Andijon viloyati maktabgacha va maktab ta'limi boshqarmasi

Andijonlik maktab o‘quvchisi zamonaviy kasblarni o'rganish ortidan Davlat tashkilotlarida faoliyat olib bormoqda

«Oyiga 1000 dollargacha daromad topish imkoniga ega bo‘lyapman. Bu esa nafaqat ota-onamga, qolaversa o‘zimni rivojlantirishimga moddiy rag‘bat bo‘lib xizmat qilmoqda», —

deydi Andijon viloyati Andijon shahridagi 30-maktabning 11-sinf o'quvchisi Abdurahmon Nasirdinov.

Bolaligidan ota kasbi sanalgan oshpazlikka qiziqqan Abdurahmonning qiziqishi unga otasi olib bergan mobil telefondan so‘ng o‘zgarib ketdi.

«Hech yodimdan chiqmaydi. O‘sha payt menga otam sovg‘a qilgan eng so‘ngi rusumda mobil telefon menga katta motivatsiya bo‘lib, hayotda o‘z yo‘nalishimni belgilab olishimga katta turtki bo‘lgan. Telefondagi turli mobil o‘yinlar, ilovalar qanday yaratilgani bilan qiziqib, buni tushunish uchun uchun axborot texnologiyalarini o‘rganishi kerakligini tushunib yetganman»,

— deydi Abdurahmon Nasirdinov.

Shu maqsadda Abdurahmon Andijon shahrida yangi ochilgan texnoparkda Frontend yo‘nalishida, keyinchalik esa Toshkent shahrida joylashgan Astrum IT Academiyasida Data science hamda videografiya yo‘nalishlarida mahalliy va chet ellik ustozlardan saboq oldi.

Abdurahmonning olgan ko‘nikmalari unga dastavval Yoshlar ittifoqida matbuot va media sardori sifatida faoliyat olib borish, keyinchalik esa O‘zbekiston Respublikasi Prezidenti huzuridagi Davlat xizmatini rivojlantirish agentligi Andijon filialida, viloyat Maktabgacha va maktab ta’limi Andijon viloyat boshqarmasida, Andijon viloyat yo‘l harakati xavfsizligi boshqarmalarida faoliyat yuritish imkonini berdi.

«Bu yutuqlarga erishishimda avvalo ustozlarim, keyinchalik esa O‘zbekiston Yoshlar ittifoqi kengashi rahbarlari keng sharoit va imkoniyatlarni yaratib berishgani sabab bo‘ldi. Dastlab turli tadbirlar, aksiyalarda tengdoshlarimiz bilan qatnashib, o‘z bilimlarimizni oshirib bordik. Do‘stlar bilan turli loyihalar ustida ishladik. 9-sinfda o‘qiyotgan chog‘imda maktab o‘quvchisi bo‘lishimga qaramay menga ishonch bildirib, mas’uliyatli vazifalarni ishonib topshirishgani esa meni yuksak marralar sari yetakladi. Bugun esa hayotimda katta yutuqlarga erishishimga sabab bo‘lmoqda,

— deydi u.

Bugungi kunda qahramonimiz maktab o‘quvchisi bo‘lishiga qaramay, zamonaviy ko‘nikmalar ortidan 3ta tashkilotning media sohasini rivojlantirishga hissa qo‘shmoqda.
Maktab darslari bilan bu ishlarga qanday ulgurasiz, deya bergan savolimizga, suhbatdoshimiz o‘qishga ham ishga ham ulgurishga harakat qilishini, vaqti kelsa kechqurunlari uxlamasdan o‘z ustida ishlab, salohiyatini oshirib borishini ta’kidladi.

Abdurahmonga bugungi kunda tahsil olishi uchun 3 ta xususiy universitetdan grant ajratilgan. Abdurahmonning kelajakdagi orzularidan biri O‘zbekiston Respublikasi Prezidenti Matbuot xizmatida faoliyat olib borish.

Biz esa qolgan yoshlarimiz ham Abdurahmon singari zamonaviy kasblarni o‘rganib, kelajakda o‘zlarining jamiyatda o‘z o‘rnilarini topish uchun bugundan harakat boshlashlarini tilab qolamiz.

📣 DIQQAT, E'LON!

📍Vazir jamgʻarmasi ustamasi uchun dastlabki sinov jarayonlari 25-fevral kuni oʻtkaziladi

✅ Maktabgacha va maktab taʼlimi vazirining tegishli buyrugʻi bilan joriy yilda Vazir jamgʻarmasi hisobidan har oylik ustama olish uchun 1-bosqich (test) sinov jarayonlari 25-fevral kuni oʻtkazilishi belgilandi.

➖ Test sinovlari belgilangan quyidagi hududiy manzillarda “test.uzedu.uz” platformasi orqali real vaqt rejimida onlayn oʻtkaziladi.

▶️ Bunda nomzodlarning oʻzi dars beradigan umumtaʼlim fani boʻyicha bilim darajasi baholanadi. Test sinovlari (40 ta) uchun 100 daqiqa vaqt ajratiladi. Har bir toʻgʻri javob uchun 2,5 ball beriladi.

❗️ Test sinovi natijalariga koʻra, maksimal ballning 80 foizi yoki undan yuqori natija koʻrsatgan nomzodlar keyingi bosqichga yoʻl oladi.

✅ Nomzod pedagoglar ushbu havola orqali o‘z JSHSHIR (jismoniy shaxsning shaxsiy identifikasiya raqami)ini kiritib, 1-bosqich sinovi uchun tayyorlangan namunaviy test savollari bilan tanishishi mumkin.

Eslatib o‘tamiz: Maktabgacha va maktab taʻlimi vaziri jamgʻarmasi hisobidan joriy yilda har oylik ustama toʻlanadigan malakali pedagog kadrlarning cheklangan soni (yillik) 1 500 nafar etib belgilangan.

Yakuniy natijalarga koʻra, eng yuqori ball toʻplagan malakali pedagog kadrlarga mehnatga haq toʻlash eng kam miqdorining 5,5 baravari miqdorida har oylik ustama toʻlanadi.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin