Alisher Anvarov | Kelajak lideri

@alisher_anvarov_farlider

Kanal geosi va tili: O‘zbekiston, O‘zbekcha

Toifa: Yangiliklar va OAV

🇺🇿🇺🇿🇺🇿 O‘zbekiston Yoshlar ittifoqi Farg‘ona viloyati Kengashi raisi.
Muloqot uchun:💎
https://t.me/a_alisherjon_farlider_muloqot
https://www.facebook.com/alisher.anvarov.7

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Yangiliklar va OAV

Statistika

Saralanganlar

Postlar filtri

O‘chirilganlarni yashirish

Repostlarni yashirish

Alisher Anvarov | Kelajak lideri

7 Mar, 10:20

Fargʻonada bank mijozlari bilan uchrashuv: yoshlar uchun yangi imkoniyatlar

🇺🇿 Fargʻona viloyati hokimligi, Iqtisodiyot va moliya bosh boshqarmasi, Markaziy bank Fargʻona viloyati boshqarmasi, Oʻzbekiston yoshlar ittifoqi Fargʻona viloyati Kengashi, Aloqa bank Fargʻona filiali hamda boshqa hamkor tashkilotlar tomonidan Uychi tajribasi asosida bank mijozlari bilan uchrashuv tashkil etildi.

🔺Xabaringiz bor, Prezidentimiz tomonidan imzolagan qarorga muvofiq, Aloqa bank yoshlarni qoʻllab-quvvatlovchi "Yoshlar banki"ga aylantirildi, bu yoʻnalishda 200 million dollar ajratildi.

🔍Oʻzini oʻzi band qilgan yoshlar 100 million soʻmgacha 7 yil muddatga imtiyozli mikroqarz olish imkoniyatiga ega bo‘ldi.
🔍Yakka tartibdagi tadbirkor sifatida kamida 20 yoshni ish bilan ta’minlagan va oʻquv markazi yoki kichik korxona tashkil etgan yosh tadbirkorlarga 5 milliard soʻmgacha kredit ajratiladi.
🔍Bank kreditlarining 30 foizi xotin-qizlar tadbirkorligini rivojlantirishga yoʻnaltiriladi.

🔍Bu tashabbuslar yoshlar uchun ishbilarmonlik muhitini kengaytirish, o‘z biznesini yo‘lga qo‘yish va iqtisodiy mustaqilligini ta’minlashda katta imkoniyat yaratadi!

#farittifoqoilasi #biznes #imkoniyat

Bizning sahifalarimiz:
🕊Telegram |📱Instagram
📱Fecebook | 📺 You tube

22 0 0

Alisher Anvarov | Kelajak lideri

5 Mar, 18:04

Farg'ona Yoshlari | Yoshlar ittifoqi dan repost

01:34

Video oldindan ko‘rish uchun mavjud emas

Telegram'da ko‘rish

Giyohvandlikka qarshi kurash – barchamizning burchimiz!

🔺Giyohvandlik jamiyat va yoshlar kelajagiga tahdid soluvchi jiddiy muammo. Shu sababli, Fargʻona viloyatida eʼlon qilingan giyohvandlikka qarshi kurashish oyligi doirasida Oʻzbekiston yoshlar ittifoqi Fargʻona viloyati Kengashi tomonidan video roliklar chellenji start oldi!

🎤Oʻzbekiston sanʼat va madaniyat instituti Fargʻona mintaqaviy filiali Yoshlar ittifoqi boshlang‘ich tashkiloti tomonidan boshlangan ushbu chellenj yoshlar orasida sog‘lom turmush tarzini targ‘ib qilishga qaratilgan. Talabalar giyohvandlikning zararli oqibatlari haqida videoroliklar tayyorlab, barchani hushyorlikka va ogohlikka chorlamoqda.

✈️Endi esa, Toshkent axborot texnologiyalari universiteti Fargʻona filiali Yoshlar ittifoqi boshlang‘ich tashkiloti ushbu chellenjni davom ettiradi!

#farittifoqoilasi #giyohvandlikka #yoshlar_birgalikda_kurashamiz

Bizning sahifalarimiz:
1️⃣Telegram | 2️⃣ Instagram
3️⃣Facebook | 📺 You tube

51 0 0

Alisher Anvarov | Kelajak lideri

5 Mar, 18:04

Farg'ona Yoshlari | Yoshlar ittifoqi dan repost

Yoshlar bilan ishlash tizimini yangi bosqichga olib chiqishda KIUFdagi imkoniyatlar bilan tanishildi

🇺🇿Oʻzbekiston Yoshlar ittifoqi Fargʻona viloyati Kengashi raisi Alisher Anvarov Koreya Xalqaro Universitetiga (KIUF) tashrif buyurdi.

🔺Tashrif davomida u universitetning Boshlangʻich tashkiloti yetakchisi va koordinatorlari faoliyati bilan tanishib, yoshlar bilan muloqot olib bordi. Shuningdek, tashkilot ishlarini yanada samarali tashkil etish boʻyicha qoʻshimcha topshiriqlar berildi.

⭐️Shundan soʻng, Alisher Anvarov universitetning tashqi ishlar boʻyicha prorektori D. Darmonov bilan uchrashib, Yoshlar ittifoqining oliy taʼlim muassasalari bilan hamkorlikdagi ishlari, yoshlar muammolari va ularni hal etish yoʻnalishida amalga oshirilayotgan loyihalar yuzasidan fikr almashdi.

✈️Tashrif davomida talabalar uchun yangi imkoniyatlar yaratish va Yoshlar ittifoqi bilan hamkorlikni kuchaytirish borasida kelishuvlarga erishildi.

#farittifoqoilasi #kiuf #fargonayoshlari

Bizning sahifalarimiz:
1️⃣Telegram | 2️⃣ Instagram
3️⃣Facebook | 📺 You tube

36 0 0

Alisher Anvarov | Kelajak lideri

5 Mar, 18:04

Farg'ona Yoshlari | Yoshlar ittifoqi dan repost

02:45

Video oldindan ko‘rish uchun mavjud emas

Telegram'da ko‘rish

🇺🇿Fargʻona viloyati hokimligining ishchi guruhi tomonidan Qoraqalpog‘iston Respublikasi Nukus shahrida yoshlar bandligini ta’minlash maqsadida bo‘sh ish o‘rinlari mehnat yarmarkasi bo‘lib o‘tgani haqida xabar bergan edik, ushbu mehnat yarmarkasining tafsilotlari bilan ommaviy axborot vositalari tomonidan tayyorlangan maxsus rolik orqali tanishing.

#farittifoqoilasi #qorqalpoq #oav

Bizning sahifalarimiz:
1️⃣Telegram | 2️⃣ Instagram
3️⃣Facebook | 📺 You tube

38 0 0

Alisher Anvarov | Kelajak lideri

5 Mar, 12:11

"Коррупцияга қарши курашда барчамиз ягона куч бўлиб ҳаракат қилсак, албатта, янада катта ижобий самарага эришамиз.

Шу боис, маҳалла фаоллари, нуронийлар, зиёлилар, ёзувчи ва шоирлар, санъат ва маданият ходимлари, тадбиркорлар, таниқли шахслар, раҳбарлар, депутат ва сенаторлар – умуман бутун жамоатчилик бирлашиб, коррупцияга “жамият танасидаги саратон” сифатида қараши керак.

Бугун сизлар билан бирга белгилаб олинган барча вазифалар айнан ана шундай руҳда ишлаб, аниқ натижага эришишга қаратилган.

Сизлар бу ҳақиқат ва талабни чуқур англаб, уларни амалга оширишда алоҳида жонбозлик кўрсатасиз, барчага намуна бўласиз, деб ишонаман",

- деди Президент Шавкат Мирзиёев сўзининг якунида.

Йиғилишда парламент аъзолари, турли соҳа ва ҳудудлар вакилларининг фикр ва таклифлари, мутасаддиларнинг ҳисоботлари тингланди.

Facebook|Instagram|X

65 0 0 1

Alisher Anvarov | Kelajak lideri

5 Mar, 12:11

“Коррупцияни енгиш учун биринчи навбатда унинг ортиқча ҳашамат ва дабдаба деган “ўқ илдизларини” қуритишимиз шарт.

Энг ачинарлиси, бунга таниқли шахслар бош-қош бўлаяпти, одамлар уларга тенглашаман деб, ўзини “ўтга-чўғга” ураяпти.

Бу борада айрим раҳбарлар ўзининг камтарона турмуш тарзи билан барчага намуна бўлиш ўрнига, бундай сохта қадриятлар асирига айланиб, ноқонуний даромад топишга интилаётгани ҳам бор гап”,

- деди Президент.

Шу боис давлатимиз раҳбари парламент палаталари, маҳаллий кенгашлар, жамоатчилик вакиллари, маҳалла раислари, нуронийларни бу масалага бош-қош бўлиб, аҳоли орасида тушунтириш ишларини кучайтиришга чақирди.

Facebook|Instagram|X

55 0 0

Alisher Anvarov | Kelajak lideri

5 Mar, 12:11

Президентимиз жамоатчилик вакиллари ва нодавлат ташкилотларига мурожаат қилди.

“Коррупцияга қарши кураш – умуммиллий вазифа, ҳар бир ватанпарвар юртдошимизнинг виждон ишидир. Умуман, бу жараёндан ҳеч ким четда турмаслиги керак.

Шу боис, коррупцияга нисбатан муросасиз бўлиш учун янада кўпроқ шароит яратиб, бунга кенг жамоатчиликни жалб қилишимиз зарур. Аввало, нодавлат ташкилотлар фаоллигини ошириш лозим. Бу – энг тўғри йўл”,

- деди давлатимиз раҳбари.

Парламент нодавлат ташкилотлар билан яқин ҳамкорликни йўлга қўйиб, уларнинг имкониятларидан кенг фойдаланиши мақсадга мувофиқ экани таъкидланди.

Масалан, Коррупцияга қарши курашиш бўйича конвенция талабларини мониторинг қилишга нодавлат ташкилотлар жалб қилинса, катта самара беришига ишонч билдирилди.

Ушбу мақсадлар учун янги лойиҳаларни қўллаб-қувватлашга ҳар йили 10 миллиард сўмдан ажратиб борилади.

Facebook|Instagram|X

41 0 0

Alisher Anvarov | Kelajak lideri

5 Mar, 12:11

“Ислоҳотларимиз натижадорлиги аввало, садоқатли, фидойи ва коррупцияга тоқатсиз янги авлодга бевосита боғлиқ. Бу ишда фикри тоза ёш авлодни тарбиялаш устувор вазифага айланиши шарт”,

- деди Президент.

Шу мақсадда мактаб директорлари “Тарбия” фани доирасида ўғил-қизларимизга ҳалоллик, бировни ҳақига хиёнат қилмаслик каби эзгу ғояларни содда тилда тушунтириб бориши кераклиги таъкидланди.

Ректорлар эса талаба ва ёшларнинг коррупцияга қарши лойиҳалари, стартап ва инновацион ташаббусларини қўллаб-қувватлаш тизимини йўлга қўйиши зарур.

Умуман, “коррупция – келажакка таҳдид” деган ғоя асосида Янги Ўзбекистон ёшлари қалбидан жой оладиган тизим яратилса, айни муддао бўлиши таъкидланди.

Facebook|Instagram|X

34 0 0

Alisher Anvarov | Kelajak lideri

5 Mar, 12:11

Ҳозирда қонунчиликда коррупциявий жиноятларнинг аниқ рўйхати йўқлигига эътибор қаратилди.

Парламент тасдиқлаган қонунда асосан жазони кучайтиришни ўзи билан чекланиб қолингани, коррупцияни олдини олиш, одамларимизни бунга тоқатсизлик руҳида тарбиялаш, профилактика механизмларини яратиш, жиноятни фош этишга ёрдам берганларни рағбатлантириш каби масалалар акс этмагани кўрсатиб ўтилди.

Шунинг учун Президент бу қонунни қайта ишлаш учун қайтаришини айтди.

Шу билан бирга жиноий даромадларни легаллаштириш билан боғлиқ жиноятлар учун жавобгарликни ҳам халқаро стандартларга мослаштириш лозимлиги қайд этилди.

Мисол учун, Швейцария, Австрия, Германия, Россия, Озарбайжон қонунчилигида давлат харидлари ва йирик бизнес лойиҳалар параметрларини олдиндан сиздириб (инсайдерлик), даромад олганлик ҳам жиноий даромадларни легаллаштириш, деб баҳоланади.

Facebook|Instagram|X

39 0 0

Alisher Anvarov | Kelajak lideri

5 Mar, 12:11

Давлатимиз раҳбари суд тизимида коррупциявий хавф-хатарларни олдини олиш, одил судлов сифати ва самарадорлигини ошириш доимо диққат марказида бўлиши зарурлигини таъкидлади.

Сўнгги йилларда судлар мустақиллигини таъминлаш бўйича катта ислоҳотлар амалга оширилди. Лекин судьяларни мажлисга чақириш, уларга ваколатига кирмайдиган вазифаларни юклаш ҳолатлари ҳам учраб тургани қайд этилди.

Шунингдек, айрим идоралар томонидан судга таъсир ўтказишга уринишлар ҳали-ҳануз давом этаётгани кўрсатиб ўтилди.

“Барча раҳбарларни қатъий огоҳлантираман. Судлар фаолиятига ҳар қандай аралашиш одил судловга соя солиш, деб баҳоланади. Бу бўйича сўров ҳам, жавобгарлик ҳам қаттиқ бўлади”,

- деди Президент.

Одил судловни амалга оширишда адвокатлар ўрни жуда муҳим. Бу борада адвокатларга ҳимоясидаги фуқарога ўз вақтида ҳуқуқий ёрдам кўрсата олишлари учун имконият яратиш кераклиги қайд этилди.

Мутасаддиларга уч ой ичида сифатли юридик ёрдам кўрсатилишида адвокатлар фаолиятига тўсқинлик қилаётган омилларни бартараф этиш бўйича қонун лойиҳасини киритиш топширилди.

Facebook|Instagram|X

44 0 0

Alisher Anvarov | Kelajak lideri

5 Mar, 10:58

Ҳозирги технологиялар даврида коррупциянинг янги, рақамли кўринишлари пайдо бўлмоқда.

Шу боис янги ўқув йилидан Ички ишлар ва Ҳуқуқни муҳофаза қилиш академияларида бу йўналишда мутахассис тайёрлаш бошланади.

Лекин бундай турдаги жиноятларни аниқлаш ва олдини олишда фақатгина замонавий кадрларни ўзи етарли эмаслиги қайд этилди.

Халқаро тажрибани ўрганиб, киберкоррупцияга қарши самарали курашиш бўйича мустаҳкам ҳуқуқий база яратиш зарурлиги таъкидланди.

Мансабдорлик ва маиший коррупция омилларини таҳлил қилиш, уларни олдини олиш бўйича илмий асосланган таклифлар ишлаб чиқиб, амалиётга жорий қилиш зарурлиги қайд этилди.

Facebook|Instagram|X

49 0 0 1

Alisher Anvarov | Kelajak lideri

5 Mar, 10:58

Яна бир масала – давлат хизматчилари даромадини декларациялашга оид қонунни қабул қилиш вақти-соати келгани таъкидланди. Бу борада жамоатчилик фикри жуда муҳимлиги қайд этилди.

Мутасаддиларга тез фурсатда ушбу қонун лойиҳасини жамоатчилик муҳокамасига қўйиб, 1 апрелгача киритиш топширилди.

Ноқонуний бойлик орттириш учун жавобгарлик масаласини ҳам ўйлаб кўриш зарурлиги таъкидланди.

Қонунчиликка ноқонуний бойлик орттириш ҳақида модда киритиш таклиф қилинди. Яъни, давлат хизматчиси декларация қилган даромадига мос келмайдиган мол-мулкини қаердан олганини исботлаши керак бўлади.

Президентимиз Миллий кенгашни, парламентнинг коррупцияга қарши курашиш қўмиталарини бу борада халқаро андозаларга мос таклифларни ишлаб чиқишга чақирди.

Facebook|Instagram|X

50 0 0 1

Alisher Anvarov | Kelajak lideri

5 Mar, 10:40

“Коррупцияни олдини олиш – давлат хизматига профессионал ва фидойи кадрларни танлаш ҳамда уларни “ҳалоллик вакцинаси” билан эмлашдан бошланади”,

- деди Президент.

Кадрларни ўқитиш, тарбиялаш ва жой-жойига қўйишда Давлат хизматини ривожлантириш агентлиги ва Давлат бошқаруви академиясининг етакчи сифатидаги роли сезилмаётгани қайд этилди.

Кадрларни баҳолашда эски намунадаги “объективка”дан воз кечиб, илғор IT технологиялар асосида ходимнинг малакаси ва салоҳияти, эришган натижаларини баҳолайдиган тизимга ўтилиши белгиланди.

Лавозимга қўйишда ходимнинг қайси олийгоҳни битиргани ёки қаерда ишлагани эмас, қандай билим-тажрибага эгалиги ва кўрсатган натижалари асосий мезон бўлади. Бу борада номзоднинг камчиликлари билан бирга яхши тарафларини ҳам холисона айтиш керак.

Бундан буён маҳаллада одамлар билан ишлаган, уларнинг муаммосини ўз кўзи билан кўриб, ҳал қилган ёшлар орасидан раҳбар кадрлар танлаб олиниши кераклиги таъкидланди.

Ишга қабул қилишни очиқ ва шаффоф ўтказиш, давлат хизматчилари реестрини белгилаш, кадрларни коррупцияга мойиллигини ўрганиш бўйича фармон лойиҳасини киритиш топширилди.

Facebook|Instagram|X

46 0 0 1

Alisher Anvarov | Kelajak lideri

5 Mar, 10:40

Йирик лойиҳаларни юқори даражадаги коррупцияга қарши стандартлардан келиб чиқиб баҳолаш лозимлиги таъкидланди.

Мутасаддиларга бундай инвестиция лойиҳаларида халқаро коррупцияга қарши стандартларни жорий этиш, йирик аукцион шартларини рақобатдошлик экспертизасидан ўтказишни йўлга қўйиш топширилди.

Шунингдек, “Шаффоф қурилиш” платформаси қамрови оширилиши, халқаро ташкилотлар лойиҳаларига ҳам босқичма-босқич жорий қилиниши белгиланди.

Бу ишлар халқаро молия ташкилотлари иштирокидаги қурилишларда субпудратчиларни ёллаш ва 1 миллион долларгача бўлган лойиҳалардан бошланади.

Facebook|Instagram|X

37 0 0

Alisher Anvarov | Kelajak lideri

5 Mar, 10:40

Манфаатлар тўқнашуви, қиммат нархда товар сотиб олиш ёки хизмат кўрсатиш асосан давлат харидларида кузатилаётгани кўрсатиб ўтилди.

Умуман, тўғридан-тўғри сотиб олса бўладиган 50 дан ортиқ товар ва хизмат турлари бор. Лекин бирорта раҳбар буни рўйхатдан чиқарайлик, ҳамма танлов қилиб олсин, нарх арзон бўлади, деган таклифни билдирмади.

Иқтисодиёт ва молия вазирлиги, Ҳисоб палатасига парламентнинг бюджетга масъул қўмиталари билан биргаликда тўғридан-тўғри харидларни 2 карра қисқартириш топширилди. Йил якунигача сунъий интеллект ёрдамида давлат харидларида қонунга зид ҳолатларни аниқлаш ва олдини олиш бўйича электрон тизимни ишга тушириш вазифаси қўйилди.

Шунингдек, бу борада Эксперт комиссияси тузилади. Ушбу комиссия илғор тажриба асосида давлат харидларида товарларнинг ўртача бозор нархлари кўриниб турадиган электрон платформа яратиб, ундаги маълумот янгиланиб турадиган тизим қилади.

Бунда, давлат харидларида сотиб олинадиган товар ва хизматлар нархи ўртача бозор нархидан кўпи билан 20 фоиздан ошмаслиги шарт. Ушбу талабни бузганлик учун қонун билан жавобгарлик ва жарималар жорий қилинади.

Бюджетдан ташқари маблағлар ҳисобига олинаётган товарларни ҳам тартибга солиш вақти келгани таъкидланди. Бюджет ва бюджетдан ташқари маблағ ҳисобидан асосий воситаларни харид қилиш бўйича талаблар кучайтирилиши белгиланди.

Хизмат транспортида юришни кескин қисқартириб, миллий автомобиль ва миллий мебелга ўтиш зарурлиги қайд этилди.

Facebook|Instagram|X

38 0 0 1

Alisher Anvarov | Kelajak lideri

5 Mar, 10:19

“Прокуратура, ички ишлар, солиқ раҳбарлари яхшилаб эшитиб олсин: сектор ишидан озод қилиш бу – эски даврга қайтиб, аҳоли ва тадбиркорларга ҳар қадамда тўсиқ, коррупцияга шароит яратиш, дегани эмас”,

- деди давлатимиз раҳбари.

Туманда жиноятчиликни жиловлашга ҳоким бош бўлиб, барча ишларни мувофиқлаштириши, унинг бу борадаги ўрни ҳеч қаерга йўқолмаслиги кўрсатиб ўтилди.

Ҳар ҳафтада прокурор ва ички ишлар бошлиғи билан ҳудуддаги вазиятни муҳокама қилиб бориши шарт ва зарурлиги қайд этилди.

Бош прокуратура, Ички ишлар, ДХХ академиялари, Юридик ва Жамоат хавфсизлиги университетларига жиноятчиликни олдини олиш бўйича ҳудуд ва соҳалар бириктирилган эди. Лекин улар криминоген вазият мураккаб маҳаллаларга олимларини юбормаётгани, ушбу маҳаллаларни намунали қилишда жонбозлик кўрсатмаётганига эътироз билдирилди.

Миллий кенгаш ҳар чоракда ушбу олийгоҳлар раҳбарларидан ҳам ҳисобот сўраб бориши кераклиги таъкидланди.

Умуман, Сенат камида 1 та ҳудудда жиноятчиликни кескин қисқартириш бўйича, Қонунчилик платаси эса камида 1 та соҳада коррупцияга барҳам бериш бўйича таклифлар бериб бориши бу борадаги ишлар натижадорлигини янада оширишига ишонч билдирилди.

Бундан буён, вазир ва ҳокимлар лавозимга қўйилишидан олдин коррупцияни олдини олиш бўйича аниқ режасини парламент ва маҳаллий кенгашлар олдида ҳимоя қиладиган тизим жорий этиш таклиф қилинди.

Facebook|Instagram|X

49 0 0

Alisher Anvarov | Kelajak lideri

5 Mar, 10:19

Тизимли равишда жиноятчиликка қарши курашиш ҳафталикларини ўтказиб бориш муҳимлиги таъкидланди.

Парламентдаги масъул қўмиталар маҳаллагача тушиб, ҳар бир жиноятнинг келиб чиқиш сабаб ва омилларини аниқлаб, туман, вилоят прокурорлари ва ички ишлар бошлиқларини олдига аниқ вазифа қўйса, бу борада яхши тажриба бўлиши қайд этилди.

Бош прокурор ва ички ишлар вазирига ҳар чоракда Миллий кенгаш олдида, вилоят, туман прокурорлари ва ички ишлар бошлиқлари эса ҳар ойда ҳудудий кенгашларда ҳисобот беради ва жамоатчиликка мурожаат билан чиқади.

“Мурожаат деганда, умумий гаплар керак эмас. Бунда ҳар бир соҳа ва жиноятчилик тури бўйича олдини олиш, омилларини бартараф этиш борасида аниқ қиладиган ишларини айтиши керак”,

- деди Президент.

Миллий кенгаш ҳар ойда туман ва шаҳарга тушиб, ўз йиғилишини бевосита ички ишлар бўлимларида ўтказиши мақсадга мувофиқ экани таъкидланди.

Facebook|Instagram|X

33 0 0

17 ta oxirgi post ko‘rsatilgan.