Adolat SDP | Rasmiy kanal

#депутат_муносабати

Ўзбекистон-Малайзия шериклигини инновацион ривожлантириш икки минтақа тараққиётига ҳам хизмат қилади
 

Давлатимиз раҳбарининг жорий йил 4-5 февраль кунлари Малайзияга қилган расмий ташрифи ҳамда ташриф доирасида эришилган келишувлар яқин келажакда икки мамлакат ўртасидаги ҳамкорлик алоқаларини барча босқичда янги марраларга олиб чиқишга хизмат қилиши билан янада аҳамиятлидир.

Батафсил

Adolat.uz | Facebook | Telegram | Instagram |Twitter  | YouTube

#Адолат_30_ёшда
#Андижон_вилоят_Кенгаши

ТАНЛАГАН ЙЎЛИМИЗ ИСТИҚБОЛЛИ

Ўзбекистон "Адолат" СДП Пахтаобод туман Кенгашининг фаолият йўлига назар ташласак пахтаободлик партиядошларимизнинг фаоллиги ва олдимизга қўйилган вазифаларни бажаришда ташаббускорликни кўриш мумкин.

Бунда туман Кенгашига етакчилик қилган фаолларнинг алоҳида ҳиссаси бор. Жумладан, 2002-2015 йилларда  туман кенгашига раҳбарлик қилган Замирахон Кимсанова бугун ҳам сафимизда.

Партиямиз ташкил  топганининг 30 йиллиги муносабати билан фахрий партиядошимизнинг  пахтаободлик сафдошларимиз билан учрашувида юқоридагилар эътироф этилди. Тадбирда сўз олган З.Кимсанова  шундай деди:

—Бугун мен бир нарсадан хурсандман. Яқин йилларда ҳам айрим фуқаролар сиёсий партияларга кўп ҳам эътибор бермасди. Баъзилар ишонч кўзи билан қарамагани ҳам бор гап. Бугун бутунлай бошқача. Жамиятимизда амалга оширилаётган ишларда сиёсий партиялар фаол. Фуқароларнинг сиёсий маданияти ҳам ўсган. Партиямизнинг Сайловолди дастурида белгиланган вазифалар танлаган йўлимиз ривожланиш йўли эканлигини кўрсатади. Бу сафда бориш биз учун шараф. Мен “Адолат” СДПдан йиллар давомида катта куч, мотивация олдим. Партия ғояларидан руҳланиб иш фаолиятим давомида адолат учун курашишни, саховатни ва инсонийликни ўргандим.

Фахрий партиядошимизга ҳавас қилган 10 нафар ёшлар шу куни сафимизга қўшилди.

Adolat.uz | Facebook | Telegram | Instagram |Twitter  | YouTube

#депутат_муносабати

Ўзбекистон ва Малайзия ўртасидаги дўстлик ва шериклик муносабатлари ривожида парламентлараро мулоқотнининг ўрни муҳим
 

Эндиликда, туризм, соғлиқни сақлаш, спорт соҳаларида ҳамкорлик янада чуқурлаштирилиб, маданий алоқалар мустаҳкамланати, таълим ва академик алмашинувлар эса кенгайтирилади. Мунтазам ўтказилаётган қўшма конференциялар, симпозиумлар, кўргазмалар, сайёҳлик ярмаркалари, маданият ва кино кунлари, концерт ва фестиваллар сон ва сифат жиҳатидан янги босқичга олиб чиқилади.

Батафсил

Adolat.uz | Facebook | Telegram | Instagram |Twitter  | YouTube

#Андижон_вилоят_Кенгаши

"БИНОКОР"ЛИКЛАР ХАЛҚ ВАКИЛИДАН ХУРСАНД

Давлатимиз раҳбарининг топшириғига асосан бугун аҳоли бандлигини таъминлаш, даромадини ошириш ва камбағалликдан чиқариш долзарб вазифалардан бирига айланди. Бу ҳаракатда партия фаоллари ва маҳаллий Кенгаш депутатлари ҳам фаол иштирок этаётгани эътиборли.

Халқ депутатлари Андижон вилоят Кенгаши депутати Мадаминжон Мадазимов шу мақсадда Андижон шаҳридаги "Бинокор" МФЙда бўлди. Ўрганиш жараёнида аҳолининг иш билан бандлигига эътибор қаратилди.

2024 йилда МФЙда 128 та фуқаронинг ишсизлиги кузатилган. Орадан ўтган вақт давомида уларнинг сони 70 тага камайди. Шундан 20 нафари имконияти чекланган фуқаролар. 4 нафари якка ёлғиз.

- Имкон қадар ҳар бир оилага кириб боряпмиз. Фуқаролар ўзларига муносиб иш билан таъминланмоқда. Мақсад уларни камбағалликдан чиқариш, - дейди депутат

Депутат ўз ўрнида ижтимоий кўмакка муҳтож оилаларга моддий ёрдам кўрсатяпти.

Adolat.uz | Facebook | Telegram | Instagram |Twitter  | YouTube

#Қорақалпоғистон_Республикаси_Кенгаши

ДЕПУТАТ САЙЛОВЧИЛАР БИЛАН УЧРАШДИ

Бугун 22-сонли "Бўз овул" сайлов округидан халқ депутатлари Нукус шаҳар Кенгаши депутатлигига сайланган Ажинияз Пахратдинов ҳудуддаги «Телеорай» маҳалла фуқаролар йиғинида бўлиб, фуқаролар билан учрашди.

Қабул давомида фуқаролар томонидан бандлик, турар жой билан таъминлаш, моддий ёрдам олиш, коммунал соҳалари бўйича мурожаатлар йўлланди. Ўрганилган мурожаатларнинг тўрттасига депутат томонидан ҳуқуқий маслаҳатлар берилди.

Бошқа мурожаатлар эса масъул ташкилотлар раҳбарларига мурожаат этиш йўли билан ечим топилиши келишиб олинди.

Учрашув якунида депутат “маҳалла еттилиги” аъзолари билан суҳбатлашиб, уларнинг фаолияти билан ҳам танишди.

Adolat.uz |Facebook |Telegram | Instagram | Twitter  |YouTube

#Фарғона_вилоят_Кенгаши

Депутатлар маҳаллаларда сайловчилар муаммоларини ўрганди         

Халқ депутатлари Фарғона вилоят Кенгаши депутати Шахноза Ғаниева ўз сайлов округи ҳудудидаги Ибн Сино номли  маҳалла фуқаролар йиғини биносида шаҳар Кенгаши депутати Бунёд Ахмадалиев ҳамроҳлигида “Маҳалла еттилиги” вакиллари билан учрашди. Учрашувда ҳудуддаги ўз ечимини кутаётган масалалар муҳокама қилиниб, ўзаро ҳамкорликни йўлга қўйиш масалалари келишиб олинди.

Соҳада белгиланган вазифаларни самарали амалга оширишда халқ депутатлари маҳаллий Кенгашлари депутатлари ва “Маҳалла еттилиги”нинг ўзаро ҳамкорлигини йўлга қўйиш долзарб аҳамият касб этмоқда. Депутатлар томонидан 10 нафардан зиёд фуқароларнинг уй-жой коммунал, пенсия ва нафақа таъминоти ҳамда бошқа соҳадаги мурожаатлари эшитилди.

Депутатлар томонидан фуқароларнинг мурожаатлари юзасидан 6 нафарига ҳуқуқий маслаҳатлар берилди. Қолган масалалар юзасидан мутасадди идораларнинг раҳбарларига  “Депутат сўров”лари чиқарилиши белгилаб олинди.

Adolat.uz | Facebook | Telegram | Instagram |  Twitter  |  YouTube

#Хоразм_вилоят_Кенгаши

Мурожаатлар ижобий ечим топмоқда

Халқ депутатлари Хоразм вилоят Кенгаши депутати Дилдора Исмоилова  Қўшкўпир туманидаги  "Баҳористон" маҳалласида яшовчи сайловчилари билан учрашиб, уларни ўйлантириб келаётган муаммоларини ўрганди.

Депутат даставвал  маҳалла фаолияти билан танишди, жумладан, маҳалла таркибида 703 та хонадон, 996 та оила,  ногиронлиги бўлган фуқаролар 79 нафарни,  ишсизлар сони 50 нафар, шундан 40 нафарини аёллар ташкил қилади.

Сайловчилар билан суҳбатлашилганда, маҳалла драйвери деҳқончилик ва чорвачилик эканлиги аммо аҳолининг қишлоқ хўжалик маҳсулотларини етиштиришда суғориш учун оқар сув етишмовчилиги муаммосидан қийинчилик ва муаммоларга дуч келинаётгани аҳоли томонидан баён этилди.

Шунингдек, Ойбек кўчасининг йўли таъмирталаб аҳволга келиб қолгани боис, аҳоли ва йўловчилар ёмғирли кунларда азият чекишаётгани тўғрисида эътирозлар бўлди. 

Соҳиба Саидованинг боқувчиси йўқлиги, қарамоғида 2 нафар фарзанди борлиги битта фарзанди туғма ногирон экани лекин доимий яшаш жойи  ва доимий иш жойи йўқлиги, ажримдан олдин ва кейин алимент учун суд ижроси таъминланмаганлиги, ижтимоий аҳволи қониқарсизлиги аммо “аёллар” ёки  “темир” дафтарга киритилмаганлиги тўғрисида баён этиб, амалий ёрдам сўради.

Юлдуз Бобожонованинг тикувчилик қилиши учун тикув машинаси, Ҳолида Давлетованинг боқувчиси йўқлиги ва қарамоғида туғма касалманд  фарзанди борлиги сабабли қулай бўлган  ишга жойлаштириш, Оқилжон Ражабованинг 3-гуруҳ ногирон фарзанди  Иноят Қаҳҳоровани ногиронлик гуруҳини қайта кўриб беришларини сўраб қилган мурожаатлари депутат томонидан эътиборга олинди ва ечимини топиш чоралари оғзаки ва депутатлик сўровлари орқали  бошлаб юборилди.

Бир сўз билан айтганда,  депутатнинг бу каби саъй ҳаракатлари  сайловчиларнинг ўз ҳаётидан рози бўлиб яшашлари учун хизмат қилади.

Adolat.uz |Facebook | Telegram | Instagram |  Twitter  | YouTube

#Тошкент_вилоят_Кенгаши

Миллий қадриятларимиз – миллатимиз ғурури

Миллий қадриятлар — ҳар бир халқнинг маданияти, анъаналари ва тарихи билан боғлиқ бўлган муҳим элементлардир. Улар халқимизнинг ўзлигини, миллий руҳини ва умумий маънавий асосини ташкил этади. Бугунги кунда, миллий қадриятларимизни тарғиб қилишда жамоат ташкилотларининг роли катта аҳамиятга эга.

ННТлар, жумладан, ижтимоий ташкилотлар, маданий марказлар ва жамоатчилик ассоциациялари мамлакатимиздаги миллий қадриятларни сақлаш ва ривожлантиришда фаол иштирок этмоқдалар. Уларнинг асосий мақсади — халқимизнинг маданий меросини, анъаналарини ва қадриятларини ёш авлодга етказиш, шунингдек, жамиятдаги ижтимоий муаммоларни ҳал қилишдир.

Тошкент вилояти ҳокимлиги ҳузуридаги фуқароларнинг ўзини ўзи бошқариш органлари ходимларининг малакасини ошириш ўқув курсида Ўзбекистон “Адолат” СДП Тошкент вилояти Кенгаши ташаббуси билан “Миллий қадриятларимизни тарғиб қилишда жамоат ташкилотларининг роли” мавзусида давра суҳбати ташкил қилинди. Унда фуқароларнинг ўзини ўзи бошқариш органлари ходимлари ҳамда партия фаоллари қатнашди. Тадбирда сўзга чиққан “Адолат” СДП Тошкент вилояти Кенгаши раиси, халқ депутатлари вилоят Кенгаши депутати Гулнора Аҳмедова, миллий қадриятларни сақлаш ва ривожлантиришда жамоат ташкилотларининг алоҳида ўрни борлигини таъкидлади.

Шунингдек, маҳаллаларда аҳоли ўртасида ташкил этилган тадбирлар, семинарлар ва тренингларнинг аҳамияти катта бўлиб, бу орқали ёшлар ва жамиятнинг бошқа қатламларига миллий қадриятларимиз, анъаналаримиз ва маданий меросимиз ҳақида кенг маълумот бериш мумкинлигини билдирди.

Тадбирда, шунингдек, миллий қадриятларни ёшларга етказиш учун замонавий технологиялардан фойдаланиш, интернет платформаларида миллий қадриятларни тарғиб қилиш, ижтимоий тармоқларда жамоатчиликни хабардор қилиш каби таклифлар ҳам билдирилди.

Давра суҳбати якунида, иштирокчилар миллий қадриятларни тарғиб қилишда жамоат ташкилотлари билан ҳамкорлик қилиш, ижтимоий лойиҳаларни амалга ошириш ва маҳаллада миллий қадриятларни сақлашга қаратилган тадбирларни ташкил этиш бўйича келишиб олдилар.

Adolat.uz |Facebook | Telegram | Instagram |Twitter  | YouTube