#ApplicationTerms
Early Decision • Early Action • Regular Decision farqlari nimada?
Amerikadagi universitetlarga siz Early Action, Early Decision va Regular Decision orqali topshirishingiz mumkin. Bular arizalarni ko'rib chiqish vaqtini anglatadi. Masalan siz universitetga erta ariza topshirsangiz sizga natijalar ertaroq jo'natiladi.
Early Action -
erta va majburiy bo'lmagan qabul. Early Action orqali topshirsangiz, sizni arizangizni ertaroq ko'rib chiqishadi lekin buning uchun siz Early Actioning so'ngi muddatidan kech qolmasligingiz kerak. Aks holda arizangiz Regular Decisionga o'tkazilib yuboriladi va natijalar ham kechroq chiqadi. Early Actionga topshirishning so'ngi kunlari odatda 1-15 Noyabr oralig'ida bo'ladi. Ba'zigi universitetlarda esa bu sana kechroq ham bo'lishi mumkin. Javoblari esa odatda 1-30 Dekabr oralig'ida e'lon qilinadi. Early Action orqali siz biron bir Amerika universitetiga topshirsangiz va qabul qilinsangiz, siz 1-Mayga qadar javobingizni yuborishingiz mumkin bo'ladi yani siz bu universietda o'qishga majbur emassiz.
Early Decision -
erta va majburiy qabul. Agar siz Early Decision orqali biron bir universitetga topshirsangiz va qabul qilinsangiz, siz shu universitetga borishga majbursiz. Boshqa universitetlarga topshirgan arizalaringizni barchasini bekor qilishga majbursiz. Early Decision orqali faqatgina 1ta universitetga topshira olasiz halos. Early Decisionning yaxshi tarafi, sizda universitetga kirish imkoniyati ko'proq bo'ladi. Early Decision orqali faqatgina o'rzuingizdagi universitetga topshirishni mashlat beraman(masalan Yale, Harvard, Duke, Brown, Stanford va boshqalar). Early Decisionga hujjat topshirish muddati odatda Early Action bilan bir xil bo'ladi.
Regular Decision -
odatiy va majburiy bo'lmagan qabul. Juda ham ko'plab talabalar Regular Decision orqali topshirishadi sababi Early Actionga ulgirmay qolgan bo'lishlari mumkin, insholari yoki test natijalari Early Actionga qadar tayyor bo'lmagan bo'lishi mumkin. Regular Decision odatda 1-15 Yanvar oralig'ida tugaydi va natijalar 1-Aprelda e'lon qilinadi. Ertaroq e'lon qilinishi ham mumkin. Regular Decisionga ko'pchilik topshirgani sababli kirish nisbatan qiyinroq bo'lishi mumkin.
Shaxsan o'zim Beloit ga Regular Decision orqali topshirib kirganman va to'liq grantni ham Regular Decision orqali topshirganimda qo'lga kiritganman.
📍
Agar siz Early Action orqali topshirib kirolmasangiz, Regular Decision orqali topshirishingiz mumkin agar universitetda shunday qoida bo'lsa.🌐
https://t.me/aza_sheeyx_blogs
