Ayyubxon Fargʻoniy | 0.1x engineer

Oʻtgan 2024-yilda nimalar qilganimiz va qilgan ishlarimiz 1 yilga arzigulikmi yoʻqmi degan savolni oʻzimizga berib koʻrishimiz kerak.
Agar maksimal harakat qilganda biz 1 yilda bajargan ishlarni qanchada tugatsa boʻlardi? 3 oy, 6 oymi? Balki 4 oydir.
Qoʻlimizdan agar boricha harakat qilsak nima kelardi-yu lekin biz qanday oʻtkazdik. Hozir doʻppini bir chetga yechib qoʻyib tahlil qiladigan vaqt.
Endi shu kelayotgan yilni oʻtgan yilgisidan olingan xulosalar asosida afzalroq oʻtkazishga harakat qilish kerak.
Agar boshdan oʻtgan ishlardan oʻrganmasak, bir joyda turib qolaveramiz.

Yaqinda bir ajoyib fikr oʻqib qoldim: "Har kuni ishlaringni eng zoʻr qilib bajarishga harakat qil, ertangi kungi eng zoʻr ishing avvalgisidan yaxshiroq boʻlib boradi".

Biz oʻqiganimizda, harakat qilganimizda bir joyda turgandek his qilishimiz mumkin lekin aslida unday emas, bizga qiyin tuyulgan mavzular, bilimlar bizga osondek koʻrinib qoladi, oʻz bilganlarimiz koʻzimizga kichik koʻrinadi. Ammo shu mavzular qachonlardir biz uchun juda qiyindek koʻringanini oʻylasak, aslida oʻylaganimizdan koʻra koʻproq narsaga erishganimizni his qilamiz.

Yaqinda bir narsani payqab qoldim - juda ko'p produktiv bo'lish haqida videolar ko'rish. Ha, juda ko'p, ba'zida soatlab. Bu bir tomondan yaxshidek ko'rinishi mumkin - otarchilarning hayotiga qiziqish yoki krinj vaynerlarni hayotini tomosha qilib, ulardek yashashni orzu qilib vaqt o'tkazishdan ko'ra foydaliroqdek tuyular, ammo prokrastinatsiya, ishlarni kechiktirish va o'z vaqtida qilmaslik hisobiga produktiv bo'lish haqida tavsiyalar tinglayverish vaqtni o'tkazishning unchalik ham effektiv yo'li emas.

Aslida produktiv bo'lish uchun ko'p narsa kerak emas desam ishonasizmi? Sifatli uyqu, ish/o'qish vaqtida telefonga va befoyda ishlarga chalg'imaslik, pomodoroga amal qilish va pomodoro orasida yengil jismoniy aktivlik, bo'ldi. 80% natija shu ozgina ishlar ortidan keladi, qolgani esa arzigulik o'zgarishlar emas.

Bir videoda 20taga yaqin produktiv bo'lish uchun tavsiyalar beryapti, bu juda ko'p, odam buncha qiyin ekan deb turib ham amal qilmay qo'yaveradi, qiyinlashtirish emas osonlashtirish kerak. Oddiy, faqat amal qilish qolgan.

Agar siz produktiv bo'lish haqida yuqorida aytganimdek juda ko'p izlanayotgan bo'lsangiz aslida bu ham bir yutuq - yaxshiroq bo'lishga urinyapsiz, bu juda ko'p odamlarda yo'q hislat, ammo qattiq mehnat agar aqlli harakatlarsiz bo'lsa, yoki noto'g'ri yo'ldan qanchalik ko'p yurish to'g'risidan shuncha uzoqlashtirishini hisobga oladigan bo'lsak, bir to'xtab taftish qilib ko'rishimiz kerak.

@aIfarghani

Produktiv boʻlish uchun videolar koʻrish haqida yaxshi fikr kelib qoldi 💡

Bir necha bor performance optimization va boshqa qiyinroq tasklarni qilishni o'z zimmamga oldim va "nima qilmasa" dastur tezroq ishlashi haqida yaxshiroq tushunchaga ega bo'ldim.
Qiyinroq tasklarni bajarganda ko'proq sabr bilan, fokus bilan ishlashga o'z-o'zimdan majbur bo'ldim va qolgan ishlar ko'zimga kichik va oson ko'rina boshladi.

Qancha yirik, qiyin muammolar ustida ishlasak shuncha ko'proq o'samiz, bilim olamiz, ular bizni sabrli bo'lishga, muammoni hal qilish ko'nikmalarimizni yaxshilashga majburlaydi, o'zimizga bo'lgan ishonchimiz ortadi.

Qiyinroq ishlarni qiling, tezroq o'sasiz.

Highly focused people do not leave their options open. they make choices. if you commit to nothing, you'll be distracted by everything.

Juda yaxshi fikrlar. Odamlar qaysi til, frameworkni o'rgansam yaxshi deb yurganda boshqalar PHPda enterprise dasturlar yozib yuribdi.

Agar siz o'rganish yo karyerani eng boshlang'ish nuqtasida bo'lsangiz shunchaki eng mashxurini tanlang va bosing. Tajriba ko'paygani sayin yaxshiroqlarini ajrata boshlaysiz, ungacha esa vaqt kerak.