Abituriyent - BaholashUz

BILL GEYTSNING YOSHLARGA 11 MASLAHATI

O‘qimishli bo‘lish miyani bilimga to‘ldirib tashlash yoki ko‘p bilish degani emas. Bu – nimani bilishing va nimani bilmasligingni ajrata olish degani. Bill Geyts dunyoning muvaffaqiyatli kishisi sifatida faxriy mehmon bo‘lib juda ko‘p ta’lim muassasalarida ishtirok etadi, yuqoridagi kabi fikrlar bilan yoshlarning ta’limga bo‘lgan qiziqishlarini qo‘llab-quvvatlaydi.

1️⃣-qoida: Hayot ko‘rgazma emas. Demak, undan foydalansa bo‘ladi. Siz ham hayotingizni qo‘lga oling-da, uni ishga soling.

2️⃣-qoida: Dunyo sen o‘zingni qanchalar hurmat qilishing bilan hisoblashmaydi. U sendan o‘zingni hurmat qilishingdan oldin biror ishni qoyillatib qo‘yishingni kutadi. Siz ham avval hurmatga munosib ekaningizni isbot qiling.

3️⃣-qoida: Maktabni tamomlamasdan turib na o‘zingiz xohlagancha yashash, kezi kelganda hattoki yashay olishning ham imkoni yo‘q. Shuning uchun hozir bilim oling.

4️⃣-qoida: Agar bugun o‘qituvchi talabchan ekanidan shikoyat qilsangiz, kun kelib rahbar qo‘liga tushganingizda pushaymon yeysiz. Kelajakka maktabdan boshlab tayyorgarlik ko‘ring.

5️⃣-qoida: Ehtimol, siz o‘zingizni eng quyi ishga munosib ko‘rmassiz. Ammo sizning ota-bobongiz bu ishni boshqacha, «imkoniyat» deb nomlagan. Siz ham ishni quyidan boshlang va mehnatga nisbatan kibrli bo‘lmang.

6️⃣-qoida: Hayotda nimadadir xato qilsangiz, bunda ota-onangizning aybi yo‘q, ularni qiynamang. Xatolaringiz uchun dod-faryod solishni emas, xulosa chiqarishni o‘rganing.

7️⃣-qoida: Sizning tug‘ilishingiz ota-onangiz uchun faqat bayram emas, katta mas’uliyat bo‘lgan. Ularni asrang va qadrlang. Bu kelajakda o‘zingiz qadr topishingiz uchun kerak bo‘ladi.

8️⃣-qoida: Maktabni a’lochilar ham, past o‘zlashtiruvchilar ham bitiradi. Yomon o‘qiydiganlarga to‘g‘ri javobni topgunlariga qadar qulay sharoit yaratib beriladi. Ammo hayotda to‘g‘ri yo‘lni tanlash uchun sanoqli imkon va ishonch beriladi. Shuni unutmang.

9️⃣-qoida: Hayotda choraklik, yillik imtihon, so‘rov yoki hisobot degan tushunchalar yo‘q. Hayot imtihonini ham, hisobotini ham barcha bir marta – umr so‘ngida o‘z-o‘ziga topshiradi. Eng muhimi, mana shu imtihonga tayyor bo‘ling.

1️⃣0️⃣-qoida: Televizor, bu – hayot degani emas. Aks holda, undagi qahramonlar vaqtlarining asosiy qismini mehnat qilishga sarflagan bo‘lar edilar. O‘zingizni samarali va maqsadli mehnatga tayyorlang.

1️⃣1️⃣-qoida: Muvaffaqiyatga erishish uchun avval uning haqini to‘lash kerak bo‘ladi. Bu esa vaqt hamda mashaqqatli mehnat degani.

@AbituriyentUz✅️- taʼlimga oid yangiliklar!

Safimizga qo'shiling👇
https://t.me/+HD_4cc5sqoozZGZi
https://t.me/+HD_4cc5sqoozZGZi

#bu_qiziq

Keling, darslardan biroz tanaffus olamiz! Aniq bilamizki, siz bu faktlar haqida bilmas edingiz 😎

😛 Ko'pchilik o'z tirsagini yalay olmaydi (Urunib ko'ring:)

😛 Timsoh tilini og'zidan tashqariga chiqara olmaydi;

🫀 Qisqichbaqaning yuragi uning boshida joylashgan bo'ladi;

😩 Agar siz o'ta qattiq aksirsangiz, qovurg'angizni sindirib olishingiz mumkin;

🍴 O'rtacha umringiz davomida siz uxlayotganingizda o'zingiz bilmagan holda 70 ga yaqin turli xil hasharotlar va 10 ta o'rgimchak yoki undan ko'proq "narsalarni" yeb qo'yasiz;

😝 Barmoq izlari kabi har kimning til izi ham har xil;

⌨️ O'rtacha odamning chap qo'li matn terishning 56 foizini bajaradi;

🙄 Bodom shaftoli oilasiga kiradi;

😳 Los-Anjelesning to'liq nomi "El Pueblo de Nuestra Senora la Reina de los Angeles de Porciuncula";

🐈 Mushukning har bir qulog'ida 32 ta mushak bor;

😲 Tuyaqushning ko'zi miyasidan kattaroqdir;

🐅 Yo'lbarslar faqat chiziqli mo'yna emas, balki chiziqli teriga ham ega;

💤 Ko'p odamlar yetti daqiqada uxlab qolishadi;

Ana shunaqa gaplar! Siz bu faktlarning qanchasini bilarkansiz? Do'stlaringiz-chi?

@AbituriyentUz✅️- taʼlimga oid yangiliklar!

Safimizga qo'shiling👇
https://t.me/+HD_4cc5sqoozZGZi
https://t.me/+HD_4cc5sqoozZGZi

Iltimos farzandlar yonini olmang!
(ota-onalar uchun she'r)

Maktabga keldim deb, darsga kirmasa,
Yonida yo kitob, daftar bo‘lmasa,
Yuragim achishib aytay bir narsa,
Uyg‘oning onalar g‘aflatda qolmang,
Iltimos farzandlar yonini olmang!

Tentirab yurishar go‘yo maqsadsiz,
Ko‘zida qahr bor, jahl, shafqatsiz,
Dunyoda yashayman desangiz dardsiz,
Uyg‘oning otalar g‘aflatda qolmang,
Iltimos farzandlar yonini olmang!

Ilmsiz bo‘lmasin, qalbi qotadi,
Qotgan qalbda esa zulm yotadi,
Qo‘yib bersak agar yurtni sotadi,
Uyg‘oning onalar g‘aflatda qolmang,
Iltimos farzandlar yonini olmang!

Xudodan qo‘rqishsin, dinni o‘rgating,
Do‘st bo‘lib yonida Xaqni ko‘rsating,
Bolam umidimsan sen deya ayting,
Uyg‘oning otalar g‘aflatda qolmang,
Iltimos farzandlar yonini olmang!

Johillik yo‘lini tutmasin deyman,
Hayoni tepkilab o‘tmasin deyman,
Hayotda g‘ofildek yotmasin deyman,
Uyg‘oning onalar g‘aflatda qolmang,
Iltimos farzandlar yonini olmang.

Maktabga kelishin nazorat qiling,
Ilmni asosiy maqsad deb biling,
Tilagim ustozning hamkori bo‘ling,
Uyg‘oning otalar g‘aflatda qolmang,
Iltimos farzandlar yonini olmang!

O‘qisin, ulg‘aysin, kamolga yetsin,
Kelajak kuniga ziyolar bitsin,
Keksalik gashtingiz rohatda o‘tsin,
Uyg‘oning onalar g‘aflatda qolmang,
Otalar iltimos e’tiborsiz bo‘lmang!

@AbituriyentUz✅️- taʼlimga oid yangiliklar!

Safimizga qo'shiling👇
https://t.me/+HD_4cc5sqoozZGZi
https://t.me/+HD_4cc5sqoozZGZi

Majburiy tarixdan 2024-yilda tushgan savollar

✅ To'g'ri javoblari bilan

1. VIII asr oʻrtalarida tashkil topgan oʻzbek davlati?
✅ Qarluqlar

2. Oʻrta asrlarni zukko va sergʻayrat kishisi ?
✅ Ismoil Somoniy

3. Toshkent konservatoriyasiga aylanishi ?
✅ 1936

4. Qachonga kelib belbogʻli kurash federatsiyasi ?
✅ 2001

5. Buxoro xonligida majburiy xashar ?
✅ Yasoq

6. Turkiston viloyati qachon tuzilgan?
✅1865

7. Qarshi shahrini 2700 yilligi qachon nishonlangan?
✅ 2006

8. Amir Temur shaxsiga qiziqish qachondan boshlandi?
✅ 16 asr

9. Birinchi Turkiston general-gubetnatorini aniqlang.
✅ J: Kaufman

10. 1898-yilda Andijonda qo'zg'alon ko'targan shaxsni aniqlang.
✅ J: Dukchi Eshon

11. 1510-yilda kimning qo'shinlari Xorazmni bosib oladi ?
✅ J: Ismoil Safaviy

Abituriyentlarga tarqating!↗️

@AbituriyentUz✅️- taʼlimga oid yangiliklar!

Safimizga qo'shiling👇
https://t.me/+HD_4cc5sqoozZGZi
https://t.me/+HD_4cc5sqoozZGZi

Imtihon oldidan stressni yengish uchun TOP maslahatlar!

Imtihon shunday jarayonki, bunda har bir kishi “O'zing o'zinga yordam ber" qabilida ish ko'rishi lozim. Imtihonga har kim turlicha munosabat bildiradi.

Demak, bu vaqtda yuzaga keladigan stressga qarshi kurashish yo'llarini ham o'zi o'ylab topadi. Biz quyida sizga taqdim etmoqchi bo'lganimiz – amalda qo'llangan va ishonchli usullardir.

✅Imtihonga tayyorlanishni 17-18 soat qolganda yakunlash tavsiya etiladi. Oxirgi soatlarda katta bosim bilan kitob o'qishning mahsuldorligi ancha past bo'ladi. Tajriba shuni ko'rsatadiki, bilimlar sinoviga juda yaqin qolganda qancha ko'p o'qilsa, shuncha kam esda qoladi.

✅Hayot-mamot hal bo'lishi arafasida o'quv materiallariga betartib ravishda ko'z yugurtirish tavsiya etilmaydi, bu jarayonda dengizdan tomchi esiningizda qoladi, xolos. Natijada imtihon paytida faqatgina omadga tayanishga to'g'ri keladi.

✅Qolgan vaqtni aqliy mehnatdan charchagan organizmni oldindagi sinovga tayyorlashga bag'ishlash foydaliroqdir.

✅Imtihonlardan oldin kechqurun sayrga chiqish, dush qabul qilish kabi har qanday chalg'itadigan va tinchlantiradigan ish bilan shug'ullanish maqsadga muvofiqdir. “Miyani yukdan xalos etish" uchun biror komediya yoki yumoristik ruhdagi ko'rsatuvni tomosha qilish juda foydali.

✅Kulgu stressni yengishga yordam berishdan tashqari ishtahani ochadi, ish qobiliyatini oshiradi, uyquni normallashtiradi va g'ayritabiiy usul bilan fikrlash va tasavvur qilish qobiliyatini yaxshilaydi. Bu narsa ilmiy jihatdan isbotlangan.

✅Imtihondan oldin albatta organizmning talabini qondiradigan darajada to'yib uxlash kerak! Qiyinchiliksiz uxlash uchun esa kunning ikkinchi yarmidagi ratsiondan kofe, shokolad, kola, choy kabi mahsulotlarni chiqarib tashlash kifoya.

✅Tasavvurni ishga soling. Psixologik texnika yordamida imtihon jarayonini ko'z oldingizga keltiring:

Siz imtihon o'tkazilayotgan auditoriyaga kirdingiz, biletni tanladingiz, o'z joyingizga o'tirib xotirjam, hech qanday qiyinchiliklarsiz topshiriqlarni bajarib boshladingiz;
Iloji boricha imtihon nazoratchilarini ham ko'z oldindizga keltiring: ular o'z qarashlari bilan javobingizdan qoniqish hosil qilganliklarini ko'rsatib turishibdi, imtihon yakunida esa o'zingiz xohlagan bahoni qo'yib berishdi.

⚠️Shu sahnalarni xotirangizda ko'p marotaba tiklashga harakat qiling va real hayotda ham shunday bo'lishiga ishoning.

❗️Imtihondan oldin uyqu yaxshi bo'lishi uchun kechki ovqatni to'g'ri tashkil qilish ham muhim ahamiyatga ega. Bu paytda iloji boricha uglevodli taomlar iste'mol qilish lozim, tarkibida ko'p miqdorda oqsil saqlagan mahsulotlardan esa o'zni tiygan ma'qul. Uxlashga yotishdan 30-40 minut avval bir stakan issiq suvga bir choy qoshiq asal solib ichsangiz, asab tizmi mustahkamlanadi.

Abituriyentlarga tarqating!↗️

@AbituriyentUz✅️- taʼlimga oid yangiliklar!

Safimizga qo'shiling👇
https://t.me/+HD_4cc5sqoozZGZi
https://t.me/+HD_4cc5sqoozZGZi