Yosh Geograf haqida
Maktabda Geografiya fani 5-sinfdan o'tiladi. Men esa 4-sinfligimda "Tabiatshunoslik" fanidan ilhomlanib, dunyodagi barcha mamalakatlarni poytaxti bilan yodlab chiqqandim. Geografiya darsligi qo'shilmasdan oldin kitob do'konidan geografiya, aviatsiya va astronomiya haqidagi kitoblarni sotib olgandim.
5-sinfga o'tganimda, geografiya ustozim menga qoyil qolgandi. Hamma davlatlarni bilaman, xaritadan ko'rsata olaman va poytaxtini yoddan ayta olardim. Shunday qilib, kelasi yili meni "Bilimlar bellashuvi"ga olib chiqishlarini va o'zlari tayyorlashlarini aytdilar. 6-sinf bo'lishim bilan, 6-7-8 sinf geografiya kitoblarini o'qib tugatgandim. Geografiya faniga juda qiziqqanimdan uyga dunyo xaritasini ham sotib olgandim. Har safar geografiyani o'rganayotganimda, ichimda bir ovoz bo'lardi. "Qachondir shu joylarga albatta boraman, dunyo kezaman!". Sayyoh bo'lish yoshligimdan orzu bo'lgandi, telefondagi "World Geography" o'yinida ham hozir Top 1000 talikka chiqib tushib turaman.
Alhamdulillah, endi o'sha men o'rgangan davlatlarimga birma-bir boryapman. Dengizlarni aytmaysizmi! O'sha men yodlagan dengizlarni hayotda ko'rish juda boshqacha emotsiya beryapti... Kaspiy dengizi, Qora dengiz, Marmar dengizi...
O'sha yosh geograf Abdurazzoq ulg'aydi, endi dunyo kezyapti... Geografiya ustoziga birga o'rgangan dengizdan turib video yuboryapti...
Shunchaki ulashgim keldi guys.
@Abdurazzoq_Khanov
