XORAZMBUGUN/24| РАСМИЙ КАНАЛ️

☪️ Рўзадор деб кимни айтилади?

💐 Рўзадор – тана аъзоларини гуноҳдан тийган киши.
💐 Тилини ёлғон, фаҳш ва сохта нарсалардан сақлаган киши.
💐 Қорнини овқат ва ичимликлардан, фаржи(жинсий аъзоси)ни жинсий қовушишдан сақлаган киши.
💐 Гапирса, рўзасига жароҳат етказадиган сўзни сўзламайди.
💐 Бирор ишни бажарса, рўзасини бузадиган ишга қўл урмайди.
💐 Сўзларининг барчаси фойдали ва яроқли бўлади.
💐 Шунингдек, бажарган барча ишидан шундай бир ифор таралсинки, суҳбатдоши унинг ҳидидан баҳраманд бўлсин.
💐 Ким рўзадор билан бирга ўтирса, унинг суҳбатидан манфаат олсин.
💐 Ўтирган киши сохталик, ёлғон, бузуқлик ва зулмдан омонда бўлсин.
💐 Мана шу фақат таом ва ичимликдангина тийилинмаган ҳақиқий рўзадир.
💐 Рўза аъзоларнинг гуноҳдан тийилишидир.
💐 Қориннинг таом ва ичимликдан тийилишидир.

❗️ Таом ва ичимлик рўзани очиб, бузгани каби, гуноҳлар ҳам унинг савобидан маҳрум қилади. Оқибатда уни рўза тутмаганлар қаторига қўшиб қўяди.

Web sayt | 📷Instagram | 📱Telegram | 📺YouTubе

Шавкат Мирзиёев давлат ташрифи билан Парижга етиб борди

Аэропортда олий мартабали меҳмон шарафига икки мамлакат давлат байроқлари кўтарилди, фахрий қоровул саф тортди.

Полшада ўзбекистонликларнинг тана аъзоларини сотган аёл қўлга олинди

Полшада украиналик аёл 56 та инсон буйрагини сотгани учун қўлга олинди — қурбонлар орасида ўзбекистонликлар ҳам борлиги айтилмоқда. 

35 ёшли Ксения Перемишлидаги темир йўл назорат пункти орқали мамлакатни тарк этишга уринди, бироқ Интерпол уни тўрт йилдан кўпроқ вақт давомида қидиргани маълум бўлди, деб ёзади Gazeta.pl нашри
Ҳуқуқ-тартибот идоралари аниқлаганидек, украиналик аёл 2017 йилдан 2019 йилгача ноқонуний равишда инсон аъзоларини олиб-сотган жиноий гуруҳ аъзоси бўлган.
Қозоғистон суди аёлни сиртдан 12 йилга озодликдан маҳрум қилди. 

Орган савдоси қурбонлари Қозоғистон, Арманистон, Озарбайжон, Украина, Қирғизистон, Тожикистон, Ўзбекистон ва Таиланддан бўлган 56 кишидир. 

Ҳибсга олинганидан кейин Ксения прокуратурага олиб борилди ва сўроқ қилинди. Полша расмийлари аллақачон Қозоғистонга экстрадиция жараёнини бошлаган.

Web sayt | 📷Instagram | 📱Telegram | 📺YouTubе

🔥Эртага Боғот ва Урганч туманининг айрим ҳудудларида вақтинчалик газ бўлмайди.

“Боғот-1” газ тақсимлаш станциясидан табиий газ олувчи юқори босимли газ қувурида аниқланган газ сизиб чиқиш ҳолати бартараф этилиши сабабли эртага, 12-март куни соат 09:00 дан 17:00 гача куни Боғот туманининг Оқ тепа, Ҳуррият, Абу Райхон Беруний, Нурафшон, Ашхобод, Олтинқум, Обод, Нурлимаскан, Гулшан ва Кўна бирлашув маҳаллаларига табиий газ етказиб бериш вақтинча тўхтатилади.

Аҳоли истеъмолчилари сони - 8353 та
Улгуржи истеъмолчилари сони - 287 та

Урганч туманининг Ғалаба, Бахшилар, Орзу, Обод, Ҳилол, Қорамон, Беруний, Бешайвон, Уч кўприк ва Оқ ариклар маҳаллаларини табиий газ билан таъминловчи ўрта босимли газ қувурларида таъмирлаш ва тартибга келтириш ишлари сабабли эртага, 12-март куни соат 09:00 дан 18:00 гача ушбу маҳаллаларга табиий газ етказиб бериш вақтинча тўхтатилишини маълум қиламиз.

Аҳоли истеъмолчилари сони - 6243 та
Улгуржи истеъмолчилари сони - 46 та

Таъмирлаш ишлари тугатилгандан сўнг, табиий газ таъминоти қайта тикланади.

Web sayt | 📷Instagram | 📱Telegram | 📺YouTubе

⚡️Айрим шахсларнинг Ўзбекистондан чиқишига тақиқ қўйилиши мумкин

Гумонланувчи, айбланувчи ёки судланувчиларнинг суриштирув, дастлабки тергов ёхуд суддан узрли сабабларсиз бўйин товлаши мумкинлигидан келиб чиқиб, Ўзбекистондан чиқиб кетишини вақтинча чеклаш таклифи киритилди.

Ушбу қонун лойиҳаси биринчи ўқишда муҳокама қилинди. Бу ҳақда Миллий тикланиш партияси ахборот хизмати маълум қилди.

Маълумотларга кўра, сўнгги 4 йилда жиноят содир қилиб, тергов ва судлардан яширинган 40 мингга яқин шахсга нисбатан қидирув эълон қилинган ва уларнинг қарийб 45 фоизи Ўзбекистондан ташқарига чиқиб кетган.

Web sayt | 📷Instagram | 📱Telegram | 📺YouTubе

ХОРАЗМДА САХОВАТ ТАДБИРЛАРИ ИЗЧИЛ ДАВОМ ЭТЯПТИ

«Рамазон – саховат, бирдамлик ва бағрикенглик ойи» ғояси асосида Рамазоннинг ўнинчи куни ҳам хайр-саховат тадбирлари амалга оширилди.
Урганч шаҳар бош имом-хатиби Ҳасанбой домла Кенжаев томонидан ҳомийларни жалб қилган ҳолда ёлғиз кексалар, боқувчисини йўқотган оилалар, ногирон парваришланаётган хонадонлар, эҳтиёжманд кишилар ҳолидан хабар олиниб, озиқ-овқат маҳсулотлари тарқатилди.

Ислом дини моҳиятида мужассам бўлган барча фазилатлар асрлар оша башариятни ҳидоятга чорлаб келмоқда. Айниқса, муборак динимизнинг эзгулик, хайру саховат, меҳр-оқибат, мурувват каби олижаноб ғоялари жамиятда инсонпарварлик, бағрикенглик муҳити мустаҳкамланишига хизмат қилмоқда.

Хоразм вилояти бўйлаб саховат тадбирлари давом этади.

Web sayt | 📷Instagram | 📱Telegram | 📺YouTubе

Шавкат Мирзиёев Эммануел Макроннинг таклифига биноан Франсияга жўнаб кетди

Web sayt | 📷Instagram | 📱Telegram | 📺YouTubе

Хоразм вилояти Республикада энг кам жиноят содир этилаётган ҳудудлар қаторида.

2024-йили Ўзбекистондаги судларда 61 481 та жиноий иш кўриб чиқилди. Бу ҳақда Олий суд маълумот берди.

Йил давомида жиноят ишлари бўйича судларда охирги беш йилликдаги энг кўп — 77 995 киши судланган. Улар содир этган жиноятларнинг ижтимоий хавфлилик даражаси турлича.

Хусусан, 31 212 шахс (40 фоиз) ижтимоий хавфи катта бўлмаган, 19 688 фуқаро (25 фоиз) унча оғир бўлмаган жиноятлар содир этган. Қарийб 22 951 киши (29 фоиз) оғир, 4 144 киши (5 фоиз) ўта оғир жиноят содир этган.

Биринчи инстансия судларида энг кўп кўриб чиқилган жиноят ишлари Тошкент шаҳрида қайд этилган — 9 886 та. Энг кўп судланганлар ҳам пойтахда — 12 038 нафар.

Кейинги ўринда Тошкент вилоятида жиноят ишлари бўйича судланганлар сони бошқа ҳудудларга нисбатан сезиларли юқори — 10 238 нафар.

Судланганларнинг 402 нафари қасддан одам ўлдириш, 2 780 нафари қасддан баданга оғир ёки ўртача тан жароҳати етказиш, 272 нафари номусга тегиш, 336 нафари босқинчилик, 833 нафари талончилик жиноятларини содир этган.

Қуйидаги турдаги жиноятларга энг кўп қўл урилган:

Ўзлаштириш ёки растрата йўли билан талон-торож қилиш (ЖК 167-моддаси) — 6 042 киши;
Ўғирлик — 8 321 киши;
Ҳаракат хавфсизлиги қоидаларини бузиш — 3 221 киши;
Гиёҳвандлик билан боғлиқ жиноятлар — 8 373 киши;
Безорилик 3 223 киши.

Ўтган йили республикада қарийб 20 655 шахсга озодликдан маҳрум қилиш жазоси тайинланган. Бу охирги беш йилликдаги рекорд рақамдир. Жумладан, 2020-йилда 7107 киши, 2021-йилда 12 922 киши, 2022-йилда 17 610 киши, 2023-йил 17 391 киши озодликдан маҳрум этилган.

2024-йилда ҳудудлар кесимида озодликдан маҳрум этиш жазоси тайинланган энг кўп шахслар сони Тошкент шаҳрида қайд этилган — 3 890 нафар. Шу билан бирга, Тошкент (2 455 киши) ва Фарғона (2 311 киши) вилоятларида мазкур кўрсаткич юқори бўлган.

Энг кам кўрсаткич эса Қорақалпоғистонда (577 нафар) кузатилган.

Web sayt | 📷Instagram | 📱Telegram | 📺YouTubе

Мигрантлар пул юбормаса, Ўзбекистонда камбағаллик кескин ошади — Жаҳон банки

Жаҳон банки Европа ва Марказий Осиё минтақасидаги миграция масалалари бўйича янги тадқиқотни тақдим этди.

Таҳлил қилинишича, бугун 100 миллион нафар мигрант Европа ва Марказий Осиёда яшайди. Бу дунёдаги жами мигрантларнинг учдан бир қисмига тенг.

“2023-йил ҳолатига кўра, тожикистонлик ва қирғизистонлик меҳнат муҳожирларининг 80 фоиздан ортиғи Россияга йўл олган.

Ўзбекистонлик муҳожирлар оқими кўпроқ диверсификацияланган: 57 фоизи Россияда, 15 фоизи Қозоғистонда ва 10 фоизи Украинада ишлайди”, дейилади тадқиқотда.
Марказий Осиёда меҳнат миграцияси миллионлаб фуқаролар учун асосий даромад манбаларидан бири бўлиб қолмоқда.

2024-йил ҳолатига кўра, меҳнат муҳожирларининг пул ўтказмалари Тожикистон ялпи ички маҳсулотининг 45 фоизини ташкил этди. Бу нисбий маънода дунёдаги энг юқори кўрсаткичдир.

Қирғизистонда пул ўтказмаларининг ЙИМдаги улуши 24 фоизга, Ўзбекистонда эса 14 фоизга етган.

“Қирғизистонда пул ўтказмалари оладиган уй хўжаликлари орасида камбағаллик даражаси 10 фоиздан кам, уларсиз эса 50 фоиздан ошган бўларди.

Ҳисоб-китобларга кўра, Ўзбекистонга пул ўтказмалари бўлмаганда мамлакатдаги камбағаллик даражаси 9,6 фоиздан 16,8 фоизга ошиши мумкин”, дея таҳлил қилинган тадқиқотда.

Жаҳон банки экспертлари Европа ва Марказий Осиё минтақасидаги миграция тенденсиялари ва уларнинг давлат сиёсатига таъсирини атрофлича таҳлил қилган.

Бунда оқилона бошқарув йўлга қўйилса, миграция икки минтақадаги ижтимоий-демографик номутаносибликларни бартараф этишда муҳим восита бўлиб хизмат қилиши мумкин.

“Бироқ, унинг иқтисодий салоҳиятидан ҳали тўлиқ фойдаланилмаяпти”, дейилади ҳисоботда.

Web sayt | 📷Instagram | 📱Telegram | 📺YouTubе

🕗 08:00

Фактик об-ҳаво

Шимолдаги икки маъмурий марказ Урганч ва Нукусда ҳарорат ноль даража атрофида совуқ кузатилмоқда.

Водий ва жанубий вилоят марказий шаҳарларида эса +10 даражадаги илиқлик кузатилмоқда.

Web sayt | 📷Instagram | 📱Telegram | 📺YouTubе

Бугун 11 март куни Шовот, Хонқа ва Урганч туманларининг айрим маҳаллаларига табиий газ етказиб бериш тўхтатилади

Шовот туманининг Арбек, Оқ кўл, Огаҳий, Моноқ, Тўқманғит ва Чиғатой маҳаллалари (соат 10:00 дан 17:00 гача )

Хонқа туманининг Нурафшон маҳалласи (соат 08:00 дан 17:00 гача)

Урганч туманининг Шодлик, Бўстон, Мевазор, Юқори Овул, Кўна Овул, Оқ олтин ва Гулобод маҳаллалари (cоат 09:00 дан 18:00 гача)

Авария ҳолати бартараф этилгандан сўнг табиий газ таъминоти қайта тикланади.

Web sayt | 📷Instagram | 📱Telegram | 📺YouTubе

Хоразмда МИБ ходими пора олаётганда қўлга тушди

Хоразм вилоятида Мажбурий ижро бюроси катта суриштирувчиси фуқарони МИБ тизимига ишга киритиб қўйиш эвазига 2 минг АҚШ доллари талаб қилди. Бу ҳақда Давлат хавфсизлик хизмати хабар берди.

Билдирилишича, ДХХ ходимлари томонидан Урганч шаҳрида ўтказилган тезкор тадбирда Мажбурий ижро бюросининг Хоразм вилояти бошқармаси Суриштирув ва маъмурий амалиёт шўъбаси катта суриштирувчиси ўз хизмат мавқеидан фойдаланиб, Шовот туманида яшовчи фуқарони ваколатли ҳамкасблари орқали МИБ тизимига ишга киритиб қўйиш эвазига 2 минг АҚШ доллари талаб қилиб, шундан 1800 АҚШ доллари олган вақтида ушланган.

Қайд этилишича, ҳолат юзасидан унга нисбатан Жиноят Кодексининг 25,168-моддаси (Фирибгарлик) 3-қисми “в” банди ва 211-моддаси (пора бериш) 1-қисми билан жиноят иши қўзғатилиб, тергов ҳаракатлари олиб борилмоқда.

Web sayt | 📷Instagram | 📱Telegram | 📺YouTubе