Алишер Абдухамидов

1952-йилда АҚШда университетлар битирувчилари ўртасида тадқиқот ўтказилди. Уларга оддий савол берилди: "Сизнинг мақсадингиз борми?"

Натижалар ҳайратланарли эди:

Талабаларнинг атиги 3 фоизи ўз мақсадларини ёзиб қолдирган.

14 фоизи ўз олдига мақсад қўйган, лекин уларни ёзмаган.

Қолган 83 фоизи мақсад ҳақида умуман ўйламаган.

Орадан 20 йил ўтиб яна ўша одамлар билан суҳбат ўтказилди. Натижа шуни кўрсатдики, ўз мақсадларини ёзган 3 фоиз талабалар қолган 97 фоиздан кўпроқ даромад олувчи инсонлар бўлиб чиқди.

Муддати билан ёзилган орзу мақсадга айланади. Уни ҳаракат ҳақиқатга айлантиради.

фойдали_молия

https://t.me/alisher_abduhamidov

Она сўзини тинглаш инсонга пайғамбар хирқасини кийдиради.

Увайс Қороний ҳазратлари

https://t.me/alisher_abduhamidov

Орифлардан яна бири шундай деган:

“Қалбда шундай бир жараён фурсати бўладики, мен ўзимга ўзим: “Агар жаннат аҳли мана шундай ҳолда бўлишса улар айшу-ишрат ҳаётида эканлар, деб айтаман”.

https://t.me/alisher_abduhamidov

Кимки ўз нафси-балосию орзу-ҳаваси домига тушиб қолса, у бешак ўзини-ўзи чуқур қаърига ташлагани муқаррар.

Аз-Замахшарий.

https://t.me/alisher_abduhamidov

Албатта Қуръон сизларга дардингиз нимаю, давоингиз нима эканини айтади. Дардингиз - гуноҳларингиз. Давоингиз эса истиғфордир.

Салом ибн Мискин роҳимаҳуллоҳ

https://t.me/alisher_abduhamidov

"Бир киши Хасан Басрий олдида:

"Мен ширинлик емайман, чунки унинг шукрини қоим қила олмасликдан қўрқаман" деди.

Ҳасан Басрий : "Бу аҳмоқ экан, совуқ сув шукрини адо қила олар эканми нима?!" дедилар "

https://t.me/alisher_abduhamidov

Бир киши Абу Ҳазимдан:

«Биз нега ўлимдан қўрқамиз?» - деб сўради.

Жавоб ҳақиқатда тафаккур қилишга чорлайди:

«Чунки сиз, охиратингизни хароб қилиб, дунёингизни обод қилдингиз. Обод бўлган дунёдан хароб бўлган охиратга кўчишдан қўрқасизлар».

https://t.me/alisher_abduhamidov

"Дуода қўлларни юқорига кўтариш бандаликка оид хусусиятдир. Кўзлар осмонга қаратиш ҳикматини Аллоҳнинг ўша тарафда эканлиги билан боғлиқ эканлигига ишонган киши, намозда ва шунга ўхшаш (сажда) вақтида назарини ерга қаратганда Аллоҳнинг Ернинг остида эканлигига ишонган киши кабидир.

Яна у намозда Қиблага юзланиш учун тўғрига ёки ғарбга, ёки ҳаж ибодати учун Маккага юзланган киши Аллоҳнинг ўша тарафда эканлигига ишонган кишига ўхшаб қолади.
Аллоҳ таоло эса бу нарсаларнинг барчасидан покдир. Аллоҳ таоло наздида ҳеч бир тараф бошқа тарафдан янада яқин ёки илми билан қамраб олишга қулайроқ эмас. Махлуқотлар Унга етишиши учун бирор тарафни танлаш қудратига эга эмаслар... Ҳеч бир кишининг зеҳнида тарафларнинг бири ёки бошқаси орқали Унга етишиш фикри келмайди, фақатгина Аллоҳни тўғри танимаган кишигина (бундай адашиши мумкин)"

Имом Мотуридий раҳимаҳуллоҳнинг "Ат-Тавҳид" китобидан

https://t.me/alisher_abduhamidov

Машаққатли замонлар эди. Исломга кирган киши азобланар, "Раббим Аллоҳ" деб баралла айтган одам турли иқтисодий, сиёсий ва ижтимоий қийноқларга дучор бўларди. Мушриклар нима қилиб бўлса ҳам ислом нуфузини пастлатишга ҳаракат қилардилар.

Шундай кунларнинг бирида Ямомалик Аъша номли машъҳур шоир Маккага келди ва Пайғамбаримиз соллаллоҳу алайҳи васалламни излай бошлади. У даврнинг шоирлари хабар тарқатиш ва жамиятни ўзига эргаштириш вазифасини жуда яхши эплашарди. Макка зодагонлари Аъшанинг келганини эшитиб унинг ёнига тўпланишди. Салом-аликдан кейин суҳбат бошланди:

- "Бу ерларга ташрифингиз сабаби нима?" сўради Маккаликлар.

- "Муҳаммаднинг динини тўғри деб билдим. Исломга кирмоқчиман" деди Аъша.

- "Ундай қилманг. У зинони ҳаром дейди" дейишди.

- "Менинг ёшим ўтиб қолган. Зино билан ишим йўқ" деди.

- "У хамр (маст қилувчи ичимликлар) дан ҳам қайтаради" дейишди.

- "Маст қилувчи ичимликлар ақлни кетказувчи ва эркакни хору залил қилувчи нарсаку" деди у.

Бу гаплари фойда бермаётганини тушуниб етган Маккаликлар бошқача таклиф билан чиқдилар:

- "Агар бу динга кирмасдан ортга қайтсангиз сизга юзта туя берамиз" ...

- "Юзта туя?!" Аъша бу таклифни ўйлай бошлади. Чунки бу жуда катта мол эди. Бироз ўйлаб, сўнг:

- "Юзта туяга розиман, майли" деб қайтишга рози бўлди. Унга юзта туя йиғиб беришди. У туяларни ҳайдаб ўз шаҳрига қайтди.

Йўл юриб ўз юртига яқинлашганда тўсатдан миниб кетаётган туяси тепиниб кетди. Аъша туя устидан йиқилди ва бўйни синиб ўша ернинг ўзида ўлди.

https://t.me/alisher_abduhamidov

Холид ибн Сафвонга дейилди:

“Қайси дўстингиз сизга суюклироқ?”.

У зот: “Камчиликларимни тўсиб, ёпадиган, айбларимни кечирадиган ва менинг хатоларимни қабул қиладиганидир”, деди.

https://t.me/alisher_abduhamidov

Сўрадилар:
- Тавҳид недир?
- Борлиқ асарини тарк этмоқ, тажридни (Ҳақни ягона деб билишни) илгари тутмоқдир.

Тасаввуф – Ҳақ таолога мутеъ ва мунқад (бўйсунувчан) бўлмоқдир.

Ихлос – жамики ибодат ва тоатлар учун икки жаҳонда ҳам бадал истамасликдир.

Шайх Фаридуддин Аттор ҳазратларининг
"Тазкират ул-авлиё" асаридан.

https://t.me/alisher_abduhamidov

Довуди Тойи ҳазратлари айтар:

«Йигирма йил шогирдлик қилиб, Абу Ҳанифанинг ҳузурларида бўлдим, шу муддат давомида, хоҳ хилватда, гоҳ ошкора бўлсин, бирор марта бошяланг ўтирганларини ва бирор марта истироҳат учун оёқ узатганларини кўрмадим. Бир куни (хилватда): “Эй диннинг имоми! Хилват ҳолида оёғингизни узатиб ором олсангиз, не бўлур?” – дедим.

Айтди: “Хилватда адаб сақламоқ Аллоҳ таъоло учун мақбулроқдир”.

Айтдиларки: «Гоҳида ўзига мушкул бўлган бирор масалани ечиш учун қирқ марта Қуръони каримни хатм қилар эди, шунда ҳар қандай масала у зотга кашф бўлар эди».

Яҳё ибн Муъоз Розий айтдилар:

«Тушимда Ҳазрати Пайғамбар соллаллоҳу алайҳи ва салламни кўрдим. «Сизни қаердан талаб қилайин?» – деб сўрадим. «Мени Абу Ҳанифанинг илми бўлган жойдан қидир!» – деб жавоб бердилар.

“Ҳикмат хазинаси” китобидан.

https://t.me/alisher_abduhamidov

Хатоларни тўғирлашни ўзидан бошлаган одам фазилатга эришади.

Имом Ҳасан ал-Басрий

https://t.me/alisher_abduhamidov

Ҳар кимнинг қадри хулқининг чиройи миқдоричадир.

Ҳазрати Али розиаллоҳу анҳу

https://t.me/alisher_abduhamidov

Абдуллоҳ ибн Муборак айтадилар:

"Ким одобларга эътиборсиз бўлса суннатлардан маҳрумлик билан жазоланади. Суннатга эътиборсиз эса фарзлардан маҳрум қилинади. Фарзга бэъэтибор киши эса Аллоҳни танишдан маҳрумдир"

https://t.me/alisher_abduhamidov

“(Эй Муҳаммад) Ўз жонларига (гуноҳ билан) зулм қилган бандаларимга айтинг: “Аллоҳнинг раҳматидан ноумид бўлмангиз! Албатта, Аллоҳ барча гуноҳларни мағфират қилур. Албатта, Унинг ўзи Мағфиратли ва Раҳмлидир”.

(Зумар сураси, 53-оят).

https://t.me/alisher_abduhamidov

“Суйган нарсаларингиздан эҳсон қилмагунингизгача сира яхшиликка (жаннатга) эриша олмайсизлар. Ниманики эҳсон қилсангиз, албатта, Аллоҳ уни билувчидир”.

(Оли Имрон сураси, 92-оят).

https://t.me/alisher_abduhamidov