Ayyubxon Fargʻoniy | 0.1x engineer

Stol tennisda turnirlarni boshlab yubordik.

Ertaga 14:00 da birinchi reyting uchun turnirimiz boshlanadi. Hammani taklif qilaman.
Bu ajoyib networking bo’ladi :)

Link: https://t.me/pingpong_dev/15

#pingpong

@JoshDeveloper

Kimligingizni bilmoqchimisiz?
- Xarajatlaringizga boqing.

2005-yil bir olis tumanga to’yga bordik. Sevinch Mo’minova kelgan - rosa qimmatga, aniq eslay olmayman - aytaylik hozirgi $10,000.

Soat 2. O’yin-kulgu, bo’kkuncha yeyish va qittak-qittak oxiriga yetgan. Hamma uxlashga ketdi, qornim og’rib qoldi. Uy yaqinida hojatxona yo’q. Hovlining boshqa bir burchagida, qo’yxona ichida pahsali xonaga bordik. Kesak olib kir deyishdi…

Xullas o’zingizga qilgan eng yaxshi xarajat - bu hayotingiz sifatini oshirish uchun qilingan xarajat. Maqtanish uchun yoki kayfu-safo uchun qilingan xarajat emas.

1. Ta’lim
2. Sog’lom hayot tarzi
3. Bo’sh vaqtingizni oshirish

uchun qilingan har qanday xarajat aslida xarajat emas balki o’zingizga bo’lgan investitsiyadir.

Ta’lim > To’y

O'qishni bitirib, eng birinchi ishimga qabul qilinganimga 7 yil bo'libdi. Bu orada 2 yil magistraturada o'qiganim va boshqa uzilishlarni hisobga olsam, 5 yilga yetmagan professional tajribam bor ekan. Shu 5 yillik tajribam mobaynida juda ko'p dasturchilar bilan birga ishladim, muloqot qildim, ko'pchilikdan muhim bilimlarni o'rgandim. Ular ichida "junior"dan tortib, "principal" dasturchilargacha bor.

Shu injenerlarning ishlarini kuzatish orqali va tajribam o'sib borgan sari ZO'R dasturchining YAXSHI dasturchidan farqini tushunib yetyapman. Ularning farqlarini birma-bir sanab o'tirmoqchi emasman, lekin zo'r dasturchilarning aksariyatida bir sifat bor: "Engineering Excellence". O'zbek tilida aytganda – "Muhandislik Kamoloti".

"Engineering Excellence" bu – dasturchilikning har bir qismida eng yaxshi standard/amaliyotlarni qo'llashga harakat qilishdir:
 • Dastur yaratishda;
• Dasturni sinovdan o'tkazishda;
• Boshqalar bilan muloqot qilishda va birga ishlash mobaynida;
• Muammolarga yechim topishda;
• Jamoani boshqarishda va hokazo.

Masalan, dasturning bir kichik (tahminan 2-3 hafta vaqt oladigan) qismini 2 xil dasturchiga topshirildi.
• Yaxshi dasturchi berilgan muammoga zo'r yechim topadi, uni sifatli va vaqtida tugatib, topshiradi.
• Zo'r dasturchi muammoga bir nechta yechimlar o'ylab, hammasining prototipini tezda qilib ko'radi, ularni bir hujjatga yozib, boshqalarga ko'rsatib, muhokama qiladi. Kelib chiqishi mumkin bo'lgan risklarni tahlil qiladi. Yechimlar ichidan eng yaxshisini tanlab, sifatli hamda vaqtida tugatadi.

--------

Engineering Excellence'ni o'rganishga ozroq tajriba kerak, lekin u shunchaki tajriba oshgani sari o'zlashtirib olinadigan narsa emas. Junior bo'lib turib ham hozirdanoq uni qo'llashni boshlash mumkin. Yoki aksincha, senior bo'lib turib ham unga amal qilmaslik mumkin. Uni o'rganish uchun xohish va qunt kerak.

Keyingi postlarimda Engineering Excellence'ga oid ma'lumotlarni va shaxsiy tajribalarimdan misollarni ulashib bormoqchiman. Qiziq bo'lsa, kuzatib boring.

PS: O'zimni hali zo'r dasturchi, deb hisoblamayman.

#engineeringexcellence

@muhammadjohns