Yurist_Abduvaliyev⚖️

Endi ishlovchi pensionerlar oylik yoki pensiyadan faqat bittasini oladimi?

❌ Hammasi asossiz gaplar. Hech qanday qonun loyihasi chiqqan yo’q. Ishlovchi pensionerlar pensiyani ham, oylikni ham 100% olishmoqda!

Avval “Ishlovchi pensionerlarga pensiya to‘lash tartibi to‘g‘risida”gi Nizomga ko’ra, faqat ayrim toifadagi ishlovchi pensionerlargagina pensiyalar to‘liq miqdorda (100 foiz) to‘lanar edi. Masalan, Ikkinchi jahon urushi nogironlariga, qatnashchilariga va ularga tenglashtirilgan shaxslarga, I va II guruh nogironlari, fuqarolar yig‘inlari va mahallalarning raislariga va boshqalarga

❗️ Qolgan barcha ishlovchi pensionerlarga ularga tayinlangan pensiyaning 50 foiz miqdorida pensiyalar to‘lanar edi. Lekin mazkur hujjat 06.08.2019 yili o’z kuchini yo’qotgan! Hozirda barcha ishlovchi pensionerlarga ularga tayinlangan pensiyaning 100 foiz miqdorida pensiyalar to’lanmoqda!

Ko’pchilik Oʼzbekiston Respublikasi Iqtisodiyot va moliya vazirligi, Soliq qoʼmitasi va Markaziy banki Boshqaruvining “Ish beruvchilar tomonidan fuqarolarning shaxsiy jamgʼarib boriladigan pensiya hisobvaraqlariga majburiy jamgʼarib boriladigan pensiya badallarini hisoblash va toʼlash tartibi toʼgʼrisidagi nizomni tasdiqlash haqida”gi qarori loyihasiga chalg’imoqda

⚠️ E’tibor bering, bu qaror loyihasi shaxsiy jamgʼarib boriladigan pensiya hisobvaraqlariga majburiy jamgʼarib boriladigan pensiya badallarini hisoblash va toʼlash tartibiga taalluqli! Ya’ni davlat pensiyalarini tayinlash va to’lashga aloqasi yo’q.

❗️“Fuqarolarning davlat pensiya ta’minoti to‘g‘risida”gi Qonun O‘zbekiston Respublikasi fuqarolarining qariganda, mehnat qobiliyatini to‘liq yoki qisman yo‘qotganda, boquvchisiz qolganda ijtimoiy ta’minlanishdan iborat konstitutsiyaviy huquqlarini ro‘yobga chiqarish, davlat pensiyalarining yagona tizimini, ularni tayinlash, hisoblab chiqarish, qayta hisoblash va to‘lash tartibini belgilaydi.

❗️“Fuqarolarning jamg‘arib boriladigan pensiya ta’minoti to‘g‘risida”Qonunning maqsadi esa maqsadi fuqarolarning jamg‘arib boriladigan pensiya ta’minoti sohasidagi munosabatlarni tartibga solishdan iborat.

O‘zbekiston Respublikasi Konstitutsiyasi 42-moddasiga ko’ra, har kim munosib mehnat qilish, kasb va faoliyat turini erkin tanlash, xavfsizlik va gigiyena talablariga javob beradigan qulay mehnat sharoitlarida ishlash, mehnati uchun hech qanday kamsitishlarsiz hamda mehnatga haq to‘lashning belgilangan eng kam miqdoridan kam bo‘lmagan tarzda adolatli haq olish, shuningdek ishsizlikdan qonunda belgilangan tartibda himoyalanish huquqiga ega.

Konstitutsiyaning 46-moddasiga ko’ra, har kim qariganda, mehnat qobiliyatini yo‘qotganda, ishsizlikda, shuningdek boquvchisini yo‘qotganda va qonunda nazarda tutilgan boshqa hollarda ijtimoiy ta’minot huquqiga ega.

Demak, hurmatli pensionerlar, gazini bosib ishlayveringlar! Pensiyani ham, oylikni ham 100% olasizlar! Bizlarni ham pensiya yoshiga yetkazsin🤲

👉@advokat_yurist_maslaxati