Adolat SDP | Samarqand viloyati (Rasmiy)

#ОАВ_биз_ҳақимизда

🔴 Бугун Адолат СДП таъсис этилганлигига 30 йил тўлибди (1995 йил 18 февраль)

✅ Шу вақтгача партия адолатни таъминлаш, қонун устуворлиги, тинчлик ва фаровонликни мустаҳкамлашга қаратилган ғоя ва ташаббусларни илгари суриб келяпти.

🇺🇿 Биз ҳам партиянинг тенг имкониятлар ва адолатли жамият қуриш йўлидаги ҳаракатларида бардавомлик тилаймиз.

🚀  @deputatlar_nima_deydi саҳифасини кузатиб боринг

#Табрик

Қадрли партиядошлар, ҳурматли фаоллар ва партиямизга хайрихоҳ дўстлар!

Барчангизни жонажон партиямиз – Ўзбекистон "Адолат" социал-демократик партияси ташкил этилганининг 30 йиллик байрами билан чин қалбимдан муборакбод этаман!

Ўтган 30 йил давомида партиямиз Ватанимиз мустақиллигини мустаҳкамлаш, республикамизда демократияни ривожлантириш, ҳуқуқий давлат қурилишини такомиллаштириш ва қонун устуворлигини таъминлаш йўлида салмоқли ютуқларга эришди. Бу муваффақиятларда партиямиз фаолларининг бирдамлиги, ташаббускорлиги ва фидойилиги муҳим ўрин тутади. Бугунги кунда миллиондан ортиқ аъзоларимиз — партиямиз таянчи, ғояларимизни амалга оширишдаги энг муҳим кучимиздир.

Шу ўринда партиямизнинг Олий Мажлис Қонунчилик палатасидаги фракцияси аъзоларига, партия Сиёсий Кенгаши аъзоларига, партиямизнинг асосини ташкил этувчи бўғин — бошланғич партия ташкилотларидан бошлаб, туман, шаҳар, вилоят Кенгашлари ва Марказий аппаратда фидойилик билан меҳнат қилаётган партия ходимларига, шунингдек, бир миллион бир юз минг нафардан зиёд адолатпарвар электоратимизга  чуқур миннатдорлигимни билдираман.

Партиямизнинг бугунги нуфузи, салоҳияти – бу, энг аввало, сизларнинг саъй-ҳаракатларингиз ва фидойилигингиз самарасидир.

Бугун ҳар биримизнинг қалбимизда ўзгача фахр, адолатни таъминлаш, қонун устуворлигини мустаҳкамлаш, тинчлик ва фаровонлик йўлида мамлакатимиз тараққиёти учун янада кўпроқ хизмат қилиш мақсади мужассам. Ушбу эзгу мақсад йўлида ҳар биримиз бор имкониятимизни сафарбар этишимизга, халқимиз ишончига муносиб бўлишимизга ишонаман.

Қадрли партиядошлар!

Шундай файзиёб кунда барчангизни яна бир бор қутлаб, Ватанимизга тинчлик, хонадонларингизга тотувлик, келгуси фаолиятингизда мустаҳкам соғлиқ, куч-қувват, омад ва зафарлар ёр бўлишини тилайман!

Адолат доим ҳамроҳингиз бўлсин!

Байрам муборак, азизлар!

Робахон МАХМУДОВА,
Сиёсий Кенгаш раиси

#adolat30yoshda
#tabrik
Азиз ва муҳтарам партиядошлар, қадрли ҳамкасблар!

Сизларни Ўзбекистон “Адолат” социал-демократик партиясининг 30 йиллик байрами билан чин қалбдан табриклайман.
18- февраль – Ўзбекистон “Адолат” социал-демократик партияси учун тараққиёт ва равнақ рамзига айланган. Эзгу интилишларга қанот бағишловчи ҳам, инсон манфаатлари йўлидаги ислоҳотлар муваффақиятини таъминловчи қудратли куч ҳам – бизнинг ушбу партиямизда мавжуддир.
Шундай экан, ушбу сана муносабати билан барчангизни Партиямизнинг 30 йиллиги муносабати билан самимий қутлайман!

Ҳурмат билан,
Ўзбекистон “Адолат”СДП Самарқанд вилоят Кенгаши раиси.
Оқбўтаев Ҳиммат Қўчқорович!

Ўзбекистон “Адолат” социал-демократик партияси ташкил топганига 30 йил тўлди!

Бундан 30 йил муқаддам, 1995 йил 18 февраль куни Ўзбекистон “Адолат” социал-демократик партиясининг таъсис Қурултойида Ватанимиз мустақиллигини янада мустаҳкамлаш, Республикада демократияни ривожлантириш, ҳуқуқий давлат қуриш жараёнларини такомиллаштириш, қонун устуворлигини таъминлаш мақсадларидан келиб чиққан ҳолда сиёсий партия тузиш юзасидан қарор қабул қилинган эди.

Ўтган ўттиз йилликда жамиятимизда адолат тантанаси учун курашаётган “Адолат” социал-демократик партияси, унинг депутатлик корпуси ҳамда бир миллион бир юз мингдан ортиқ аъзолари "Адолат ҳар бир инсон учун!", "Тенг имкониятлар ва адолатли жамият сари!" каби кўплаб ҳаётбахш ғоялар ижроси йўлида хизмат қилиб келмоқда.

Бугунги шодиёна, партиямиз ташкил топганлигининг 30 йиллиги билан барча партиядошларимизни ҳамда партиямиз хайрихоҳларини самимий муборакбод этамиз!

Ҳурмат билан,
Ўзбекистон “Адолат” социал-демократик партияси Сиёсий Кенгаши.

Бизни ижтимоий тармоқларда кузатинг 👇
adolat.uz | Facebook | Telegram | Instagram | YouTube

Pastdarg‘om tumani "Paxtakor" va "Mustaqillik" mahallalarida sayyor qabul tashkil etildi.

✨Joriy yilning 15-fevral kuni, Xalq deputatlari viloyat Kengashi deputati I. Bobokulova, tuman Adolat SDP tuman rahbari X.Hayitova, tuman hokimligi mutassadi xodimlari, mahalla yettiligi va boshqa hamkor tashkilotlar ishtirokida Pastdarg‘om tumani "Paxtakor" va "Mustaqillik" mahalla fuqarolari uchun Paxtakor mahallasida joylashgan 104-umumta'lim maktabida sayyor qabul tashkil etildi.

Tadbirda dastlab viloyat Kengashi deputati I.Bobokulova fuqarolarning muammolari va takliflari bilan tanishdi.

✅Fuqarolardan 17 yaqin murojaatlar kelib tushgan bo‘lib, aksariyat muammolar ichki yo‘llarni taьmirlash, elektr tarmog‘i o‘tuvchi ustunlarni almashtirish masalasida bo‘ldi.

✅Bu masalalar yuzasidan qatnashayotgan mutassadi tashkilot rahbarlari ham o‘z fikrlarini bayen etib, holatni nazoratga olinishi to‘g‘risida fikr bildirishdi. Tadbir so‘ngida deputat o‘z saylovchilariga qonunchilikdagi yangiliklar, 2025 yilni “Atrof muhitni asrash va yashil iqtisodiyet yili” deb e'lon qilinishi munosabati bilan yil dasturi doirasida belgilangan vazifalar to‘g‘risida to‘liq ma'lumotlar berib o‘tdi.
Shuningdek deputat ma'sullar bilan birgalikda mahalladagi muammolarni o‘rganib, ijtimoiy soha obyektlaridagi mavjud muammolarga ham to'xtalib o‘tdi.

@sam_vil_deputatlari

#Ўзбекистон_ёшлари
#Юрт_келажаги

Кўксарой қароргоҳида Президентимизнинг мамлакатимиз ёшлари билан мулоқоти ва унда билдирилган халқчил ташаббуслар нафақат ўғил-қизларимизни, балки биз, парламент аъзоларини ҳам руҳлантириб юборди.

Ёшлар қачон муваффақиятга эришади? Улар қачон масъулиятни ўз зиммасига олади? Қачонки, уларга ишонч билдирилиб, ўқиш ва ишлашлари учун шароит яратилса, "сиз уддалайсиз" дея мотивация бериб турилса. Давлат етакчисининг ҳар бир ташаббус ва таклифида ишонч ҳам, мотивация ҳам юксак даражада бўлганига гувоҳ бўлдик.

Мулоқотда тарбияси оғир ёшлардан тортиб, хориждан қайтиб келганлари, тадбиркорлар, олимларгача, ҳатто бўлажак ва бугунги ёш депутатлар тақдирига дахлдор масалалар атрофлича муҳокама қилинди, ўз навбатида, фаол, интилувчан ёшларимизнинг таклифлари тингланди.

Хусусан, давлатимиз раҳбарининг ёшлар тадбиркорлигида мутлақо янги даврни бошлаб берадиган учта йирик ҳужжатга имзо чеккани ҳақидаги хабар, аъзоларининг 39 фоизини ёшлар ташкил қиладиган “Адолат” СДП вакилларига ўзгача руҳият бағишлади.

Ушбу ҳужжатларга мувофиқ, ёшлар тадбиркорлигини ривожлантириш жамғармаси ташкил этилиб, унга 100 миллион доллар маблағ ажратилди. Энди тадбиркор ёшларга 2,5 миллиард сўмгача имтиёзли кредитлар бериш, уларнинг стартап лойиҳаларига эса 2 миллиард сўмгача инвестиция киритиш назарда тутилмоқда.

Хусусан, олийгоҳ битирувчилари бандлигини таъминлаш мақсадида янги тизим яратилмоқда. Бу йўналишга 100 миллион доллар ресурс ажратилиши режалаштирилиб, битирувчи ёшларнинг ташаббусларини лойиҳага айлантириш учун янги банк хизматлари пакетлари жорий этилаяпти.

Бу, ўз навбатида, битирувчиларни иш билан таъминлаш, ёшлар(айниқса, ёш тадқиқотчилар ва олимлар)нинг ташаббус ҳамда ғояларини қўллаб-қувватлаш, ҳаётга татбиқ этишда фаол бўлган партиямиз учун кенг имкониятлар яратмоқда. Шу боис, биз белгиланган мақсадларни рўёбга чиқариш йўлида амалдаги қонунчиликка ўзгартиришлар киритишни мақсад қилдик.

Шунингдек, парламент ва маҳаллий Кенгаш депутатлари фаолиятида ҳам ёшлар масаласи муҳим йўналиш сифатида қаралиши лозимлиги таъкидланди.

Бундан буён ёшларга дахлдор қонун лойиҳаларини Ёшлар парламенти аъзолари билан бирга муҳокама қилиш ва ялпи мажлисда лойиҳа бўйича ёшлар вакилларининг фикрини ҳам эшитиш амалиёти янада оммалаштирилиши партиямизнинг "Ёшлар қаноти" ҳамда фракция аъзолари ўртасидаги ҳамкорликни кучайтиришни тақозо этади.

Бундан ташқари, маҳаллий кенгаш сессияларида ёшлар масалалари бўйича масъул органлар раҳбарларининг ахборотини эшитиш, барча маҳаллий кенгашлар ҳузурида ёшлар гуруҳларини ташкил этиш бўйича илгари сурилган ташаббус ҳудудий партия ташкилотларидаги фаолларимиз ҳамда маҳаллий кенгашга сайланган депутатларимиз фаолиятини яна бир бор таҳлил қилишга ундайди.

Президентимиз ишонч билдираётган ёшлар мамлакатимиздаги ўзгаришларнинг ҳаракатлантирувчи кучига айланишига ишонамиз. Уларнинг куч-ғайрати, ижодкорлиги янгидан-янги чўққиларни забт этишимизга ёрдам беради.

Робахон МАХМУДОВА

Adolat.uz | Facebook | Telegram | Instagram |Twitter  | YouTube