XORAZMBUGUN/24| РАСМИЙ КАНАЛ️

🇷🇸Сербиялик ҳимоячи Владимир Бубаня «Хоразм» таркибида кўрикдан ўтмоқда

35 ёшли футболчи «Олимпик-М» (3:1) клубига қарши ўйинда майдонга туширилди.

Владимир Бубаня 2024 йилда Суперлигада «Андижон» таркибида ўйнади ва мавсум якунига кўра йилнинг энг яхши футболчиларидан иборат рамзий терма жамоага киритилган эди.

Web sayt | 📷Instagram | 📱Telegram | 📺YouTubе

🧨🧨ДИҚҚАТ ҚИДИРУВ🧨🧨

Хонқа тумани ИИБ томонидан жорий йилнинг 29 январь куни Хонқа тумани Жаннатмакон махалласида жойлашган яшаш уйидан номаълум томонга чиқиб кетганлиги сабабли

БЕДАРАК ЙЎҚОЛГАН:

10.07.2008 й.т БОТИРОВА НОВОТЖОН БУНЁД ҚИЗИ қидирилмоқда.

Ушбу шахс тўғрисида бирон бир маълумотга ега бўлган ёки кўрган шахслар қуйида кўрсатилган телефон рақамларга мурожаат қилишлари сўралади.

Тел:+998623991802 +998991029102 +998937540017

Хамкорлигингиздан миннаддормиз!!!!!

Web sayt | 📷Instagram | 📱Telegram | 📺YouTubе

Президент Аи-80дан воз кечиш ва аҳолини арзон ёқилғи билан таъминлаш топшириғини берди

Президент фармони билан, масъулларга 2025 йил охирига қадар Аи-80 бензини сотувини чеклаш учун “барча куч ва воситаларни сафарбар этиш” топшириғи берилди. Фармонга кўра, бу жараёнда аҳоли сифатли, экологик тоза ва арзон ёнилғи билан таъминланиши керак.

Президент фармони билан, 2025 йилги давлат дастури тасдиқланди.

Фармонга кўра, 2025 йил якунига қадар қуйидаги икки вазифаси ижроси учун барча куч ва ресурслар сафарбар этилади:

аҳолини сифатли, экологик тоза ва арзон ёнилғи билан таъминлаган ҳолда, Аи–80 русумли автомобил ёнилғисиданфойдаланиш ва сотишни чеклаш;
республиканинг барча ҳудудларида жойлашган иссиқлик ва электр энергияси ишлаб чиқариш корхоналарига ёнилғи сифатида мазутдан фойдаланишни тўлиқ тақиқлаш (авариявий ёнилғи сифатида Экология вазирлигини хабардор қилиб, Вазирлар Маҳкамаси билан келишган ҳолда фойдаланиш ҳолатлари бундан мустасно).

Эслатиб ўтамиз, 2024 йил 24 сентябр куни қабул қилинган президент қарори билан, Тошкент шаҳри ва унга туташ Тошкент вилоятининг ҳудудларида жойлашган иситиш ва электр энергия ишлаб чиқариш корхоналарида ёнилғи сифатида мазутдан фойдаланишни 

2030 йилдан 

бошлаб тақиқлаш, Евро–4 стандартидан паст ёнилғиларни босқичма-босқич чеклашни эса 2028 йилдан

 

бошлаш 

белгиланган

 эди.

Web sayt | 📷Instagram | 📱Telegram | 📺YouTubе

Картадан картага пул ўтказмоқчи бўлсангиз шахсни тасдиқлаш мажбурий бўлади.

7 февралдан бошлаб Ўзбекистонда барча банклар ва тўлов ташкилотларининг мобил иловаларида идентификациядан ўтмаган мижозлар картадан картага пул ўтказа олмайди!

Қандай қилиб идентификациядан ўтиш мумкин?
1️⃣ Мобил иловангизни очинг
2️⃣ «Идентификациядан ўтиш» тугмасини босинг
3️⃣ Паспорт маълумотларингизни киритинг
4️⃣ Юзни сканер қилинг (Face ID)

ЯҚИНЛАРНИ ОГОҲЛАНТИРИНГ

Web sayt | 📷Instagram | 📱Telegram | 📺YouTubе

Ер ҳарорати рекорд даражада исимоқда

Америкалик олим Жеймс Ҳансен ва унинг ҳамкасблари глобал исиш тобора кучайиб бораётганини маълум қилди. Уларнинг бу ҳақдаги тадқиқоти “Environment: Science and Policy for Sustainable Development” журналида эълон қилинди.

Тадқиқотчиларнинг хулосалари илмий жамоатчилик орасида баҳсли бўлиб қолаётган бўлса-да, Copernicus дастури ҳисоб-китобларига кўра, 2025 йил январь ойи 2024 йилнинг шу ойига нисбатан 0,09 даража (0,16°F) иссиқ бўлди. 2024 йилнинг январи эса шу пайтгача кузатилган энг иссиқ январь бўлиб, ўртача ҳарорат саноатгача бўлган даврдаги кўрсаткичдан 1,75 даража (3,15°F) юқори бўлганди.

Бундан ташқари, сўнгги 19 ойдан 18 тасида глобал ҳарорат халқаро келишувларда белгиланган 1,5 даража (2,7°F) чегарасига етган ёки ундан ошиб кетган.

Нима сабабдан глобал ҳарорат ошмоқда?

Мутахассисларнинг таъкидлашича, асосий сабаб атмосферада иссиқхона газларининг тўпланиши. Бироқ табиий омиллар кутилганидан бошқача таъсир кўрсатмоқда. Европа метеорология агентлигининг иқлим бўйича стратеги Саманта Берджесснинг тушунтиришича, экваториал Тинч океанидаги табиий ўзгаришлар одатда глобал ҳароратга катта таъсир қилади.

Масалан, Эль-Ниньо (Марказий ва Шарқий тропик Тинч океанида денгиз сатҳининг ҳарорати кўтарилиши билан боғлиқ табиий иқлим ҳодисаси) кучайганда глобал ҳарорат кескин кўтарилади. 2024 йилда кучли Эль-Ниньо кузатилган бўлса-да, у июнь ойида тугаган, бироқ йил рекорд даражада иссиқ бўлган.

Web sayt | 📷Instagram | 📱Telegram | 📺YouTubе

Қайси раҳбар рақамлаштиришни кечиктирса, очиқлик сиёсатимизга қарши чиққан бўлади, — Президент

Президент Шавкат Мирзиёев хизматлар соҳасида рақобатбардошликни ошириш бевосита ҳудуд ва тармоқларни рақамлаштириш даражаси билан боғлиқлигини таъкидлади.

Кадастр агентлигига кўчмас мулк манзилларининг ягона реестрини тез фурсатда охирига етказиш, Транспорт вазирлигига барча турдаги йўловчи транспортига чипта олиш имконини берадиган ягона платформани ишга тушириш кечикаётгани кўрсатиб ўтилди.

“Такрор айтаман. Қайси раҳбар рақамлаштиришни кечиктирса – очиқлик сиёсатимизга қарши чиққан бўлади”, - деди Президент видеоселектор йиғилишида.

Web sayt | 📷Instagram | 📱Telegram | 📺YouTubе

❗️Diqqat! Texnikalarga Arzon narxlarda "Mega Taklif" davom ettirildi!

⚡️Redmi 14C (4/128) - 89 000 so'mdan
⚡️32" SONOR Smart TV - 69 000 so'mdan
⚡️Loretto 6kg Kir yuvish mashinalari - 139 000 so'mdan
⚡️Ferre Gaz plita - 99 000 so'mdan
⚡️Premier Holodilnik- 99 000 so'mdan
⚡️TECNO Spark Go1 (3/64) - 69 000 so'mdan
⚡️TECNO Spark 30C (4/128) - 89 000 so'mdan
⚡️HONOR X6b (4/128) - 109 000 so'mdan
⚡️Honor X7c (6/128) - 119 000 so'mdan
oyma oy to'lovga*

😎 Boshlang'ich to'lov - YO'Q
😎 Ortiqcha % lar - YO'Q
😎 Kafillar kerak emas - YO'Q

📞 71-230-7799 | Chat

🇺🇿 Adres | Do'konlarimiz

KATTA CHEGIRMALAR | Instagram

Миллий гвардияга вояга етмаганлар билан боғлиқ ҳуқуқбузарликлар учун маъмурий жазо қўллаш ваколати берилди

Миллий гвардиянинг Болалар билан ишлаш бошқармаси ҳамда унинг ҳудудий бўлинмалари ҳарбий хизматчилари ва ходимларига маъмурий ҳуқуқбузарликлар тўғрисидаги ишларни кўриб чиқишга ҳамда маъмурий жазо чораларини қўллашга доир ваколатлар берилди.

Маъмурий жавобгарлик тўғрисидаги кодексга киритилган ўзгартириш билан Миллий гвардияга вояга етмаганлар билан боғлиқ ҳуқуқбузарликлар учун маъмурий жазо қўллаш ваколати берилди.

Ҳужжат билан Миллий гвардиянинг Болалар билан ишлаш бошқармаси ҳамда унинг ҳудудий бўлинмалари ҳарбий хизматчилари ва ходимларининг маъмурий ҳуқуқбузарликлар тўғрисидаги ишларни кўриб чиқишга ҳамда маъмурий жазо чораларини қўллашга доир ваколатлари белгиланишини назарда тутувчи ўзгартиришлар киритилмоқда.

Web sayt | 📷Instagram | 📱Telegram | 📺YouTubе

Ўзбекистон АҚШга 7 та вертолётни топширди

Расмий Тошкент афғон ҳарбий учувчилари 2021 йилда “Толибон” ҳаракатидан қочиш учун Ўзбекистонга учиб келган еттита Black Hawk вертолётини АҚШга топширди. Бу ҳақда америкалик дипломатик манбаларга таяниб, “Америка овози” хабар берди.

Қобулдаги бугунги расмийлар вертолётларни Афғонистонга қайтаришни талаб қилганди. АҚШ Президенти Дональд Трамп эса “Толибон”ни Америка қуролларини ватанларига қайтаришга чақирди.

АҚШ ва Ўзбекистон Афғонистондан ўтган авиатехникалар бўйича келишувга эришди. “Толибон” эса бундан норози

“Биз бу еттита вертолётни қайтариб бердик”, деган “France Presse” агентлигига АҚШнинг Тошкентдаги элчихонасидаги манба аввалроқ “Америка Овози” Ўзбек хизмати томонидан эълон қилинган хабарни тасдиқлаган ҳолда.

Нашр Пентагон расмийларига иқтибос келтирган ҳолда, Вашингтон сўнгги кунларда “Толибон” ҳужумидан қочган афғон армияси учувчилари 2021 йилда Ўзбекистонга учиб келган вертолётларини қайтариб олганини маълум қилган.

Web sayt | 📷Instagram | 📱Telegram | 📺YouTubе

Актёр Ҳусан Мусабоев 71 ёшида вафот этди

Ўзбекистонда хизмат кўрсатган актёр Ҳусан Мусабоев 71 ёшида вафот этди. Бу ҳақда Ўзбекистон Киноарбоблари ижодий уюшмаси хабар берди.
Ҳусан Мусабоев – таниқли ўзбек актёри ва театр арбоби.

У 1954 йил 10 июнда Тошкент шаҳрида таваллуд топган. 1976 йилда Тошкент театр ва рассомлик санъати институтини “Кино ва театр актёри” бўлимини тугатган.

Ҳусан Мусабоев ўзининг комедик роллари, хусусан, “Телевизион миниатюралар театри”даги роллари билан томошабинлар орасида танилган.

Шунингдек, у “Ўзбекистонда хизмат кўрсатган артист” унвонига сазовор бўлган. Ҳусан Мусабоев “Ажойиб хаёлпараст”, “Бозор кўрмаган йигит”, “Анора”, “Ҳаёт мамот”, “Мен бу мен”, “Ўғригина келин”, “Эр бермоқ – жон бермоқ”, “Жиблажибон”, “Алдамадим, ҳазиллашдим”, “Ана холос!”, “Супер хизматкор”, “Яша, хотин!” каби кўплаб фильмлардаги ўзига хос роллари билан томошабин меҳрини қозонган.

Web sayt | 📷Instagram | 📱Telegram | 📺YouTubе

Урганч туманида ўтказилган рейд тадбирлари давомида сувни ифлослантирган фуқарога 1 миллион 125 минг сўм жарима белгиланди

Хоразм вилоят прокуратураси ҳамда вилоят Экология, атроф-муҳитни муҳофаза қилиш ва иқлим ўзгариши бошқармаси Урганч туман бўлими давлат инспекторлари томонидан ўтказилган экологик назорат рейд тадбирлари жараёнида фуқаро Э.Х томонидан "Жайҳун" маҳалласи ҳудудида сувни муҳофаза қилиш режимини бузганлик ҳолати аниқланди.

Аниқланган ҳолат юзасидан фуқаро Э.Х га нисбатан Ўзбекистон Республикаси МЖтКнинг 72-моддаси 1-қисмига асосан маъмурий баённома расмийлаштирилиб, 1 миллион 125 минг сўм жарима белгиланди.

Web sayt | 📷Instagram | 📱Telegram | 📺YouTubе

Янгибозор туманида муҳофаза этиладиган табиий ҳудудлар режимини бузган ҳуқуқбузарга нисбатан 3 миллион 750 минг сўм жарима белгиланди

Хоразм вилоят прокуратураси ҳамда вилоят Экология, атроф-муҳитни муҳофаза қилиш ва иқлим ўзгариши бошқармаси Янгибозор туман бўлими давлат инспекторлари томонидан ўтказилган навбатдаги экологик назорат рейд тадбирлари давомида фуқаро А.Ж томонидан муҳофаза этиладиган табиий ҳудудлар режимини бузганлик ҳолати аниқланди.

Мазкур ҳолат юзасидан ҳуқуқбузарга нисбатан
Ўзбекистон Республикаси МЖтКнинг 82-модда 2-қисмига асосан маъмурий баённома расмийлаштирилиб, базавий ҳисоблаш миқдорининг 10 баробари яъни 3 миллион 750 минг соъм миқдорида жарима қоълланилди.

Web sayt | 📷Instagram | 📱Telegram | 📺YouTubе

⚡️ Россияда мигрантларга банкда ҳисоб очиш тақиқланади

Россияда эндиликда чет эл фуқаролари ва фуқаролиги бўлмаган шахслар учун ҳисоб рақамларини очиш тақиқланади. Бу ҳақда Риа Новости нашри хабар берди.

Хабарга кўра, 5 февралдан бошлаб Россияда қолиш учун қонуний асосга эга бўлмаган хорижликлар ва фуқаролиги бўлмаган шахсларга нисбатан чиқариб юбориш тартиби қўлланилади. Бундай фуқаролар назорат қилинадиган шахслар учун яратилган реестрга киритилади.

Ушбу режим остида бўлган чет элликлар Россия Федерациясини тарк этишлари ёки Россияда яшаш учун қонуний асосларга эга бўлишлари керак. Бу масала ҳал этилмагунча, уларга нисбатан бир қатор чекловлар қўйилади.

Аммо, бу қоидадан истиснолар мавжудлиги айтилмоқда. Реестрга киритилганлар қонун ҳужжатларида белгиланган мажбурий тўловларни тўлаш учун пул ўтказмаларини амалга оширишлари мумкин. Шунингдек, хорижий фуқаролар ва фуқаролиги бўлмаган шахсларнинг ҳисоб рақамларига ойига 30 минг рублдан кўп бўлмаган маблағ ўтказилишига рухсат берилган.

Web sayt | 📷Instagram | 📱Telegram | 📺YouTubе

Ўзбекистон ва Россия меҳнат миграциясини тартибга солишнинг янги механизмини жорий этади

Россияга кетаётган мигрантлар учун рухсатномалар олиш тартибини Ўзбекистон ҳудудига ўтказиш масаласини ишлаб чиқиш тезлаштирилади.

Шунингдек, патент учун тўлов иш берувчи ҳисобидан қопланиши режалаштирилмоқда. Рус тилидан имтиҳонни ҳам Тошкентда топшириш мумкин бўлади.

Ўзбекистон ва Россия ҳукуматлари меҳнат миграциясини тартибга солишнинг янги механизмини яратади, деб хабар қилдиВазирлар Маҳкамаси ҳузуридаги Миграция агентлиги матбуот хизмати
.
Агентлик директори Беҳзод Мусаев ва Россия Меҳнат ва бандлик федерал агентлиги (Роструд) раҳбари Михаил Иванков Москвада икки томонлама ҳамкорликнинг шу ва бошқа масалаларини муҳокама қилди.

Шунингдек, Россияда вақтинча ишлаш истагида бўлган фуқаролар учун Ўзбекистонда махсус ўқув марказларини ташкил этиш бўйича қўшма лойиҳаларни амалга оширишга қарор қилинди.

«Меҳнат ва бандлик федерал агентлиги иш берувчилар фаолиятини ўрганиш ва уларнинг ишончлилигини аниқлаш бўйича Миграция агентлиги билан ҳам яқиндан ҳамкорлик қилади», — дейилади хабарда.

Томонлар, шунингдек, ўзбекистонлик меҳнат мигрантлари Россияда яшаш ва ишлаш учун рухсатнома (патент) олиш учун ўз ватанида рус тилидан имтиҳон топшириши мумкинлиги тўғрисида келишиб олди. Ушбу имтиҳонни Сахаров номидаги кўп функцияли миграция марказининг Тошкент шаҳридаги филиалида топшириш мумкин бўлади.

У 2021 йилда пойтахтнинг Яшнобод туманидаги «Ишга марҳамат» мономаркази негизида очилган.

Web sayt | 📷Instagram | 📱Telegram | 📺YouTubе