Alisher Rustamov

Яхши менежер буйруғи бажарилишилишини таъминлаши билан ўлчанмайди. Вазифани тўғри одамга топшириб, ишни битирганлиги билан ўлчанади. Энса қотирадиган ходимларга эса кескин фикр берманг. Ўзингизни, ҳуддики, кўрмагандек тутинг. Ўша пайтдан бошлаб янги ходимларни изланг. Уларни тайёрланг. Энса қотирганларни янги ташаббускор ходимлар сиқиб чиқариб юборишига имконият бериб қўйинг. Одам топмасдан одам ҳайдаманг. Кимнингдир ёнига янги одам қўйганимда у ўзгаришни бошлаган. 10% ходимлар ўзига ташқаридан назар ташлаб, ўрнини ҳимоя қилишни бошлайди. Бу яхши. Конкуренция муҳити пайдо бўлади. “Ўлакса” ходимни аяб ўтирманг, у сизни аямаяпти-ку.

Адашган қадриятларга эга одамлар кўпайиб кетган:
1) Мижоз келганда ўриндан туриш,
2) Қўл кўксида бўлиб табассум билан кутиб олиш,
3) Меҳмонга сув-пув бериш кабилар қадриятларга зид эмуш.

Кимнинг муҳлиси бўлса ўзига. Масалан, мен одамнинг тана тилидан биламан у қанақа ходимлигини. Чўзиб ўтирмайман, лекин асаб ҳам ишлатмайман. Одам ҳайдашдан қўрқманг. Ризқи бори келади. Зўр ходимларни шундай номлаяпман.

@alisher_rustamov

Giorgio Armani компаниясида фақат бўйи баланд ва келишган йигитлар ишлайди, дейишганди 2005-йил. Ўша мезонларга жавоб бермасамда, юқоридаги йилда шу компанияга ишга кирганман.

Брендларда ташаббускорлик ва мақсади борлиги қадрланади. Қолаверса, тўлачадан келган йигит ва қизлар ҳам мен билан ишларди. Дунёнинг турли бурчакларидан келган эдилар. 10/10 киши шу соҳада давом этиб, компаниянинг ўзида катта лавозимга эга бўлди ё конкурент брендда катта одам бўлди.

Бошидан тўғри одамлар танланганди, яъни соҳада ўсмоқчи бўлганлар. Ҳозирги ёшлар ўзи қайси соҳада юксалмоқчилигини аниқ билмайди, лекин бу доим бўлган. 2005-йилда ҳам бўлган, ҳозир ҳам бор. Аниқ мақсади йўқ одам билан ишлаш узоққа бормайди. Билингки, ўз юртингизда бирон нимага эришолмадингизми, демак чет элда ҳам шу нарса давом этади.

Бир кунда бой бўлиб кетиш мумкин, фақат куни келганда. Унгача меҳнат қилиш ўта муҳим. Биздаги ёшлар иш йўқотишдан қўрқмайди, чунки тўйни ота-она пулига қилинади, ўқиш ҳам ўша пулга битади, ишламаса ҳам кармон пулини онаси беради… Бу йигит улғайганида жамиятга қанақа фойда келтиролишини топиш қийин эмас. Нега 168-моддалар кўп? Тез ва осон бойишни истайдиганлар кам эмасде. Фирибгарларнинг ҳам орасида ишини пуҳта қиладигани бой бўлади. Бошқалари эса қамалиб кетади. Ишхонада ҳам шунга ўҳшаш: ташаббускор ва меҳнаткаш одам кам бўлганини кўрмадим.

@alisher_rustamov

Ишонасизми, анча одамларнинг миясида мана бу фалсафа ўрнашган экан: “Кам ишлай, кам топсам ҳам”

Чамаси 70 та ёшлар билан ишлаб кўриб, тажрибамдан ўтказдим.

Ҳудога шукур, мактабимизни ўтганлар ўртача $1,000 кўтаряпти. $1,800 топаётганлари ҳам бор. Бу одамлар ёниб яшайди. Ўзим билан ҳам кофе ичишга 1 соатдан зиёд вақти йўқ ҳозир. Фалсафаси: ҳозир кўп ишлаб, кўп топаман.

@alisher_rustamov

Кийиниш ҳақида кўп тадбиркорларга маслахат бериб келганман. Қиёфалар танлашда ҳам бевосида иштирок этганман.

Қишда кийиладиган 4-5 образни нархлар билан католог шаклида жўнатиб қўяман шу ерда.

@alisher_rustamov

Ходимлар бошқарувида Аниқлик Бешталигини таъсис этинг:

1) Мақсаднинг аниқлиги
2) Йўлнинг аниқлиги
3) Ролларнинг аниқлиги
4) Мукофот ва жазоларнинг аниқлиги
5) Харакатларнинг аниқлиги.

Ҳаммаси ярим вароқ ичига сиғадиган бўлсин.

Тажрибамга кўра, 2 ва 5-пунктларда энг катта хатоликлар учрайди.

P.S.
“Бизнес эгалари учун” деган тренингларнинг 90% арзимаган 40-50 минг сўмлик китоблардан олинган маълумотлардан ташкил топган. Шахсий юксалиш дарслари ва бизнес таълим икки ҳил нарсалардир.

@alisher_rustamov

Кийим бизнеси соҳасида чамаси 11 ёшимдан бери юраман. Бу йўналишга кирмоқчи бўлган тадбиркларга маслаҳатим:
1) Дидингиз бўлмаса, бир кун келиб банкрот бўласиз. Аммо бошида ҳамма каби бир ҳилда маҳсулот олиб келганингиз учун зўр савдо бўлади. Кейинги йил “догоняющий” ўрнига “начинающийдан" чиқасиз. Яна бир йилдан сўнг “Равный” бўласиз. 3 йил ўтди. Ўрганиш давридаги бадал бор. Остатка, деб аталади. Кўзингиз қиймайди унда воз кечишга. Ётади дўконда… Йилдан-йилга ошиб бораверади. Сиз уни йил мобайнида нольга яқин тозалишни мақсад қилишингиз керак, зарари бўлади. Кийим бизнес муваффақияти пул билан эмас, стокда нима ётгани билан ўлчанади
2) Йўналиш танлаш. Ассортимент қанча тор, лекин чуқур бўлса, сиз шунча муваффақиятлироқ бўлишингиз эҳтимоли ошади. Масалан, курткачи бўлинг. Ассортимент матрицаси икки турда бўлади: кенглик ёки чуқурлик. Иккинчисида устунлик бор. Биринчисида риск кўп
3) Мижозлар билан ишлашда биринчи кунданоқ хариди мунтазам бўлиши учун инструментлар яратинг. CRM-miarem бир тийн, чунки сиз у ерга маълумот киргазаверасиз, лекин ҳеч қачон алоқада бўлмайсиз ўшатдаги харидорлар билан. Китоб тутинг, кўнгилга яқин мижозларнинг маълумоти ўша ерда бўлсин. “Химия” яхши бўлган бўлса, шу мижозлар билан телефонлашиб туринг. Менимча, 80% муваффақият шу ишга боғлиқ. Масалан, менга ҳашамдор дўконлардан қўнғироқ қилишади. Ўзимда эҳтиёж бўлмаса, бирон танишга рекомендация қиламан эсимга тушиб.

Фотода кийим соҳасини ағдар-тўнтар қиламиз, дегандик шекили… қанотларни ёйволиб а:)

Ҳозирда Respect Business кийим тормоғининг бошқарув ҳамкоримиз. Аввал Kingsman-да эдик. Ундан ҳам аввал Lonsdale London. Armani, Jimmy Choo, Alfred Dunhill. Ҳар бир брендни кейс қилса бўлади. 19-йил аввалги фикрларим билан ҳозиргиларини солиштирганимда қанчалик ёш бўлганимни англайману, бироқ ўша йўлни босиш зарурлигини ҳам тушунаман. Ҳуллас, кийимчиларга рақобатда қолиб кетмаслик учун яхши-яхши ечимларим бор. Мияни жойига қўйиб, менга бериладиган гонорар, эвазига олинадиган нарсаларнинг қадри, 10 йиллаб бизнесингизга ҳизмат қилишини ўйланг. Шунда тушунасизки, бу яхши сармоя бўлганини.

@alisher_rustamov

⚡️⚡️⚡️Вакансия: кийим дўконида шогирд

Талаблар: масъулиятли, сонларни яхши тушунадиган ва кийим соҳада ишлаган бўлиши керак.

Биз нима берамиз: шогирдлик даврида ҳам маош тўланади. Бир ойдан сўнг бонуслар ҳам берилади. Ўртача 1,5-2 йилда машина сотиб олса бўлади. Плюс мендан шахсан амалиётда тажриба олади.

Иш шахарнинг савдо мажмуаларидан бирида бўлади. Ўрача кунига 9 соат бандлик ва 1 кун дам.

☎️+998979873333 Сарвар ака.