Adolat SDP | Rasmiy kanal

Сўнги йилларда мамлакатимизда Президентимизнинг шахсан ташаббуслари билан “Учинчи ренессанс” пойдеворини қўйиш йўлида чуқур амалий ислоҳотлар олиб бориляпти. Ушбу мақсадларга эришишнинг бирдан бир йўли сифатида  таълим соҳасини ислоҳ қилиш ва уни янги босқичга олиб чиқиш борасида Давлат дастурида ҳам  бир қатор вазифалар назарда тутилмоқда.

“Ўзбекистон–2030” стратегиясининг доирасида “Атроф-муҳитни асраш ва “яшил иқтисодиёт” йилида амалга оширишга оид давлат дастури” амалий чора-тадбирлар режасининг биринчи йўналиш ҳар бир инсонга ўз салоҳиятини рўёбга чиқариши учун муносиб шароитларни яратиш сифатида белгиланган. Унда мактабгача таълим тизимини янги босқичга олиб чиқиш ҳамда болаларнинг тўлиқ қамровини таъминлашга алоҳида эътибор қаратилган.

Яхши хабардорсиз, 2025 йилга мўлжалланган Давлат дастури лойиҳаси бугунги куннинг энг муҳим мавзуларидан бирига айланди. Кенг жамоатчилик томонидан муҳокама қилиниб, аҳолининг конструктив таклифлар билдириб, жараёнда фаол иштирок этаётгани  уни янада такомиллаштиришда катта аҳамият касб этмоқда. Ҳужжат мазмун-моҳиятига кўра, мамлакатимизнинг барқарор ривожланиши учун муҳим вазифалар аниқ белгилаб берилган. 

Олий Мажлис Қонунчилик палатасининг мажлисида донорлик ҳаракатини қўллаб-қувватлаш тизимини такомиллаштиришга қаратилган қонун лойиҳаси иккинчи ўқишда муҳокама қилинди.

Олий Мажлис Қонунчилик палатасидаги “Адолат” СДП фракцияси депутати сўнгги кунларда ижтимoий тармоқларда тарқалиб, аҳоли орасида турли муҳокамаларга сабаб бўлаётган ҳолат — Тошкент шаҳрида иситма билан мурожаат қилган чақалоққа нотўғри муолажа қўлланилиши оқибатида қўлида гангрена ривожланиб, кесиб ташланганлиги юзасидан Соғлиқни сақлаш вазирлигига депутатлик сўрови юборилди.

Маълум бўлишича, юқоридаги ҳолат пойтахтда жойлашган 1-сонли шаҳар клиник шифохонасида рўй берган. Боз устига яқинда ижтимоий тармоқларда шунга ўхшаш вазият, яъни Фарғона вилоятида чап оёғи кесилиши керак бўлган беморнинг ўнг оёғи кесиб ташланганлиги юзасидан ҳам хабарлар тарқалган эди.

Агар тиббий хизмат кўрсатиш жараёнида шу каби хатоликлар тез-тез кузатилиб, инсон ҳаёти ва саломатлигига жиддий зарар етказилаётган бўлса, бу тизимдаги назоратнинг заифлиги ва масъул шахсларнинг ўз вазифаларига бефарқлигидан далолат беради. Бундай вазиятларда масъул шахсларни аниқлаш, уларни жавобгарликка тортиш ва келажакда бундай ўта аянчли ҳолатларнинг олдини олиш бўйича қатъий чоралар кўриш зарур.

“Атроф-муҳитни асраш ва "яшил" иқтисодиёт йили”да мамлакат ривожланишининг устувор ёндашувлари сифатида маҳаллаларнинг экологик қиёфасини яхшилаш, кўчаларда яшиллик даражасини ошириш, аҳолининг саломатлигини яхшилаш, экологик турмуш тарзини шакллантириш, экологик барқарорликни таъминлаш, ўсимлик ва ҳайвонот дунёсини асраш ва кўпайтириш каби йўналишларда "яшил" иқтисодиёт тамойилларини кенг жорий қилиш, иқтисодиётни иқлим ўзгаришига мослаштириш, иқтисодиёт тармоқлари ва ижтимоий соҳада замонавий энерготежамкор технологияларни кенг қўллаш масалалари устувор сифатида белгиланган.

Олий Мажлис Қонунчилик палатасидаги “Адолат” СДП фракцияси йиғилишида донорлик ҳаракатини қўллаб-қувватлаш тизимини такомиллаштиришга қаратилган қонун лойиҳаси иккинчи ўқишда кўриб чиқилди.

Сўнгги йилларда Янги Ўзбекистонни барпо этишнинг муҳим шарти ҳисобланган самарали фаолият юритувчи бошқарув тизимини шакллантириш бўйича кенг кўламли маъмурий ислоҳотлар амалга оширилди. Хусусан, маҳаллий ҳокимликларнинг моддий-техник таъминоти ва уларнинг ходимлари меҳнатига ҳақ тўлаш тизими қайта кўриб чиқилиб, маҳаллий бюджетларни шакллантириш ва уларни бошқариш бўйича маҳаллий органларнинг мустақиллигини амалда таъминлашга эришилди.

Қолаверса, давлат функцияларини амалга оширишда хусусий сектор ҳамда фуқаролик жамияти институтларини жалб қилиш бўйича жорий этилаётган ислоҳотлар давлат ҳокимияти ва бошқаруви органлари фаолияти натижадорлигини таъминлашда муҳим аҳамият касб этмоқда.

Жорий йилдаги давлат ва жамиятни янада ривожлантириш бўйича тайёрланаётган бош ҳужжат, энг аввало, инсон учун, унинг ҳуқуқ ва манфаатлари ҳимоясига йўналтирилганлигини эътироф этиш лозим. Таъкидлаш жоизки, атроф-муҳитни асраш, “яшил иқтисодиёт”ни ривожлантириш, биринчи навбатда, инсонни асраш ва унга қулай шароит яратишни англатади.

Дастур лойиҳасида партиямиз электорати манфаатлари ҳимоясига хизмат қиладиган вазифалар белгиланаётганлиги бизни қувонтирди, десам хато қилмайман. Хусусан, таълим ва соғлиқни сақлаш соҳалари учун ажратилиши кўзда тутилган маблағлар замирида бепул ва юқори сифатли таълимни таъминлаш, ўқитувчилар ва шифокорларни моддий томонлама қўллаб-қувватлаш ҳамда касбий ривожланиши учун етарли шарт-шароит яратиш белгиланган.

Миллий спорт турларини ривожлантиришда партиямиз қуйидаги мақсадларни амалга ошириш ғояларини илгари суради:

1. Халқаро майдонда оммалаштириш:
Белбоғли курашни Олимпия спорт турлари қаторига қўшиш учун зарур ташаббусларни илгари суриш. 

2. Турнирлар ташкил этиш:
Йирик халқаро мусобақалар – “Олтин белбоғ” турнирини ҳар йили анъанавий тарзда ўтказиш. 

3. Рақамли тарғибот:
Белбоғли кураш бўйича махсус онлайн платформалар ва мультимедиа контентини яратиш. 

4. Ёшлар билан ҳамкорлик:
Мактаб ва олий ўқув юртлари базасида белбоғли кураш бўйича алоҳида курслар жорий этиш, турли ёш тоифалари учун мусобақалар ташкил қилиш. 

Ўзбекистон белбоғли кураш федерацияси томонидан
18 январь куни Чирчиқ шаҳридаги Ўзбекистон жисмоний тарбия ва спорт университетида ўтказилган “Йил эътирофи—2024” тақдирлаш маросими ҳам миллий ва халқаро миқёсда улкан ютуқларни қўлга киритган спортчи-ёшларни рағбатлантириш ҳамда уларнинг эришган ютуқларини эътироф этишга қаратилгани билан аҳамиятли бўлди.

Унда Ўзбекистон “Адолат” СДП Сиёсий Кенгаши раиси Робахон Махмудова, партия марказий аппарати ҳамда Тошкент вилоят Кенгаши ходимлари, федерация раҳбарияти вакиллари,  университет масъуллари, жаҳон ва Ўзбекистон чемпионлигини қўлга киритган спортчи-ёшлар, кенг жамоатчилик ва ОАВ вакиллари иштирок этишди.

Ўзбекистон ва БАА ўртасидаги қўшма лойиҳаларнинг муваффақиятли амалга оширилиши ҳар икки мамлакатда нафақат иқтисодий ўсишни рағбатлантириш ва экологик вазиятни яхшилаш, балки бутун Марказий Осиё минтақасига ҳам фойдали таъсир кўрсатиши мумкин. Ўз навбатида, амалга оширилаётган ҳамкорлик барқарор тараққиёт ва атроф-муҳитга ғамхўрликнинг самарали уйғунлигини яққол намоён этади.

-Эришган ютуқларим зиммамга катта масъулият юклайди. Сиёсий жараёнларда ҳам қатнашиш учун партия сафига қўшилдим. Келгуси фаолиятимни “адолатчилар” билан олиб бораман.

Шу доирада “Адолат” СДП Қашқадарё вилоят Кенгаши ташаббуси билан ташкил этилган давра сухбати партиянинг вилоят Кенгаши масъуллари, туман ва шаҳар Кенгаши раислари, депутатлар ҳамда фаоллар иштирокида ўтди. Тадбирнинг асосий мақсади – жорий йил учун белгиланган стратегик йўналишларни аҳолининг кенг муҳокамасидан ўтказиш ва бу жараёнда келиб тушган таклифларни таҳлил қилишдир.