Yurist| Hamid AKMALOV

HECH QAYERDA ISHLAMAYDIGANLAR QANCHA ALIMENT TO'LAYDI❓

🔰 Oila kodeksining 140-moddasida, agar aliment to‘lashi shart bo‘lgan shaxs shu davrda ishlamagan bo‘lsa yoki uning ish haqi yoki daromadini tasdiqlovchi hujjatlar taqdim qilinmagan bo‘lsa, aliment qarzi undirilayotgan vaqtda O‘zbekiston Respublikasidagi o‘rtacha oylik ish haqi miqdori bo‘yicha hisoblab chiqiladi deb ko‘rsatilgan.

Yuqorida keltirilgan asosga ko‘ra, bugungi kun holatiga MIBning rasmiy mib.uz sayti orqali ishsiz bo‘lgan aliment to‘lovchi uchun har oylik aliment miqdori, bolalar soniga qarab:

🔻Bir nafar bola uchun— 1 346 798 so‘m;

🔻Ikki nafar bola uchun— 1 795 731 so‘m;

🔻Uch va undan ortiq bola uchun— 2 693 597 so‘mdan kam bo‘lmagan miqdorida undiriladi.

Agar qarzni bunday belgilash taraflardan birining manfaatlariga jiddiy putur yetkazsa, manfaatlariga putur yetkazilgan taraf sudga murojaat qilishga haqlidir.

⚠️Sud taraflarning moddiy va oilaviy ahvolini va boshqa e’tiborga loyiq holatlarni inobatga olib, qarzning pul bilan to‘lanadigan qat’iy summasini belgilashi mumkin.

⚖@Yurist_Akmalov👈

Hokim yordamchilari 309 ta korrupsion jinoyat sodir etgan❗️

⚡️Korrupsiyaga qarshi kurashish agentligining maʼlum qilishicha, 2024-yilda hokim yordamchilari tomonidan 309 ta korrupsiyaga oid jinoyatlar sodir qilingan.

P/S: Hokim yordamchilarining asosiy vazifalaridan biri kambag'allikni qisqartirish edi. Ular shu olingan pullarga boshqa fuqarolarni kambag'allikdan chiqarmoqchi bo'lishgandir, a labbay😉

⚖@Yurist_Akmalov👈

⚡️Joriy yilda uy-joy dasturlarini moliyalashtirishga budjetdan 15,5 trillion so‘m resurs berilmoqda

Banklar bunga qo‘shimcha 10 trillion so‘m yo‘naltirishni maqsad qilgan. “Ipoteka kompaniyasi” ham bu maqsadlarga 2,3 trillion so‘m resurs yo‘naltiradi.

Mutasaddilarga 2025-yilda kamida 70 mingta xonadon uchun ipoteka krediti taqdim etish, shundan 30 mingi uchun kreditni boshlang‘ich badal uchun budjetdan subsidiya to‘lab, daromadi yuqori bo‘lmagan oilalarga berish vazifasi qo‘yildi.

⚖@Yurist_Akmalov👈

O‘zbekistonda advokatlik savobtalab faoliyat❗️

⚡️Advokatlik, yuristlik “inson-inson” toifasidagi kasblar qatoriga kiradi. Ha, shunday. Advokatlik va yuristlik asosan insonlarning og‘irini yengil qilishni maqsad qilgan savobtalab faoliyatdir.

Bir narsa aytaymi? Bugun advokat va yuristlar ko‘rsatayotgan xizmatlarning deyarli 50 foizi bepul.

Oddiy misol. Advokat yoki yurist yumush bilan taksiga chiqsa, uning advokat yoki yuristligini bilib qolgan taksist yoki boshqa yo‘lovchi albatta o‘zining birorta muammosini aytadi va uni yechishda maslahat so‘raydi. Birorta advokat yoki yurist shu vaqtda pul olmaydi va yordam so‘ragan kishiga bepul maslahat va yo‘l-yo‘riq ko‘rsatib yuboradi.

Men aniq bilaman va bunga ishonaman, butun O‘zbekistondagi advokat va yuristlarning kundalik hayot tarzi shunaqa. Yurgan yo‘lida odamlarni rozi qilib yuradi ular.

Bugunga kelib advokatlikka bo‘lgan qiziqish keskin ortmoqda, ayniqsa, yosh huquqshunoslarimizda va bu odamni juda quvontiradi.

Adashmasam, hozir O‘zbekistondagi advokatlar soni 6 mingdan oshib qoldi. Shu ketishda 2 yilda 10 mingni uramiz, nasib.

⚖@Yurist_Akmalov👈

🔰Prezident qaroriga asosan “Cyber university” davlat universiteti tashkil etiladi❗️

⚡️“Cyber university” davlat universitetini tashkil etish to‘g‘risida” O‘zbekiston Respublikasi Prezidentining 2025-yil 20-yanvardagi PQ-14-son qarori qabul qilindi.

✅Qarorga ko‘ra, Universitetning asosiy vazifalari etib quyidagilar belgilanmoqda:

🔻axborotni himoyalash, axborot va kiberxavfsizlik, raqamli texnologiyalar va raqamli iqtisodiyot, sun’iy intellektga asoslangan avtomatlashtirilgan axborot-taxdiliy tizimlarni yaratish, robototexnika va boshqa turdosh sohalar bo‘yicha kadrlar tayyorlash;

🔻raqamli texnologiyalar sohasida mutaxassislarni qayta tayyorlash va malakasini oshirish;

🔻o‘quv jarayonini ilg‘or xorijiy tajriba va zamonaviy ta’lim texnologiyalari asosida tashkil etish hamda ochiq axborot-ta’lim muhitining rivojlanishiga ko‘maklashish;

🔻yoshlarning bilim olishi va kasb egallashiga qo‘shimcha shart- sharoitlar yaratish, davlat organlari, korxonalari hamda boshqa tashkilotlarni kadrlar bilan ta’minlashda saralash va qamrovni kengaytirish;

🔻o‘quv va ilmiy loyihalarni amalga oshirishda yetakchi respublika va xorijiy oliy ta’lim hamda ilmiy-tadqiqot tashkilotlari, raqamli texnologiyalar ishlab chiquvchilari va iste’molchilari, boshqa sohaviy korxonalar bilan hamkorlik qilish;

🔻tegishli ta’lim yo‘nalishlari va mutaxassisliklari bo‘yicha o‘quv- metodik adabiyotlarni yaratish, talabalar va mutaxassislarni jalb qilgan holda fundamental, ilmiy va amaliy tadqiqotlar olib borish.

⚖@Yurist_Akmalov👈

Kambag‘al oilalar a’zolarini kasb-hunarga o‘qitish xarajatlarini qoplab berish bo‘yicha vaucher tizimi joriy qilinadi❗️

⚡️2025-yil 1-fevraldan kasblarga o‘qitish maqsadida ajratiladigan stipendiyalar nogironligi bo‘lgan shaxslarga, shuningdek, muddati 3 oydan ko‘p davom etadigan o‘quv kurslariga qabul qilingan Kambag‘al oilalar reyestridagi oilalarning ishsiz a’zolariga to‘lanadi.

2025-yil 1-maygacha ishsiz aholini, shu jumladan, ustuvor ravishda kambag‘al oilalar a’zolarini kasb-hunarga o‘qitish xarajatlarini qoplab berish bo‘yicha vaucher tizimi joriy qilinadi.

✅Mazkur tizim 2025-yil 1-fevraldan Samarqand viloyati va Toshkent shahrida sinovdan o‘tkaziladi.

⚖@Yurist_Akmalov👈

Yuridik va tibbiyot texnikumlari Oliy ta’lim, fan va innovatsiyalar vazirligi tasarrufiga o‘tkazildi❗️

⚡️Adliya vazirligi tasarrufidagi yuridik texnikumlar va Sog'liqni saqlash vazirligi tasarrufidagi tibbiyot texnikumlari Oliy ta'lim, fan va innovatsiyalar tasarrufiga o'tkazildi.

Bunda texnikumlarning yer uchastkalari, bino va inshootlari hamda boshqa ko‘chmas mulk obyektlarini boshqa korxona va tashkilotlarga o‘tkazish faqat O‘zbekiston Respublikasi Prezidenti yoki Vazirlar Mahkamasining tegishli hujjati asosida amalga oshirilishi belgilab qo‘yildi.

⚖@Yurist_Akmalov👈

1-iyuldan shaxsni tasdiqlovchi va boshqa hujjatlarning elektron shakli ham tan olinadi❗️

🔰Vazirlar Mahkamasining 2024-yil 27-dekabrda 897-sonli qarori qabul qilindi.

Unga ko‘ra, "Raqamli hukumat" tizimi idoralararo integratsiyalashuv platformasi doirasida shaxsiy hujjatlarning unifikatsiyalangan raqamli servislari joriy etiladi.

Bunda banklarda, notarial idoralarda, aeroportlarda ichki reyslarni ro‘yxatdan o‘tkazishda va O‘zbekiston hududidan o‘tuvchi poyezdlarga chiqishda, davlat, korporativ va boshqa xizmatlarni ko‘rsatish, shu jumladan, elektron xizmat ko‘rsatish hamda fuqarolarni qabul qilishda tegishli hujjatlarni taqdim etishni talab qiladigan davlat organlari va boshqa tashkilotlarda quyidagi hujjatlarning qog‘oz shakli talab etilmaydi:

🔻O‘zbekiston fuqarosining biometrik pasporti;
🔻O‘zbekiston fuqarosining identifikatsiyalovchi ID-kartasi;
🔻haydovchilik guvohnomasi;
🔻tug‘ilganlik haqida guvohnoma;
🔻nikoh qayd etilganligi haqida guvohnoma;
🔻nikohdan ajralganlik haqida guvohnoma;
🔻transport vositasining ro‘yxatdan o‘tkazilganligi to‘g‘risida guvohnoma (texnik pasport, texnik talon);
🔻pensiya (nafaqa) guvohnomasi;
🔻fuqaroligi bo‘lmagan shaxsning yashash guvohnomasi (ID-kartasi);
🔻nogironlik to‘g‘risida ma’lumotnoma;
🔻transport vositasining majburiy sug‘urta (fuqarolik javobgarligi) bo‘yicha sug‘urta polisi;
🔻oliy, o‘rta maxsus, kasb-hunar va professional ta’lim olganlik to‘g‘risida davlat namunasidagi rasmiy hujjat;
🔻talabalik guvohnomasi;
🔻yakka tartibdagi tadbirkorning davlat ro‘yxatidan o‘tkazilganligi to‘g‘risida guvohnoma;
🔻o‘zini o‘zi band qilgan shaxs sifatida ro‘yxatdan o‘tganligi to‘g‘risida ma’lumotnoma;
🔻turar joy obyektlarining kadastr pasporti;
🔻jismoniy shaxsning shaxsiy avtomototransport vositasini boshqa shaxslarga boshqarish huquqini beruvchi ishonchnoma.

Ushbu hujjatlarning portaldagi elektron shakllari ham tan olinadi.

⚖@Yurist_Akmalov👈

⚡️Beruniy, Qorao‘zak, Qo‘ng‘irot, Peshku, Yangiobod, Qamashi, Xonqa, Shovot tumanlarida investitsiya 15 million dollarga ham yetmadi. Romitan, Dehqonobod, Mirishkor, Chiroqchi, Narpay, Nurobod va Guliston tumanlari, Ohangaron shahrida eksport kamaygan.

Ushbu 16 ta tuman va shahar hokimlariga hayfsan e’lon qilindi.

⚖@Yurist_Akmalov👈