Боғча тарбиячиларининг маошлари мактаб ўқитувчилариники билан тенглаштирилади

Боғча тарбиячиларининг иш ҳақи ставкалари 2024 йил 1 июндан бошлаб мактаб ўқитувчилариникига тенглаштирилади.

Бундан ташқари, юқори синфларда фанлар сони 3 тага қисқариб, 11 та мажбурий ва 2 та танлов фани жорий этилади. Педагогларни сертификатлаш, директорларни эса “Директорлар кенгаши” тавсияси асосида лавозимга тайинлаш бошланади. ХТБларнинг мактаблар фаолиятини текшириш ваколати бекор қилиниб, бу ҳуқуқ янги очилган Таълим марказига ўтказилади.