Assalomu Alaykum hammaga!
O'tgan hafta hayotimdagi muhim bosqichlardan biri - universitet rasman o'z nihoyasiga yetdi, Allohga behisob shukur.
Toshkent shahridagi INHA universiteti (INHA) haqida birinchi dadamlardan juda iliq fikrlar eshitganman. O'shanda maktabda o'qib yurgan paytlarim hali kelajakda kim bo'lishim haqida aniq va jiddiy rejalar yo'q edi. Shuning uchun bu universitetga uncha e'tibor bermagandim. INHA haqida litseyga kirganimdan so'ng, litseydagi o'rtog'im qiziqtirishi bilan qiziqib qoldim, o'sha paytlari shu o'rtog'imning akasi INHA'da o'qir edi.
Xullas litsey paytlarimdan boshlab, INHA orzumdagi universitetga aylandi va Allohdan shu universitetda o'qishimni chin dildan niyat qilishni boshladim. Allohning barokati ila orzum amalga oshdi va men imtixonlardan ijobiy natijalar bilan o'tib, universitetga qabul qilindim. O'qishga kiradigan yilim boshqa davlat universitetlargayam hujjat topshirgan edim va tanlovim ichida eng birinchisi Jahon Iqtisodiyoti va Diplomatiya Universiteti (JIDU) edi. INHA qabul qilgandan keyin DTM imtixonini topshirmagan bo'lsam ham, JIDU'ga grant asosida kirish ehtimolim deyarli 100% edi (chunki IELTS va harbiylarning farzandiga beriladigan imtiyozim bor edi). O'shanda tayyor grant asosida tekinga o'qish imkoniyati turganda, yiliga 30 million kontraktli INHA'da o'qitishga rozi bo'lib, meni istaklarimni hurmat qilgan, qo'llab quvvatlagan va ishongan ota-onam va bobo-buvilarim – birinchi investorlarimga rahmat aytaman. Va albatta o'sha paytda menga to'g'ri tavsiya va bilim bergan matematika ustozim - Firdavs akadan juda minnatdorman.
Bu tanlovim to'g'ri bo'lganidan xursandman va INHA'da o'qiganimdan faxrlanaman. Chunki bu 4 yil meni tubdan o'zgartirdi, shakllantirdi va ilmli, harakatchan do'stlar bilan siyladi. Barcha kursdoshlarimga kelgusi hayotlarida ulkan omadlar tilayman!
📱
@abdulabbozov_s
😁
abdulabbozov.dev
