Azan.ru сайты Раджаб айына байланысты сұрақ-жауап жариялады

Сұрақ: Раджаб айының алғашқы үш күніндегі оразаның артықшылығы туралы мына хадис сенімді ме: «Пайғамбарымыз (Оған Алланың игілігі мен сәлемі болсын): «Раджабтың бірінші күнінде ораза ұстау үш жылдық күнәларды, екінші күні ораза ұстау екі жылдық күнәларды, үшінші күні ораза бір жылдық күнәларды кешіреді, одан әрі бір айлық күнәлар оразаның әр күніне есептеледі».

Жауап: Әбу Мухаммад әл-Халлә бұл хадисті өте әлсіз иснадпен жеткізеді, сондықтан бұл хадисті жеткізуге болмайды (Қ-ңыз: «Джәмиу-с-Сағир, 5051-хадис, «Файдул Қадир» және «Ат-Тайсир би шархил Джәми ас-Сағир». Сондай-ақ Ахмад Сыддық әл-Ғумаридің «әл-Муғир» кітабын қараңыз).

Алайда Мулла Әли Қари (Алла оны рақымына алсын) жалпы, мүмкін болса, Раджаб айында қосымша (нәпіл) ораза ұстауымыз керек деп жазады. («Әл-Әдәб фи Раджаб», 30-бет).
____

Сұрақ: Келесі хадисті тексеріп көріңізші: «Кімде-кім Раджаб айында бір мұсылманның қиындығын жеңілдетсе, Алла оған жұмақта сарай береді».

Жауап: Хафиз Ибн Хаджар (Алла оны рақымына алсын) бұл хадис ойдан шығарылған деп атады. Демек, хадисті басқаларға жеткізуге болмайды (Қ-ңыз: «Табину әл-Әджәб ‘Хафиз Ибн Хаджар», 27-бет, хадис: 12).

Жалғасы (орысша):
https://azan.ru/maqalat/read/voprosyi-i-otvetyi-o-radzhabe-10885