Andijon viloyati Prokuraturasi

Андижон вилояти прокурори М.Абдухакимов бошчилигида айни пайтда долзарб бўлиб турган қиш мавсумига тайёргарлик кўриш, энергия ресурсларини иқтисод қилиш, қуёш панеллари ўрнатиш, энергия ресурсларини талон-торож қилиш ҳолатларини фош этиш борасидаги ишлар муҳокама қилинди.

Унда, қиш мавсумида объектлар ва кўп қаватли уйларни барқарор ишлашга тайёрлаш, истеъмолчиларга кўмир ҳамда энергия ресурсларини самарали етказиб берилишини таъминлаш мақсадида вилоят ва туман (шаҳар) ИИБларнинг маъмурий биноларида ҳокимлар раҳбарлигида “куз-қиш иш штаби” ташкил этилганлиги қайд этилган.

Мазкур штабларга ҳокимият вакиллари, прокуратура ходимлари, “Ҳудудий электр тармоқлари” АЖ, “Ҳудудгаз таъминот” АЖ, “Энергосавдо” АЖ, “Кўмир таъминот” АЖ, “Фавқулодда вазиятлар бўлими”, “Қурилиш ва уй-жой коммунал хўжалиги” вилоят бошқармалари ва бошқа мутасадди ташкилот вакилларидан иборат 14 нафардан масъуллар бириктирилди.

Шу кунга қадар штабнинг ишонч телефони ҳамда ижтимоий тармоқлар орқали жами 232 та мурожаатлар келиб тушиб, уларнинг 205 таси ижобий ҳал этилиши таъминланди.

Йиғилиш якунида, масъулларга иқтисод қилиш борасида тасдиқланган тадбирлар ижросини таъминлаш, энергия ресурсларини беҳуда сарфлаш ва самарасиз фойдаланиш ҳолатларини олдини олиш, энерготежамкорлик, реактив компенсация қилиш қурилмаларини ўрнатиш ҳамда қиш мавсумига тайёргарлик кўрилиши устидан кунлик назоратни кучайтириш борасида тавсия ва кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Андижон вилояти прокурори М.Абдухакимов бошчилигида Марҳамат туманида ижтимоий-иқтисодий соҳада амалга оширилаётган ишлар ўрганилди.

Хусусан, туман ҳудудида қурилаётган лойиҳа қиймати 8,8 млн. АҚШ доллар ва йиллик қуввати 19,4 миллион кВт. бўлган “Мингтепа гидро энергия” станциясининг қурилиш ишлари ва фаолияти билан танишилди.

Ушбу станциянинг қурилиши натижасида тумандаги "Роҳат", "Қорабоғич", "Чилон", "Шаҳристон", "Мингтепа" ва "Дукчи Эшон" маҳаллаларидаги 16 мингдан ортиқ хонадонларга узлуксиз электр энергияси етказиб берилиши таъминланади.

Бундан ташқари, "Қорабоғич" маҳалласида жойлашган “Мингтепа” чегара постида аҳоли учун яратилган шарт-шароитлар ҳамда таълим муассасаларининг қиш мавсумига тайёргарлиги ўрганилди.

Ўрганиш давомида, қурилиш ишларини сифатли олиб бориш, жорий йилда фойдаланишга топширилиши белгиланган турар жойлар ва ижтимоий соҳа объектлари қурилишини муддатида  якунлаш ҳамда таълим муассасаларини қиш мавсумига шай ҳолатга келтириш бўйича масъулларга тегишли тавсия ва кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook