ИЗЛАБ ЮРИБМАН

Хозонрез боғларда кузлаб юрибман,
Иссиқ саратонда музлаб юрибман,
Ҳамон тополмадим сендақасини,
Сенга ўхшаган қиз излаб юрибман.

Севдим неча бора севгидан панд еб,
Ишқим азоб берди, ҳеч бермади зеб,
Ҳеч йўқ қош кўзлари ўхшаб қолар деб,
Сенга ўхшаган қиз излаб юрибман.

Юзи зеболардан зебомидинг айт,
Эртакларда қолган Зуҳромидинг айт,
Эй ёр дунёларда танҳомидинг айт,
Сенга ўхшаган қиз излаб юрибман.

Бунча жафо қилиб кетдинг эй малак
Менга керакмасди ўзингдан бўлак,
Ўксиб, ўксиб қўяр кўксида юрак,
Сенга ўхшаган қиз излаб юрибман.

Аламларим бисёр, дардим зиёда,
Гоҳо маҳаллангни кездим пиёда,
Ўзинг айт сендек қиз борми дунёда,
Сенга ўхшаган қиз излаб юрибман.

Э воҳ ҳайронаман тақдир ишига,
Девона кўриниб кўрган кишига,
Ўзим ҳам ишонмай топилишига,
Сенга ўхшаган қиз излаб юрибман.

Хуршид Карим


22.11.2024



(қўшиқ учун 941309110
951208189)



t.me/Xurshid_Karim