Urganch shahar Maktabgacha va maktab ta'limi bo'limi rasmiy kanali.

Xorazm viloyati Urganch shahar 14-son maktab psixologi S.Shonazarova tomonidan "Zoʻravonlik nima?" mavzusida amaliy seminar oʻtkazildi.

Seminarda barcha maktab psixologlari faol qatnashdilar.

Xorazm viloyati Urganch shahridagi 5-son maktabning 10-"B" sinf oʻquvchisi Pirxonova Shahzoda Amerika elchixonasi tomonidan oʻtkazilgan 3 oylik "Self-defense camp for women and girls in Urgench" loyihasini tamomlab, sertifikatni qoʻlga kiritdi.

Xorazmlik 11-sinf o‘quvchisi frilanserlik ortidan 500 dollardan ziyod daromad topmoqda

Urganch shahridagi 5-sonli umumiy o‘rta ta’lim maktabining 11-sinf o‘quvchisi Javoxir Maqsudov yosh bo‘lishiga qaramay bugun zamonaviy kasblarni o‘rgangan holda o‘qish bilan bir maromda frilanserlik ortiqdan daromad topmoqda.

Javoxir 15 yoshidan zamonaviy kasblarni o‘rganish maqsadida dasturlash, kopirayting, grafik dizayn, mobilografiya, montajyorlik, vizual piar hamda SMM sohalarini mukammal o‘rganishni boshlagan.

“9 yoshimda otam uyimizga noutbuk olib kelib, uni boshdan oyoq tushunib, kompyuterda bemalol ishlaydigan bo‘ling, mabodo kompyuter ishdan chiqib qolsa ham, o‘zingiz ta’mirlab, barcha dasturlarni qanday ishlashini o‘rganib oling, deb qo‘limga topshirgan edilar. Shu mendan IT sohasini jiddiy o‘rganishga kirishishimga turtki bo‘ldi”

— deydi qahramonimiz.

Ayni vaqtda Javohir zamonaviy kasblarni o‘rganish ortidan, kreativ fikrlash qobilyati, ijodiy salohiyati sababli “KHISO” Olympiads School, "Urganch sohil bo‘yi uylari" qurilish kompaniyasi, “Unify” o‘quv markazi hamda Yoshlar ishlari agentligining Xorazm viloyati boshqarmasida frilanser sifatida faoliyat yuritib kelmoqda.

Ish beruvchilarga Javoxirning ishiga yondoshuvchi yoqqani sababli unga foydalanishi uchun eng zamonaviy texnologiya vositalarini ham olib berishgan.

Javoxirdan til bilish darajasi haqida so'raganimizda, IELTS'dan 6,5 balli borligini aytdi. Hozirda esa Javohir Westminster Xalqaro Universitiga o‘qishga kirish uchun tayyorgarlik ko‘rmoqda. Uning maqsadi AyTini yanada chuqur o‘rganish, uning yangi qirralarini kashf etish va yoshlarga o‘rgatishdan iborat.

"SIZ EKOLOGIYAGA OID QONUNLARNI BILASIZMI?" KO'RIK TANLOVINING URGANCH SHAHAR 2-SEKTOR BOSQICHI BO'LIB O'TDI.

2024-yilning 27-dekabr kuni O‘zbekiston  Respublikasi Vazirlar Mahkamasi  majlisining 54-son Bayonnomasining 2-ilovasi "Siz ekologiyaga oid qonunlarni bilasizmi?" Respublika ko‘rik tanlovini nizomi ijrosini ta‘minlash maqsadida, 2025-yilning 29-yanvar kuni Xorazm viloyati Urganch shahridagi 16-son umumiy o'rta ta'lim maktabida 14-17-yoshdagi o‘quvchilar o'rtasida "Siz ekologiyaga oid qonunlarni bilasizmi?" Respublika ko‘rik tanlovining Urganch shahar 2-sektor  bosqichi o‘tkazildi.

Ko‘rik tanlov natijalariga ko‘ra:
🥇-o'rin "Eko Kuchlar" jamoasi (16-maktab)
🥈-o'rin "Yosh ekologlar" jamoasi (11-maktab)
🥉-o'rin "Ekologiya posbonlari" jamoasi (28-maktab) egalladilar.