Zabarjad Mediа

#mem

Statistikaga ko‘ra nashriyot va kitob bloglaridagi obunachilarning eng ko‘pi yigitlar ekan 😁

🔸Zabarjad Media – eng yaxshisini ilinamiz!

#chegirma

Bayramlar bayramlarga ulanaversin, chegirma bo‘laversin 🥳

14-yanvar – Vatan himoyachilari kuni munosabati bilan 10-yanvardan 14-yanvargacha barcha kitoblarimizni 14% lik chegirmada xarid qilishingiz mumkin.

Kitoblar soni cheklanmagan, lekin chegirma vaqti cheklangan, shoshilamiz eng yaxshi sovg‘a e’tibor bilan tanlangan kitob.

Qizlar shu fursatdan foydalanib, o‘zingizga ham xarid qilib qoling 😉

🔸Zabarjad Media – eng yaxshisini ilinamiz!

Hattoki o‘zimizdan ham qizg‘anadigan sirlarimiz bor…

Qirqidan o‘tdik, sirlar ochilishiga bir qadam qoldi 😊

*ba’zi sabablarga ko‘ra muqova o‘zgartirildi

🔸Zabarjad Media – eng yaxshisini ilinamiz!

#kitobdan 📖

Ana endi Ravshanbek otasidan duo olib, otini yo‘lga solib, o‘zini yo‘lga chog‘lab, o‘tkir isfihon qilich beliga bog‘lab, Shirvon yurtin so‘rog‘lab, Zulxumoroyni daraklab, Zulxumorga oshiq bo‘lib, aytgani qo‘shiq bo‘lib, o‘zining ishiga pishiq bo‘lib, Shirvonni ko‘zlab, Zulxumorjonni izlab, har nima deb gapirsa, Zulxumor deb so‘zlab, agar Zulxumordan qo‘shiq aytmoqchi bo‘lsa, dovushini sozlab, bo‘taday bo‘zlab, ostidagi Jiyronqush otini tezroq yetsa ekan, deb tezlab borayotir. Anda shoir ham bek Ravshanning shu yurishini bayt qilib yurgizayotir:

Parvardigor panohdi[r],
Holin bilgan donodi[r].
Otasidan duo olib,
Ravshan polvon jo‘nadi.

Mardni tug‘gan enadi[r],
Enadan yagonadi[r].
Obro‘ ber, deb yosh bola,
Shirvon qarab jo‘nadi.

Ot boradi arillab,
Otgan o‘qday tosirlab.
Tilla uzangi, mahsi-kavush,
Tepkilasa qasirlab.

«Ravshan» dostoni

O‘zbek xalq og‘zaki ijodi 🎩

🔸Zabarjad Media – eng yaxshisini ilinamiz!

#tavsiya 📚

Yigitlar o‘qishi uchun 5 ta kitob 😎

📚 Lev Tolstoy – Tirilish

Bosh qahramon Nexlyudov shaxsiyati orqali bir insonning, ayniqsa yigit kishining o‘zini anglashi, jamiyatdagi o‘rnini topish mashaqqatlari tasvirlanadi.

🐉 Jorj. R.R. Martin – Taxtlar o‘yini

Fentezi mavzusiga oid bo‘lsa-da, shafqatsiz hayot haqiqatlaridan so‘zlaydi; urushlar, davlat strategiyasi asosiy planda turadi.

🩸Abdurashid Nurmurodov – Qon hidi

Og‘ir iztirob, yo‘qotishlar, yolg‘izlik, kelajakka ishonchsizlik va inson ruhiyatiga e’tibor qaratiladi.

🕊 Yeji Koshinskiy – Rangin qushcha

Insonning ulg‘ayishi raqamlar bilan belgilanmaydi, ba’zida hali yoshlikka to‘yib ulgurmagan bolakay ham bir kunda katta insonga aylanib qolishi va hayotning achchiq sinovlari bilan yuzlashishi mumkin.

🖼 Oskar Uayld – Dorian Greyning portreti

Insonning o‘zligiga ko‘zgu tutilib, vijdoni bilan yuzlashtiradi va odamzod qanchalik tubanlashishini bir portret orqali ifoda etadi.

Yuqorida sanab o‘tganlarimiz – xoh ijobiy, xoh salbiy bo‘lsin – yigit kishining ma’naviy yuksalishda asosiy omil bo‘lib xizmat qiladi.

*qizlar sovg‘a tanlashda qiynalishmasin deb, tavsiyalarni ko‘paytiryapmiz 😉

🔊Buyurtma uchun: @sotuv_zabarjad

🔸Zabarjad Media – eng yaxshisini ilinamiz!

#kitobdan 📖

Ikki she’r

Ayriliq

Uchdi yulduz barg kabi,
Qarab qolding sen.
Men ketarkan, «xat yoz» deb
So‘rab qolding sen.

Oydin edi u kecha.
Sen ham oy eding.
Ko‘zingda yosh, ko‘ksimga
Yig‘lab bosh qo‘yding...

Sochlaringni siladim
«Qo‘zim, muhabbat,
Kelaman, – deb, – oppog‘im,
Kelaman, albat!»

O‘sha kecha so‘ng marta
O‘pding betimdan...
O‘sha kecha sen qolding
Yig‘lab ketimdan...

Boraman!

O‘qishlarim tugadi.
Muhandis bo‘ldim.
Har bir kichik hujayram
Fan bilan to‘ldi.

Uchib ketar edim tez
Qanotim bo‘lsa...
Eh, ko‘zlari shahlo qiz,
Men endi ko‘rsam.

Avvalgiday orziqib
Seni sevaman...
Unutganing yo‘qmi, qiz?
Kutgin, boraman.

Jadid adabiyoti namoyandalari, Usmon Nosir

🔸Zabarjad Media – eng yaxshisini ilinamiz!

So‘z kitobxonlarga 📚

Yuqorida nashriyotimizning yangi yildagi rejalari haqida aytib o‘tdik. Endi navbatni sizlarga bersak. Bayramlarni yaxshi o‘tkazib, yillik rejalarni tuzib, o‘qiladigan kitoblarni tanlab qo‘ygan bo‘lsangiz kerak.

Bir qancha savollarga javob bersangiz, so‘nggida biz sizga ajoyib xabar aytamiz. Qani boshladik.

2025-yilni qaysi kitob bilan boshladingiz?

Yil davomida nechta kitob o‘qishni maqsad qildingiz?

«Zabarjad Media» nashriyotidan intiqib kutayotgan kitobingiz?

Yaxshi xabarga o‘tsak:
Bu postni tepaga qadab qo‘yamiz va yil yakunida yozilgan har bir izohdagi javoblar qanchalik amalga oshganini tahlil qilamiz.
Va albatta, yuqori natijaga erishgan kitobxonlarni sovg‘alar bilan xursand qilish istagimiz bor🤩

🔸Zabarjad Media – eng yaxshisini ilinamiz!

#jamoa #tabrik 🎉

Bugun nashriyotimiz asoschisi va rahbari Ma’mura Qutliyevaning tavallud ayyomlari! Ushbu munosabat bilan jamoamiz nomidan Maʼmura opani chin dildan tabriklaymiz.

Millat o‘g‘il-qizlarining ilmli bo‘lishi, kitobga mehr qo‘yishi, xalqimizni kitoblarga qaytarish uchun qilayotgan mehnatlarini qadrlaymiz. O‘zbek noshirlari orasida ilk ayol noshir sifatida 5 yil vaqt davomida «Zabarjad Media» nashriyotini eng yaxshi nashriyotlar orasiga qo‘sha oldilar va hozirgi kunda ham bu yo‘ldan og‘ishmay olgʻa bormoqdalar.

Ma’mura opaga mustahkam sog‘liq, oilaviy baxt-u saodat, kelajak ishlarida zafarlar tilaymiz. Bizga bosh bo‘lib turar ekanlar, mudom yonlarida qoʻllab-quvvatlashga tayyormiz.

Doimo shunday shijoatli, go‘zal ayol bo‘lishingizni tilab, nashriyot qora ko‘zlari!

🔸Zabarjad Media – eng yaxshisini ilinamiz!

#sarhisob

2024-yil nashriyotimiz uchun barakali yil bo‘ldi. Kitob ixlosmandlari uchun yaxshi kitoblar taqdim eta oldik, deb o‘ylaymiz.
Keling, ortda qolgan yil davomida qanday kitoblar nashr etilganini ko‘rib chiqsak:

⏺️«Jadid adabiyoti namoyandalari» turkumi doirasida Alixonto‘ra Sog‘uniyning eng sara asarlari jamlangan kitob nashri bilan yil boshlandi.

⏺️Fentezi muxlislari uchun haqiqiy tuhfa bo‘lgan Jorj R.R. Martinning «Taxtlar o‘yini» asarini hech shubhasiz nashriyotimizda Yil kitobi deb e’lon qilsak bo‘ladi.

⏺️Uzoq tanaffusdan keyin Mirzohid Muzaffar tarjimasi bilan Madlen Millerning «Kirka» va Pol Osterning «Nyu-York trilogiyasi» kitoblari premyerasi bo‘lib o‘tdi.

⏺️Yil so‘ngini esa o‘zligimizni anglash, ming yillardan buyon og‘izdan og‘izga o‘tib kelayotgan xalq dostonlari, qo‘shiqlar, ertaklar, topishmoq va tutallarni xalqimizga yana bir bor tuhfa etish baxtiga musharraf bo‘ldik. «O‘zbek xalq og‘zaki ijodi» to‘plami Shomirza Turdimov boshchiligidagi O‘zRFAning bir guruh folklorshunos professor-olimlari bilan hamkorlikda tayyorlandi.

Yakunlagan yilda qadrli kitobxonlarni yaxshi kitoblar bilan xursand qila oldik deb o‘ylaymiz.

🗓 Oldimizda turgan 2025-yil rejalari bilan sizni qisman tanishtirib o‘tsak. Bu yildagi asosiy maqsadimiz to‘plam kitoblarga e’tibor berish, ya’ni nashrdan chiqadigan kitoblar bir nom va turkum ostida birlashtiriladi.

⏺️«Jadid adabiyoti namoyandalari» turkumi yana davom etadi. Vadud Mahmud, Shokir Sulaymon, Elbek, Sadriddin Ayniy («Inqilob» romani ilk marotaba o‘zbekcha tabdili bilan), G‘oziy Yunus, Mahmudxo‘ja Behbudiy, Munavvarqori Abdurashidxonov kabi jadidlarimizning nomlari to‘plamga qo‘shiladi.

⏺️2025-yil nashriyotimizda bolalar adabiyoti yili bo‘lishi kutilmoqda, «Quyoshim» nomli 100 kitobdan iborat turkum uchun ishlar boshlanib, «Terabitiya ko‘prigi» va «Meri Poppins» kitoblari to‘plamni ochib beradi.

⏺️Tarjimon Ilhom Salimov bilan ham bir qancha kitoblar ustida ishlar boshlangan. Kitob nomlari hozircha sir, ammo yilning kutilmagan tuhfalari bo‘lishi aniq.

⏺️Ko‘pchilikning sevimlisiga aylangan 7 kitobdan iborat Klayv Steypliz Lyuisning «Narniya solnomasi» to‘liq holda Sardor Salimov tarjimasida e‘tiboringizga havola etiladi. Kitoblar uchun mualliflik huquqi olinib, tarjima jarayoni ham yakunlanish arafasida va har bir kitob uchun illyustratsiyalar ishlanmoqda.

⏺️«Turkiy adabiyot durdonalari» rukni ostida professor Nasimxon Rahmonov bilan hamkorlikda tuhfa hozirlab qo‘yganmiz.

⏺️«Qirollar to‘qnashuvi»ni siz kabi biz ham kutyapmiz 😉

⏺️Hattoki o‘zimizdan ham qizg‘anadigan sirlarimiz bor…

⏺️Jorj R.R. Martindan ilhomlanib yangi yilda Jon R.R. Tolkinga murojaat qildik. Tolkin bobo faqat «Zabarjad Media» bilan ishlashni vasiyat qilgan ekan, yo‘q deya olmadik 😄

Yangi yilda bir-birdan qiziqarli nashrlar ila sizlarni xursand qilish istagimiz bor. O‘zbek kitob bozorini sifatli kitoblar bilan boyitish, o‘zbek kitobxoniga asl kitoblarni taqdim etish o‘zgarmas maqsadimiz bo‘lib qoladi. Zero kitob bir marta o‘qib foydalanib qo‘yiladigan buyum emas, yillar davomida javoningizni bezab, vaqt o‘tsa-da, qayta-qayta murojaat qiladigan haqiqiy xazinangiz bo‘lishi kerak.

🔸Zabarjad Media – eng yaxshisini ilinamiz!

#mem

«Kitob xarid qilmayman!» deyishda ehtiyot bo‘ling 😉

🔸Zabarjad Media – eng yaxshisini ilinamiz!

«Yil yakuni» chegirmasida kimlar kitob xarid qildi?

Qanday kitoblarni oldingiz?

Izohda fikrlaringizni kutib qolamiz.

*chegirma tugashiga 5 kun qoldi

🔸Zabarjad Media – eng yaxshisini ilinamiz!

#jamoa #tabrik

Bugun nashriyotimiz Sottisi, qadrli a’zosi Onajon Ro‘zimovaning tavallud ayyomi munosabati bilan tabriklaymiz.

Sotti deyilishiga sabab «shpionligi» emas 😁, qaynonasi(Ma’mura opa)ning oʻng qoʻli boʻlgani, doim nima qayerda turganligini bilgani, kimga biror narsa kerak bo‘lsa yordam bera olgani uchun aytilgan. Shu jihatlari bilan Onajonni hurmat qilamiz.

Kelajakdagi hayot yo‘lida, kasbiy faoliyatida Onajonga muvaffaqiyat tilaymiz.

🔸Zabarjad Media – eng yaxshisini ilinamiz!

#tavsiya

O‘g‘il bolalarga qaysi kitoblarni sovg‘a qilish mumkin?

Bayramda o‘g‘il bola do‘stingizga, hamkasbingizga, kursdoshingizga kitob tanlashda yordam bo‘lishi uchun ularga mos kitoblarni jamlab chiqdik.

🐉 Jorj R.R. Martin – Taxtlar o‘yini

Tarjimon: Mirzohid Muzaffar
Sahifalari soni: 928 bet
Muqova: qattiq
Narxi: 170 000 so‘m

🗽 Pol Oster – Nyu-York trilogiyasi

Tarjimon: Mirzohid Muzaffar
Sahifalari soni: 400 bet
Muqova: qattiq
Narxi: 60 000 so‘m

🩸Abdurashid Nurmurodov – Qon hidi

Sahifalari soni: 400 bet
Muqova: qattiq
Narxi: 45 000 so‘m

📚 Lev Tolstoy – Tirilish

Tarjimon: Xolida Ahrorova
Sahifalari soni: 575 bet
Muqova: qattiq
Narxi: 60 000 so‘m

🖼 Oskar Uayld – Dorian Greyning portreti

Tarjimon: Ozod Sharafiddinov
Sahifalari soni: 320 bet
Muqova: qattiq
Narxi: 45 000 so‘m

🔥 Jozef Roni Starshiy – Ajdodlarimiz qismati

Tarjimon: Xayrulla Ergashev
Sahifalari soni: 208 bet
Muqova: yumshoq
Narxi: 20 000 so‘m

«Yil yakuni» chegirmasida foyda bilan xarid qiling 😉

🔊Buyurtma uchun: @sotuv_zabarjad

🔸Zabarjad Media – eng yaxshisini ilinamiz!

Go‘zal Yaxinaning «Zulayhо ko‘zini ochyapti» romani o‘quvchilarni
Stalin davrining murakkab dunyosi va surgun qilingan dehqonlar
taqdiri bilan tanishtiradi. Mazkur asar quloq qilinib, Sibirga surgun
qilinganidan so‘ng hayoti tubdan o‘zgargan tatar ayoli Zulayho
haqida hikoya qiladi.

«Zulayho ko‘zini ochyapti» romanining asosini tashkil etuvchi g‘oyalar:

Shaxs kamoloti. Zulayho asar boshida an’analar va shafqatsiz
erning zulmi ostida yashovchi mo‘min va itoatkor ayol sifatida namoyon bo‘ladi. Boshiga kelgan og‘ir sinovlar natijasida ichki erkinlikka erishadi, o‘zi va farzandining jonini asrab qolish uchun himoya qilishni o‘rganadi.

Tarixiy kontekst. Romanda surgundagi og‘ir hayot, insonlarning tabiat bilan kurashi, ochlik va Stalin tuzumining adolatsizligi haqqoniy tarzda ochib berilgan. Shu bilan birga, muallif asarida insonning g‘ayriinsoniy sharoitlarda ham insoniyligini saqlab qolish qobiliyati masalasini ko‘taradi.

Madaniyatlarning ko‘p qirraliligi. Asar tatar xalqining yashash tarzi bilan bog‘liq etnik va madaniy tafsilotlarga boy bo‘lib, bu voqealar rivojida muhim ahamiyat kasb etadi. O‘quvchi qahramonning dunyoqarashini tushunishda uning madaniy hayoti va urf-odatlariga tayana oladi.

Insonlar o‘rtasidagi munosabatlar. Zulayhoning boshqa qahramonlar bilan aloqasi orqali insoniy munosabatlarda hech qanday chegara bo‘lmasligi, millati, ijtimoiy mavqeyi va mafkuraviy farqlardan qat’i nazar, barchamiz yer farzandlari ekanimiz bot-bot ta’kidlanadi.

Yaxinaning uslubi boy va obrazli bo‘lib, u qahramonlarning his-tuyg‘ulari va ular yashagan muhitni mohirlik bilan tasvirlaydi. Asar syujeti fojiaviy bo‘lishiga qaramay, muallif qahramonlarni yorug‘lik va umidga ishonuvchi qilib yaratadi, eng murakkab vaziyatlarda ham hayotdan ma’no topishga qodirligini ko‘rsatadi.

Bu asar nafaqat qahramonlar azob-uqubatlari haqida hikoya qiladi, balki inson botinidagi ruhiy kuch-qudratni o‘zida aks ettiradi, kitobxonni qahramonga ko‘ngildosh qiladi.

Go‘zal Yaxina – Zulayho ko‘zini ochyapti
Sahifalari soni: 480 bet
Muqova: qattiq
Narxi: 60 000 so‘m

🔊Buyurtma uchun: @sotuv_zabarjad

🔸Zabarjad Media – eng yaxshisini ilinamiz!

🛵 Yetkazib berish

Nashriyotimizdan kitob buyurtma qilsangiz, qanday yetkazib beriladi?

Bu haqida to‘liq ma’lumot berib o‘tamiz:

✨Toshkent shahridan buyurtma bersangiz, Yandex taksi orqali yetkaziladi yoki o‘zingizga qulay bo‘lsa, nashriyotdan kelib olib ketishingiz mumkin

✨Qoraqalpog‘iston Respublikasi yoki viloyatlardan buyurtma bersangiz, kitoblarni Starex pochtadan yuboramiz. Agar siz yashaydigan shahar, tumanda bu pochta ofisi bo‘lmasa, sizga qulay bo‘lgan istalgan boshqa pochta xizmatlaridan yuboramiz (EMU, Fargo, UzPost, BTS).

*yetkazib berish xarajatlari oluvchi tomonidan to‘lanadi

🔸Zabarjad Media – eng yaxshisini ilinamiz!