гап: Ҳар қандай тролни топиш, кимлигини элга ошкор қилиш, бугунги замонда унча қийин иш эмас. Бошқа давлат ҳуқуқни муҳофаза қилиш органлари тролларни Meta маъмурияти орқали топишни уддалашмоқда.

Meta маълумотларига кўра, Ўзбекистон ички ишлари томонидан тролл аккаунтларни шахсини аниқлаш бўйича бир донаям сўров юборилмаган. Идора вакилларининг бунга билими етмайдими ёки хоҳиш йўқ.
Ҳарҳолда тролларни қўллашни исташмаса керак?!

@anora_sodiq

Айримлар USAID Анорани молиялаштиради, деб ўйларкан😂

Аслида USAID турли давлатларда ривожлантириш дастурлари учун маблағ ажратади.

Масалан, Ўзбекистон ҳукумати USAIDдан қанча маблағ олган?

ForeignAssistance.gov маълумотларига кўра, USAID томонидан Ўзбекистон ҳукуматига ажратилган маблағлар қуйидагича тақсимланган:
• Соғлиқни сақлаш: $9,2 миллион
• Бошқарув (ҳукуматни ривожлантириш): $8,5 миллион
• Таълим: $6,6 миллион
• Маъмурий харажатлар: $5,4 миллион
• Иқтисодий ўсиш: $5,2 миллион
• Бошқа йўналишлар: $2,2 миллион.

Кейинги ва энг мухим савол бу маблағлар керакли жойга етиб бораяптими?

@anora_sodiq

Барчангизга минг раҳмат!

Мен кеча тасаввуримдаги жадидларни кўрдим. Уларнинг кўзларига боқдим. Сўзларини тингладим. Улар миллатпарварлик қонида, жасорат қалбида, ватанпарвар руҳига сингиб кетган миллат ойдинлари эди. Қувонмай бўладими?Барчангизга минг раҳмат.
Қаршилик қилганларга ҳам раҳмат. Сиз қаршилик қилмаганингизда бу миллатнинг ойдинлари, жадидлари борлигини биров ҳис қилармиди?! Раҳмат.

Тарих барчасига баҳо беради.

@anora_sodiq

Anora Sodiq va axborot maydonida faol boshqa odamga "Zarafshon" yoki biror zal-u koshona kerak emas. Tegishli organlarning barchasidan ruxsat olinib, AOKA bilan kelishilib, ularning fotihasi bilan o'tkazilishi kerak bo'lgan media tadbirning oxirgi daqiqada joysiz qolib ketishi Real O'zbekiston, ya'ni hukumat propagandasini qilmaydigan har qanday tomondan qo'rqishga asoslangan harakat.

150 jurnalist, bloger va aktivistlar taklif qilingan erkin tadbirga Toshkentda sahna berish uchun yurak kerak, iroda kerak, aql kerak. Aslida bunday tadbirlarning o'tishi, ularni o'tkazishga ishtiyoq va g'ayrat borligi O'zbekistonda hamon erkinlik nafasi urib turganidan dalolat emasmi? Buni rejim tushunmasligi va qadrlamasligiga bugungi holat yana bir misol. O'zbekistonda media erkinlik qanchalik deb tez-tez so'rashadi. Mana sizga informatsion siyosatning bir aksi.

Aslida mamlakat bo'ylab faol ishlayotgan, O'zbekiston aholisi vaqtida zarur axborotni olishi uchun ter to'kayotgan odamlar O'zbekistonni chindan e'zozlaydigan, hatto amaldagi siyosat ish berishi kerak deb undab kelayotgan, bu jihatdan tizimga yordamlashayotgan insonlardir.

Uzdiplomat.uz yillik tanlovining g'oliblari bilan bir tanishib chiqing. Mustaqil mutaxassislar u yerda barmoq bilan sanoqli. Aksariyati - davlat organlari, ularning xizmatidagi va rasmiy propagandani qilib yurgan shaxslar. Tanlov natijalarini hukumat allaqachon sinchiklab o'rganib chiqqan, prezident va islohotlar talabiga javob berishi ta'minlangan.

Bunday tadbirlarni to'xtatish mumkin emasligini rahbariyat anglashi kerak. Anglamagani uchun ham u har doimgidek olabo'ji sifatida namoyon. Yosh, hali pishib yetilmagan, tinimsiz kuzatuvdagi, mittigina, moliyaviy jihatdan oyoqqa turib ulgurmagan media tashkilot o'tkazayotgan bo'lsa-da, bu tanlov va bugungi taqdimot - O'zbekiston axborot makonining yorqin ko'rinishi, haqiqati. Butun mamlakatdan hamkasb va safdoshlarni bir joyga yig'a olgan ezgu tashabbus. Respublika ruhiyatini va shijoatini aks ettiradigan tadbir. Uzdiplomat.uz va uning hamkorlari - tabriklaymiz, omad yor bo'lsin!

@anora_sodiq

“Йил танлови” бошланишидан суратлар
Бугун кимнидир кайфияти ёмон бузилди. Лекин аниқ меники эмас. Ҳаммага раҳмат. Ҳалақит қилганларга ҳам))

Яна шу ерда туриб Республиканинг турли бурчагидан келган фаоллар, журналистлар ва блогерларга қарата энг тотли орзуим “Ўзбекистонда қонун устувор давлатни кўриш” эканлиги ҳақида бажонидил гапирган бўлардим. Бизга ҳалақит қилиб шундай “имконият” яратиб беришгани учун раҳмат.

@anora_sodiq