Yaasin.uz

ТЎШАКДАН КАТТАРОҚДИР!
Муҳаббат тўшакда бошланмайди, балки у тўшакда тугайди. Йўлда муҳаббатни экмаганлар унинг мевасидан ҳеч қачон тотиб кўрмайдилар, тўймайдилар!
Бомдодга бориб сўнгра уни жойнамоз устида топиш, унинг қўйнига бош қўйиш, сизнинг сочингизни ўйнаб туриб тасбиҳ айтганида унинг овозини эшитиш учун тез қайтишни тажриба қилиб кўрганмисиз?!
Намозда унга имом ўтишни, намоздан сўнгра қиблага орқа қилиб ўтириб унинг қўлидан тутиб тасбиҳларни унинг бармоқ бўғимлари билан санашни тажриба қилиб кўрганмисиз?!
Рамазонда рўза тутганингизда битта хурмони иккига бўлиб ярмини оғзингизга солиб, қолган ярмини унинг оғзига солиб, унинг оғзидаги бўлакни сизникидан ширинроқ эканлигини ҳис қилишни ҳеч синаб кўрганмисиз?!
Унинг ғазабини чиқариб, сўнгра уни хурсанд қилиш учун: “Мен учун сендан бошқа борадиган жой йўқ!”, дейишни ҳеч синаб тажриба қилиб кўрганмисиз?!
Сизнинг ғазабингизни чиқарганида сизга овқат тайёрлаб: “Токи сиз емагунингизча мен ҳам емайман!”, деган ҳолатни ҳеч синаб кўрганмисиз?!
У билан телефонларни ўчириб қўйиб, дунёни ортингизга улоқтириб, кечаси бедор бўлиб Аллоҳга ибодат қилишни, у билан болалар каби ўйнашни, унинг оғзига луқма солишни, унинг қўлидан овқат ейишни, нархларни кўтарилишидан тортиб Американинг ёнишига бўлган воқеалар ҳақида суҳбатлашишни тажриба қилиб кўрганмисиз?!
Машинингизни ҳайдаб кетаётиб унинг қўлидан тутганмисиз, унга кўчадан гул сотиб олиб совға қилганмисиз?!
Кўйлагингиз тугмасини қадаётганида унинг кўзларига яқиндан қараганмисиз?!
Кўчага чиқаётганингизда онангиз каби “қалинроқ кийиниб чиқинг, шамоллаб қолманг тағин”, дея сизга ғамхўрлик қилишини ҳеч тажрибангизда кўрганмисиз?!
У билан бирга овқат қилишни, кийим ювишни ҳеч синаб кўрганмимиз?!
Синаб кўрганмисиз…..?!
Буларни синаб кўринг. Сўнгра натижасини кўрасиз. Тўғри, эр ва хотин етиб борадиган охирги манзил тўшак, аммо турмуш қуриш тўшакдан каттароқдир!!!

Abdulqodir Samarqandiy | @YaasinUz

Ажрашиб қайта уйланмоқчи бўлган йигит Ўзбекистондаги никоҳ бозорига кириб ўзини таклиф қилди. Онлайн ва офлайн совчиликдан фойдаланиб номзодлар билан учрашиб гаплашмоқда. Ажрашган боласиз бир аёлнинг уйига борди. Йигитнинг онаси, синглиси ва ўша аёл Тошкентдан олис вилоятга йўлга чиқди.

Қизнинг ота-онаси совчилар келаётганидан хабари бор. Айтилган вақтдан ҳам ярим соат кечикиб борган. Аммо уй иситилмаган, уй соҳиблари ҳеч қандай тайёргарлик кўрмаган.

Қизнинг отаси лоақал йигитнинг исмини ҳам сўрамаган фақат ўзини мақтаган.

Эртасига меҳмонлар яна қизни олиб Тошкентга қайтган. Йигитнинг онаси кўнгли совиб бўлган аммо майли қизи яхши бўлса қилаверамиз деб ўйлаган.

Аммо қиз йигитга телфон қилиб мени шифохонага олиб боринг деган. Кечагина номаҳраммиз, эҳтиёт бўлайлик гаплашмайлик деб турган қиз нега бунчалик ўзини яқин оляпти деб ҳайрон бўлган йигит ва узр вақтим йўқ, барибир сизга ҳеч нарса қилиб беролмайман деса ҳам қиз қистайверган, йигит асабийлашишни бошлаган ва яна рад қилган. Қиз эса йигитни маломатлаб айблашни бошлаган, сизни синамоқчи эдим, сизга суянса бўладими йўқми билмоқчи эдим деб ҳамма айбни йигитга ағдарган.

Йигит айтмоқда:
— Айрим ўзбек аёлларидан кўнглим совиб кетди, ниҳоятда маккор алдамчи писмиқ бўлиб кетибди. Ҳали никоҳланмай туриб шунчалик бўлса никоҳдан кейин ва айниқса битта болали бўлиб олса бошимда ёнғоқ чақса керак ва бекорга ажрашмаган бўлса керак. Фейк сурат жўнатиш, ҳали тегмасдан туриб эговлаш, пул сўраш, ўзини бутунлай оппоқ кўрсатиб ўзгани айблаш хуллас ниҳоятда муаммолари кўп экан, қизиқишим сўнди. Буларга тўғрисини айтсанг ёқмас экан, алдаш ёлғон ваъдалар бериш керак экан. Шунчалик комплексларга тўлиб кетганини кўриб ҳайрон қолдим. Булар эрга тегмай шундай юравергани маъқул экан, бекорга шундай ҳолда бўлмаса керак деб ўйлаб ачинмай қўйдим.

Fayzuddin Mumin | @YaasinUz

O'kinmang!
Chunki o'kinch shaytondandir. O'kinish umidsizlikka, tayyor faqirlikka, va tushkunlikka olib keladi.

@YaasinUz | "O'kinma"

Кечирдим дейиш ёлғонми дейман…

Ҳеч ким қалбидан хотиржамликни тортиб олган кишини унутолмаса керак!

Abdulqodir Samarqandiy | @YaasinUz

2024, men sendan nafratlanmayman. Lekin sen oson yil bo’lmading. Hayotimni qiyinchiliklar, sinovlar va saboqlar bilan to’ldirding. Menga hayot bir lahzada butunlay o'zgarib ketishi mumkinligini ko'rsatding. Lekin eng muhimi, salomatlikning, xoh u jismoniy yo ruhiy bo'lsin, qadriga yetish kerakligini tushuntirding.

Sen har bir savolga darhol javob topish oson emasligini, har bir yakun esa yo’qotish emasligini o’rgatding. Yiqilish hammasi tugadi degani emas ekan. Ba’zan, bu hayotning yangi imkonlar yaratishi uchun kerak bo’lar ekan.

Yo‘q, men sendan nafratlanmayman. Lekin hali kechira olmayman ham. Sen meni yuzlashishni xohlamagan haqiqatlar tomon olib kelding. Hali his qilishga tayyor bo‘lmagan yo‘qotishlarni boshdan kechirdim. Menga hali bitmagan jarohatlar va tushunarsiz bo‘laklar qoldirding. Yorug‘lik hali ko‘rinmayapti. Qorong'ulik.

Lekin, ehtimol, sening asosiy darsing shu edi: sen meni tuzatish yoki qutqarish uchun kelmading. Sen hayotning oldindan aytib bo’lmas, shafqatsiz va adolatli ekanligini tushuntirish uchun kelding. Meni qayta qurib bermading. Faqat o’zimni qayta qurish tanlovi bilan yolg’iz qoldirding.

Rahmat senga, 2024. Sen oson bo‘lmading, lekin zarur eding.

@YaasinUz 🖤

Odatda ko'pchilik yil so'nggida kelasi yil uchun rejalar tuzadi. O'zgarmoqchi bo'ladi. Ko'p holatlarda bu qisqa davom etadigan motivatsiya ta'sirida bo'lganligi sababli yil oxirigacha tuzilgan rejalarning katta qismi bajarilmay qolib ketadi.

Buning eng yaxshi yechimi realistik, bajarishga ko'zingiz yetadigan rejalar tuzish va davomiylikdir. O'zgarish bittada amalga oshmaydi, lekin toma-toma ko'l bo'lur )

Siz ham rejalar tuzib qo'ygandursiz-a, allaqachon?)

@YaasinUz

Shunchaki tushunmayman, tushuna olmayman.

Insonga bu umr, bu hayot bir martagina beriladi. Shu birgina umrni yolg'onlarsiz, marazliklarsiz, g'irromliklarsiz yashash nahotki qiyin?

- Nega bir inson boshqasining haqqini yeyishi kerak?

- Nega bir inson boshqasining yillar umrini o'g'rilashi kerak?

- Nega bir inson o'z shaxsiy manfaatlari yo'lida boshqalarning hayoti bilan o'ynashishi kerak?

Nahotki hayotni go'zal yashab o'tish shunchalar qiyin?

Savollar ko'p, ammo...

@YaasinUz

15-dekabr.

Bugun bir narsaga amin bo‘ldim: inson o‘z kunini tartibga solmas ekan, hayotida baraka bo'lmaydi. Intizom muhim. Keyin esa o‘yladim: kunni tartiblab olishni nimadan boshlash kerak?

Menimcha, buning uchun eng yaxshi qadam – uyqu rejimini tartibga keltirish. Har kuni erta yotib, ertalab barvaqt turish foydali. Avvaliga ko'nikish oson bo'lmaydi, oson bo‘lishi shart ham emas, lekin uddasidan chiqish muhim.

Shaxsan o'zim uchun, uyqu limitini 6 soat 30 daqiqa qilib chegaralamoqchiman. Mavzuga oid yana izlanishlar olib boraman, foydali ma'lumotlarni ulashib ham turarman balki.

Avval kunimizni, so'ngra hayotimizni tartibga solamizmi?
Birgamisiz?)

@YaasinUz

Bugun hali ertaga hammasi yaxshi bo‘lib ketadi deb e'tiqod qilib yashayotganimga o‘n yil bo‘libdi!

Fyodor Dostoevskiy

@YaasinUz 🖤